Tîtɛ 3:3 - Kɑɑ Fí

³ Ɛ́ kɑ pɔ́ yɛcɔ́ ŋkɑ́ pɛkŋɛ ɡúu pɔ́ pɑɡɛ nu kɛ́ sɑ́ŋ, ḿbɔ́ pɑtʉʉtú mbɔ̌ Sɛ́, ḿbɔ́ pʉɔ pi pɔ́p fɑɑnɛ́nɛ ndúŋ, ḿbɔ́ pɛkwɑɑ mbɔ̌ yúu tsʉʉ yi mbʉʉ yɛkŋɛ tsʉ́ʉnɛ́nɛ wɛkŋɛ nɛtsɑ́ɑ mbɑ nɛɡɛ. Pɛkŋɛ kɑ pɔ́ pʉɔ ńzɑ́ɑ sɔ́ɔ, ḿbɔ́ ɡɑŋkɛɡʉ̈ɔꞋ, ḿbɑɑnɛ mɛmbʉʉ mɛkŋɛ tɛꞋ.

Tîtɛ 3:3 Кръстосани препратки

Mɑtʉ̈ɔ 21:29

A pʉ̈ɔt ŋɡɔ: «N dʉꞋ.» Ḿbɛn ńnɑ́ŋ, ŋ́kíi yúu mi ɑ lɑ́Ꞌnɛ ŋ́ɡɛ ɑ cú pɔ́Ꞌɔ, ŋ́ɡʉ nɛ́ ŋkɑ́Ꞌ.

Lúkɑ́shi 21:8

A tsɔ́Ꞌ ŋɡɔ: «Pʉʉ lɑk tú yʉ́ʉ, ḿbɑ́ɑ wʉ́ʉ nɛfʉꞋnɛ mɑt-pɛcɔ́ pʉɔ. MbíꞋŋɡɔ pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p pɔ́ ńcú ŋɡɔ mɔ pɔ́nɛ Nzɑ́Ꞌŋkʉ, ŋkɑ́ kuꞋ. Pɔ́p lɑɑ ńcú pɔ́Ꞌɔ, kɔɔ pʉʉ zúꞋ tɛ ńcʉ́ɔ nzʉʉ pɔ́p.

Jɑ̂ŋ 8:34

Yɛ́su pʉ̈ɔt mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, pʉɔtsʉʉ pinɛ pɔ́p ɡɛnɛ nu kɛpɔŋ, pɔ́p pɛkwɑɑ nu kɛpɔŋ.

Pʉɔ-Lɔ́mɑ 11:30

Ɛ́ kɑ pɔ́ yɛcɔ́ ŋkɑ́ pʉʉ pi pʉʉ kɑ́ pɔ́ pɑyúdɑ pɔ́, pʉʉ tʉʉ tú mbɔ̌ Sɛ́, lɑ́ ɛ́ kɛ́ ḿbɔ́ ŋkɔ̂ɔnɛ, mbɔ Sɛ́ kɑ tsɑ́ɑ mɛjʉ́ŋ mʉ́ʉ, mbíꞋŋɡɔ pɑyúdɑ kɑ tʉʉ tú mbɔ̌ wɛ́.

Pʉɔ-Lɔ́mɑ 6:12

Pɔ́Ꞌɔ lɑ́, ɛ́ kɑ́ pɔ́ ḿbíkŋɛ ŋɡɔ nu kɛpɔŋ pɛn ɛ́sɑ́Ꞌ mbʉʉ yʉʉ yi ɛ́ ɡʉ ŋ́ɡɛ ḿpfú pɔ́, pʉʉ pɑ́ɑ nɛpɛn ńnɑ́ mbʉʉ yʉʉ ɛ́ tsʉ́ʉnɛ wʉ́ʉ ńníꞋ tsɛt kɛɡʉ̈ɔꞋ.

Pʉɔ-Lɔ́mɑ 6:17

Pɛkŋɛ kɛ́ ŋ́ɡɑ́ pɑ́Ꞌlɑ́ mbɔ̌ Sɛ́, mbíꞋŋɡɔ pʉʉ kɑ pɔ́ yɛcɔ́ ŋkɑ́ ḿbɔ́ ŋkwɑɑ-nu kɛpɔŋ, pʉʉ ŋkɔ̂ɔnɛ, mbɔ pʉʉ lɔk tʉ́m yʉ́ʉ tsʉʉ, ḿbɛ́m yúu mi pɛ́ kɑ zíꞋnɛ wʉ́ʉ. Ɛ́ pɔ́ yi ɛ́ sɛ́ ḿbíkŋɛ ŋɡɔ pʉʉ piitɛ ńjí,

