Jɑ̂ŋ 9:34 - Kɑɑ Fí

³⁴ Pɔ́p tsɔ́Ꞌ mbɔ̌ wɛ́ ŋɡɔ: «pɛ́ kɑ pí wú tsɛt nu kɛpɔŋ, ɔ ɡʉ nɛzíꞋ wɛ́k nɛ́ yúu kîi!» Ŋ́ɡɔ́ɔ ɛ́fú ndɑ́-cúꞋlɛ ńzuŋ wɛ́ ŋ́ɡɑ́ píi.

Jɑ̂ŋ 9:34 Кръстосани препратки

Lúkɑ́shi 11:45

Wɛcɔ́ tɑ́Ꞌ ŋu nǔu pɑkyɛ́Ꞌtɛ nɛpʉ́ʉ-Mɔ̌sɛ̂ɛ zúꞋ tɛ ńcú mbɔ̌ Yɛ́su ŋɡɔ: «Cícɑ, tɛ ɔ jí ŋɡɔ ɔ cú pɛ́Ꞌnɛ ńdɔk ńtɛ́m sʉ́ʉ nǔu pɛk ɡúu?»

Lúkɑ́shi 14:11

Ɛ́ pɔ́Ꞌɔ, lɑ́ m bɔ́ ŋɡɔ ŋu lɑɑ ŋ́ŋɑ́Ꞌ mbʉʉ yɛ, mbɔ Sɛ́ ɡɛ ŋ́kɔk wɛ́ ŋ́ɡɑ́ sɛ́, ŋ́kɛ́ ŋ́kɔk mbʉʉ yɛ ŋ́ɡɑ́ sɛ́, mbɔ Sɛ́ ɡɛ ḿbʉꞋ wɛ́ ńtík tíknɛ.»

Lúkɑ́shi 18:17

Ɛ sẅíi wʉ́ʉ, kwɑꞋ nɛ́nẅín, ŋu lɑɑ ḿbɔɔ tsʉ́Ꞌ pɑꞋ mɔ́ɔ mɔ́yúu mɔ́ɔ, ḿbɛ́m ŋ́ɡɔ Sɛ́ tsʉ́Ꞌnɛ ɛ́sɑ́Ꞌ wɛ́ pɔ́, mbɔ ɑ kɛ́ ɡẅɛɛ nu nǔu nɛfɔɔ-Sɛ́ pɔ́.»

Lúkɑ́shi 6:22

Pʉʉ pɛpɔ́ttú, nǔu ŋkɑ́ yi pʉʉ cʉ́ɔ nzʉʉ mɔ́ɔ-ŋu, pɛ́ pɛn ḿbɔ́ ḿbɑɑ wʉʉ, ḿbɔ́ ŋ́kʉ́ʉnɛ wʉ́ʉ, ḿbɔ́ ńzɔɔtɛ wʉ́ʉ, ḿbɔ́ ḿbʉ́ʉpɛ lík yʉ́ʉ.

Jɑ̂ŋ 6:37

Mbɑ wɔ̌ lɑ́ ẅi Tɑ̌ɑ mɔ ɡɑ́nɛ mbɔ̌ mɔ, ɑ ɡʉ ńtɔ́ ńtsɛ́t wɑ́ɑ. M bɛn ŋ́kɛ́ mbɔɔ lɑ́Ꞌ yɛcɔ́ lɛ́Ꞌ ńcẅɛɛtɛ ŋu ẅí ɑ tɔ́nɛ ńtsɛ́t wɑ́ɑ, ŋ́ɡɑ́ píi pɔ́.

Jɑ̂ŋ 8:41

Pʉʉ fɑꞋ pɔ mɛfɑꞋ wʉʉ tɑ́t, pɔ́p pʉ̈ɔt mbɔ̌ wɛ́ ŋɡɔ: «Pɛk kɑ́ pɔ́ pɔ́ɔɡɑ́ɑ pɔ́, pɛk ɡẅɛɛ pɔ tɑ́Ꞌ Tɑ́t wɛ́mɔ́Ꞌ, ɑ pɔ́ Sɛ́.»

