Jɑ̂ŋ 7:39 - Kɑɑ Fí

³⁹ A kɑ pɔ́ ńcú pɔ́Ꞌɔ, ńdɑ́Ꞌ Zẅikŋɛ-Sɛ́ yi pʉɔ pinɛ pɔ́p zɑ́pnɛ tʉ́m nǔu wɛ́ kɑ pɔ́ ŋ́ɡʉ ńcẅɛ́ɛ. Ɛ́ ɡɔ́ ḿbɔ́, Zẅikŋɛ Lɛ́ɛnɛ́nɛ ɛ̂yɑ́ pɛ́t kɛ́ tɔ́, mbíꞋŋɡɔ Yɛ́su kɑ pɛ́t kɛ́ kúu tsɛt nɛɡúꞋ wɛ.

Jɑ̂ŋ 7:39 Кръстосани препратки

Mɑtʉ̈ɔ 16:14

Pɔ́p pʉ̈ɔt ŋɡɔ: «Pɛcɔ́ pʉɔ sɛ́ ńcú ŋɡɔ ɔ Jɑ̂ŋ Mbɑptíshi, pɛcɔ́ pɔ́ ńcú ŋɡɔ ɔ Ɛlíyɑ, pɛcɔ́ pɔ́ ńcú yɔ́p ŋɡɔ ɔ Yɛlɛmî, kɛ pɔ wɛcɔ́ ncẅiŋkʉʉ-Sɛ́.»

Mɑtʉ̈ɔ 21:11

Lɑ́Ꞌ pʉ̈ɔt ŋɡɔ: «A Yɛ́su Ŋɡɛ́mndʉ̈ɔ́Ꞌ-Sɛ́, ɑ fú tʉ́sɔŋ-Nɑ̌zɑlɛt nǔu pɑk-ŋɡɔŋ-Ŋɡɑlilɛɛ.»

Lúkɑ́shi 24:49

Pʉʉ jí ŋɡɔ ŋ ɡɛ ńtɔ́ ńtúu yúu mi Tɑ̌ɑ mɔ kɑ kɑꞋnɛ nɛɡɑ́ mbɔ̌ pʉʉ. Pʉʉ kɛ ńzẅíꞋlɛ pɔ tʉ́sɔŋ tɛ ŋ́kúu ŋkɑ́ yi mɛtʉʉ-Sɛ́ ɡʉ ɛ́fú tʉ́nɛ́pú ńcúŋ ŋ́kúu nǔu pʉʉ.

Lúkɑ́shi 3:16

Lɑ́ ɑ pʉ̈ɔt mbɔ́ pɔ́p pɛ́tsʉʉ ŋɡɔ: «Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ ŋki. Lɑ́ kwɑꞋ ŋu ɡwɛ́ sɛ́ ńtɔ́; ɑ lɛɛ wɑ́ɑ tɛꞋ, ŋ kɑ́ kuꞋ nɛkyɛ́Ꞌ mɛŋkʉ-mɛtɑp mɛ́ pɔ́. A ɡʉ ńtɔ́ ńníꞋ pʉɔ tsɛt mbɔ́-Zẅikŋɛ Lɛ́ɛnɛ́nɛ, ḿbɛn ńníꞋ pʉɔ tsɛt múk.»

Lúkɑ́shi 7:16

Lɑ́Ꞌ yi ɛ́ ḿbɔ́nɛ sɛ́ kɑ jʉ́ɔ, pɔ́k ɡẅɛɛ wɔ́p pɛtsʉʉ, pɔ́p ɡúꞋlɛ Sɛ́, ńcú ŋɡɔ: «Mɑ́mɑ́ ŋɡɛ́mndʉ̈ɔ́Ꞌ-Sɛ́ tɔ́ lɑ́Ꞌ pɛkŋɛ, Sɛ́ tɔ́ ńcẅɛ́lɛ́ pʉɔ pɛ́.»

