Tîtɛ 2:2 - Kɑɑ Fí

² ZíꞋ mbɔ̌ pɛlʉ́m mbɛ́ɛnɛ ŋɡɔ kɔɔ pɔ́p ɡɛ yɛcɔ́ yúu tɛ ɛ́ lɛɛ, ŋɡɔ pɔ́p pɔ́ pʉɔ-mɛkuꞋ, ŋɡɔ pɔ́p pɔ́ pʉɔ pi pɔ́p sɑ́ŋnɛ nu lɑ ŋ́ɡɛ. Pɔ́p pɛn ńzɑ́p tʉ́m nǔu Sɛ́ tɛ ńzɑ́p, ńnɑ́ŋ ŋ́kɔŋ pʉɔ tɛ ŋ́kɔŋ, ɛ́sʉk mɛnu tɛ ɛ́sʉk.

Tîtɛ 2:2 Кръстосани препратки

Mɑ́lɛ́kúshi 5:15

ŋ́ɡʉ tɛ ŋ́kúu nɛjɔ́ŋ Yɛ́su, ńjʉ́ɔ ŋu ẅí mɛzẅikŋɛ kɛpɔŋ kɑ pɔ́ nǔu wɛ́ tɛ ńzɑ́ɑ zɑ́ɑnɛ lɑ́, ɑ nɑ́ŋ ḿmɑꞋ mɛndẅí, mbɔ jínu yɛ́ pɛn, pɔ́p pɔ́k tɛꞋ.

Lúkɑ́shi 8:35

Lɑ́Ꞌ zúꞋ, ŋ́ɡɔ́ɔ ńcẅɛt, ńtɔ́ nɛjʉ́ɔ nu ɛ̂yɑ́. Ŋ́ɡʉ tɛ ŋ́kúu zʉꞋ yi Yɛ́su kɑ pɔ́nɛ zúꞋu, ńjʉ́ɔ ŋu ẅi mɛzẅikŋɛ kɛpɔŋ lɑ́Ꞌnɛ ńcẅɛt nǔu wɛ́ lɑ́, ɑ nɑ́ŋ nɛjɔ́ŋ Yɛ́su, mbɔ ɑ fíitɛ, jínu yɛ́ pɛn tɛ ɑ mɑꞋ ndẅí. Pɔ́p jʉ́ɔ pɔ́Ꞌɔ, ŋ́ɡɔ́ɔ ńtsʉ́Ꞌ ḿbɔ́k pɔ́knɛ.

ŊwɑꞋnɛ-Gɑŋntúu Yɛ́su Kɛlístɔ 24:25

Pɔ̂l tɔ́ tɛ ńzɛ nɛkyɛ́Ꞌtɛ ntɛ́ yi ŋu lɑɑ ńdɔk ńnɑ́ŋ, mbɔ ŋɡɑŋ ɡʉ ḿbɔ́ ŋu ẅi ɑ ɡɛnɛ yúu mi ɛ́ ndʉ́ŋndʉŋ mík-Sɛ́, ḿbɔ́ ŋ́kyɛ́Ꞌtɛ mbɑ pɑ́Ꞌ ɛ́ lɑɑ ḿbɔ́ ŋu ɡẅɛɛ mbʉʉ yɛ pɔ́Ꞌɔ, ḿbɔ́ ŋ́kyɛ́Ꞌtɛ ɛ́sẅíi wɛ́ ŋɡɔ Sɛ́ ɡʉ ŋ́ɡɛ ŋ́ŋɑk pʉɔ tsʉʉ. Ŋɡɔ́mnɑɑ Fɛlɛshi zúꞋ pɔ́Ꞌɔ, ńtsʉ́Ꞌ ńcʉ̈ɔꞋ cʉɔꞋnɛ, ńcú mbɔ̌ Pɔ̂l ŋɡɔ: Ɛ́ nǔu ŋkɔ̂ɔnɛ, fú nɛjɔ́ŋ mɔ ŋ́ɡʉ. Ŋkɑ́ ɡʉ ḿbɛn ŋ́kuꞋ, lɑ́ m bɛn ńcú pɛ́ fúŋ wú ḿbɔ́ mɔ.