Jɑ̂ŋ 9:2

Gɑŋku-Yɛ́su píkŋɛ wɛ́ ŋɡɔ: «Cícɑ, wɔ ŋu kɑ ɡɔ́ ńcẅɛt nɛpɛm, ḿbɔ́ fʉmík, mbɔ wɔ̌ ɡɛnɛ nu kɛpɔŋ? Jʉ́ kɛ mɑmɑ́ wɛ, kɛ tɑ́t wɛ?»

Jɑ̂ŋ 9:22

Tɑ́t wɛ pɔ́p mɑ́ wɛ, pɔ́ ńcú pɔ́Ꞌɔ, mbíꞋŋɡɔ pɔ́p kɑ pɔ́ ḿbɔ́k pɑsɑ́Ꞌlɑ́Ꞌ-pɑyúdɑ. Ɛ́ ɡɔ́ ḿbɔ́, mbɔ pɑyúdɑ kɑ zɑ́b ŋɡɔ ŋu lɑɑ ḿbɛ́m ŋɡɔ Yɛ́su Nzɑ́Ꞌŋkʉ ẅí Sɛ́ kɑ kɑꞋnɛ, pɛ́ fú ndɑ́-cúꞋlɛ ńzuŋ ŋɡɑŋ.

Jɑ̂ŋ 9:35

Yɛ́su ɡɛ ńzúꞋ ŋɡɔ pɔ́p fú ndɑ́-cúꞋlɛ ńzuŋ fʉmík, ŋ́ɡʉ ńcú mbɔ̌ wɛ́ ŋɡɔ: Ɔ zɑ́b tʉ́m nǔu Mɔ́ɔ-Ŋu?

Jɑ̂ŋ 9:40

Pɛcɔ́ ntɑ́Ꞌpʉɔ tsɛt nɔɔ-pɑfɑlísɑy pínɛ pɔ́p ḿbɔ́nɛ zúꞋu, zúꞋ yɔ nu, ḿbíkŋɛ Yɛ́su ŋɡɔ: «Pɛ́ kɑ́ cú cúnɛ pɔ́, ŋɡɔ ɔ cú pɛfʉ pɑ́Ꞌɑ tɛ ɛ́sɑ́ŋ wɛ́k nǔu kɛkʉ̈ɔ́?»

1 Kɔlɛ̂ŋtɛ 5:13

Sɛ́ ɡʉ ńdɑ́Ꞌ ŋ́ŋɑk pʉɔ pi pɔ́p kɑ́ pɔ́ pʉɔ-Kɛlístɔ pɔ́. Pʉʉ fú tsɛtsɛt pʉʉ ńzuŋ ŋu kɛpɔŋ.

Ŋɡɑlɑ̂t 2:15

N cú mbɔ̌ Pyɛ̂ pɑ́Ꞌɑ, ɛ́ lɔk ḿbɔ́ ŋɡɔ pɛkŋɛ pɛpɔ́p pɑyúdɑ tɛ fú lɛ́Ꞌ nɛpí, pɛk kɑ́ pɔ́ pʉɔ pi pɔ́p fúnɛ tsɛt mɛcɔ́ mɛlɑ́Ꞌ mi pɔ́p kɑ́ jí nɛpʉ́ʉ-Sɛ́ pɔ́.