Jɑ̂ŋ 1:21

Pɔ́p píkŋɛ wɛ́ ŋɡɔ tɛ ɔ pɔ́ wɔ̌? Ɔ pɔ́ Ɛlíyɑ kɛkʉ̈ɔ́? Jɑ̂ŋ cú ŋɡɔ ŋɡɑ́ŋ. Pɔ́p cú ŋɡɔ, ɔ pɔ́ ŋɡɛ́mndʉ̈ɔ́Ꞌ-Sɛ́ ẅi pɛ́ sɛ́ ńzẅíꞋlɛ lɑ́ kɛkʉ̈ɔ́? Jɑ̂ŋ cú ŋɡɔ ŋɡɑŋ.

Jɑ̂ŋ 1:25

Pɔ́p pɛn ḿbíkŋɛ Jɑ̂ŋ ŋɡɔ: «Lɑ́ ɔ kɑ́ pɔ́ Nzɑ́Ꞌŋkʉ pɔ́, ŋ́kɛ́ mbɔɔ Ɛlíyɑ pɔ́? Ŋ́kɛ́ mbɔɔ ŋɡɛ́mndʉ̈ɔ́Ꞌ-Sɛ́ ẅi pɛ́ sɛ́ ńzẅíꞋlɛ pɔ́, tɛ mɛlɑ́Ꞌ kʉ̈ɔ́ ɔ nuꞋ pʉɔ ŋki?»

Jɑ̂ŋ 1:33

KwɑꞋ mɔ ŋ kɑ zɛɛ m̄bɔɔ ḿbɔ́ ńjí wɛ́ pɔ́, lɑ́ Sɛ́ ẅi ɑ kɑ túunɛ wɑ́ɑ ŋɡɔ ŋ ɡʉ ńnuꞋ pʉɔ ŋki, jʉ́ ńcúnɛ mbɔ̌ mɔ ŋɡɔ: Ɔ ɡʉ ŋ́ɡɛ ńjʉ́ɔ zẅikŋɛ-lɛ́ɛnɛ́nɛ tɔ́ ńnɑ́ŋ nǔu ŋu. A jʉ́ ẅi ɑ ɡʉ ŋ́ɡɑ́ pʉɔ mbɔ̌ zẅikŋɛ lɛ́ɛnɛ́nɛ.»

Jɑ̂ŋ 12:16

Gɑŋku-Yɛ́su jʉ́ɔ yɔ nu, ḿbɔɔ ɡɔ́ɔ ɛ́fɛ́Ꞌnɛ ńzúꞋ pɔ́. Lɑ́, Yɛ́su ɡɛ ḿbɔ́ tɛ ŋ́kúu tsɛt nɛɡúꞋ wɛ tʉ́nɛpú, lɑ pɔ́p ɡɔ́ɔ ŋ́kɛ́ ŋ́kẅíitɛ ŋɡɔ pɛ́ kɑ zɑ́Ꞌ njí ŋ́ŋwɑꞋnɛ yîyɑ́ nu ntɛ́ wɛ́, ḿbɛn ŋ́kẅíitɛ ŋɡɔ lɑ́Ꞌ kɑ ɡɛ nǔu wɛ́ pɔ pɑ́Ꞌ pɛ́ kɑ ŋwɑꞋnɛ́nɛ.

Jɑ̂ŋ 12:23

Yɛ́su tsɔ́Ꞌ mbɔ̌ pɔ́p ŋɡɔ ŋkɑ́ yi pɛ́ ɡʉ ńjʉ́ɔ nɛɡúꞋ wɛ Mɔ́ɔ-ŋu ɛ́ kuꞋ.

Jɑ̂ŋ 14:13

Pʉʉ ɡʉ ńdɔk lík yɑ́ɑ ńdɔ́ɔ kʉ̈ɔ́ mbɔ̌ Sɛ́ lɑ́, mbɔ ŋ ɡʉ ŋ́ɡɛ. Ɛ́ lɛɛ pɔ́Ꞌɔ, mɔ Mɔ́ɔ, n nyɛt nɛɡúꞋ-Tɑ̌ɑ mɔ.

Jɑ̂ŋ 14:26

«Pʉʉ ɡʉ ńtsʉ́ꞌ nzʉʉ, Tɑ̌ɑ mɔ lɔk lík yɑ́ɑ, ńtúu Ncẅɛ́ɛntɑ́ŋ wʉʉ, ɛ́ pɔ́ zẅikŋɛ Lɛ́ɛnɛ́nɛ. Ɛ́ tɔ́ ńzíꞋ wʉ́ʉ nɛ́ yúu tsʉʉ, ŋ́ɡɛ pʉʉ kẅíitɛ kʉ̈ɔ́ lɑ́ yi ŋ kɑ pɔ́ ɛ́sẅíi wʉ́ʉ.»

