Jɑ̂ŋ 8:14 - Kɑɑ Fí

¹⁴ Yɛ́su tsɔ́Ꞌ mbɔ̌ pɔ́p ŋɡɔ: «N dɑɑ ńzɛɛ ḿbɔ́ ńcú nu yi n jínɛ nǔu túmbʉʉ yɑ́ɑ lɑ́, nu yi n cúnɛ kɛ́ ḿbɔ́ nɛ́nẅín, mbíꞋŋɡɔ mɔ sɛ́ ńjí zʉꞋ yí ŋ kɑ fúnɛ zúꞋu, ḿbɛn ḿbɔ́ ńjí zʉꞋ yí ŋ ɡʉnɛ nɛ́ zúꞋu. Lɑ́ ŋ́ɡʉ nǔu pʉʉ, mbɔ pʉʉ kɑ́ pɔ́ ńjí zʉꞋ yí ɛ fúnɛ nɛ́ zúꞋu pɔ́, ḿbɛn ŋ́kɛ́ ḿbɔɔ ńjí zʉꞋ yí ŋ ɡʉnɛ nɛ́ zúꞋu pɔ́.»

Jɑ̂ŋ 8:14 Кръстосани препратки

Jɑ̂ŋ 10:15

Ndʉ́ŋndʉŋ pɑ́Ꞌ Tɑ̌ɑ mɔ sɛ́ ńjí wɑ́ɑ, m bɛn ḿbɔ́ ńjí Tɑ̌ɑ mɔ. Ŋ ɡɑ́ tú yɑ́ɑ ntɛ́ mɛnjinjɔ mɑ́ɑ.

Jɑ̂ŋ 10:36

mɔ m bɛn ńtʉ́ʉ pɑ́Ꞌɑ ḿbɔ́ ŋu ẅí Tɑ̌ɑ mɔ Sɛ́ kɑ tsɔ́Ꞌnɛ ńtúu ndǔ yɔ mbí, mbíꞋŋɡɔ n cúnɛ ŋɡɔ mɔ mɔ́ɔ-Sɛ́, pʉʉ cú ŋɡɔ n zɔɔtɛ Sɛ́?

Jɑ̂ŋ 13:3

Yɛ́su pɔ́ ńjí ŋɡɔ Tɑ́t wɛ kɑ níꞋ mɛtʉʉ nɛlɔk ŋ́ɡɛ yúu tsʉʉ mbɔ̌ wɛ́, ḿbɛn ḿbɔ́ ńjí ŋɡɔ ɑ kɑ fú mbɔ̌ Sɛ́, ɑ pɛn ḿbɔ́ ŋ́ɡʉ nɛ́ nɛjɔ́ŋ Sɛ́.

Jɑ̂ŋ 14:10

Ɔ kɑ́ pɔ́ ḿbɛ́m ŋɡɔ mɔ nɛ́ Tɑ̌ɑ mɔ, pɛkŋɛ tɛmtɛ ḿbɔ́ pɔ tɑ́Ꞌ yúu pɔ́ Kɛ? Nu yí ɛ sẅíinɛ wʉ́ʉ kɑ́ pɔ́ ɛ́fú mbɔ̌ mɔ pɔ́. Tɑ̌ɑ mɔ ẅí ɑ nɛ́ mɔ jʉ́ lɔknɛ wɑ́ɑ ɛ́fɑꞋ mɛfɑꞋ mɛ́.

Jɑ̂ŋ 16:28

Ŋ kɑ fú mbɔ̌ Tɑ̌ɑ mɔ, ńtɔ́ ndǔmbí, m bɛn ḿbɔ́ ŋkɔ̂ɔnɛ ḿbɔ́ ɛ́fú ndǔmbí ŋ́ɡʉ nɛtsɛ́t wɛ́.

Jɑ̂ŋ 17:8

Ŋ kɑ kɛ́ ńcú mɛnu tsʉʉ mí ɔ kɑ níꞋnɛ mbɔ̌ mɔ mbɔ̌ pɔ́p, pɔ́p pɛ́m, ńtsuŋ ńjí ŋɡɔ ɛ fú nɛjɔ́ŋ ɡu, ḿbɛn ńjí ŋɡɔ ɡu kɑ túunɛ wɑ́ɑ.

Jɑ̂ŋ 18:37

Pilɑ́tɔ píkŋɛ wɛ́ ŋɡɔ: «Ɔ lɔk ḿbɔ́ fɔɔ pɔ́ ɔɔ?» Yɛ́su tsɔ́Ꞌ ŋɡɔ: «Gu cúnɛ pɔ́Ꞌɔ, mɔ fɔɔ. ZúꞋ yúu mi ɛ́ kɑ ɡɛnɛ pɛ́ pí wɑ́ɑ, ḿbɛn ńzúꞋ yúu mi ɛ́ kɑ ɡɛnɛ n tɔ́ ndǔmbí. Ŋ kɑ tɔ́ nɛcú yúu mi n jínɛ nǔu nu nɛ́nẅín. Ŋu pɔ́ nǔu nu nɛ́nẅín, ńzúꞋ ŋɡi yɑɑ.»