Pʉɔ-Lɔ́mɑ 12:3

Ŋ ɡʉ ɛ́fú nǔu pɑ́Ꞌ Sɛ́ kɑ tsʉ́Ꞌ nɛɡɑ́ fuꞋ níinɛ yɑ́ɑ, ńtík wɑ́ɑ nǔu zʉꞋ ɡwɛ́, ńcú mbɔ̌ mbɑ wɔ̌ lɑ́ tsɛtsɛt pʉʉ ŋɡɔ: Kɔɔ ŋu kwɑŋɛ ŋɡɔ ɑ yúu kɛ́ pɔ́ yi ɑ yɛ́tɛ́. Ŋu ɡẅɛɛ yi kwɑŋɛ ɛ́ kuꞋ kuꞋnɛ. Ŋu kúꞋlɛ pɔ yɛ́ fɑꞋ yi Sɛ́ kɑ ɡɑ́nɛ, ŋ́ɡɔ́ ŋ́ɡɑ́, ɛ́fú nǔu pɑ́Ꞌ ɑ zɑ́pnɛ tʉ́m nǔu Kɛlístɔ.

1 Kɔlɛ̂ŋtɛ 15:34

Pʉʉ ɡẅɛɛ mbʉʉ yʉ́ʉ nǔu ntɛ́ yi ɛ́ ḿbɔŋ Sɛ́, kɔɔ pʉʉ pɛn ŋ́ɡɛ mɛnu kɛpɔŋ. N cú mbíꞋŋɡɔ mɔ sɛ́ ńjʉ́ɔ pɛcɔ́ pʉɔ pɔ́ tsɛtsɛt pʉʉ ḿbɔɔ Sɛ́ jí, n cú pɑ́Ꞌɑ ńtsɑ́ɑ ŋɡɔ sʉ́ʉ kɔ́ wʉ́ʉ.

1 Kɔlɛ̂ŋtɛ 9:25

Pɑɡɛ mɛtɑ́ɑmɛ mi nu mɛtʉʉ nǔu, pɔ́p lʉꞋ mɛyúu tɛꞋ, ńjí pɑ́Ꞌ pɔ́p ɡʉ ŋ́ɡẅɛɛ mbʉʉ yɔp pɔ́Ꞌɔ, ńdɔk ńtsɑ́ɑ pɑ́Ꞌ pɛ́ ɡʉ ńdɑ́Ꞌ ńtɔꞋ ŋɡúꞋ yɔp. Yîyɑ́ ŋɡúꞋ pɔ́ yi ɛ́ ɡʉ ńdɑ́Ꞌ ḿbʉ́ʉpɛ. Lɑ́ ŋ́ɡʉ nǔu pɛkŋɛ, pɛkŋɛ ɡɔ́ ŋ́ɡɛ pɔ́Ꞌɔ, ńtsɑ́ɑ ŋɡúꞋ yi ɛ́ kɛ́ lɑ́Ꞌ pʉ́ʉpɛ pɔ́.

2 Kɔlɛ̂ŋtɛ 5:13

Pɛ́ lɑɑ ḿbɔ́ ńjʉ́ɔ ŋɡɔ pɛk sɛ́ ŋ́ɡɛ pɑ́Ꞌ pɛpɑ́lɛ́ lɑ́, mbɔ pɛk pɛ́tɛ, pɔ pɑ́Ꞌ nu-Sɛ́ ɡʉ ńnɛn, ŋ́kɛ́ ḿbɔ́ yi jínu yɛ́k ɡú, mbɔ pʉʉ ɡʉnɛ ńdúꞋnɛ.

Ŋɡɑlɑ̂t 5:23

ḿbɔ́ nɛpɔ́tnɛ, ḿbɔ́ nɛkúꞋlɛ mbʉʉ. Ɛ́ kwɑꞋ nɛ́nẅín, nɛpʉ́ʉ kɑ́ lʉꞋ mɔnɛ mɛyúu pɔ́.

Filipɛ 4:8

Pɔ́ɔpɛ́mɑ́ pɑ́ɑ, nu yi m bɔ́ ńdɔk ńcɔ́kŋɛ ɛ́ ŋɡɔ, kwɑŋɛ yʉ́ʉ ńnɑ́ŋ ńtʉ́ʉ pɔ nǔu mɛnu sʉ́Ꞌnɛ mi pʉɔ tɛ ńzɑ́ɑ ɡʉ̈ɔꞋtɛ́nɛ, ńtʉ́ʉ nǔu nu nɛ́nẅín, nǔu nu yi ɛ́ tʉ́ʉnɛ ndʉ́ŋndʉŋ, nǔu nu kɛ́ lɔ́Ꞌ, nǔu mɛnu mi ɛ́ mɛ́ mɛkuꞋ, nǔu mɛnu mi pɛ́ ɡɛ pʉɔ ɡɑ́ pɑ́Ꞌlɑ́, mɛnu mi ɛ́ cẅɛ́lɛ́nɛ, nǔu mɛnu mi pɛ́ sɛntɛ ŋu nǔu.