Ɛ́fɛ̂zɛ 2:3

Pɛkŋɛ pɛtsʉʉ kɑ zɛɛ ḿbɔ́ pɔ pɑ́Ꞌ pɔ́p, ḿbɔ́ ŋ́ɡɛ pɔ yúu mi tʉ́m-ŋumɛsɔŋ sɛ́ ńtsɑ́ɑ, mɛyúu mi tʉ́m-ŋumɛsɔŋ pɔ́p kwɑŋɛ yɛ́ tʉ́ʉnɛ nǔu, mbɔ pɛ́ kɑ pí wɛkŋɛ pɛkŋɛ pɔ́ pɔ pʉɔ pi Sɛ́ sɛ́ ńzɑ́ŋ lɔ́ŋ nǔu pɔ́p pɑ́Ꞌ ɑ sɛ́ ńzɑ́ŋ lɔ́ŋ nǔu pɛcɔ́ pʉɔ.

1 Pyɛ̂ 5:5

Ɛ́ ɡʉ nǔu pʉʉ ɡúu pɔ́ɔsuu, pʉʉ ɡɑ́ mbʉʉ yʉʉ sɛ́ mbi pɑcẅɛ́ɛmbi tsɛt cúꞋlɛ, ŋ́ɡʉ nǔu pʉɔ tsʉʉ, kɔɔ pʉʉ pɔ́ ŋ́ɡɛ yɛcɔ́ yúu, tɛ ŋu wʉʉ kwɑŋɛ ŋɡɔ ɑ lɛɛ wɛcɔ́. MbíꞋŋɡɔ ŋwɑꞋnɛ-Sɛ́ cú ŋɡɔ: Sɛ́ lʉꞋ pɑŋɑꞋtɛ mbʉʉ lʉꞋnɛ, ŋ́kɛ́ ńdɔk pɔŋtʉ́m ńdíŋɛ pʉɔ pi pɔ́p kɔknɛ mbʉʉ yɔp ŋ́ɡɑ́ sɛ́.

3 Jɑ̂ŋ 1:10

Ɛ́ yúu mi ɛ́ ɡɛnɛ mɔ ŋ́ɡɛ ńtɔ́ tɛ ŋ́kúu tsɛtsɛt pʉʉ, ŋ́kɛm mɛnu kɛpɔŋ mi ɛ́ ɡɛnɛ, ḿbɛn ɛ́sẅíi pʉɔ nɛ́ sẅiŋɛ kɛpɔŋ mbɑ cɔtnu yi ɑ cúnɛ nǔu pɛk. A kɑ́ ɡɛ pɔ ndɑꞋ pɔ́Ꞌɔ pɔ́, ɑ lʉꞋ nɛkúkŋɛ pɔ́ɔpɛ́mɑ́ pi pɔ́p pɛɡʉʉ, ḿbɛn ńtɔꞋ mbɑ pɛcɔ́ pʉɔ nɛkúkŋɛ wɔ́p, tɛ ɛ́fú tsɛt cúꞋlɛ ńzuŋ pʉɔ pi pɔ́p sɛ́ ńdɔɔ nɛkúkŋɛ wɔ́p.

3 Jɑ̂ŋ 1:9

Ŋ kɑ ŋwɑꞋnɛ mɛkɛm-ŋwɑꞋnɛ, ŋ́ɡɑ́ tsɛt yʉ́ʉ cúꞋlɛ-pʉɔ-Kɛlístɔ, lɑ́ Ndyɔtɛlɛ̂f ẅí ɑ kɔŋ nɛzɑ́Ꞌtɛ mbi pʉɔ tsʉʉ lʉꞋ nɛzúꞋ nu yi n cúnɛ tsɛtú.

Mɛnu ɛ́ ńdɑ́Ꞌ ńcẅɛt 13:17

Ŋu lɑɑ ḿbɔ́ ɑ pɔɔ zúu yúu, kɛ nɛfɛn kɛ́ pɔ́ yi ɑ ɡẅɛɛ yîyɑ́ lii yi ɛ́ lík-nduŋmbi nɑɑ ɛ̂wɑ́, ḿbɛn ńdɔk ḿbɔ́ mɛnɔ́mbɑɑ mi ɛ́ cúꞋlɛ́nɛ ḿbɔ́ lík yɛ́ pɔ́.