Jɑ̂ŋ 8:11 - Kɑɑ Fí

¹¹ A pʉ̈ɔt mbɔ̌ wɛ́ ŋɡɔ: «Sɑ̌ɑ ŋu mbɑ̌ɑ Ndɛ.» Yɛ́su cú mbɔ̌ wɛ́ ŋɡɔ: «Mbɑ mɔ yɑ́ɑ, ŋ kɛ́ tɛ́m wú pɔ́. Gʉ, kɔɔ lɑ́Ꞌ ḿbɛn ŋ́ɡɛ nu kɛpɔŋ.»

Jɑ̂ŋ 8:11 Кръстосани препратки

Lúkɑ́shi 13:3

Ŋɡɑ́ŋ, ɛ́ nu pɔ́. Jínɛ ŋɡɔ pʉʉ lɑɑ ŋ́kɛ́ ḿbɔɔ kúpmɛ wʉʉ mɑt pɔ́, mbɔ pʉʉ ɡʉ ŋ́ɡɛ ḿpfútɛ yʉ́ʉ pɔ pɑ́Ꞌ pɔ́p lɑ́.

Lúkɑ́shi 13:5

Ŋɡɑ́ŋ, ɛ́ kɑ́ pɔ́ nu pɔ́. Pʉʉ lɑɑ ŋ́kɛ́ ḿbɔɔ kúpmɛ wʉʉ mɑt pɔ́, mbɔ pʉʉ ɡɛ ḿpfútɛ yʉ́ʉ pɔ pɑ́Ꞌ pɔ́p.»

Lúkɑ́shi 15:10

Tsʉ́Ꞌnɛ, ɛ sẅíi wʉʉ: Ɛ́ pɛn ḿbɔ́ pɔ pɔ́Ꞌɔ, pɛcʉ̈ɔ́Ꞌ-Sɛ́ tsɑ́ɑtɛ ntɛ́ tɑ́Ꞌ ŋu kɛpɔŋ wɛmɔ́Ꞌ ẅi ɑ kúpnɛ mɑt wɛ.»

Lúkɑ́shi 15:32

Lɑ́, ɛ́ ḿbɔ́ ḿbɔŋ ŋɡɔ pɛkŋɛ tsɑ́ɑtɛ kwɑꞋ sʉ́Ꞌnɛ, mbíꞋŋɡɔ mɔ́ɔmɑ́ wu wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.»

Lúkɑ́shi 15:7

Ɛ́ pɔ́Ꞌɔ, lɑ́ ɛ sẅíi wʉ́ʉ ŋɡɔ: Tɑ́Ꞌ ŋu kɛpɔŋ lɑɑ ŋ́kúp mɑt wɛ, pɛ́ tsɑ́ɑtɛ tʉ́nɛ́pú tɛꞋ, ńtsɑ pɑ́Ꞌ ɛ́ lɑɑ ḿbɔ́ pɛ́ tsɑ́ɑtɛ nǔu pʉɔ ntsɔ̌pɛ́nɛ́pfuꞋú mɛɡɛ́mɛ́nɛ́pfúꞋú pi pɔ́p jʉ́ɔnɛ ŋɡɔ pɔ́p nɛ́nẅín tɛ ḿbɔ́ pɔ́p pɔɔ kíi ŋ́kúp mɑt wɔp pɔ́.»

Lúkɑ́shi 5:32

Mɔ ŋkɑɑ tɔ́ pɔ nɛfúŋ pʉɔ ndʉ́ŋndʉŋ pɔ́. Ŋ kɑ tɔ́ ntɛ́ pʉɔ kɛpɔŋ ŋɡɔ pɔ́p kúpmɛ mɑt wɔp.»

Lúkɑ́shi 9:56

Ŋ́ɡɛ pɔ́Ꞌɔ pɔ́p pɛ́pɔ́p tsʉꞋ ńdɔk pɔ wɛcɔ́ ndúŋ-lɑ́Ꞌ wɛ ndɛꞋ ńdɔk ŋ́ɡʉ.

Jɑ̂ŋ 18:36

Yɛ́su tsɔ́Ꞌ ŋɡɔ: «Nɑ́ɑ nɛfɔɔ kɑ́ pɔ́ nɛ́ yɔ mbí pɔ́. Nɛfɔɔ nɑ́ɑ pɛ́Ꞌnɛ ḿbɔ́ nɛ́ yɔ mbí, mbɔ pʉɔ pɑ́ɑ lɑ́Ꞌ mbɔɔ nɑ́ nzʉʉ yɑɑ, tɛ pɛ́ níꞋ wɑ́ɑ mbɔ̌ pɛkɛ́m-Pɑyúdɑ pɔ́. Lɑ́, n zɛɛ ńcú ŋɡɔ nɑ́ɑ nɛfɔɔ kɑ́ pɔ́ nɛ́ ndǔmbí yɔ pɔ́.»

