Tîtɛ 3:5 - Kɑɑ Fí

⁵ ɑ ɡɛ pɛkŋɛ luk. A ɡɛ pɔ́Ꞌɔ ɛ́ pɔɔ pɔ́ ŋɡɔ pɛkŋɛ ɡɛ mɛnu mi ɛ́ tʉ́ʉnɛ ndʉ́ŋndʉŋ pɔ́, lɑ́ ɛ́ mbíꞋŋɡɔ ɑ tsɑ́ɑ mɛjʉ́ŋ mɛkŋɛ. A kɑ suk mɛnu kɛpɔŋ mɛkŋɛ, ńdɛɛ nǔu Zẅikŋɛ Lɛ́ɛnɛ́nɛ ŋ́ɡɛ pɛ́ pí wɛkŋɛ nɛpí wɛ fí.

Tîtɛ 3:5 Кръстосани препратки

Mɑtʉ̈ɔ 3:11

Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ tsɛt ŋki, nɛlɔk ńnyɛt ŋɡɔ pʉʉ kúpmɛ mɑt. Lɑ́ ŋu ẅí ɑ nzʉʉ mɔ ḿbɔ́ ńtɔ́, ɡʉ ńtɔ́ yɛ́ ńníꞋ pʉɔ mbɔ̌ Zẅikŋɛ Lɛ́ɛnɛ́nɛ, ńníꞋ pʉɔ tsɛt múk. A tsɑ wɑ́ɑ, tɛ ŋ kɑ́ kuꞋ nɛsɔt mɛtɑp mɛ́ pɔ́.

Lúkɑ́shi 1:50

«A lɔ ŋ́ɡɛ nu sʉ́Ꞌnɛ nǔu pʉɔ pi pɔ́p ɡɛ́mtɛnɛ wɛ́, ḿbɛn ŋ́ɡɛ nǔu pɔ́ɔ pɔ́p nǔu mɛzuŋ mɛzuŋ

Lúkɑ́shi 1:54

A tɔ́ ńcẅɛ́lɛ́ pʉɔ-Íslɑyɛ̂l, ɡɑŋfɑꞋ pɛ́ A kɑ́ likŋɛ nɛnyɛt pɔ́ŋtʉ́m yɛ́ pɔ́,

Lúkɑ́shi 1:72

Yɔ pɑ́Ꞌ pɔŋtʉ́m-Sɛ́ kɑ zɛnɛ nǔu pɛmɑ̂ɑŋɡɑpnjẅɛt pɛkŋɛ, ɛ́ pɛn ḿbɔ́ lɔ́Ꞌnɛ, kẅíitɛ kɑɑ yinɛ kwɑꞋ Sɛ́ pɔ́p pɛ pɔ́p kɑ ɡwɑtnɛ,

Lúkɑ́shi 1:78

mbíꞋŋɡɔ ɑ sɛ́ ńdíŋɛ wɛkŋɛ sʉ́Ꞌnɛ, ḿbɛn ḿbɔ́ ńtsɑ́ɑ mɛjʉ́ŋ mɛkŋɛ tɛꞋ. A ɡɛ ńtúu ŋu ẅi ɑ ŋ́ɡɛ pɛkŋɛ luk, ŋɡɑŋ fú tʉ́nɛ́pú ńtɔ́ ḿbɔ́ kyɛꞌ,

Pʉɔ-Lɔ́mɑ 11:14

Mɔ sɛ́ ḿbɔ́ ɛ́fɑꞋ tsɛtsɛt pʉʉ, ḿbɔ́ ńtsɑ́ɑ ŋɡɔ pɔ́ɔpɛ́mɑ́ pɑ́ɑ pɑyúdɑ jʉ́ɔ mɛfɑꞋ-Sɛ́ nǔu pʉʉ lɔ́ŋ wɔp kɔ́Ꞌ, ńjí ŋɡɔ ŋ ɡʉ ŋ́ɡɛ Sɛ́ fú nǔu ŋ́ɡɛ pɛcɔ́ ntɑ́Ꞌ tsɛtsɛt pɔ́p luk.

Pʉɔ-Lɔ́mɑ 11:6

Ɛ́ lɑɑ ḿbɔ́ yi Sɛ́ kɑ ɡɑ́ fuꞋ fɛ̌ɛ yɔ́p, ńtsɔ́Ꞌ wɔ́p, mbɔ ɛ́ kɑ́ pɔ́ ńdɔk ḿbɔ́ ŋɡɔ pɔ́p kɑ ɡɛ yɛcɔ́ yúu sʉ́Ꞌnɛ pɔ́. Sɛ́ kɑ pɔ́ pɛ́Ꞌnɛ ɛ́fú pɔ nǔu yúu sʉ́Ꞌnɛ yi pɔ́p ɡɛnɛ lɑ ńtsɔ́Ꞌ wɔ́p, ḿbɔ́ mbɔ pɛ́ pɔɔ pɛn ŋ́ɡɔ ɑ ḿbɔ́ ńdɔk ŋ́ɡɑ́ fuꞋ fɛ̌ɛ yɔ́p pɔ́.