Jɑ̂ŋ 16:14

Ɛ́ ɡʉ ŋ́ɡɛ nyɛt wɑɑ nɛɡúꞋ, mbíꞋŋɡɔ ɛ́ ɡʉ cẅɛ́ɛ mbɔ̌ mɔ lɑ́ ńzíꞋ wʉ́ʉ.

Jɑ̂ŋ 16:7

Lɑ́ ŋ kɛ́ ḿbɔ́ ɛ́sẅíi wʉ́ʉ pɑ́Ꞌnɛ pɔ nɛ́ nu nɛ́nẅín, ŋɡɔ ɛ́ nu sʉ́Ꞌnɛ mbɔ̌ pʉʉ ŋɡɔ ŋ ɡʉ. Ɛ́ mbíꞋŋɡɔ n dɑɑ mbɔɔ ɡʉ, mbɔ Ncẅɛ́ɛntɑ́ŋ wʉʉ kɛ́ tɔ́ ńtsɛ́t wʉ́ʉ pɔ́. Lɑ́ ŋ kɛ ḿbɔ́ tɛ ŋ́ɡʉ, mbɔ ŋ ɡʉ ńtɔ́ ńtúu wɛ́ ŋ́ɡɑ́ mbɔ̌ pʉʉ.

Jɑ̂ŋ 17:1

Yɛ́su kɑ cú yɔ nu tɛ ḿbɔ́tnɛ ńnɑ́ŋ, ḿbʉꞋ tú yɛ́, ńdíŋɛ tʉ́, ńcú ŋɡɔ: «Tɑ̌ɑ mɔ, ŋkɑ́ kuꞋ, ɡɛ pɛ́ jʉ́ɔ nɛɡúꞋ Mɔ́ɔ nu, Mɔ́ɔ nu ɡʉ ŋ́ɡɛ yɛ́, pɛ́ jʉ́ɔ nɛɡúꞋ wu.

Jɑ̂ŋ 17:5

Ɛ́ nǔu ŋkɔ̂ɔnɛ mbɑ̌ɑ Tɑ̌ɑ mɔ, m bɔ́ ńdɔ́ɔ ŋɡɔ ɔ pɛn ŋ́ɡɑ́ wɑɑ nɛɡúꞋ ẅi ŋ kɑ ɡẅɛɛnɛ nɛjɔ́ŋ ɡu, ɛ́ nɛɡúꞋ ẅi ŋ kɑ ɡẅɛɛnɛ nɛjɔ́ŋ ɡu, tɛ yɔ njí pɛ́t kɛ́ pɔ́ ɡú.

Jɑ̂ŋ 20:22

Ńcú pɔ́Ꞌɔ, ɛ́fɑ́k zẅikŋɛ-ntsu wɛ́ nǔu pɔ́p, ńcú ŋɡɔ: «Pʉʉ cẅɛ́ɛ zẅikŋɛ Lɛ́ɛnɛ́nɛ.

Jɑ̂ŋ 6:14

Lɑ́Ꞌ jʉ́ɔ nu mɑ̌ɑmɑɑnɛ yi Yɛ́su ɡɛnɛ, ńcú ŋɡɔ: «Ŋu wɔ kwɑꞋ ŋɡɛ́mndʉ̈ɔ́Ꞌ-Sɛ́ ẅi pɛ́ kɑ pɔ́ ńzẅíꞋlɛ ŋɡɔ ɑ tɔ́ ndǔmbí.»

Jɑ̂ŋ 7:12

Lɑ́Ꞌ pɔ́ ɛ́sẅíŋɛ mɛtsu mɛtsu ntɛ́ Yɛ́su. Pɛcɔ́ pʉɔ pɔ́ ńcú ŋɡɔ ɑ kwɑꞋ ŋu. Pɛcɔ́ pɔ́ ńcú ŋɡɔ ɑ fu pʉɔ funɛ.