Jɑ̂ŋ 3:17

Mbɑ pɔ́Ꞌɔ, Sɛ́ ŋkɑɑ zɛɛ ńtúu Mɔ́ɔ nɛ ndǔmbí ŋɡɔ ɑ ɡʉ ŋ́ŋɑk pʉɔmɛsɔŋ pɔ́. A kɑ túu wɛ́ nɛpɔ́ yi ɑ ɡʉ ŋ́ɡʉ ŋ́ɡɛ pʉɔmɛsɔŋ luk.

Jɑ̂ŋ 5:14

Yɛ́su ɡɛ ńjʉ́ɔ wɛ́ tsɛt ndɑ́-nɔŋpɔꞋ, ńcú mbɔ̌ wɛ́ ŋɡɔ: «Ɔ lɑ́Ꞌ ɛ́fíitɛ sʉ́Ꞌnɛ, kɔɔ lɑ́Ꞌ ḿbɛn ŋ́ɡɛ nu kɛpɔŋ ḿbɔ́k yɛcɔ́ ŋɡʉ̈ɔ́Ꞌ nɛpɛn ŋ́kúu wú, tɛ ńtsɑ yi ɔ kɑ zɛɛnɛ ḿbɔ́ tsɛtú.»

Jɑ̂ŋ 8:15

Pʉʉ ŋɑk pʉɔ pɔ nǔu ntɛ́ yɛ́ pʉɔmɛsɔŋ. Ɛ́ ɡʉ nǔu mɔ, mbɔ n dɔɔ ŋ́ŋɑk ŋu pɔ́.

Pʉɔ-Lɔ́mɑ 2:4

Ɔ sɛ́ ŋ́ɡɛ pɔ́Ꞌɔ, ńtsʉ́Ꞌ ńdɔk ŋ́ɡwɑ́k Sɛ́ ɡwɑ́knɛ, ḿbɔ́ ńcú ŋɡɔ ɑ ɡẅɛɛ pɔŋtʉ́m, ɑ kɑ́ ɡɔ́ɔ fɛ́Ꞌnɛ cɔ́k pɔ́, ɑ ɡẅɛɛ kɔkmbʉʉ. Pɔ́Ꞌɔ, ɔ kɑ́ pɔ́ ńjí ŋɡɔ ɑ ɡẅɛɛ pɔŋtʉ́m nzʉʉ ɡu pɔ́Ꞌɔ, pɔ nɛlɔk ŋ́ɡɛ ɔ kúpmɛ mɑt pɔ́ ɔɔ?

1 Kɔlɛ̂ŋtɛ 5:12

Pɛkŋɛ pɛ́ pʉɔ pi pɔ́p kɑ́ pɔ́ pʉɔ-Kɛlístɔ pɔ́ zɛɛ ŋ́ɡẅɛɛ kʉ̈ɔ́ tɛ ŋ ŋɑk wɔ́p? Pʉʉ ɡẅɛɛ pɔ nɛŋɑk pʉɔ pi pʉʉ pɛ́ pɔ́p pɔ́nɛ ndɑ́.

2 Pyɛ̂ 3:15

Tɑ́Ꞌ yúu mi ɛ́ pɛn ḿbɔ́ ḿbíkŋɛ ŋɡɔ pʉʉ kẅíitɛ ɛ́ pɔ́ pɔ ŋɡɔ, Tsɑpʉɔ pɔ́tnɛ ńzẅíꞋlɛ, ɑ kɑ́ pɔ́ fɛ́Ꞌnɛ ńtɔ́ pɔ́, nɛɡɑ́ shʉ́ pɑ́Ꞌ ḿbɔ́ pʉɔ luk. Ɛ́ pɛn ḿbɔ́ pɔ yúu mi Pɔ̂l, mɔ́ɔmɑ́ wɛkŋɛ, ḿbɔ́ súu wɛkŋɛ kɑ cúnɛ tsɛt mɛŋwɑꞋnɛ mi ɑ kɑ ɡɑ́nɛ mbɔ̌ pʉʉ. A kɑ lɔk pɔ jínu nu yi Sɛ́ kɑ ɡɑ́nɛ mbɔ̌ wɛ́ lɑ ńdɔk ńcú.