Tîtɛ 2:5 - Kɑɑ Fí

⁵ ḿbɔ́ mɑŋɡɛ́ ẅí ɑ sɑ́ŋnɛ nu lɑ ŋ́ɡɛ, ḿbɔ́ mɑŋɡɛ́ ẅí ɑ jínɛ pɔ ndɑꞋ ndúu mɛ, ɛ́fɑꞋ mɛfɑꞋ-ndɑ́ mɛ́ sʉ́Ꞌnɛ, ɑ pɔ́ mɑŋɡɛ́ ẅi pɛ́ kɔŋ nu yɛ́, ɑ pɔ́ mɑŋɡɛ́ ẅi ɑ zúꞋnɛ ntsu-ndúu mɛ. Pɔ́p lɑɑ ŋ́ɡɛ pɔ́Ꞌɔ, ŋu pɔɔ sẅiŋɛ kɛpɔŋ nǔu nu-Sɛ́ pɔ́.

Tîtɛ 2:5 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 9:36

Wɛcɔ́ mɑŋɡɛ́ pɔ́ Jɔp, lík yɛ́ pɔ́ ŋɡɔ Tɑpítɑ, ńdɔk ńcú ŋɡɔ Ndɔlkɑs nǔu cú-Ŋɡɛlɛk, ɛ́ lɔk ńcú ŋɡɔ ŋ́ɡɑ́p nǔu cú wɛkŋɛ. A pɔ́, mbɔ ɑ kɑ pɛ́m nu-Yɛ́su, ḿbɔ́ ŋ́kɑ́ tsʉʉ ŋ́ɡɛ pɔ nu sʉ́Ꞌnɛ, ḿbɛn ńtɔ́ɔtɛ pɑkɛ́yúu.

ŊwɑꞋnɛ-Gɑŋntúu Yɛ́su Kɛlístɔ 9:39

Pyɛ̂ ɡɔ́ɔ ńzúꞋ, pɔ́p pɛ́pɔ́p cʉ́ɔ sɛ̂ndúŋ kɛ́ lɑ́ɑtɛ, ŋ́ɡʉ tɛ ŋ́kúu zúꞋu, pɛ́ lɔk wɛ́ ŋ́ɡʉ tsɛt lûmndɑ́ ẅi ɛ́ ndǔ ndɛ̂k wɛ tʉ́. A kúu tsɛtú, pɛpfúk pɑŋɡɛ́ tsʉʉ tɔ́ ńcúꞋlɛ nɛjɔ́ŋ wɛ́, ḿbɔ́ ńdɑɑ, ḿbɔ́ ḿmɑꞋ mɛjʉ́ŋ ńnyɛt wɛ́ nɛ́ mɛkɛm-ndẅí nɛ́ mɛcɔ́ mɛndẅí mi Tɑpítɑ kɑ pɛ́tnɛ ntʉʉ, ńtɛ́m ŋ́ɡɑ́ mbɔ̌ pɔ́p.

Pʉɔ-Lɔ́mɑ 14:16

mbɑ nɛɡɛ yúu mi pɛ́ ɡʉ ńdɛɛ nǔu, ɛ́sẅíitɛ nǔu ɡu, tɛ mbɑ pɑ́Ꞌ ɔ lɑɑ ńjí yú pɔ ŋɡɔ yîyɑ́ yúu pɔŋ.

Pʉɔ-Lɔ́mɑ 2:24

Pɛ́ kɑ zɛɛ ŋ́ŋwɑꞋnɛ tsɛt ŋwɑꞋnɛ-Sɛ́ ŋɡɔ: «Pʉɔ pi pɔ́p kɑ́ pɔ́ pɑyúdɑ pɔ́ ńzɔɔtɛ lík-Sɛ́, ɛ́ kɛ́ ɛ́fú pɔ mbɔ̌ pʉʉ.»

1 Kɔlɛ̂ŋtɛ 11:3

Ɛ́ pɔŋ lɑ́ yúu kɛ́ ḿbɛ́t ɡú yi mɔ sɛ́ ŋ́kɔŋ ŋɡɔ pʉʉ jí sʉ́Ꞌnɛ. Ŋu ẅí ɑ ɡẅɛɛnɛ ŋu mbɛ́ɛnɛ tsʉʉ ɑ Kɛlístɔ, ŋu ẅí ɑ pɛnnɛ ŋ́ɡẅɛɛ mɑŋɡɛ́ ɑ pɔ́ ŋu mbɛ́ɛnɛ, ŋu ẅí ɑ ɡẅɛɛnɛ Kɛlístɔ ɑ pɔ́ Sɛ́.

