Jɑ̂ŋ 9:16 - Kɑɑ Fí

¹⁶ Pɛcɔ́ ntɑ́Ꞌ-Pɑfɑlísɑy cú ŋɡɔ, ŋu ẅí ɑ ɡɛnɛ yîyɑ́ nu, Sɛ́ zɛɛnɛ ḿbɔɔ wɛ́ túu, mbíꞋŋɡɔ ɛ́ ḿbɔ́ lɛ́Ꞌnji. Pɛcɔ́ pʉɔ pɔ́p cú ŋɡɔ, mbɔ ŋu kɛpɔŋ ɡɛ pɑ́Ꞌɑ lɑ́ ŋ́ɡɛ yîyɑ́ ntɛ́ mɛnu mɑ̌ɑmɑɑnɛ? Tɑ́kŋɛ ɡɔ́ɔ ŋ́kɛ́ ḿvu tsɛtsɛt pɔ́p.

Jɑ̂ŋ 9:16 Кръстосани препратки

Mɑtʉ̈ɔ 12:10

Wɛcɔ́ ŋu mbɛ́ɛnɛ pɔ́ yɛ́ ndɑ́ ɛ̂yɑ́, mbɔ pɔ́ yɛ́ kɑ pfú. Pʉɔ pi pɔ́p ḿbɔ́nɛ ndɑ́ ḿbɔ́ ńdɔɔ yúu minɛ pɔ́p ɡʉ ɛ́fú nǔu ńdɔk ɛ́fɛn Yɛ́su, ḿbíkŋɛ wɛ́ ŋɡɔ: «Ɛ́ nǔu nɛpʉ́ʉ nɛkŋɛ pɛ́Ꞌɛ ḿbɔ́ pɛ́ ɡɛ ŋu fíitɛ lɛ́Ꞌnji kɛ ŋɡɑ́ŋ?»

Mɑtʉ̈ɔ 12:2

Pɛcɔ́ pʉɔ nǔu pɑfɑlísɑy jʉ́ɔ pɔ́Ꞌɔ, ńcú nɛ́ Yɛ́su ŋɡɔ: «Líŋɛ lɑ ńjʉ́ɔ pɑ́Ꞌ ɡɑŋku pú ɡɛnɛ yúu mi nɛpʉ́ʉ kɑ́ pɔ́ ḿbíkŋɛ ŋɡɔ pɛ́ ɡɛ lɛ́Ꞌnji-Pɑyúdɑ pɔ́.»

Lúkɑ́shi 13:14

Lɑ́ fɔɔ tsɛt yîyɑ́ ndɑ́-cúꞋlɛ Pɑyúdɑ jʉ́ɔ pɔ́Ꞌɔ, nu zɑ́ŋ wɛ́, mbíꞋŋɡɔ Yɛ́su ɡɛ ŋu fíitɛ lɛ́Ꞌnji. A cú mbɔ̌ lɑ́Ꞌ ŋɡɔ: «Mɛlɛ́Ꞌ-fɑꞋ pɑ́Ꞌɑ ḿbɔ́ pɛ́nɛ́ntúkú, pʉʉ nɑ́ŋ ńdɔk pɛ́ɡɔɔ pʉ́ʉ ńtɔ́ nǔu mîmɑ́ mɛlɛ́Ꞌ pɛ́ zɔŋ wɔ́p, kɔɔ pʉʉ tɔ́ lɛ́Ꞌnji!»

Jɑ̂ŋ 10:19

Yɔ sẅiŋɛ pɛn ḿmɑꞋ tɑ́kŋɛ tsɛtsɛt pɑyúdɑ.

Jɑ̂ŋ 14:11

Ɛ sẅíi wʉ́ʉ ŋɡɔ mɔ nɛ́ Tɑ̌ɑ mɔ, pɛkŋɛ tɛmtɛ ḿbɔ́ pɔ tɑ́Ꞌ yúu, pʉʉ pɛ́m ŋɡɔ ɛ́ pɔ́Ꞌɔ, ńzɛɛ ḿbɔ́ yi pʉʉ kɛ́ pɛ́m nu yí n cúnɛ pɔ́, pʉʉ zɛɛ ńdíŋɛ pɔ mɛfɑꞋ mí pʉʉ jʉ́ɔnɛ ɛ fɑꞋ, ḿbɛ́m.»

Jɑ̂ŋ 15:24

«Mɔ ḿbɔ́ pɛ́Ꞌnɛ ŋ́kɛ́ mbɔɔ ɡɛ mɛfɑꞋ mí wɛcɔ́ ŋu ŋkɑɑ zɛɛ ŋ́ɡɛ tsɛtsɛt pɔ́p pɔ́ pɔ́, mbɔ pɔ́p ŋkɑɑ ɡẅɛɛ mɛnu kɛpɔŋ pɔ́. Lɑ́ ɛ́ nǔu ŋkɔ̂ɔnɛ yí pɔ́p jʉ́ɔnɛ lɑ́, pɔ́p kɛ́ ḿbɛn ḿbɔ́ ḿbɑɑ wɑ́ɑ pɑɑnɛ mbɑ Tɑ̌ɑ mɔ.»