Pʉɔ-Lɔ́mɑ 6:22

Lɑ́ pɑ́Ꞌ ɛ́ kɛ́ ḿbɛn ḿbɔ́ ŋkɔ̂ɔnɛ, mbɔ Sɛ́ kíɛꞋ ŋkʉ-nu kɛpɔŋ nǔu pʉʉ, pʉʉ tsʉ́Ꞌ pɛkwɑɑ pɛ́ lɑ́, pii yi ɛ́ sɛ́ ńcẅɛt ɛ́ pɑ́Ꞌ Sɛ́ sɛ́ ńcẅɛ́lɛ wʉ́ʉ pʉʉ pɔ́ ŋ́ɡẅɛɛ tsẅɛ́-pʉɔ pɛ́, ɛ́ ɡʉ ŋ́ɡɛ ńtsʉ́Ꞌ nɛmɛkŋɛ pʉʉ ɡẅɛɛ luk kɛ́mɛ,

Pʉɔ-Lɔ́mɑ 6:6

Kɔɔ pɛkŋɛ likŋɛ ŋɡɔ: Pɛ́ kɑ tɛmtɛ Kɛlístɔ nɛ ndɛn ŋu ẅí ɑ kɑ pɔ́ nǔu pɛkŋɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ, nɛpɔ́ yi mɛtʉʉ yúu mi ɛ́ kɑ pɔ́ nǔu pɛkŋɛ, ńtsʉ́ʉnɛ wɛkŋɛ pɛkŋɛ ɡɛ nu kɛpɔŋ, ɛ́ ɡʉ ḿmɛ pɛkŋɛ pɔɔ pɛn ḿbɔ́ pɛkwɑɑ-nu kɛpɔŋ pɔ́.

2 Kɔlɛ̂ŋtɛ 12:20

N zɛɛ ḿbɔ́ ḿbɔ́k pɑꞋ m bɔ́ ŋɡɔ ńtɔ́ lɑ́Ꞌ pʉʉ, ńjʉ́ɔ pʉʉ pɔɔ pɔ́ nǔu ntɛ́ yi mɔ sɛ́ ŋ́kɔŋ pɔ́. Mɔ yɑ́ɑ ɡúu mbɔɔ pɔ́ nǔu ntɛ́ yi pʉʉ sɛ́ ŋ́kɔŋ pɔ́. Mɔ sɛ́ ḿbɔ́k ŋɡɔ mbɔ ŋ ɡɔ́ ńtɔ́ mɛntsu mɛntsu pɔ́ tsɛtsɛt pʉʉ, kɛ́ɡʉ̈ɔꞋ pɔ́ zúꞋu, cʉ́ɔk pɔ́ zúꞋu, nɛzɔŋ zʉꞋ pɔ́ zúꞋu, nɛkẅíi ŋu kɛpɔŋ pɔ́ zúꞋu, sẅíitɛ pɔ́ zúꞋu, ŋɑ́Ꞌlɛ mbʉʉ pɔ́ zúꞋu, ntɑ́kŋɛ pɔ́ zúꞋu.

Ŋɡɑlɑ̂t 6:3

Ŋu lɑɑ ŋ́kwɑŋɛ ŋɡɔ ɑ yúu, kɛ́ pɔ́ yɛ́tɛ́, mbɔ ɑ shɔtnɛ ɛ́fúklɛ túmbʉʉ yɛ́.

Kɔlɔsíyɛ̂ŋ 1:21

Pʉʉ yʉ́ʉ, pʉʉ kɑ pɔ́ yɛcɔ́ ŋkɑ́ ḿbɔɔ nɛjɔ́ŋ Sɛ́ pɔ́, ḿbɔ́ pɔ ŋɡɑ sɛsɑ, ḿbɔ́ pɛɡɑŋmbuu-Sɛ́, mbíꞋŋɡɔ pʉʉ kɑ pɔ́ ŋ́kwɑŋɛ nu kɛpɔŋ, ŋ́ɡɛ pɔ yɛ́tɛ́.

Kɔlɔsíyɛ̂ŋ 3:7

ɛ́ mɛnu mi pʉʉ kɑ pɔ́ ŋ́ɡɛ ŋkɑ́ yi mɔnɛ mɛnu kɛpɔŋ kɑ pɛ́tnɛ ɛ́sɑ́Ꞌ wʉ́ʉ.

2 Timɔtɛ́ɛ 3:13

Ŋ́ɡʉ nǔu pʉɔ kɛpɔŋ pɔ́p ɡɑŋfúklɛ ɡʉ ŋ́ɡɛ ńdɔk nu kɛpɔŋ ŋ́kẅiꞋ ŋ́ɡʉ pɔ nɛ́ mbi, ḿbɔ́ ɛ́fúklɛ pʉɔ, pɛ́ pɛn ḿbɔ́ ɛ́fúklɛ wɔ́p ɡúu.