1 Tɛsɑlɔník 5:6

Pɔ́Ꞌɔ lɑ́, kɔɔ pɛkŋɛ lɛ́ pɑ́Ꞌ pɛcɔ́ pʉɔ. Lɑ́ pɛkŋɛ ɡuutɛ mbʉʉ yɛkŋɛ ńtík mɛtúutɛ́.

1 Tɛsɑlɔník 5:8

Lɑ́ ŋ́ɡʉ nǔu pɛkŋɛ pi pɛkŋɛ nɛnnɛ nɛnɛm, mbɔ ɛ́ sɛ́ ḿbíkŋɛ ŋɡɔ pɛkŋɛ ɡuutɛ mbʉʉ yɛkŋɛ, ŋkɔŋɛ mbɑ nɛzɑ́p tʉ́m nǔu Sɛ́ pɔ́ yɛkŋɛ ndẅí-ntsɔ yi pɛ́ lɔknɛ tʉ́n ńniitɛ. NɛzẅíꞋlɛ lɛ́Ꞌ yi Sɛ́ ɡʉ ŋ́ɡɛ pɛkŋɛ luk, ɛ́ pɔ́ yɛkŋɛ cɔꞋ-ntsɔ yi pɛ́ lɔknɛ tʉ́n ńniitɛ.

1 Timɔtɛ́ɛ 1:10

Pɛ́ kɑ tík nɛpʉ́ʉ mbíꞋ pʉɔ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbíꞋ mbɛ́ɛnɛ yi ɛ́ nɔŋnɛ pɛcɔ́, mbíꞋ pɑtɑ́ŋpuꞋ. Pɛ́ kɑ tík nɛpʉ́ʉ mbíꞋ ɡɑŋcɔtnu, mbíꞋ pɑjʉ́ ńjʉ́ɔ pi pɔ́p pɔ ɡɑŋcɔtnu. A kɑ tík nɛpʉ́ʉ mbíꞋ pʉɔ pi pɔ́p lɔɔnɛ shʉ́ ŋ́ɡɛ pɔ yúu mi ɛ́ kɑ́ pɔ́ ḿbuutɛ nǔu nu nɛ́nẅín yi pɛ́ zíꞋnɛ wɛkŋɛ pɔ́.

1 Timɔtɛ́ɛ 1:14

Tsɑpʉɔ wɛkŋɛ Yɛ́su Kɛlístɔ, kɑ ɡɛ nu sʉ́Ꞌnɛ yɛ́ nǔu mɔ tɛ ɛ́ jɛ́Ꞌ. A kɑ ɡɛ n zɑ́p tʉ́m nǔu wɛ́, m bɛn ŋ́kɔŋ pɛcɔ́ pʉɔ. Ɛ́ fú nǔu pɑ́Ꞌ n dɑtnɛ mbʉʉ nǔu wɛ́.

1 Timɔtɛ́ɛ 1:2

Ŋ ŋwɑꞋnɛ ŋ́ɡɑ́ mbɔ̌ ɡu Timɔtɛ̂ɛ. Ɔ mbɔ̌ mɔ ḿbɔ́ mɔ́ɔ wɑɑ tɛꞋ, mbíꞋ nu-Yɛ́su Kɛlístɔ ẅí pǔu zɑ́pnɛ tʉ́m nǔu wɛ́. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ pɔ́p pɔ́ nɛ́ ɡu, ńtsɑ́ɑ mɛjʉ́ŋ mú, ńníꞋ mɔ́fíitɛ tʉ́m ɡu.

