Pʉɔ-Lɔ́mɑ 9:3 - Kɑɑ Fí

³ Pɛkŋɛ pɛpɔ́p tɑ́Ꞌ njẅɛt. Ɛ́ kɑ pɔ́ yi mbɔ sɛ̂ndúŋ pɔ́ ɡú nɛpɔ́ yi Sɛ́ ɡʉ ḿbɑꞋnɛ wɑ́ɑ pɛk Kɛlístɔ pɛn ɛ́fɑkŋɛ, tɛ ɛ́ pɔ́ yi pɔ́ɔpɛ́mɑ́ pɑ́ɑ pɑyúdɑ ɡʉ ńdɛɛ nǔu ńjí ŋu ẅí Kɛlístɔ jʉ́, mbɔ ɛ́ lɑɑ ḿbɔ́ m bɔɔ lʉꞋ.

Pʉɔ-Lɔ́mɑ 9:3 Кръстосани препратки

ŊwɑꞋnɛ-Gɑŋntúu Yɛ́su Kɛlístɔ 13:26

Pɔ̂l pɛn ńcú ŋɡɔ: «Pɔ́ɔpɛ́mɑ́, Sɛ́ cú yɔ nu pɔ mbɔ̌ pɛkŋɛ pɛtsʉʉ. Ɛ́ nɛlɔk ŋ́ɡɛ pɛkŋɛ luk. A túu yɔ nu mbɔ̌ pʉʉ ẅí pʉʉ pɔ́ɔ-Ábɛlɛhɑ́m, mbɑ mbɔ̌ pʉʉ ẅí pʉʉ pɔ́knɛ Sɛ́.»

ŊwɑꞋnɛ-Gɑŋntúu Yɛ́su Kɛlístɔ 22:5

Tɑ́tndɑ́-pɑnɔŋpɔꞋ, mbɑ cúꞋlɛ-pɑsɑ́Ꞌ lɑ́Ꞌ yɔ, sɛ́ ńjí ŋɡɔ nu yi n cúnɛ ɛ́ nɛ́nẅín. Pɔ́p kɑ zɛɛnɛ ŋ́ɡɑ́ mɛŋwɑꞋnɛ ńdɔk ńtúu wɑ́ɑ ŋɡɔ ŋ ɡʉ ńnyɛt mbɔ̌ pɔ́ɔpɛ́mɑ́ pɛkŋɛ pɑyúdɑ pi pɔ́p tsɛt tʉ́sɔŋ-Ndɑ́mɑ́s. Ɛ́ pɔ́ ŋɡɔ ŋ ɡẅɛɛ pʉɔ-Kɛlístɔ, ńdɔk wɔ́p ḿbɛn nzʉʉ nɛ́ Yɛlúsɑlɛm, nɛpɔ́ yi pɛ́ ɡʉ ŋ́ɡɛ pɔ́p jʉ́ɔ ŋɡʉ̈ɔ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 28:21

Pɑyúdɑ zúꞋ tɛ ńtsɔ́Ꞌ mbɔ̌ Pɔ̂l ŋɡɔ, pɛk ŋkɑɑ zɛɛ ńcẅɛ́ɛ yɛcɔ́ ŋwɑꞋnɛ yi ɛ́ fúnɛ Judɛ̂ ńcú nu nǔu ɡu pɔ́. Wɛcɔ́ mɔ́ɔmɑ́ wɛkŋɛ kɛ́ ḿbɔɔ tɔ́ zɑꞋnɛ ḿbɛ́ɛtɛ yɛcɔ́ nu ɛ́sẅíi wɛ́k nǔu ɡu pɔ́, wɛcɔ́ ŋu pɔɔ cú ŋɡɔ ɔ ɡɛ yɛcɔ́ nu kɛpɔŋ pɔ́.

Pʉɔ-Lɔ́mɑ 1:3

Ẅîwɑ́ Ŋkʉʉ cú nu nǔu Mɔ́ɔ nɛ Yɛ́su Kɛlístɔ ẅí ɑ Tsɑpʉɔ wɛkŋɛ. A kɑ shɔtnɛ ńtsʉ́Ꞌ ŋumɛsɔŋ pɛ́ pí wɛ́ nǔu njẅɛtndɑ́-fɔɔ Ndɑvît.

Pʉɔ-Lɔ́mɑ 11:1

Ɛ́ pɔ́ pɔ́Ꞌɔ, m bíkŋɛ ŋɡɔ tɛ ɛ́ pɑ́Ꞌɑ, mbɔ Sɛ́ mɛꞋ pʉɔ pɛ́ kɛkʉ̈ɔ́? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́, mbíꞋŋɡɔ mbɑ mɔ yɑ́ɑ mɔ ŋu-Íslɑyɛ̂l, njẅɛt-Ábɛlɛhɑ̂m, ɛ́fú nǔu tsɛ́nndɑ́-Mbɛ̌zɑmɛn.