2 Timɔtɛ́ɛ 3:6

Pɛcɔ́ pʉɔ tsɛtsɛt pɔ́p, ńjúk sɔ́ ŋ́kúu mɛndɑ́-pʉɔ, ɛ́shɔt mík-pɑŋɡɛ́ pi pɔ́p pɛ́mpɛ́mnɛ, ḿbɔ́ pi pɔ́p ɡɛnɛ mɛnu kɛpɔŋ tɛꞋ, mbʉʉ yɔp tsʉ́ʉnɛ wɔ́p nɛɡɛ yúu ntɛ́ nɛ́ ntɛ́.

Tîtɛ 1:16

Pɔ́p tʉ́ʉ ńcú ŋɡɔ pɔ́p jí Sɛ́, lɑ́ mɛnu mi pɔ́p ɡɛnɛ nyɛt ŋɡɔ pɔ́p kɑ́ jí wɛ́ pɔ́. Pɔ́p ɡɛ yúu mi ɛ́ shẅɛt shẅɛtnɛ, ńtʉʉ tú mbɔ̌ Sɛ́ tɛꞋ, mbɔ pɔ́p zɛɛ mbɔɔ ɡɛ nu sʉ́Ꞌnɛ pɔ́.

Tîtɛ 2:12

Yîyɑ́ ntɛ́ pɔŋtʉ́m sɛ́ ńzíꞋ wɛkŋɛ nɛmɛꞋ mɑt ẅí ɛ́ kɑ́ pɔŋ Sɛ́ pɔ́, mbɑ pɑ́Ꞌ pɛkŋɛ kɛ́ pɛn ŋ́ɡɛ yúu mi mbʉʉ yɛkŋɛ tsʉ́ʉnɛ́nɛ wɛkŋɛ ŋɡɔ pɛkŋɛ ɡɛ pɔ́. Pɛkŋɛ pɔ́ ndǔ yɔ mbí, ḿbɔ́ pʉɔ pí pɔ́p sɑ́ŋnɛ nu lɑ ŋ́ɡɛ, ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ńzúꞋ pɔ ndɑꞋ ntsu-Sɛ́.

Jɑ̂k 1:26

Ŋu lɑɑ ḿbɔ́ ŋ́kwɑŋɛ ŋɡɔ ɑ nǔu nu-Sɛ́, ntsu wɛ́ pɛn mbɔɔ pɔŋ, mbɔ ɑ fʉ́klɛ túmbʉʉ yɛ́. Wɛ nɛpɔ́ nǔu nu-Sɛ́ pɔ́ pɔ fɛ̌ɛ.

1 Pyɛ̂ 1:14

Pʉʉ zúꞋ ntsu-Sɛ́, pɑ́Ꞌ mbɔ́ŋkʉ̈ɔ́ pi pɔ́p zúꞋnɛ́nɛ, kɔɔ pʉʉ pɛn ḿbɛ́m mɛkwɑŋɛ kɛpɔŋ mi ɛ́ kɑ pɔ́ ɛ́sɑ́Ꞌ wʉ́ʉ ŋkɑ́ yi pʉʉ kɑ pɛ́tnɛ kɛ́ jí Kɛlístɔ pɛn ɛ́sɑ́Ꞌ wʉ́ʉ.

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 13:14

A kɑ lẅɑklɛ pʉɔmɛsɔŋ ndǔ tsɛ́tsɑ́Ꞌ nɛ́ ŋkʉꞋnɛ nu yi ɑ kɑ ɡɛnɛ mbi nduŋmbi nɑɑ. A kɑ píkŋɛ mbɔ̌ pʉɔ ndǔ tsɛtsɑ́Ꞌ ŋɡɔ pɔ́p ɡɛ tɛ́tɔ́k-nduŋmbi nɑɑ wɑ́, nduŋmbi nɑɑ ɛ̂wɑ́ kɑ lʉ́ɔ fʉ́ŋ lɑ́ ŋ́kɛ́ mbɔɔ pfú.

Mɛnu ɛ́ ńdɑ́Ꞌ ńcẅɛt 18:2

A lɔk ŋɡi tɛnnɛ ńcú ŋɡɔ: «A vu sɛ́. N cú ŋɡɔ ɑ vu sɛ́. N dɑꞋ mɑ́mɑ́ tʉ́sɔŋ-Mbɑbilɔ̂nɛ. Mbɑbilɔ̂nɛ tsʉ́Ꞌ lɑ́ njɛ́Ꞌ-mɛzẅikŋɛ kɛpɔŋ, ńtsʉ́Ꞌ ŋkɑɑ-mɛzẅikŋɛ kɛpɔŋ tsʉʉ, mbɑ yɛ́ pɛshʉ́ŋ pi nji nǔu pɔ́p nɛkwɛ́t, pɛ́ pɛn mbɔɔ wɔ́p kɔŋ,