1 Timɔtɛ́ɛ 1:5

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

1 Timɔtɛ́ɛ 3:11

Ɛ́ pɛn ḿbíkŋɛ ŋɡɔ pɛzwɛ́ pɔ́p pɛn ŋ́ɡẅɛɛ mɛkuꞋ, kɔɔ pɔ́p pɔ́ pɑzɑ́p sɔ́ɔ, kɔɔ pɔ́p ɡɛ yɛcɔ́ yúu tɛ ɛ́ lɛɛ, ḿbɔ́ pʉɔ pi ɛ́ lɑɑ ḿbɔ́ pɔ́p ɡɛ mbɑ kʉ̈ɔ́ lɑ́ yi pɛ́ níꞋnɛ mbɔ̌ pɔ́p tɛ pɛ́ pɔɔ lɔ́Ꞌ nǔu jʉ́ɔ.

1 Timɔtɛ́ɛ 3:2

Ɛ́ píkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kɑ́ kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, kɔɔ ɑ ɡɛ yɛcɔ́ yúu tɛ ɛ́ lɛɛ. A pɔ́ ŋu ẅí ɑ sɑ́ŋ nu lɑ ŋ́ɡɛ, ḿbɔ́ ŋu ẅí ɑ kúkŋɛ pɛɡʉʉ sʉ́Ꞌnɛ, ŋ́kuꞋ nɛzíꞋ pʉɔ nɛ́ yúu.

1 Timɔtɛ́ɛ 3:4

A pɔ́ ŋu ẅí ɑ líŋɛ́nɛ njɛ́Ꞌ yɛ́ sʉ́Ꞌnɛ, ḿbɔ́ ŋu ẅí ɑ ɡẅɛɛnɛ mbɔ́ŋkʉ̈ɔ́ pɛ́ nǔu ntɛ́ yi pɔ́p ɡʉ ńzúꞋ ntsu wɛ́, ŋ́ɡɛ mɛkuꞋ mɛ́.

1 Timɔtɛ́ɛ 3:8

Ɛ́ pɛn ḿbíkŋɛ ŋɡɔ pɑfɑꞋ mɛfɑꞋ tsɛt cúꞋlɛ-pʉɔ-Kɛlístɔ pɔ́ yɔ́p pʉɔ pi pɔ́p ɡẅɛɛnɛ mɛkuꞋ, ḿbɔ́ pɑsẅíi nu nɛ́nẅín, ḿbɔ́ pʉɔ pi pɔ́p kɛ́ mɑꞋ mbʉʉ yɔp nǔu mɛluꞋ pɔ́, ŋ́kɛ́ ḿbɔɔ pʉɔ pi pɔ́p kɔŋnɛ ŋkɑ́p ɡɑ́tɛ́ ɡɑ́tɛ́nɛ pɔ́.

1 Timɔtɛ́ɛ 5:1

Ɔ lɑɑ ḿbɔ́ ɛ́sẅíi ndɛn ndʉ́m nɛ nu, kɔɔ cʉ́ɔk wɛ́ cʉ́ɔknɛ. Cú nu mbɔ̌ wɛ́ pɑ́Ꞌ ɔ cú mbɔ̌ tɑ́t wu. Líŋɛ pɔ́ɔsuu pɑ́Ꞌ pɔ́ɔpɛ́mɑ́ pú pɛ́ mbɛ́ɛnɛ,

Tîtɛ 1:13

Nu yi ɑ kɑ cúnɛ lɑɑ, ɛ́ nu nɛ́nẅín. Ɛ́ yɛ́tɛ́ lɑ́ ɛ́ sɛ́ ḿbíkŋɛ ŋɡɔ ɔ lɔk cʉ́ɔk ńcú nu mbɔ̌ pɔ́p, ńjí ŋɡɔ pɔ́p ɡʉ ńtsuŋ ńzɑ́p tʉ́m yɔ́p nǔu Sɛ́,

Tîtɛ 1:8

Lɑ́ ɛ́ píkŋɛ pɔ ŋɡɔ ɑ pɔ́ ŋu ẅí ɑ kúkŋɛ́nɛ pɛɡʉʉ sʉ́Ꞌnɛ, ḿbɔ́ ŋu ẅí ɑ nɑŋnɛ ŋ́kɔŋ yɛ́ pɔ mɛnu mi ɛ́ pɔŋnɛ. Ɛ́ píkŋɛ ŋɡɔ ɑ pɔ́ ŋu ẅí ɑ sɑ́ŋnɛ nu lɑ ŋ́ɡɛ, ɑ pɔ́ ŋu ẅí ɑ ɡɛnɛ mɛnu mi ɛ́ tʉ́ʉnɛ ndʉ́ŋndʉŋ, ḿbɔ́ ŋu ẅi mɑt wɛ pɔŋnɛ Sɛ́, ḿbɔ́ ŋu ẅí ɑ jínɛ nɛɡẅɛɛ mbʉʉ yɛ.