Pʉɔ-Lɔ́mɑ 11:14

Mɔ sɛ́ ḿbɔ́ ɛ́fɑꞋ tsɛtsɛt pʉʉ, ḿbɔ́ ńtsɑ́ɑ ŋɡɔ pɔ́ɔpɛ́mɑ́ pɑ́ɑ pɑyúdɑ jʉ́ɔ mɛfɑꞋ-Sɛ́ nǔu pʉʉ lɔ́ŋ wɔp kɔ́Ꞌ, ńjí ŋɡɔ ŋ ɡʉ ŋ́ɡɛ Sɛ́ fú nǔu ŋ́ɡɛ pɛcɔ́ ntɑ́Ꞌ tsɛtsɛt pɔ́p luk.

Pʉɔ-Lɔ́mɑ 16:11

Pʉʉ cɛꞋlɛ Ɛlɔ̂díyɔn. A ŋu-Yúdɑ pɑ́Ꞌ mɔ. Pʉʉ cɛꞋlɛ pʉɔ-ndɑ́-Nɑɑsis pi pɔ́p lɑtnɛ mbʉʉ nǔu Tsɑpʉɔ.

Pʉɔ-Lɔ́mɑ 16:21

Timɔtɛ̂ɛ ẅí pɛknɛ fɑꞋnɛ, cɛꞋlɛ wʉ́ʉ. Lusius mbɑ Jɑsɔn mbɑ Sɔsipɑtɛɛ, pi pɛk pɛpɔ́p tɛmtɛ ḿbɔ́ pɑyúdɑ pɔ́p cɛꞋlɛ wʉ́ʉ ɡúu.

Pʉɔ-Lɔ́mɑ 16:7

Pʉʉ cɛꞋlɛ Andɛlɔnikus pɔ́p Juníyɑs. Pɛk pɛpɔ́p pɛtsʉʉ pɑyúdɑ, mbɔ pɛk pɛpɔ́p kɑ pɔ́ ndɑ́tsɑ́ŋ. Pɔ́p tsɛtsɛt ɡɑŋntúu pɛ́ ŋ́kɔŋ nu yɔ́p tɛꞋ. Pɔ́p kɑ zɛɛ ḿbiitɛ ḿbɔ́ pʉɔ-Kɛlístɔ lɑ ŋ ɡɛ ḿbɔ́ pɑ́ɑ.

Pʉɔ-Lɔ́mɑ 9:2

Yîyɑ́ nu ɛ́ ŋɡɔ n nɑ́ŋ kwɑꞋ nɛ́ nɛmʉk, ḿbɛn ḿbɔ́ ńzúꞋ kɛ́kɑ́ŋ tʉ́m mɔ ŋkɑ́ tsʉʉ mbi pɔ́ɔpɛ́mɑ́ pɑ́ɑ pɑyúdɑ.

1 Kɔlɛ̂ŋtɛ 12:3

Ɛ́ pɔ́Ꞌɔ lɑ m bɔ́ ŋ́kɔŋ ŋɡɔ pʉʉ jí ŋɡɔ Zẅikŋɛ-Sɛ́ lɑɑ mbɔɔ ńtsʉ́ʉnɛ ŋu nɛcú nu pɔ́, mbɔ ḿbɔ́ ŋɡɑŋ pɔɔ níꞋ ndɔɔ tú-Yɛ́su pɔ́. Zẅikŋɛ Lɛ́ɛnɛ́nɛ lɑɑ ḿbɛn mbɔɔnɛ tsʉ́ʉnɛ ŋu nɛcú nu pɔ́, mbɔ ŋɡɑŋ kɑ́ kuꞋ nɛcú ŋɡɔ Yɛ́su Tsɑpʉɔ pɔ́.

1 Kɔlɛ̂ŋtɛ 16:22

Ŋu lɑɑ mbɔɔ kɔŋ Tsɑpʉɔ Yɛ́su pɔ́, Sɛ́ níꞋ ndɔɔ tú-ŋɡɑŋ. Mɑlɑnɑtɑ Tsɑpʉɔ wɛk, tɔ́!

2 Kɔlɛ̂ŋtɛ 12:15

Ɛ́ ɡʉ nǔu mɔ, mbɔ ɛ́ pɔŋ wɑ́ɑ pɔŋnɛ nɛɡɑ́ kʉ̈ɔ́ lɑ́ yi ŋ ɡẅɛɛnɛ mbɔ̌ pʉʉ. Mbɔ m bɛn ŋ́ɡɑ́ mbɑ tú yɑ́ɑ mbíꞋ wʉ́ʉ. N dɑɑ ḿbɔ́ ŋ́kẅiꞋ ŋ́kɔŋ wʉ́ʉ pɔ ndɛnnú, yʉ́ʉ kɔŋnɛ nzʉʉ mɔ pɛn cẅɛ́tɛ cẅɛ́tɛ́nɛ ɔ́ɔ?

