Pʉɔ-Lɔ́mɑ 13:2 - Kɑɑ Fí

² Pɔ́Ꞌɔ lɑ́, ḿbɔ́ yi ŋu lɑɑ ńtʉʉ tú mbɔ̌ pɑsɑ́Ꞌŋɡɔŋ, mbɔ ɑ lɔk ńdʉꞋ pɔ yúu mi Sɛ́ kɑ zɑ́pnɛ. Yîyɑ́ ntɛ́ pʉɔ pɔ́Ꞌɔ, ńdɔk ɛ́shɔtnɛ ɛ́fúŋ ntsɑŋ ńníꞋ tú pɔ́p.

Pʉɔ-Lɔ́mɑ 13:2 Кръстосани препратки

Mɑtʉ̈ɔ 23:13

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy. Pʉʉ pɑkɔŋmík, pʉʉ sɛ́ ŋ́kíitɛ ntsundɑ́ ẅi pʉɔmɛsɔŋ lɛɛnɛ nǔu lɑ ŋ́kúu tsɛt nu-nɛfɔɔ-Sɛ́, kwɑꞋ pʉʉ yʉ́ʉ sɛ́ mbɔɔ ŋ́kúu pɔ́, ŋ́kɛ́ ḿbɔɔ ńnɑ́ pʉɔ pí pɔ́p sɛ́ ŋ́kɔŋ nɛkúu tsɛtú kúu zúꞋu pɔ́.

Mɑ́lɛ́kúshi 12:40

ḿbɛn ńdɔk jínu ńcẅɛ́ɛ yúu pɛpfúk, ńtsʉ́ꞌ nɛcɛꞋlɛ Sɛ́, ńdɔk nɛcú nu ɛ́ sɑk, ɛ́fú mík-pʉɔ, Sɛ́ ɡʉ ńdɑ́Ꞌ ńzɑ́p yɔp ŋɡʉ̈ɔ́Ꞌ ɛ́ tɛn tɛꞋ.»

Lúkɑ́shi 20:47

Pɔ́p kɛ́nɛ ḿbɛn ńdɔk jínu ńcẅɛ́ɛ yúu pɛpfúk, ńtsʉ́Ꞌ nɛcɛꞋlɛ Sɛ́, ńdɔk nɛcú nu ɛ́ sɑk ɛ́fú mík pʉɔ. Sɛ́ ɡʉ ńdɑ́Ꞌ ńzɑ́p yɔ́p tsɑ́ŋ ɛ́ tɛn tɛꞋ.»

Pʉɔ-Lɔ́mɑ 13:1

Ɛ́ sɛ́ ḿbíkŋɛ ŋɡɔ mbɑ wɛ́tɛ́ ŋu lɑ́ tsɛtsɛt pʉʉ zúꞋ ntsu-pʉɔ pi pɔ́p sɑ́Ꞌnɛ ŋɡɔŋ, mbíꞋŋɡɔ nɛsɑ́Ꞌ ŋɡɔŋ fú pɔ mbɔ̌ Sɛ́. Sɛ́ kɑ zɑ́pnɛ pɑsɑ́Ꞌŋɡɔŋ pi pɔ́p ɡú.

Pʉɔ-Lɔ́mɑ 13:3

Pɑɡɛ nu sʉ́Ꞌnɛ kɑ́ ɡẅɛɛ nɛpɔ́k pɑsɑ́Ꞌŋɡɔŋ pɔ́, pɑɡɛ nu kɛpɔŋ ɡẅɛɛnɛ nɛpɔ́k wɔ́p. Ɔ lɑɑ ŋ́kɛ́ mbɔɔ kɔŋ nɛpɔ́k pɑsɑ́Ꞌŋɡɔŋ pɔ́, ɔ ɡɛ nu sʉ́Ꞌnɛ, pɔ́p ɡɑ́ pɑ́Ꞌlɑ́ mbɔ̌ ɡu.

Pʉɔ-Lɔ́mɑ 13:5

Ɛ́ yúu mi ɛ́ ɡɛnɛ lɑ ɛ́ pɔ́ ḿbíkŋɛ nɛkɔk mbʉʉ ŋ́ɡɑ́ sɛ́ mbi pɑsɑ́Ꞌŋɡɔŋ. Pɛ́ kɑ́ ɡɑ́ ɛ́ pɔ́ pɔ ndɑꞋ nɛlɔk ḿbɔ́k ŋɡɔ Sɛ́ ɡʉ ńzɑ́ŋ lɔ́ŋ pɔ́, ɛ́ pɛn ḿbɔ́, mbíꞋŋɡɔ tʉ́m yɛkŋɛ sɛ́ ḿbíkŋɛ ŋɡɔ pɛkŋɛ ɡɛ pɔ́Ꞌɔ.

Pʉɔ-Lɔ́mɑ 9:19

Líkcɔ́ ŋu zúꞋ pɑ́Ꞌɑ tɛ ḿbíkŋɛ wɑ́ɑ ŋɡɔ ɛ́ lɑɑ ḿbɔ́ pɔ́Ꞌɔ, Sɛ́ pɛn ŋ́kɑkŋɛ ŋu nǔu nu mɛlɑ́Ꞌ kʉ̈ɔ́, mbíꞋŋɡɔ ŋu kɛ́ kuꞋ nɛɡɛ yúu kɛ́ pɔ́ yi jʉ́ Sɛ́ kɑ zɑ́pnɛ ŋɡɔ ŋɡɑŋ ŋ́ɡɛ pɔ́ ɔɔ?

Tîtɛ 3:1

Kẅíitɛ pʉɔ-Kɛlístɔ ŋɡɔ pɔ́p ɡẅɛɛ nɛzúꞋ ntsu-pɑsɑ́Ꞌŋɡɔŋ pɔ́p pɑtsiinɛ ŋɡɔŋ, ŋ́ɡɛ yúu mi pɔ́p sɛ́ ḿbíkŋɛ, ḿbɛn ńnɑ́ŋ ńtʉ́ʉ pɔ nɛɡɛ mɛnu mi ɛ́ pɔŋnɛ.

Jɑ̂k 3:1

Pɔ́ɔpɛ́mɑ́ pɑ́ɑ, kɔɔ pʉʉ pɛtsʉʉ tsɑ́ɑ nɛpɔ́ pɑzíꞋ pʉɔ nɛ́ yúu, pʉʉ sɛ́ ńjí sʉ́Ꞌnɛ ŋɡɔ, pɛk pí pɛk zíꞋnɛ pʉɔ nɛ́ yúu, ntɛ́ yi pɛ́ ɡʉ ńdɑ́Ꞌ ńdɔk ŋ́ŋɑk wɛ́k, ɛ́ ɡʉ ńdɑ́Ꞌ ńtɛn ńdɛɛ yɛ́ pɛcɔ́ pʉɔ.

1 Pyɛ̂ 2:13

Pʉʉ lɛɛ nǔu lík-Tsɑpʉɔ ńzúꞋ ntsu-pɑsɑ́Ꞌlɑ́Ꞌ pɛtsʉʉ. Pʉʉ zúꞋ ntsu-Kɑ́sɑ ẅí ɑ tʉ́ʉnɛ mbí pɑsɑ́Ꞌ lɑ́Ꞌ pɛtsʉʉ,