Tîtɛ 3:1 - Kɑɑ Fí

¹ Kẅíitɛ pʉɔ-Kɛlístɔ ŋɡɔ pɔ́p ɡẅɛɛ nɛzúꞋ ntsu-pɑsɑ́Ꞌŋɡɔŋ pɔ́p pɑtsiinɛ ŋɡɔŋ, ŋ́ɡɛ yúu mi pɔ́p sɛ́ ḿbíkŋɛ, ḿbɛn ńnɑ́ŋ ńtʉ́ʉ pɔ nɛɡɛ mɛnu mi ɛ́ pɔŋnɛ.

Tîtɛ 3:1 Кръстосани препратки

Mɑtʉ̈ɔ 22:21

Pɔ́p pʉ̈ɔt mbɔ̌ wɛ́ ŋɡɔ: “Ɛ́ shʉ́-Kɑ́sɑ, lík pɛn ḿbɔ́ pɔ yɛ́.” Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: “Ɛ́ lɑɑ ḿbɔ́ pɔ́Ꞌɔ, pʉʉ ɡɑ́ yúu mi ɛ́ yɛ́ Kɑ́sɑ mbɔ̌ Kɑ́sɑ, ŋ́ɡɑ́ yɛ́ Sɛ́ mbɔ̌ Sɛ́.”»

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

Ɛ́fɛ̂zɛ 2:10

Pɛkŋɛ lɑɑ ḿbɔ́ kʉ̈ɔ́ ɔɔ, mbɔ pɛkŋɛ lúꞋnɛ pɔ Sɛ́. Sɛ́ kɑ lɛɛ nǔu Yɛ́su Kɛlístɔ ḿbɔ́ɔ wɛkŋɛ, nɛpɔ́ yi pɛkŋɛ ɡʉ ɛ́fɑꞋ mɛfɑꞋ sʉ́Ꞌnɛ mi jʉ́ Sɛ́ kɑ lɑ́Ꞌnɛ ńniitɛ ńzɑ́p pɑ́Ꞌ pɛkŋɛ ɡʉ ɛ́fɑꞋ.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

Kɔlɔsíyɛ̂ŋ 1:10

Pɔ́Ꞌɔ, pʉʉ kuꞋ nɛnɑ́ŋ nǔu ntɛ́ yi Tsɑpʉɔ sɛ́ ŋ́kɔŋ, ḿbɔ́ ŋ́ɡɛ pɔ yúu mi ɛ́ pɔŋnɛ wɛ́, ɛ́fɑꞋ mɛfɑꞋ sʉ́Ꞌnɛ mɛntɛ́ mɛntɛ́, ŋ́kẅiꞋ ńjí jʉ́ Sɛ́.

1 Timɔtɛ́ɛ 2:2

Pɛ́ sɛ́ ḿbúꞋ mbɔ́ mbɔ̌ Sɛ́ nǔu tú-pɛfɔɔ, tɛ mbɑ nǔu tú pɛcɔ́ pʉɔ pi pɔ́p sɑ́Ꞌnɛ lɑ́Ꞌ. Nɛpɔ́ yi pɛkŋɛ ɡʉ ńnɑ́ŋ sʉ́Ꞌnɛ, lɑ́Ꞌ yɛkŋɛ pɔ́ lɑ́Ꞌ mbɔ́tnɛ. Pɛkŋɛ pɔ́ pʉɔ pi pɔ́p ɡɛnɛ yúu mi ɛ́ pɔŋnɛ Sɛ́, ŋ́ɡẅɛɛ tsẅɛ́ ẅi ɛ́ ɡẅɛɛnɛ mɛkuꞋ.

1 Timɔtɛ́ɛ 4:6

Ɔ lɑɑ ḿbɔ́ ńzíꞋ pɔ́ɔpɛ́mɑ́ nɛ mɔnɛ mɛnu, mbɔ ɔ ɡʉ ḿbɔ́ kwɑꞋ ŋɡɑŋfɑꞋ-Yɛ́su Kɛlístɔ. Ɛ́ ɡʉ nǔu kwɑꞋ ɡu, nu Yɛ́su ɡɛ ɔ tsuŋ ńtɛntɛ pɑ́Ꞌ ɔ kúꞋlɛ mɔ́ nu yi pɛk kɑ zɑ́pnɛ tʉ́m nǔu sʉ́Ꞌnɛ mbɑ pɑ́Ꞌ ɔ kɑ zúꞋ nu nɛ́nẅín yi pɛ́ kɑ zíꞋnɛ wú lɑ́.