Pʉɔ-Lɔ́mɑ 12:2

Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.

Pʉɔ-Lɔ́mɑ 3:20

Ɛ́ pɑ́Ꞌɑ mbíꞋŋɡɔ ŋu kɛ́ lɑ́Ꞌ ńdɔk pɑ́Ꞌ ɑ cúnɛ ŋɡɔ ɑ ɡɛ yúu mi nɛpʉ́ʉ sɛ́ mbíkŋɛ, tʉʉ mbi Sɛ́ ḿbɔ́ ndʉ́ŋndʉŋ pɔ́. FɑꞋ-nɛpʉ́ʉ zɛɛ ḿbɔ́ nɛnyɛt pʉɔmɛsɔŋ ŋɡɔ pɔ́p jí ŋɡɔ pɔ́p ɡɛ nu kɛpɔŋ.»

Pʉɔ-Lɔ́mɑ 3:28

Pɛk zɛɛ ḿbɔ́ ńjí yɛ́k ŋɡɔ: Sɛ́ ɡɔ́ ńdíŋɛ ŋu ɑ pɔ́ ndʉ́ŋndʉŋ mbi yɛ́, ntɛ́ pɔ nǔu pɑꞋ ɑ zɑ́pnɛ tʉ́m yɛ́ nǔu Yɛ́su, ɛ́ kɑ́ fú nǔu pɑ́Ꞌ ɑ ɡɛnɛ yúu mi nɛpʉ́ʉ píkŋɛ́nɛ pɔ́.

Pʉɔ-Lɔ́mɑ 4:5

Lɑ́ ŋ́kɛ́ ŋ́ɡʉ nǔu ŋu ẅí ɑ kɑ́ lɔk pɔ mɛfɑꞋ mɛ́ pɔ́, ńzɑ́p pɔ ndɑꞋ tʉ́m yɛ́ nǔu Sɛ́ ẅí ɑ ɡɛnɛ ŋu kɛpɔŋ tsʉ́Ꞌ ŋu ẅi ɑ ndʉ́ŋndʉŋ mbi wɛ́, Sɛ́ lɔk pɔ́Ꞌɔ, ńtsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 9:11

Sɛ́ kɑ cú mbɔ̌ Lɛbɛ́kɑ ŋɡɔ, nduŋmbi mɔ́ɔ ɡʉ ŋ́ɡɛ ɛ́fɑꞋ mbɔ̌ wɛ nzʉʉ. Sɛ́ kɑ pɔ́ ńcú pɑ́Ꞌnɛ, mɑ́ wɔ́p pɛ́t pɔ́ shǔutɛ nǔu pɔ́p, mbɔ ɑ ŋ́kɑɑ pí wɔ́p lɑ pɔ́p jí nu sʉ́Ꞌnɛ kɛ yi kɛpɔŋ ɔɔ. Sɛ́ kɑ ɡɛ pɑ́Ꞌnɛ nɛlɔk ńnyɛt ŋɡɔ ɑ nɑ́ŋ ḿbɔ́ ŋ́ɡɛ pɔ yúu mi jʉ́ Sɛ́ sɛ́ ŋ́kɔŋ. A pɔ́ ŋ́ɡʉ tsɛtsɛt pʉɔ ńtsɔ́Ꞌ ŋu wɛ, mbɔɔ ɛ́fú pɔ́ nǔu nu sʉ́Ꞌnɛ yi ŋɡɑŋ ɡɛnɛ pɔ́.

Pʉɔ-Lɔ́mɑ 9:16

Pɛkŋɛ lɔk ńjʉ́ɔ ŋɡɔ Sɛ́ ɡɔ́ ńtsɔ́Ꞌ ŋu mbɔɔ fú pɔ nǔu pɑ́Ꞌ ŋɡɑŋ kɔŋnɛ pɔ́, ŋ́kɛ́ mbɔɔ fú nǔu pɑ́Ꞌ ŋɡɑŋ sɑ́Ꞌnɛ tʉʉ ŋ́ɡɛ yɛcɔ́ yúu pɔ́, ɛ́ fú pɔ nǔu pɑ́Ꞌ jʉ́ Sɛ́ tsɑ́ɑnɛ mɛjʉ́ŋ-ŋɡɑŋ.