1 Kɔlɛ̂ŋtɛ 14:34

pʉʉ lɑɑ ḿbɔ́ tsɛt cúꞋlɛ pɑŋɡɛ́ nɑꞋ. Pɔ́p kɑ́ ɡẅɛɛ nɛcẅɛ́ɛ sẅiŋɛ ńcú nu pɔ́. Pɔ́p ɡẅɛɛ nɛpɔ́tnɛ ńnɑ́ŋ, ńzẅíꞋlɛ nu yi pɛ́ sɛ́ ńcú, ɛ́ pɔ́ pɑ́Ꞌ nɛpʉ́ʉ-Sɛ́ cúnɛ pɔ́Ꞌɔ.

Ɛ́fɛ̂zɛ 5:33

Lɑ́ ŋ kɛ́ ḿbɛn ńcú pɑ́Ꞌɑ mbɑ nǔu pʉʉ yʉ́ʉ. Ɛ́ sɛ́ ḿbíkŋɛ ŋɡɔ mbɑ wɛ́tɛ́ ŋu mbɛ́ɛnɛ pɔ́ ŋ́kɔŋ nzwɛ́ wɛ pɑ́Ꞌ ɑ kɔŋnɛ túmbʉʉ yɛ́, mbɑ wɛ́tɛ́ mɑŋɡɛ́ lɑ́ pɔ́ ŋ́ɡɛ mɛkuꞋ ndúu mɛ.

Kɔlɔsíyɛ̂ŋ 3:18

Pʉʉ pɑŋɡɛ́ pi pʉʉ zɔ́Ꞌnɛ, mbɑ wɛ́tɛ́ ŋu lɑ́ nǔu pʉʉ, ɡɑ́ mbʉʉ yɛ́ sɛ́ mbi ndúu mɛ. Ɛ́ pɑ́Ꞌ ɛ́ pɔŋnɛ ŋɡɔ mɑŋɡɛ́ ẅi ɑ nzʉʉ Tsɑpʉɔ ɡɛ.

1 Timɔtɛ́ɛ 5:10

Ɛ́ píkŋɛ ŋɡɔ ɑ pɔ́ ẅí pʉɔ sɛ́ ḿbɛ́m wɛ́ mbíꞋ mɛfɑꞋ sʉ́Ꞌnɛ mɛ́, ɑ pɔ́ ẅi ɑ cúꞋlɛ́nɛ mbɔ́ŋkʉ̈ɔ́ pɛ́ sʉ́Ꞌnɛ, ḿbɔ́ ẅi ɑ ŋ́kúkŋɛ́nɛ pɛɡʉʉ njɛ́Ꞌ yɛ́, ẅí ɑ ɛ́suknɛ mɛku-pʉɔ-Kɛlístɔ, ḿbɔ́ ẅi ɑ ńcẅɛ́lɛ́nɛ pɛɡɑŋŋɡʉ̈ɔ́Ꞌ, ḿbɛn ḿbɔ́ ẅi ɑ ɡɛnɛ pɔ nu sʉ́Ꞌnɛ.

1 Timɔtɛ́ɛ 6:1

Ɛ́ ɡʉ nǔu pʉɔ pi pɔ́p ndɑ́-kwɑɑ, mbɔ ɛ́ sɛ́ ḿbíkŋɛ ŋɡɔ pɔ́p jí ŋɡɔ pɔ́p ɡẅɛɛ nɛɡɛ mɛkuꞋ pʉɔ pi pɔ́p ɡẅɛɛnɛ wɔ́p, ńjí ŋɡɔ pɛ́ kɛ́ ɡɛ ŋ́kẅíi lík-zẅikŋɛ kɛpɔŋ pɔ́, ŋ́kɛ́ mbɔɔ ɡwɑ́k nu yi pɛ́ zíꞋnɛ pʉɔ nǔu Yɛ́su Kɛlístɔ pɔ́.

Tîtɛ 2:4

ńjí ŋɡɔ pɔ́p ɡʉ ńzíꞋ pɑŋɡɛ́ pi pɔ́p pɛ́t ńzɔ́Ꞌ pɑ́Ꞌ mbɑ wɛ́t lɑ́ ɡʉ ŋ́kɔŋ ndúu mɛ mbɑ mbɔ́ŋkʉ̈ɔ́ pɛ́,