Jɑ̂ŋ 8:54

Yɛ́su tsɔ́Ꞌ mbɔ̌ pɔ́p ŋɡɔ: Ŋ kɑ́ pɔ́ ńdɔɔ wɑɑ nɛɡúꞋ pɔ́, n dɑɑ ŋ́ɡɛ pɔ́Ꞌɔ, wɑɑ nɛɡúꞋ pɔɔ yɛcɔ́ nu pɔ́. Ŋu ẅí ɑ ɡɑ́nɛ nɛɡúꞋ wɑɑ ɑ tɑ̌ɑ mɔ. Pʉʉ pɔ́ ńcú yʉ́ʉ ŋɡɔ ɑ Sɛ́ wʉʉ.

ŊwɑꞋnɛ-Gɑŋntúu Yɛ́su Kɛlístɔ 19:2

ḿbíkŋɛ wɔ́p ŋɡɔ: «Pʉʉ kɑ pɔ́ tɛ ńzɑ́p tʉ́m nǔu Yɛ́su pɛ́Ꞌɛ tɛ Sɛ́ ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ?» Pɔ́p pʉ̈ɔt ŋɡɔ: «Pɛk ŋkɑɑ mɔ zɛɛ ńzúꞋ pɑ́Ꞌ pɛ́ kẅíinɛ yɛcɔ́ Zẅikŋɛ Lɛ́ɛnɛ́nɛ pɔ́.»

ŊwɑꞋnɛ-Gɑŋntúu Yɛ́su Kɛlístɔ 2:17

A kɑ cú ŋɡɔ Sɛ́ cú ŋɡɔ: «Ndẅiknzʉʉ lɛ́Ꞌ ɡʉ ńdɑ́Ꞌ ḿbɔ́ ŋ́kuꞋ, n níꞋ Zẅikŋɛ yɑ́ɑ nǔu ŋumɛsɔŋ tsʉʉ; mbɔ́ŋkʉ̈ɔ́ pʉ́ʉ pɛ́ mbɛ́ɛnɛ mbɑ pɛ́ pɑŋɡɛ́ ɡʉ ńdɑ́Ꞌ ńtsʉ́Ꞌ pɑcẅiŋkʉʉ pɑ́ɑ. Mɔ ŋ́ɡɛ ŋ́ŋíɛꞋ mík-ŋɡwɑsuu yʉ́ʉ pɔ́p jʉ́ɔ mɛyúu mɑ́ɑ tsɛt njʉɔ, pɛlwɛn pʉɔ pinɛ pɔ́p tsɛtsɛt pʉʉ jʉ́ɔ mɛnu mɑ́ɑ tsɛt njʉɔ.»

ŊwɑꞋnɛ-Gɑŋntúu Yɛ́su Kɛlístɔ 2:33

Sɛ́ kɑ ɡɛ, ɑ kɔ́Ꞌ tɛ ńnɑ́ŋ nǔu ɡúŋ pɔ́ yɛ́ yi tʉʉ. Ɛ́ ŋkɔ̂ɔnɛ pɑ́Ꞌɑ, mbɔ Tɑ́t wɛ́ Sɛ́ cɔ́kŋɛ Zẅikŋɛ Lɛ́ɛnɛ́nɛ mbɔ̌ wɛ́, ɛ́ pɔ́ pɑ́Ꞌ jʉ́ Sɛ́ kɑ kɑꞋnɛ. Yúu mi pʉʉ zúꞋnɛ ḿbɛn ńjʉ́ɔ lɑ́ɑ, ɛ́ Zẅikŋɛ Lɛ́ɛnɛ́nɛ ɛ̂yɑ́ yi Yɛ́su tswɛtnɛ nǔu pʉɔ pɛ́.

ŊwɑꞋnɛ-Gɑŋntúu Yɛ́su Kɛlístɔ 2:38

Pyɛ̂ pʉ̈ɔt mbɔ̌ pɔ́p ŋɡɔ: «Pʉʉ kúpmɛ mɑt. Wɛ́t ŋu lɑ́ nǔu pʉʉ pɛ́m pɛ́ nuꞋ wɛ́ ŋki nǔu lík-Yɛ́su Kɛlístɔ. Nɛpɔ́ yi Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́. Sɛ́ ɡɔ́ɔ ŋ́kɛ́ ŋ́ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ.