Tîtɛ 2:7

mbɑ nǔu kʉ̈ɔ́ lɑ́. KwɑꞋ ɡu tʉ́ʉ nǔu kʉ̈ɔ́ lɑ́, ńnyɛt pɔ fʉꞋ-yúu sʉ́Ꞌnɛ. Ɔ lɑɑ ḿbɔ́ ńzíꞋ pʉɔ nɛ́ yúu, ɔ zíꞋ wɔ́p pɔ ndɑꞋ nɛ́ nu yi Sɛ́ kɔŋnɛ, ḿbɛn ńzíꞋ tɛ ńjí yúu mi ɔ zíꞋnɛ yɛ́tɛ́.

Filɛmɔ̂ŋ 1:9

n jʉ́ɔ ŋɡɔ ŋ ɡʉ ńdɛɛ nǔu ŋkɔŋɛ yúu, ḿbúꞋ mbɔ́ mbɔ̌ ɡu púꞋnɛ. Tɛ mbɑ pɑ́Ꞌ mɔ Pɔ̂l, n tsʉ́Ꞌ pɔ ndwɛn ndʉ́m, ḿbɛn ŋ́ɡɔ́ ḿbɔ́ ŋkɔ̂ɔnɛ, ḿbɔ́ ndɑ́tsɑ́ŋ ntɛ́ Yɛ́su Kɛlístɔ lɑɑ.

1 Pyɛ̂ 1:13

Pɔ́Ꞌɔ, jínu yʉ́ʉ tʉ́ʉ pɔ nǔu nɛɡɛ yúu nǔu ntɛ́ yɛ́ pʉɔ-Sɛ́, kɔɔ pʉʉ pɛ́ jínu, pʉʉ nɑ́ŋ ḿbɔ́ ńniitɛ ńzẅíꞋlɛ fuꞋ yi Sɛ́ ŋ́ɡɛ ŋ́ɡɑ́ mbɔ̌ pʉʉ, nǔu ŋkɑ́ yi Yɛ́su Kɛlístɔ ɡʉ ŋ́ɡɛ ńtɔ́.

1 Pyɛ̂ 4:7

Ndẅiknzʉʉ ŋkɑ́ yɛ mbɑ kʉ̈ɔ́ lɑ́ sɛ́ ŋ́kuꞋ. Pɑ́Ꞌ ɛ́ pɔ́Ꞌɔ lɑ́, pʉʉ pɔ́ pɑjínu. Kɔɔ pʉʉ ḿmɛꞋ mbʉʉ yʉʉ, ńjí ŋɡɔ pʉʉ ɡʉ ŋ́kuꞋ nɛcɛꞋlɛ Sɛ́.

1 Pyɛ̂ 5:8

Kɔɔ pʉʉ mɛꞋ mbʉʉ yʉʉ, kɔɔ pʉʉ lɛ́. Ŋɡɑŋmbuu wʉʉ, Sɑ́ttɑ, ɑ sɛ́ ḿbɔ́ ŋ́kɑ́t ńzɛmɛ, ńdɔ́ɔ ŋu ẅí ɑ ɡʉ ŋ́ɡẅɛɛ wɛ́, pɑ́Ꞌ púꞋntʉʉ ẅí ɑ kíinɛ ḿbɔ́ ńdɔɔ yúu mi ɑ ɡʉ ŋ́kwɛ́t lɑ́.

2 Pyɛ̂ 1:6

ŋ́ɡʉ nǔu nɛjí yúu mi Sɛ́ sɛ́ ŋ́kɔŋ, ŋ́kẅiꞋ pɑ́Ꞌ pʉʉ ɡʉ ŋ́ɡuutɛ mbʉʉ yʉʉ, ŋ́ɡʉ nǔu nɛɡuutɛ mbʉʉ ŋ́kẅiꞋ ńtɛntɛ tɛntɛnɛ, ŋ́ɡʉ nǔu nɛtɛntɛ tɛntɛnɛ, ŋ́kẅiꞋ nɛjí pɔ ndɑꞋ Sɛ́,