Pʉɔ-Lɔ́mɑ 9:30

Pɛkŋɛ fú nǔu yɔ nu ńjʉ́ɔ ŋɡɔ kʉ̈ɔ́? Pɛkŋɛ jʉ́ɔ ŋɡɔ tɛ mbɑ pɑ́Ꞌ pʉɔ pi pɔ́p kɑ́ pɔ́ pɑyúdɑ pɔ́ ŋkɑɑ ŋ́kɛ́ ḿbɔ́ ńdɔɔ shʉ́ nɛpɔ́ pʉɔ pi pɔ́p ndʉ́ŋndʉŋ mbi Sɛ́ pɔ́, shʉ́ kɑ cẅɛt mbɔ̌ pɔ́p. Ɛ́ pɔ́ pɑ́Ꞌ pɔ́p kɑ zɑ́pnɛ tʉ́m yɔ́p nǔu Kɛlístɔ, Sɛ́ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́,

1 Kɔlɛ̂ŋtɛ 6:11

Ɛ́ pɑ́Ꞌ pɛcɔ́ pʉɔ tsɛtsɛt pʉʉ kɑ zɛɛ ḿbɔ́ pɔ́Ꞌɔ. Lɑ́ Sɛ́ kɑ suk mîmɑ́ mɛnu nǔu pʉʉ, ńdɔk wʉ́ʉ ŋ́ɡɛ pʉɔ pɛ́. Sɛ́ wɛkŋɛ kɑ lɔk Zẅikŋɛ yɛ́ ŋ́ɡɛ pʉʉ tsʉ́Ꞌ ḿbɔ́ pɔ pʉɔ pi pɔ́p ndʉ́ŋndʉŋ mbi yɛ́ ntɛ́ Tsɑpʉɔ Yɛ́su Kɛlístɔ. Pʉʉ ɡẅɛɛ mbʉʉ yʉʉ lɑ ńjí ŋɡɔ pʉʉ ńdɔk ŋ́ɡúꞋlɛ Tsɑpʉɔ.

Ŋɡɑlɑ̂t 2:16

Lɑ́ pɛk kɛ́ ḿbɔ́ ńjí ŋɡɔ ŋumɛsɔŋ kɑ́ ɡɔ́ ḿbɔ́ ndʉ́ŋndʉŋ mbi Sɛ́, ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ-Sɛ́ pɔ́. Ɛ́ píkŋɛ pɔ ŋɡɔ ɑ zɑ́p tʉ́m yɛ́ nǔu Yɛ́su Kɛlístɔ. Ɛ́ yúu mi ɛ́ kɑ ɡɛnɛ pɛk ɡúu zɑ́p tʉ́m yɛ́k nǔu wɛ́, pɑ́Ꞌ pɛk ɡʉ ḿbɔ́ pʉɔ pi Sɛ́ kɑ́ pɛ́t ńdíŋɛ wɔ́p pɑ́Ꞌ pʉɔ pi pɔ́p ndʉ́ŋndʉŋ pɔ́. Ɛ́ kɛ́ ɛ́fú pɔ nǔu pɑ́Ꞌ pɛk zɑ́pnɛ tʉ́m nǔu Kɛlístɔ, tɛ ɛ́ pɔɔ pɔ́ pɔ ŋɡɔ pɛk kúꞋlɛ nɛpʉ́ʉ pɔ́, mbíꞋŋɡɔ Sɛ́ kɑ zɛɛnɛ ńcú ŋɡɔ sɑ̌ɑ ŋu kɛ́ lɑ́Ꞌ ŋɡɔ ŋ́kuꞋ nɛpɔ́ ndʉ́ŋndʉŋ mbi wɛ́ ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ pɔ́.

Ɛ́fɛ̂zɛ 2:4

Lɑ́ Sɛ́ tsɑ́ɑ mɛjʉ́ŋ-pʉɔmɛsɔŋ tɛꞋ. A kɑ pɛn ńdɛɛ pɔ nǔu ntɛ́ yi ɑ kɑ lɔknɛ ŋ́kɔŋ wɛkŋɛ,

Ɛ́fɛ̂zɛ 4:23

Ɛ́ pɛn ḿbɔ́ ḿbíkŋɛ nǔu ŋkɔ̂ɔnɛ ŋɡɔ pʉʉ pɛ́m Sɛ́ kúpmɛ mɑt wʉ́ʉ, ɑ tsʉ́Ꞌ wɛ fí, mbɑ kwɑŋɛ yʉ́ʉ tsʉ́Ꞌ wɛ fí.

Ɛ́fɛ̂zɛ 5:26

ŋ́ɡɛ pɔ́Ꞌɔ, ńdɔk ɛ́fɑk cúꞋlɛ yɛ́ ŋ́ɡɑ́ mbɔ̌ Sɛ́. Ɛ́ ɡɔ́ ḿbɔ́, mbɔ ɑ lɔk ŋki ɛ́suk wɔ́p, ḿbɛn ńdɔk sẅiŋɛ ńcẅɛɛtɛ lɔ́Ꞌ nǔu pɔ́p.