Jɑ̂ŋ 2:11

Yɔ pɑ́Ꞌ Yɛ́su kɑ zɛnɛ nɛɡɛ mɛnu mɑ̌ɑmɑɑnɛ. Ɛ́ kɑ pɔ́ Kɑ́nɑ, tsɛt pɑk-ŋɡɔŋ-Ŋɡɑlilɛɛ, Yɛ́su lɔk pɔ́Ꞌɔ, ńdɛꞋlɛ nɛɡúꞋ wɛ. Gɑŋku pɛ́ zɑ́p tʉ́m nǔu wɛ́.

Jɑ̂ŋ 3:2

A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»

Jɑ̂ŋ 5:10

Pɑsɑ́Ꞌlɑ́Ꞌ-pɑyúdɑ cú mbɔ̌ ŋu ẅí ɑ fíitɛ́nɛ lɑ́ ŋɡɔ: «Ɔ kɑ́ ɡẅɛɛ nɛtíi mɑ́tɑ ńdɔk ńnɛn pɑ́Ꞌɑ pɔ́. MbíꞋŋɡɔ yɔ lɛ́Ꞌnji.»

Jɑ̂ŋ 5:36

Lɑ́ mɔ, ŋ kɛ́ ḿbɔ́ pɑ́Ꞌɑ ŋ́ɡẅɛɛ yɛcɔ́ nu yí ɛ́ tsɑnɛ yɛ́ Jɑ̂ŋ: MɛfɑꞋ mí Tɑ̌ɑ mɔ kɑ ɡɑ́nɛ ŋɡɔ ɛ fɑꞋ, kwɑꞋ mɛfɑꞋ ɛ̂mɑ́ nyɛtnɛ ŋɡɔ Tɑ̌ɑ mɔ kɑ túunɛ wɑ́ɑ.

Jɑ̂ŋ 6:52

Ńcú pɔ́Ꞌɔ, pɑsɑ́Ꞌlɑ́Ꞌ-Pɑyúdɑ pɔ́ ńzɔŋ tsɛtsɛt pɔ́p tɛꞋ ńcú ŋɡɔ: «Ŋu wɑ́ ɡʉ ŋ́ɡɛ ŋɡɔ́ku lɑ́ ŋ́ɡɑ́ mbɑp-mbʉʉ yɛ pɛkŋɛ kwɛ́t?»

Jɑ̂ŋ 7:12

Lɑ́Ꞌ pɔ́ ɛ́sẅíŋɛ mɛtsu mɛtsu ntɛ́ Yɛ́su. Pɛcɔ́ pʉɔ pɔ́ ńcú ŋɡɔ ɑ kwɑꞋ ŋu. Pɛcɔ́ pɔ́ ńcú ŋɡɔ ɑ fu pʉɔ funɛ.

Jɑ̂ŋ 7:23

Tɛ ɛ́ lɑɑ ḿbɔ́ yi mbɔ pʉʉ púꞋ mɔ́ɔ lɛ́Ꞌnji, ḿbɔ́k pɑ́Ꞌ pʉʉ ɡʉ ɛ́fɑɑnɛ nɛpʉ́ʉ-Mɔ̌sɛ̂ɛ, pʉʉ pɛn ńzɑ́ŋ lɔ́ŋ nǔu mɔ ŋɡɔ ŋ ɡɛ ŋu fíitɛ lɛ́Ꞌnji mɛlɑ́Ꞌ kʉ̈ɔ́?

Jɑ̂ŋ 7:43

Nu-Yɛ́su ɡɔ́ɔ ŋ́kɛ́ ḿmɑꞋ tɑ́kŋɛ tsɛtsɛt pɔ́p.

Jɑ̂ŋ 9:24

Pɑfɑlísɑy pɛn ɛ́fúŋ ŋu ẅí ɑ ḿbɔ́nɛ fʉ lɑ́, ńcú mbɔ̌ wɛ́ ŋɡɔ: «Tʉ́ʉ mbi-Sɛ́, ńcú nu nɛ́nẅín. Pɛk sɛ́ ńjí ŋɡɔ ŋu ɛ̂wɑ́ ŋu kɛpɔŋ.»

ŊwɑꞋnɛ-Gɑŋntúu Yɛ́su Kɛlístɔ 14:4

Pʉɔ pí pɔ́p tʉ́sɔŋ sɑ́ɑnɛ, ŋ́ɡɑptɛ nji yɛ́pɑ́. Tɑ́Ꞌ nji cʉ́ɔ nzʉʉ-pɑyúdɑ. Yɛcɔ́ cʉ́ɔ nzʉʉ-pɑpɛ́m Yɛ́su.