ŊwɑꞋnɛ-Gɑŋntúu Yɛ́su Kɛlístɔ 2:4

Zẅikŋɛ-Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíŋɛ mɛsẅíŋɛ-mɛlɑ́Ꞌ ndɛꞋ, ɛ́sẅíi pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ mɛtʉʉ ŋɡɔ pɔ́p sẅiŋɛ pɔ́Ꞌɔ.

ŊwɑꞋnɛ-Gɑŋntúu Yɛ́su Kɛlístɔ 3:13

Ɛ́ pɔ́ pɔ ŋɡɔ Sɛ́-Ábɛlɛhɑ̂m, ḿbɔ́ Sɛ́-Ɛsɑk, mbɑ wɛ Yɑkɔ̂p, mbɔ Sɛ́-pɛmɑ̂ɑŋɡɑpnjẅɛt pɛkŋɛ, kɑ ɡɑ́nɛ nɛɡúꞋ mbɔ̌ ŋɡɑŋfɑꞋ wɛ Yɛ́su. Mbɔ pʉʉ kɑ fɛn wɛ́ mbɔ̌ pɑsɑ́Ꞌlɑ́Ꞌ, ḿmuŋɛ wɛ́ mbi Pilɑ́tu. Lɑ́, mbɔ ɑ kɑ ŋɑk ntsɑŋ Yɛ́su ɛ̂wɑ́ tɛ ńzɑ́p ŋɡɔ pɛ́ nɑ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 4:31

Pɔ́p kɑ cɛꞋlɛ Sɛ́ tɛ ḿbɔ́tnɛ ńnɑ́ŋ, zʉꞋ yí pɔ́p kɑ cúꞋlɛ́nɛ zúꞋu tsʉ́Ꞌnɛ. Zẅikŋɛ Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíi nu-Sɛ́ kɛ́ pɔ́k.

Pʉɔ-Lɔ́mɑ 8:9

Lɑ́ ɛ́ kɛ́ ŋ́ɡʉ nǔu pʉʉ, mbɔ pʉʉ kɛ́ ńnɑ́ŋ nǔu ntɛ́ yi mbʉʉ yʉʉ sẅíinɛ wʉ́ʉ pɔ́, pʉʉ nɑ́ŋ pɔ nǔu ntɛ́ yi Zẅikŋɛ-Sɛ́ sɛ́ ɛ́sẅíi wʉ́ʉ, ŋkɔ̂ɔnɛ yi Zẅikŋɛ-Sɛ́ nǔu pʉʉ. Zẅikŋɛ-Kɛlístɔ lɑɑ mbɔɔ nǔu ŋu pɔ́, mbɔ ŋɡɑŋ kɑ́ pɔ́ ŋu-Kɛlístɔ pɔ́.

2 Kɔlɛ̂ŋtɛ 3:8

Pɑ́Ꞌ ɛ́ kɑ pɔ́ pɔ́Ꞌɔ lɑ́, ɛ́ ɡʉ ŋ́ɡɛ pɑ́Ꞌ lɑ́ fɑꞋ nǔu nu-Zẅikŋɛ Lɛ́ɛnɛ́nɛ, pɔɔ ɡɑ́ nɛŋwɑ́ŋɛ tɛ ńdɛɛ ẅîwɑ́ pɔ́ ɔɔ?

Ɛ́fɛ̂zɛ 4:30

Kɔɔ pʉʉ ɡɛ Zẅikŋɛ Lɛ́ɛnɛ́nɛ yi Sɛ́ kɑ lɔknɛ ńcʉ̈ɔꞋ lii nǔu pʉʉ jʉ́ɔ ŋɡʉ̈ɔ́Ꞌ. A kɑ pɔ́ ńdɔk ńnyɛt ŋɡɔ pʉʉ pʉɔ pɛ́, ḿbɛn ńdɔk ńnyɛt ŋɡɔ lɛ́Ꞌ ɡʉ ńdɑ́Ꞌ ḿbɔ́, ɑ tɛmtɛ ńtsúꞋ wɛkŋɛ, pɛkŋɛ tɛmtɛ ńduk.