Pʉɔ-Lɔ́mɑ 4:3 - Kɑɑ Fí

³ ŊwɑꞋnɛ-Sɛ́ zɛɛ ńcú ŋɡɔ kʉ̈ɔ́? Ɛ́ cú ŋɡɔ: «Ábɛlɛhɑ̂m kɑ zɑ́pnɛ tʉ́m yɛ́ nǔu Sɛ́, Sɛ́ fú nǔu ńtsʉ́Ꞌ ńdíŋɛ wɛ́, ɑ pɔ́ mbi yɛ́ ḿbɔ́ pɔ́ ndʉ́ŋndʉŋ».

Pʉɔ-Lɔ́mɑ 4:3 Кръстосани препратки

Mɑtʉ̈ɔ 20:9

Pʉɔ pínɛ pɔ́p zɛ yɔ́p fɑꞋ nǔu nɛm yɛ́tɑ́ɑ ntsuŋkẅɛ́Ꞌ tɔ́, pɛ́ ɡɑ́ tɑ́Ꞌ pɑk-ŋkɑ́p mbɔ̌ mbɑ wɔ̌ lɑ́ nǔu pɔ́p.

Mɑ́lɛ́kúshi 12:10

Ɛ́ lɑɑ mbɔɔ kʉ̈ɔ́ pɔ́, mbɔ pʉʉ kɑ fúŋ mɔ́ zʉꞋ-ŋwɑꞋnɛ-Sɛ́ yi ɛ́ cúnɛ ŋɡɔ: «ŊɡɔꞋ yí pɑpɔ́ɔndɑ́ kɑ mɛꞋnɛ kɑ tsʉ́Ꞌnɛ ŋɡɔꞋ yí ɛ́ piꞋnɛ ndɑ́.»

Pʉɔ-Lɔ́mɑ 10:11

Ɛ́ lɔk ńzɛɛ ḿbuutɛ nǔu pɑ́Ꞌ ŋwɑꞋnɛ-Sɛ́ kɑ cúnɛ ŋɡɔ: «Ŋu lɑɑ ńzɑ́p tʉ́m nǔu wɛ́, mbɔ sʉ́ʉ kɛ́ ɡɛ ŋ́kɔ́ ŋɡɑŋ pɔ́».

Pʉɔ-Lɔ́mɑ 11:2

Sɛ́ kɑ́ mɛꞋ pʉɔ pɛ́ pi ɑ kɑ zɑ́Ꞌnɛ njí ńtsɔ́Ꞌ wɔ́p pɔ́. Ɛ́ ɡʉ ŋ́ɡɛ pɑ́Ꞌ lɑ pʉʉ pɔ́ ńjí zʉꞋ-ŋwɑꞋnɛ-Sɛ́ yi ɛ́ zúꞋu Ɛlîi pɔ́ ɛ́sẅíi Sɛ́ nɛ́ yúu mi pɑíslɑyɛ̂l ɡɛnɛ,

Pʉɔ-Lɔ́mɑ 4:11

Pɛ́ kɑ ɡɔ́ ḿbúꞋ Ábɛlɛhɑ̂m, Sɛ́ pɔ́ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́, mbíꞋŋɡɔ ɑ kɑ pɔ́ ńzɑ́p tʉ́m yɛ́ nǔu Sɛ́. Pɛ́ kɑ ɡɛ tɛ ńcʉɔꞋ lii-ŋu ẅí pɛ́ púꞋnɛ wɛ́ nǔu wɛ́. Yîyɑ́ lii kɑ lɔk ńdɛꞋlɛ ŋɡɔ Sɛ́ fú nǔu pɑ́Ꞌ jʉ́ Ábɛlɛhɑ̂m zɑ́pnɛ tʉ́m nǔu wɛ́, ńdɔk wɛ́ ŋ́ɡɛ ŋu ẅí ɑ ndʉ́ŋndʉŋ mbi yɛ́. Ɛ́ fú pɔ́Ꞌɔ Ábɛlɛhɑ̂m tsʉ́Ꞌ tɑ́t pɛ́ pʉɔ tsʉʉ pi pɔ́p sɛ́ ńzɑ́p tʉ́m nǔu Sɛ́ tɛ mbɑ pɑ́Ꞌ pɛ́ ŋ́kɑɑ wɔ́p púꞋ, Sɛ́ tsʉ́Ꞌ ńdíŋɛ wɔ́p pɔ́p pɔ́ ndʉ́ŋndʉŋ mbi yɛ́.