Jɑ̂ŋ 5:31

Mɔ ḿbɔ́ pɛ́Ꞌnɛ ḿbɔ́ ńcú pɔ nu yí n jínɛ nɛ́ túmbʉʉ yɑ́ɑ, mbɔ ɛ́ lɑɑ ḿbɔ́ pɛ́ pɔɔ yîyɑ́ nu pɛ́m.

Jɑ̂ŋ 8:42

Yɛ́su cú mbɔ̌ pɔ́p ŋɡɔ: «Sɛ́ lɑ́Ꞌnɛ pɛ́Ꞌnɛ ḿbɔ́ tɑ̌ɑ wʉʉ, mbɔ pʉʉ kɔŋ wɑ́ɑ. Ŋ kɑ zɛɛ ɛ́fú pɔ mbɔ̌ Sɛ́ ńtɔ́. Ŋ ɡɔ́ ḿbɔ́ zɑꞋnɛ jʉ́ cúnɛ. Mɔ ŋkɑɑnɛ zɑ́p ŋɡɔ ŋ ɡʉ ńtɔ́ pɔ́, jʉ́ kɑ túunɛ wɑ́ɑ.

2 Kɔlɛ̂ŋtɛ 11:31

Sɛ́ ẅi ɑ tɑ́t pɛ́ Ndɛ wɛkŋɛ Yɛ́su Kɛlístɔ, jʉ́ Sɛ́ ẅi ɑ sɛ́ ḿbíkŋɛ ŋɡɔ pɛ́ ɡúꞋlɛ wɛ́ kɛ́ zɑ́Ꞌ nɛpɑt, ɑ sɛ́ ńjí ŋɡɔ ŋ kɑ́ pɔ́ ńcú pɑ́Ꞌɑ ńdɔk ńcʉ̈ɔt nu pɔ́.

2 Kɔlɛ̂ŋtɛ 12:11

Pʉʉ jʉ́ɔ pɑ́Ꞌ n tsʉ́Ꞌ ɛ́sẅíitɛ pɔ pɑ́Ꞌ pɑ́lɛ́ lɑ́, ɛ́ kɛ́ ɛ́fú pɔ mbɔ̌ pʉʉ, mbíꞋŋɡɔ pʉʉ kɑ ɡẅɛɛnɛ nɛɡɛ pɛ́ jí yɑɑ ntɛ́ nɛfɑꞋ. Tɛ mbɑ pɑ́Ꞌ mɔ tsɛtsɛt pʉʉ mbɔɔ nǔu yɛcɔ́ yúu kuꞋ. Pʉɔ pi pɔ́p tsɛtsɛt pʉʉ pɛ́ fúŋ nɛ́ kwɑꞋ ɡɑŋntúu lɑ́, pɔ́p kɑ́ ɡɛ yɛcɔ́ yúu tɛ ńdɔk ńdɛɛ wɑ́ɑ pɔ́.

2 Kɔlɛ̂ŋtɛ 12:19

Líkcɔ́, mbɔ pʉʉ ńdɑ́Ꞌmɔ́ ńzɛ nɛkwɑŋɛ ŋɡɔ pɛk sɛ́ ńdɔɔ nɛzɔŋ tú yɛ́k mbɔ̌ pʉʉ. Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Pɛk ɡɔ́ ńcú nu, ɛ́ pɔ́ pɔ nǔu ntɛ́ yi Kɛlístɔ sɛ́ ŋ́kɔŋ, pɛk pɛn ńtʉ́ʉ pɔ mbi Sɛ́ lɑ ńcú. Pɔ́ɔpɛ́mɑ́ pɑ́ɑ pɛ́ tʉʉndɛn, pɛk ɡɔ́ ńcú pɔ́Ꞌɔ, ɛ́ pɔ́ pɔ nɛlɔk ŋ́ɡɛ, pʉʉ kẅiꞋ ńzɑ́p tʉ́m yʉ́ʉ nǔu Sɛ́.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.

Mɛnu ɛ́ ńdɑ́Ꞌ ńcẅɛt 3:14

Ɔ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Lɑɔdisɛ́. Ŋwɑꞌnɛ ŋɡɔ: Ŋu ẅí lík yɛ́ ŋɡɔ ɛ́ pɔ́ꞌɔ, ɑ pɔ́ jʉ́njʉ́ɔ wɛ kɛ́ kúpmɛ sẅiŋɛ, ẅi ɑ cúnɛ nu yí ɛ́ nɛ́nẅín, ẅi jʉ́ nzɛnɛ nǔu kʉ̈ɔ́ lɑ́ yi Sɛ́ kɑ niitɛ́nɛ, ɑ sɛ́ ńcú ŋɡɔ: