Jɑ̂ŋ 7:6 - Kɑɑ Fí

⁶ Yɛ́su pʉ̈ɔt mbɔ̌ pɔ́p ŋɡɔ: «Yɑ́ɑ ŋkɑ́ pɛ́t kɛ́ kuꞋ, lɑ́ ŋ́ɡʉ nǔu pʉʉ, mbɔ ŋkɑ́ kʉ̈ɔ́ lɑ́ ɛ́ mbɔ̌ pʉʉ ḿbɔ́ pɔ sʉ́Ꞌnɛ.

Jɑ̂ŋ 7:6 Кръстосани препратки

Mɑtʉ̈ɔ 26:18

Yɛ́su cú mbɔ̌ pɔ́p ŋɡɔ: «Pʉʉ ɡʉ tʉ́sɔŋ, ńjʉ́ɔ mɑ́kɛkɛ, ńcú mbɔ̌ wɛ́ ŋɡɔ: Cícɑ cú ŋɡɔ pɛk sẅíi wú ŋɡɔ yɛ́ ŋkɑ́ pɑ́Ꞌɑ ḿbɔ́ ŋ́kuꞋ, ɑ sɛ́ ŋ́kɔŋ ŋɡɔ pɔ́p ɡɑŋku pɛ́ jʉ́ wɔp ndínɑ-Pɑ́skɑ pɔ njɛ́Ꞌ wu.»

Jɑ̂ŋ 13:1

Ɛ́ kɑ tsʉꞋ pɔ pɑ́Ꞌ njí ɡʉ kiɛ pɛ́ jʉ́ ndínɑ-Pɑ́skɑ, Yɛ́su pɔ́ ńjí ŋɡɔ yîyɑ́ ŋkɑ́ kuꞋ pɑ́Ꞌ ɑ ɡʉ ɛ́fú ndǔ yɔ mbí ŋ́ɡʉ ŋ́kẅɛ́ɛtɛ Tɑ́t wɛ. Pɑ́Ꞌ jʉ́ Yɛ́su kɑ pɔ́ ŋ́kɔŋ pʉɔ pí pɔ́p ndǔmbí ḿbɔ́ pɛ́ lɑ́, ɑ kẅiꞋ ŋ́kɔŋ wɔ́p tɛ ḿmɛkŋɛ.

Jɑ̂ŋ 17:1

Yɛ́su kɑ cú yɔ nu tɛ ḿbɔ́tnɛ ńnɑ́ŋ, ḿbʉꞋ tú yɛ́, ńdíŋɛ tʉ́, ńcú ŋɡɔ: «Tɑ̌ɑ mɔ, ŋkɑ́ kuꞋ, ɡɛ pɛ́ jʉ́ɔ nɛɡúꞋ Mɔ́ɔ nu, Mɔ́ɔ nu ɡʉ ŋ́ɡɛ yɛ́, pɛ́ jʉ́ɔ nɛɡúꞋ wu.

Jɑ̂ŋ 2:4

Yɛ́su pʉ̈ɔt mbɔ̌ wɛ́ ŋɡɔ: «Mɑ́ɑmɑɑ, ɔ cẅɛ́ɛ kʉ̈ɔ́ mbɔ̌ mɔ? Yɑ́ɑ ŋkɑ́ pɛ́t kɛ́ kuꞋ.»

Jɑ̂ŋ 7:30

Pɔ́p zúꞋ yɔ nu, ńdɔɔ nɛɡẅɛɛ wɛ́, lɑ́ ŋu kɛ́ mbɔɔ pɔ́ nǔu wɛ́ zɑ́p, mbíꞋŋɡɔ yɛ́ ŋkɑ́ kɑ pɛ́t kɛ́ kuꞋ.

Jɑ̂ŋ 7:8

Pʉʉ ɡʉnɛ ḿbʉʉ ŋ́ɡʉ zʉꞋ ndínɑ. Ɛ́ ɡʉ nǔu mɔ, mbɔ ŋ kɛ́ ɡʉ nɛ́ zúꞋu pɔ́, yɑ́ɑ ŋkɑ́ kɑ́ kuꞋ.»

Jɑ̂ŋ 8:20

Yɛ́su kɑ ɡɔ́ ńcú mɔnɛ mɛnu pɑ́Ꞌɑ, ḿbɔ́ tsɛt ndɑ́-nɔŋpɔꞋ, ḿbɔ́ ńzíꞋ pʉɔ nɛ́ nu-Sɛ́, ḿbɔ́ mbʉʉ zʉꞋ yi pɛ́ níꞋnɛ ŋkɑ́p yi pɛ́ ɡɑ́nɛ mbɔ̌ Sɛ́ zúꞋu. Ŋu kɛ́ mbɔɔ wɛ́ ɡẅɛɛ, mbíꞋŋɡɔ ɛ́ kɑ ɡɔ́ ḿbɔ́, mbɔ yɛ́ ŋkɑ́ kɑ́ kuꞋ.

ŊwɑꞋnɛ-Gɑŋntúu Yɛ́su Kɛlístɔ 1:7

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ zɛɛ mbɔɔ ɡẅɛɛ nɛjí kɛ ɛ́ ŋkɑ́ pɔ́, kɛ lɛ́Ꞌ yi mîmɑ́ mɛnu ɡʉ ŋ́ɡɛ pɔ́. Tɑ̌ɑ zɛ́nɛ́ jʉ́ kɑ kwɑŋɛ́nɛ ńzɑ́p.