1 Timɔtɛ́ɛ 5:10

Ɛ́ píkŋɛ ŋɡɔ ɑ pɔ́ ẅí pʉɔ sɛ́ ḿbɛ́m wɛ́ mbíꞋ mɛfɑꞋ sʉ́Ꞌnɛ mɛ́, ɑ pɔ́ ẅi ɑ cúꞋlɛ́nɛ mbɔ́ŋkʉ̈ɔ́ pɛ́ sʉ́Ꞌnɛ, ḿbɔ́ ẅi ɑ ŋ́kúkŋɛ́nɛ pɛɡʉʉ njɛ́Ꞌ yɛ́, ẅí ɑ ɛ́suknɛ mɛku-pʉɔ-Kɛlístɔ, ḿbɔ́ ẅi ɑ ńcẅɛ́lɛ́nɛ pɛɡɑŋŋɡʉ̈ɔ́Ꞌ, ḿbɛn ḿbɔ́ ẅi ɑ ɡɛnɛ pɔ nu sʉ́Ꞌnɛ.

2 Timɔtɛ́ɛ 1:6

Ɛ́ yúu mi ɛ́ ɡɛnɛ m bɔ́ ŋ́kẅíitɛ wú ŋɡɔ, yúu mi ŋ kɑ zɑ́pnɛ mbɔ́ mɑ́ɑ tú ɡu, Sɛ́ ɡɑ́ fuꞋ fɛ̌ɛ yú, ɔ kuꞋ nɛɡɛ, kɔɔ nɑ́ ɛ́ lɛ́.

2 Timɔtɛ́ɛ 2:14

Mɔnɛ mɛnu tsʉʉ mi ɔ ɡẅɛɛ nɛkẅíitɛ mbɔ̌ pʉɔ tsʉʉ, ńtʉ́ʉ mbi Sɛ́ ɛ́sɑ́ɑnɛ sɑ́ɑnɛ́nɛ ɛ́sẅíi pʉɔ ŋɡɔ kɔɔ pɔ́p kɑ́t ńzɔŋ nu. Pɔ́p zɔŋ nu pɔ́Ꞌɔ, ɛ́ pɔɔ cẅɛ́lɛ́ nǔu yɛcɔ́ yúu pɔ́, tɛ ńtsʉ́Ꞌ pɔ́Ꞌɔ, mbɔ ɛ́ ḿbʉ́ʉpɛ pʉɔ pi pɔ́p zúꞋnɛ mîmɑ́ mɛnu pʉ́ʉpɛ́nɛ nzʉʉ Sɛ́.

2 Timɔtɛ́ɛ 2:21

Pɔ́Ꞌɔ, ŋu lɑɑ ḿbʉʉtɛ mbʉʉ yɛ nǔu mɛnu kɛpɔŋ mi ɛ fúnɛ nɛcú lɑɑ, mbɔ ŋɡɑŋ ɡʉ ḿbɔ́ pɑ́Ꞌ kɑ́ŋ yi pɛ́ tíknɛ sɛ́ pɔ nǔu lɛ́Ꞌ ɡwɛ́ lɑ́. Mbɔ ɑ ɡʉ ḿbɔ́ ŋu Tsɑpʉɔ fyɑknɛ wɛ́ ńdɔk ŋ́ɡɛ wɛ, ɑ cẅɛ́lɛ́ Tsɑpʉɔ wɛ, ɑ pɔ́ ŋu ẅí ɑ ɡɛnɛ nu sʉ́Ꞌnɛ tsʉʉ.

Tîtɛ 1:16

Pɔ́p tʉ́ʉ ńcú ŋɡɔ pɔ́p jí Sɛ́, lɑ́ mɛnu mi pɔ́p ɡɛnɛ nyɛt ŋɡɔ pɔ́p kɑ́ jí wɛ́ pɔ́. Pɔ́p ɡɛ yúu mi ɛ́ shẅɛt shẅɛtnɛ, ńtʉʉ tú mbɔ̌ Sɛ́ tɛꞋ, mbɔ pɔ́p zɛɛ mbɔɔ ɡɛ nu sʉ́Ꞌnɛ pɔ́.