Pʉɔ-Lɔ́mɑ 4:5

Lɑ́ ŋ́kɛ́ ŋ́ɡʉ nǔu ŋu ẅí ɑ kɑ́ lɔk pɔ mɛfɑꞋ mɛ́ pɔ́, ńzɑ́p pɔ ndɑꞋ tʉ́m yɛ́ nǔu Sɛ́ ẅí ɑ ɡɛnɛ ŋu kɛpɔŋ tsʉ́Ꞌ ŋu ẅi ɑ ndʉ́ŋndʉŋ mbi wɛ́, Sɛ́ lɔk pɔ́Ꞌɔ, ńtsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 4:9

Tɛ ɛ́ pɑ́Ꞌɑ wɔ nɛpɔ́ pɛpɔ́ttú, ɛ́ pɔ́ pɔ yɛ́ pʉɔ pi pɛ́ ŋ́kɑɑ púꞋ wɔ́p pɑ́Ꞌ pɔ́p ɡʉ ḿbɔ́ pʉɔ-Sɛ́ kɛ ɛ́ pɛn ḿbɔ́ mbɑ wɛ pʉɔ pi pɛ́ ŋkɑɑ wɔ́p púꞋ?» Pɛkŋɛ pɑ́Ꞌɑ ḿbɔ́ ńcú ŋɡɔ ɛ́ kɑ ɡʉ nǔu Ábɛlɛhɑ̂m, Sɛ́ lɔk pɑ́Ꞌ ɑ zɑ́pnɛ tʉ́m nǔu jʉ́ Sɛ́, ńtsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 9:17

Ɛ́ tsɛt ŋwɑꞋnɛ-Sɛ́, mbɔ pɛ́ kɑ zɛɛ ŋ́ŋwɑꞋnɛ ŋɡɔ: Sɛ́ cú mbɔ̌ fɔɔ Fɑlɑhɔŋ ŋɡɔ: Ŋ kɑ lɔk wú ŋ́ɡɛ fɔɔ nɛpɔ́ yi ŋ ɡʉ ńnyɛt wú nɛ́ yúu, pʉɔ fú nǔu ńjʉ́ɔ pɑ́Ꞌ n tɛnnɛ pɔ́Ꞌɔ, lɑ́ pɛ́ ɡɔ́ɔ ńjí lík yɑ́ɑ zʉꞋ tsʉʉ ndǔ tsɛ́tsɑ́Ꞌ.

Jɑ̂k 2:23

Nu yi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ntɛ́ wɛ́ fú pɔ́Ꞌɔ, ḿbuutɛ, pɛ́ kɑ ŋwɑꞋnɛ ŋɡɔ: «Ábɛlɛhɑ̂m kɑ zɑ́p tʉ́m yɛ́ nǔu Sɛ́, Sɛ́ fú nǔu, ńtsʉ́Ꞌ ńdíŋɛ wɛ́ ɑ pɔ́ mbi yɛ́, ḿbɔ́ pɔ ndʉ́ŋndʉŋ,» ɑ fúŋ wɛ́ ŋɡɔ súu nɛ.

Jɑ̂k 4:5

Pʉʉ kwɑŋɛ ŋɡɔ ŋwɑꞋnɛ-Sɛ́ cú ŋɡɔ: Sɛ́ kɑ́ pɛ́m ŋɡɔ pɛkŋɛ nɑ́ wɛcɔ́ ŋu jʉ́ zʉꞋ-zẅikŋɛ yi ɑ kɑ níꞋnɛ nǔu pɛkŋɛ pɔ́ pɛ́Ꞌɛ, ḿmɛɛ, mɛɛnɛ ńcú kii?