Jɑ̂ŋ 8:21 - Kɑɑ Fí

²¹ Yɛ́su pɛn ńcú mbɔ̌ lɑ́Ꞌ ŋɡɔ: «Ŋ ɡʉ ŋ́ɡʉ, pʉʉ tsʉ́Ꞌ ḿbɔ́ ŋ́kɑ́t ńdɔɔ wɑ́ɑ. Lɑ́, pʉʉ ḿpfú nǔu nu kɛpɔŋ yʉ́ʉ. Pʉʉ kɑ́ kuꞋ nɛɡʉ zʉꞋ yi ŋ ɡʉnɛ nɛ́ zúꞋu pɔ́.»

Jɑ̂ŋ 8:21 Кръстосани препратки

Mɑtʉ̈ɔ 23:39

Ɛ́ yɛ́tɛ́ lɑ́ ŋ ɡʉ ɛ́sẅíi wʉ́ʉ ŋɡɔ: «Tɛ ɛ́fú ŋkɔ̂ɔnɛ, pʉʉ kɛ́ pɛn ńjʉ́ɔ wɑ́ɑ pɔ́, tɛ ńdɑ́Ꞌ ŋ́kúu lɛ́Ꞌ yi pʉʉ ɡʉ ńcú ŋɡɔ: Sɛ́ pɔ́ nɛ́ ŋu ẅí ɑ tɔ́nɛ nǔu lík yɛ́.»

Mɑtʉ̈ɔ 25:41

Ŋ́ɡɔ́ɔ ŋ́kɛ́ ḿbɛn ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi ŋkẅɛpmɛ, ɛ́ yɛ́tɛ́: «Pʉʉ ɡɑŋndɔɔ, pʉʉ fú nɛjɔ́ŋ mɔ ŋ́ɡʉ tɛ ŋɡɑ sɑk, ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́, ẅi pɛ́ kɑ niitɛ́nɛ ntɛ́ Sɑ́ttɑ pɔ́p pɛcʉ̈ɔ́Ꞌ pɛ́.

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Jɑ̂ŋ 12:33

Yɛ́su kɑ pɔ́ ńdɔk yɔ sẅiŋɛ, ńdɛꞋlɛ ntɛ́ nɛvú ni ɑ ɡʉ ŋ́ɡɛ ḿpfú yɛ́tɛ́.

Jɑ̂ŋ 12:35

Yɛ́su tsɔ́Ꞌ mbɔ̌ pɔ́p ŋɡɔ: «Kyɛꞌ kɛ́ ɡɛ ḿbɛn ḿbɔ́ tsɛtsɛt pʉʉ tɛ ntí sɑk pɔ́. Kyɛꞌ pɛ́t sɛ́, pʉʉ nɛn, ḿbɔ́k nzɛ́nzʉ́ʉ nɛkẅɛ́ɛtɛ wʉ́ʉ. Ɛ́ mbíꞋŋɡɔ ŋu sɛ́ ńnɛn tsɛt nzɛ́nzʉ́ʉ, ḿbɔɔ ńjí zʉꞋ yi ɑ ɡʉ nɛ́ zúꞋu pɔ́.

Jɑ̂ŋ 13:33

Mbɔ́ŋkʉ̈ɔ́ pɑ́ɑ, pɛkŋɛ kɛ́ pɛn ńnɑ́ŋ tɛ ntí sɑk pɔ́. Pʉʉ ɡʉ ŋ́ɡɛ ḿbɔ́ kɑ́t ńdɔɔ wɑ́ɑ pɑ́Ꞌ ŋ kɑ cúnɛ mbɔ̌ Pɑyúdɑ ŋɡɔ: «ZʉꞋ yí ŋ ɡʉnɛ nɛ́ zúꞋu, pʉʉ kɛ́ kuꞋ nɛtɔ́ zúꞋu pɔ́. Mɔ ḿbɛn ńcú yîyɑ́ nu mbɔ̌ pʉʉ ŋkɔ̂ɔnɛ.»

Jɑ̂ŋ 7:34

Pʉʉ ɡʉ ŋ́ɡɛ ḿbɔ́ ńdɔɔ wɑ́ɑ, ḿbɛn ŋ́kɛ́ mbɔɔ wɑ́ɑ jʉ́ɔ, mbíꞋŋɡɔ zʉꞋ yi ŋ ɡʉnɛ nɛ́ zúꞋu, pʉʉ kɑ́ kuꞋ nɛtɔ́ zúꞋu pɔ́.

Jɑ̂ŋ 7:36

Yɔ ntɛ́ sẅiŋɛ pɑ́Ꞌɑ ńdɔk ńcú ŋɡɔ kʉ̈ɔ́, pɑ́Ꞌ ɑ cúnɛ ŋɡɔ pʉʉ ɡʉ ńdɔɔ wɑ́ɑ ḿbɛn ŋ́kɛ́ mbɔɔ wɑ́ɑ jʉ́ɔ, ḿbɛn mbɔɔ kuꞋ nɛtɔ́ zʉꞋ yí mɔ zúꞋu pɔ́ ɔɔ?»

Jɑ̂ŋ 8:24

Ɛ́ yúu mi ɛ́ lɑ́Ꞌnɛ ŋ́ɡɛ lɑ n cú mbɔ̌ pʉʉ ŋɡɔ: Pʉʉ ɡʉ ŋ́ɡɛ ḿpfú tsɛt mɛnu kɛpɔŋ mʉ́ʉ. MbíꞋŋɡɔ pʉʉ lɑɑ ḿbɛ́m ŋɡɔ ŋu ẅí pɛ́ fúŋnɛ wɛ́ ŋɡɔ Mɔ ɡú ɑ mɔ pɔ́, mbɔ pʉʉ ɡʉ ḿpfú tsɛt mɛnu kɛpɔŋ mʉ́ʉ.

Ɛ́fɛ̂zɛ 2:1

Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, mbɔ pʉʉ kɑ pfú mɔ́ mbíꞋ pɑ́Ꞌ pʉʉ kɑ pɔ́ ɡɑŋmɛfɑɑnɛ ḿbɛn ḿbɔ́ pɑɡɛ mɛnu kɛpɔŋ.