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Tîtɛ 3:14

Ɛ́ píkŋɛ ŋɡɔ pɔ́ɔpɛ́mɑ́ pɛkŋɛ nzʉʉ Kɛlístɔ ɡẅɛɛ nɛsɑ́Ꞌ tʉʉ ŋ́ɡɛ mɛnu sʉ́Ꞌnɛ, nɛlɔk ńcẅɛ́lɛ́ pʉɔ pi kwɑꞋ nu tʉ́ʉnɛ nǔu pɔ́p, kɔɔ pɔ́p pɔ́ pʉɔ kɛ pɛ́ ńdúꞋnɛ wɔ́p.

Tîtɛ 3:8

Mɛnu mɔnɛ mi ɛ fúnɛ nɛcú lɑɑ zúꞋu ḿbɔ́ pɔ́Ꞌɔ. M bɛn ḿbɔ́ ŋ́kɔŋ ŋɡɔ ɔ tsuŋ ɛ́sẅíi wɔ́p sʉ́Ꞌnɛ, ńjí ŋɡɔ pʉɔ tsʉʉ pi pɔ́p zɑ́pnɛ tʉ́m yɔ́p nǔu Sɛ́ ɡʉ ɛ́sɑ́Ꞌ tʉʉ nɛɡɛ mɛfɑꞋ sʉ́Ꞌnɛ, ɛ́ pɔ́ pɔ́Ꞌɔ, yúu mi ɔ zíꞋnɛ pɔŋ ḿbɛn ḿbɔ́ yúu mi ɛ́ ńcẅɛ́lɛ́ pʉɔmɛsɔŋ.

Ɛ́bɛlʉʉ 13:21

Ɛ́ pɔŋ ŋɡɔ Sɛ́ mbɔ́tnɛ ɛ̂wɑ́, ɡɛ pʉʉ kuꞋ nɛɡɛ nu sʉ́Ꞌnɛ nɛpɔ́ yi pʉʉ ɡʉ ŋ́ɡɛ pɔ yúu mi ɑ sɛ́ ŋ́kɔŋ. Ɛ́ pɔŋ ŋɡɔ jʉ́ Sɛ́ fú nǔu Yɛ́su Kɛlístɔ, ŋ́ɡɛ yúu mi ɛ́ pɔŋnɛ wɛ́ pɔ́ nǔu pɛkŋɛ. NɛɡúꞋ pɔ́ mbɔ̌ Yɛ́su Kɛlístɔ nǔu mɛŋɡuꞋ mɛŋɡuꞋ! Ɛ́ pɔ́Ꞌɔ.

2 Pyɛ̂ 1:12

Ɛ́ yúu mi ɛ́ ɡɛnɛ ŋ ɡʉ ńdɑ́Ꞌ ńjúk kẅíitɛ wʉ́ʉ nɛ́ mɔnɛ mɛnu kẅíitɛ́nɛ tɛ mbɑ pɑ́Ꞌ pʉʉ sɛ́ ńjí, ḿbɛn ḿbɔ́ ńnɛn pɔ nǔu nu yi ɛ́ nɛ́nẅín yi pɛ́ kɑ sẅíinɛ wʉ́ʉ lɑ́.

Jẅidɛ 1:5

Mɔ sɛ́ ŋ́kɔŋ nɛkẅíitɛ wʉ́ʉ nɛ́ nu yi pʉʉ tsuŋ ḿbɔ́ ńjí sʉ́Ꞌnɛ, ɛ́ pɔ́ pɑ́Ꞌ Tsɑpʉɔ kɑ cẅɛɛtɛ́nɛ pʉɔ pɛ́ pʉɔ-Isɑyɛ̂l tsɛt ŋɡɔŋ-Ɛ́ɡíptɔ pɔ́p luk, ḿbɑ́ɑtɛ ŋ́ɡɛ pʉɔ pi pɔ́p ŋ́kɑɑ zɑ́p tʉ́m nǔu wɛ́ tsɛtsɛt pɔ́p pɔ́ lɑ́kŋɛ.