Jɑ̂ŋ 7:7 - Kɑɑ Fí

⁷ Mbɔ pʉɔ-ndǔmbí pɔɔ wʉ́ʉ pɑɑ. Lɑ́ ŋ́ɡʉ nǔu mɔ, mbɔ pɔ́p pɑɑ wɑ́ɑ, mbíꞋŋɡɔ ŋ kɑ pɔ́ ɛ́sẅíi wɔ́p nɛ́ sẅíiŋɛ ŋɡɔ ŋɡɛnɛ nu yɔ́p kɑ́ pɔŋ.

Jɑ̂ŋ 7:7 Кръстосани препратки

Lúkɑ́shi 6:26

Pʉʉ pɛpɛktú pɑ́Ꞌ ɛ́ lɑɑ ḿbɔ́ pʉɔ pɔ́ ŋ́kẅíi lík yʉ́ʉ pɔ sʉ́Ꞌnɛ, ɛ́ zɛɛ ḿbɔ́ pɔ pɑ́Ꞌ pɛtɑ̌ɑ pɔ́p kɑ pɔ́ ŋ́ɡɛ nǔu pɛŋɡɛ́mndʉ̈ɔ́Ꞌ pɛ́ kɛpɔŋ.

Jɑ̂ŋ 17:14

Ŋ kɑ cú nu yú mbɔ̌ pɔ́p, pʉɔ-ndǔmbí pɑɑ wɔ́p mbíꞋŋɡɔ pɔ́p zɛɛ ḿbɔɔ pʉɔ-ndǔmbí pɔ́ pɑ́Ꞌ mbɑ mɔ yɑ́ɑ ŋ kɑ́ pɔ́ ŋu-ndǔmbí pɔ́.

Jɑ̂ŋ 3:19

Pɛ́ ńdɑ́Ꞌ ŋ́ŋɑk pʉɔmɛsɔŋ ntɛ́ nu-kyɛꞋ yi ɛ́ kɑ tɔ́nɛ ndǔmbí, lɑ́ pʉɔmɛsɔŋ kɔŋ pɔ nzɛ́nzʉ́ʉ ńtsɑ kyɛꞌ ɛ̂yɑ́, mbíꞋŋɡɔ ŋɡɛnɛ mɛnu mɔ́p kɑ́ pɔŋ.

Pʉɔ-Lɔ́mɑ 8:7

Pɛcɔ́ pʉɔ nǔu sɛ̂ndúŋ-nɛvú mbíꞋŋɡɔ pʉɔ pi pɔ́p nɑ́ŋnɛ ńtík tʉ́m yɔ́p pɔ nǔu yúu mi mbʉʉ yɔp sɛ́ ɛ́sẅíi wɔ́p, pɛɡɑŋmbuu-Sɛ́. Pɔ́p kɑ́ kúꞋlɛ nɛpʉ́ʉ-Sɛ́ pɔ́, wɛcɔ́ shʉ́ nɛzɛɛ ŋ́kúꞋlɛ kɑ́ pɔ́ mbɔ̌ pɔ́p pɔ́.

Ŋɡɑlɑ̂t 4:16

Ɛ́ ŋkɔ̂ɔnɛ, mbɔ n tsʉ́Ꞌ ŋɡɑŋmbuu wʉ́ʉ mbíꞋŋɡɔ n dɑ́Ꞌ ḿbɔ́ ɛ́sẅíi wʉ́ʉ pɔ nɛ nu nɛ́nẅín kíi?

Jɑ̂k 4:4

Pʉʉ pɑlɑŋ nzʉʉ-pʉɔ. Pʉʉ kɑ́ pɔ́ ńjí ŋɡɔ ŋu ẅí ɑ súu-yúu-ndǔmbí, tsʉ́Ꞌ ḿbɔ́ pɔ ŋɡɑŋmbuu-Sɛ́ pɔ́ kɛ? Ŋu ẅí ɑ kɔŋnɛ yúu-ndǔmbí tsʉ́Ꞌ ḿbɔ́ pɔ ŋɡɑŋmbuu-Sɛ́.

1 Jɑ̂ŋ 4:5

Pɑcẅi Ŋkʉʉ-Sɛ́ pɛ́ cɔtnu, pɔ́p nǔu ɡúŋ yɛ́ pʉɔ-ndǔmbí. Ɛ́ yúu mi ɛ́ ɡɛnɛ pɔ́p zíꞋ yúu ɛ́ pɔ́ pɔ yɛ́ ndǔmbí, pʉɔ-ndǔmbí pɛn ńzẅíꞋlɛ yɔ́p nu.