Jɑ̂ŋ 9:1 - Kɑɑ Fí

¹ Yɛ́su ɡɛ ḿbɔ́ ńdɛɛ yɛcɔ́ zʉꞋ, ńjʉ́ɔ wɛcɔ́ fʉmík, mbɔ pɛ́ kɑ pí wɛ́ ɑ pɔ́ pɔ fʉ.

Jɑ̂ŋ 9:1 Кръстосани препратки

Mɑtʉ̈ɔ 20:30

Pɛcɔ́ pɛfʉmík pɛ́pɑ́ pi pɔ́p nɑ́ŋnɛ mbʉʉ-sɛ̂ndúŋ, zúꞋ ŋɡɔ Yɛ́su sɛ́ ńdɛɛ zúꞋu, ńzɛ nɛɡɑ́ ɡwɑ́t, ńcú ŋɡɔ: «Tsɑpʉɔ ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɛ́k.»

Mɑtʉ̈ɔ 9:27

Yɛ́su fú zúꞋu ḿbɔ́ ŋ́ɡʉ, pɛcɔ́ pɛfʉmík pɛ́pɑ́ cʉ́ɔ nzʉʉ yɛ́, ḿbɔ́ ŋ́ɡɑ́ ŋɡi tʉ́ ńcú ŋɡɔ: «Ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɛ́k!»

Mɑ́lɛ́kúshi 9:21

Yɛ́su píkŋɛ Tɑ́-mɔ́ɔ ŋɡɔ: «Yɔ ɡɔɔ pɑꞋɑ ḿbɔ́ nǔu mɔ́ɔ tɛ ɛ́fú shʉ́n?» A cú ŋɡɔ: «Tɛ ɛ́fú ŋkɑ́ mbɔ́ŋkʉ̈ɔ́.»

Lúkɑ́shi 8:43

Wɛcɔ́ mɑŋɡɛ́ pɔ́ yɛ́ tsɛtsɛt, ŋ́ɡẅɛɛ ɡɔ́ɔ mɑ́sɔ́ɔ, mbɔ ɛ́ ɡɑ́ɑnɛ wɛ́ ɡɑ́ɑnɛnɛ ŋɡuꞋ ntsɔ̌ppɑ́ nɛ́ nɛɡɛ́m, ŋ́kɛ́ ḿbɔɔ zɑ́Ꞌnɛ, mbɔ pɑɡɛ mɛfu kɑ zɔŋ mɔ́ yɔ́p kɛ́kɑ́ŋ tɛ ŋ́kɑ́ɑ. A fɛn pɛ́ yúu tsʉʉ tsʉʉ pɔ nǔu, ŋ́kɛ́ ḿbɔɔ fíitɛ.

Jɑ̂ŋ 5:5

Wɛcɔ́ ŋu pɔ́ zúꞋu, mbɔ ɑ ɡɔɔ ɡɔɔnɛ ŋɡuꞋ ntsɔ̌pɛ́nɛ́fɔ́m nɛ́ mɛɡɛ́mɛ́ntɑ́t.

Jɑ̂ŋ 8:59

Pɔ́p zúꞋ pɔ́Ꞌɔ, ńdɑk mɛŋɡɔꞋ nɛlɔk ńtɛ́mtɛ Yɛ́su ńjẅí. A sɔ́ ḿbɛ́, ɛ́sɔ́ ɛ́fú tsɛt ndɑ́-nɔŋpɔꞋ ńcẅɛt.

Jɑ̂ŋ 9:2

Gɑŋku-Yɛ́su píkŋɛ wɛ́ ŋɡɔ: «Cícɑ, wɔ ŋu kɑ ɡɔ́ ńcẅɛt nɛpɛm, ḿbɔ́ fʉmík, mbɔ wɔ̌ ɡɛnɛ nu kɛpɔŋ? Jʉ́ kɛ mɑmɑ́ wɛ, kɛ tɑ́t wɛ?»

ŊwɑꞋnɛ-Gɑŋntúu Yɛ́su Kɛlístɔ 14:8

Ɛ́ ḿbɔ́ tʉ́sɔŋ-Listɛlɛ, wɛcɔ́ ŋɡɑŋkẅíꞋlɛ pɔ́ zúꞋu. Mbɔ pɛ́ kɑ ɡɔ́ ḿbí wɛ́ ɑ pɔ́ pɔ kʉ̈ɔ́. Mbɔ ɑ ŋ́kɑɑ mɔ kɑ́ nɛn.

ŊwɑꞋnɛ-Gɑŋntúu Yɛ́su Kɛlístɔ 28:4

Pʉɔ-lɑ́Ꞌ ɛ̂pɑ́ jʉ́ɔ pɑ́Ꞌ nɔ́ cʉŋɛ́nɛ nǔu pɔ́ yɛ́, ɛ́shɔtnɛ ńcú tsɛtsɛt pɔ́p ŋɡɔ: «Ŋu wɔ ɡʉ ŋ́ɡɛ ŋɡɔ́ku ɔɔ, ḿbɔ́ njẅíŋu. A luk ŋki lɑ́, sɛ́ wɛk Jẅitis jʉ́ɔ ŋɡɔ ɑ kɛ́ nɑ́ wɛ́ ɑ pɔ́ ɡú pɔ́.»

ŊwɑꞋnɛ-Gɑŋntúu Yɛ́su Kɛlístɔ 4:22

Ɛ́ pɛn ŋ́ɡɔ ḿbɔ́ ŋu ẅí ɑ kɑ fíitɛ́nɛ nǔu ntɛ́ yi mɑ̌ɑmɑɑnɛ lɑɑ, lɛɛ mɔ ŋɡuꞋ mɛɡɛ́mɛ́nɛ́kwɑ.

ŊwɑꞋnɛ-Gɑŋntúu Yɛ́su Kɛlístɔ 9:33

ŋ́kúu zúꞋu, ńjʉ́ɔ wɛcɔ́ ŋu, pɛ́ fúŋ yɛ́ ŋɡɔ Ɛ́nɛ́ɛ. Mbɔ ɑ nɔɔ kúu-ɡɔɔ ŋɡuꞋ yɛ́nɛ́fɔ́m, ḿbɔ́ ŋɡɑŋkẅíꞋlɛ.