Ŋɡɑlɑ̂t 1:8

Pɛk kɑ kɛ́mɔ́ ńdɑ́Ꞌ ńcẅi Ŋkʉʉ Sʉ́Ꞌnɛ mbɔ̌ pʉʉ. Tɛ wɛcɔ́ ŋu lɑɑ ḿbɛn ńtɔ́ ŋkɔ̂ɔnɛ, kɛ pɔ ŋu wɛk ɔɔ, kɛ pɔ Cʉ̈ɔꞋ-Sɛ́ ɛ́fú tʉ́nɛ́pú ɔɔ, ńcẅi wɛcɔ́ Ŋkʉʉ sʉ́Ꞌnɛ wɛ ndɛꞋ mbɔ̌ pʉʉ, tɛ ɛ́ pɔɔ pɔ́ pɔ ẅi pɛk kɑ cúnɛ pɔ́, mbɔ ɛ́ píkŋɛ ŋɡɔ Sɛ́ níꞋ ndɔɔ tú-ŋɡɑŋ.

Ŋɡɑlɑ̂t 1:9

Pɛk kɑ zɛɛ ńcú mbɔ̌ pʉʉ. Mɔ ŋkɔ̂ɔnɛ ḿbɛn ŋ́kẅíitɛ kẅíitɛ́nɛ ŋɡɔ, ŋu lɑɑ ńtɔ́ ńcẅi wɛcɔ́ Ŋkʉʉ sʉ́Ꞌnɛ wɛ ndɛꞋ mbɔ̌ pʉʉ, tɛ ɛ́ kɛ́ ḿbɔɔ pɔ́ pɔ ẅi pɛk kɑ cẅinɛ pɔ́, mbɔ ɛ́ píkŋɛ ŋɡɔ Sɛ́ níꞋ ndɔɔ tú-ŋɡɑŋ.

Ŋɡɑlɑ̂t 3:10

Sɛ́ zɛɛ ńníꞋ pɔ ndɔɔ tú-pʉɔ pi pɔ́p lɔknɛ nɛcú ŋɡɔ pɔ́p ɡẅɛɛnɛ nɛpʉ́ʉ ńdɔk ŋ́ɡɛ yɔ́p mbɑ kʉ̈ɔ́lɑ́, mbíꞋŋɡɔ ŋwɑꞋnɛ-Sɛ́ cú ŋɡɔ: Ŋu lɑɑ mbɔɔ kúꞋlɛ nɛpʉ́ʉ pɔ tsʉʉ pɔ́, ḿbɔ́ ŋɡɔŋ ŋkɑ́ tsʉʉ ḿbɔɔ ŋ́ɡɛ pɔ yúu mi ɛ́ tsɛt ŋwɑꞋnɛ-nɛpʉ́ʉ pɔ́, mbɔ ŋɡɑŋ tíi ndɔɔ.

Ŋɡɑlɑ̂t 3:13

Lɑ́, pɑ́Ꞌ sɛ̂ndúŋ-nɛpʉ́ʉ ɡɛ pɛkŋɛ tíi pɔ ndɔɔ lɑ́, Kɛlístɔ kɑ tɔ́ ŋ́ɡɛ pɛkŋɛ luk ndɔɔ ɛ̂yɑ́. A kɑ jɛ́p ńtíi ḿbiꞋ, ńtsʉ́Ꞌ ŋɡɑŋ ndɔɔ mbíꞋ wɛkŋɛ. Pɛ́ cú mbíꞋŋɡɔ pɛ́ kɑ ŋwɑꞋnɛ ŋɡɔ: Ndɔɔ tú-ŋu ẅí pɛ́ kẅiinɛ wɛ́ nǔu tʉ́.

Ɛ́fɛ̂zɛ 6:5

Ŋ́ɡʉ nǔu pʉʉ pɛkwɑɑ, pʉʉ zúꞋ ntsu-pʉɔ pi pɔ́p ɡẅɛɛnɛ wʉ́ʉ, ḿbɔ́ ŋ́ɡɑ́ mɛkuꞋ mɔ́p, ŋ́kɔk mbʉʉ yʉʉ ŋ́ɡɑ́ sɛ́ mbi pɔ́p, ŋ́ɡẅɛɛ tʉ́m sʉ́Ꞌnɛ nzʉʉ pɔ́p, ndʉ́ŋndʉŋ pɑ́Ꞌ pʉʉ zúꞋnɛ ntsu-Kɛlístɔ lɑ́.