Kɔlɔsíyɛ̂ŋ 3:10

Pʉʉ pɑ́Ꞌɑ, mbɔ pʉʉ kɑ tíi mɑt-ŋu fí, ḿmɑꞋ mbʉʉ pʉʉ. Ẅîwɑ́ mɑt fú mbɔ̌ Sɛ́. Jʉ́ niitɛ́nɛ ŋɡɔŋ ŋkɑ́ tsʉʉ nɛpɔ́ yi mɑt ɛ̂wɑ́ ɡʉ fí wɛ. Sɛ́ ɡɛ pɔ́Ꞌɔ, nɛpɔ́ yi pʉʉ ɡʉ tsuŋ ńjí wɛ́.

2 Timɔtɛ́ɛ 1:9

A kɑ ɡɛ pɛkŋɛ luk, ɛ́fúŋ wɛkŋɛ ńdɔk ŋ́ɡɛ pʉɔ pɛ́. A ŋ́kɑɑ ɡɛ pɔ́Ꞌɔ, ɛ́fú nǔu mɛfɑꞋ sʉ́Ꞌnɛ mi pɛkŋɛ fɑꞋnɛ pɔ́, ɑ kɑ ɡɑ́ pɑ́Ꞌ ɑ kɑ kwɑŋɛ́nɛ ḿbɛn ŋ́ɡɛ pɔŋtʉ́m yɛ́. A kɑ lɛɛ nǔu Yɛ́su Kɛlístɔ ńnyɛt pɔŋtʉ́m yɛ́ ɛ̂yɑ́ tɛ ndǔmbí pɛ́t pɔ kɛ́ pɔ́ ɡú.

Tîtɛ 3:4

Lɑ́ ŋkɑ́ yi Sɛ́ ẅi ɑ ɡɛnɛ pɛkŋɛ luk nyɛtnɛ ŋɡɔ tʉ́m yɛ́ pɔŋ, ɑ pɛn ŋ́kɔŋ pʉɔmɛsɔŋ lɑ́,

Ɛ́bɛlʉʉ 10:22

Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.

Ɛ́bɛlʉʉ 4:16

Pɔ́Ꞌɔ lɑ́, kɔɔ pɛkŋɛ mʉꞋlɛ nɛkẅɛ́Ꞌlɛ ŋ́ɡʉ nɛ́ zʉꞋ yi kɔꞋ-nɛfɔɔ-Sɛ́ zúꞋu, nɛlɔk pɔ́Ꞌɔ, ḿbɔ́ nɛjɔ́ŋ jʉ́ Sɛ́ ẅí ɑ ɡẅɛɛnɛ pɔŋtʉ́m. Pɛkŋɛ kẅɛ́Ꞌlɛ pɔ́Ꞌɔ, lɑ Sɛ́ tsɑ́ɑ mɛjʉ́ŋ mɛkŋɛ, ńnyɛt wɛkŋɛ nɛ́ pɔŋtʉ́m yɛ́, ḿbɔ́ ńcẅɛ́lɛ wɛkŋɛ nǔu ŋkɑ́ yi pɛkŋɛ jɑ́knɛ nɛɡɛ.

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,

1 Pyɛ̂ 2:10

Pʉʉ pi pʉʉ kɑ pɔ́ yɛcɔ́ ŋkɑ́, ḿbɔɔ pʉɔ-Sɛ́ pɔ́, pʉʉ kɑ tsʉ́Ꞌ mɔ́ pʉɔ pɛ́. Pʉʉ pinɛ pʉʉ ŋ́kɑɑ kɛ́ ńtsɑ́ɑ mɛjʉ́ŋ-Sɛ́ pɔ́ Sɛ́ kɑ kɛ́ mɔ́ ńtsɑ́ɑ mɛjʉ́ŋ mʉ́ʉ.

1 Pyɛ̂ 3:21

Ẅîwɑ́ ŋki kɑ pɔ́ lii cẅɛ́ɛŋki yi ɛ́ ɡɛnɛ pʉʉ luk ŋkɔ̂ɔnɛ lɑɑ. Pɛ́ kɑ́ pɔ́ ńdɔk ɛ́suk pɔ ntsɛ́llɛ́ nǔu mbʉʉ pɔ́. Ɛ́ pɔ́ pɔ nɛlɔk ńdɔ́ɔ mbɔ̌ Sɛ́ ŋɡɔ ɑ suk mɛtʉ́m mɛkŋɛ, ɛ́ pɔɔ pɛn ŋ́ŋɑk wɛkŋɛ pɔ́. Cẅɛ́ɛŋki lɔk pɔ́Ꞌɔ, ŋ́ɡɛ pʉʉ luk, ńdúꞋnɛ pɑ́Ꞌ Yɛ́su Kɛlístɔ kɑ zẅíimɛnɛ nǔu nɛvú.