Jɑ̂ŋ 7:36 - Kɑɑ Fí

³⁶ Yɔ ntɛ́ sẅiŋɛ pɑ́Ꞌɑ ńdɔk ńcú ŋɡɔ kʉ̈ɔ́, pɑ́Ꞌ ɑ cúnɛ ŋɡɔ pʉʉ ɡʉ ńdɔɔ wɑ́ɑ ḿbɛn ŋ́kɛ́ mbɔɔ wɑ́ɑ jʉ́ɔ, ḿbɛn mbɔɔ kuꞋ nɛtɔ́ zʉꞋ yí mɔ zúꞋu pɔ́ ɔɔ?»

Jɑ̂ŋ 7:36 Кръстосани препратки

Jɑ̂ŋ 12:34

Lɑ́Ꞌ tsɔ́Ꞌ mbɔ̌ wɛ́ ŋɡɔ: «Pɛk kɑ zúꞋ tsɛt ŋwɑꞋnɛ-nɛpʉ́ʉ ŋɡɔ: Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ḿbɔ́ pɔ ɡú. Ɔ pɛn ŋ́ɡɛ pɑ́Ꞌɑ lɑ ńcú ŋɡɔ, pɛ́ ɡʉ ŋ́kɑꞋ Mɔ́ɔ-ŋu nǔu tʉ́ mɛkʉ́Ꞌ ŋ́ɡɑ́ tʉ́ ɔɔ? Mɔ́ɔ-ŋu ɛ̂wɑ́ wɔ̌?»

Jɑ̂ŋ 13:33

Mbɔ́ŋkʉ̈ɔ́ pɑ́ɑ, pɛkŋɛ kɛ́ pɛn ńnɑ́ŋ tɛ ntí sɑk pɔ́. Pʉʉ ɡʉ ŋ́ɡɛ ḿbɔ́ kɑ́t ńdɔɔ wɑ́ɑ pɑ́Ꞌ ŋ kɑ cúnɛ mbɔ̌ Pɑyúdɑ ŋɡɔ: «ZʉꞋ yí ŋ ɡʉnɛ nɛ́ zúꞋu, pʉʉ kɛ́ kuꞋ nɛtɔ́ zúꞋu pɔ́. Mɔ ḿbɛn ńcú yîyɑ́ nu mbɔ̌ pʉʉ ŋkɔ̂ɔnɛ.»

Jɑ̂ŋ 3:4

Nikɔdɛ̂m cú mbɔ̌ Yɛ́su ŋɡɔ: «Ɛ́ lɑɑ ḿbɔ́ ŋu pɔ́ ndʉ́m pɛ́ pɛn ḿbí wɛ́ ŋɡɔ́ku? Tɛ ɛ́ lɑɑ ḿbɔ́ ɑ pɛn ŋ́kúu nɛpɛm-mɑ́ wɛ pɛ́ pɛn ḿbí wɛ́?»

Jɑ̂ŋ 3:9

Nikɔdɛ̂m ɡɔ́ɔ ŋ́kɛ́ ḿbíkŋɛ Yɛ́su ŋɡɔ: «Ɛ́ ɡɔ́ ḿbɔ́ pɔ́Ꞌɔ, ńdɛɛ ŋɡɔ́ku?»

Jɑ̂ŋ 6:41

Pɑyúdɑ ɡɔ́ɔ ŋ́kɛ́ ńzɛ nɛcútɛ nzʉʉ Yɛ́su, mbíꞋŋɡɔ ɑ cú ŋɡɔ ɑ yúujʉ́ yi ɛ́ fúnɛ tʉ́nɛ́pú.

Jɑ̂ŋ 6:52

Ńcú pɔ́Ꞌɔ, pɑsɑ́Ꞌlɑ́Ꞌ-Pɑyúdɑ pɔ́ ńzɔŋ tsɛtsɛt pɔ́p tɛꞋ ńcú ŋɡɔ: «Ŋu wɑ́ ɡʉ ŋ́ɡɛ ŋɡɔ́ku lɑ́ ŋ́ɡɑ́ mbɑp-mbʉʉ yɛ pɛkŋɛ kwɛ́t?»

Jɑ̂ŋ 6:60

Gɑŋku-Yɛ́su zúꞋ sẅiŋɛ yɛ́, nɛzɑ́ɑ pʉɔ zɛ nɛcú ŋɡɔ: «Sẅiŋɛ yɑ́ tɛn tɛ ńtsɑ! Ɛ́ lɑɑ ḿbɔ́ wɔ̌ zẅíꞋlɛ?»

Jɑ̂ŋ 7:34

Pʉʉ ɡʉ ŋ́ɡɛ ḿbɔ́ ńdɔɔ wɑ́ɑ, ḿbɛn ŋ́kɛ́ mbɔɔ wɑ́ɑ jʉ́ɔ, mbíꞋŋɡɔ zʉꞋ yi ŋ ɡʉnɛ nɛ́ zúꞋu, pʉʉ kɑ́ kuꞋ nɛtɔ́ zúꞋu pɔ́.

Jɑ̂ŋ 8:21

Yɛ́su pɛn ńcú mbɔ̌ lɑ́Ꞌ ŋɡɔ: «Ŋ ɡʉ ŋ́ɡʉ, pʉʉ tsʉ́Ꞌ ḿbɔ́ ŋ́kɑ́t ńdɔɔ wɑ́ɑ. Lɑ́, pʉʉ ḿpfú nǔu nu kɛpɔŋ yʉ́ʉ. Pʉʉ kɑ́ kuꞋ nɛɡʉ zʉꞋ yi ŋ ɡʉnɛ nɛ́ zúꞋu pɔ́.»

1 Kɔlɛ̂ŋtɛ 2:14

Ŋumɛsɔŋ lɑɑ ḿbɛ́t ḿbɔ́ pɔ nǔu ntɛ́ yi pɛ́ kɑ pínɛ wɛ́ ɑ pɔ́, mbɔ ɛ́ lɑɑ ḿbɔ́ ɑ pɔɔ zúꞋ yúu mi ɛ́ fúnɛ mbɔ̌ zẅikŋɛ-Sɛ́ pɔ́. Ɛ́ mbɔ̌ yɛ́ ḿbɔ́ pɔ mɛnu-pɑ́lɛ. A kɛ́ kuꞋ nɛzúꞋ nu yi ɑ cúnɛ pɔ́. MbíꞋŋɡɔ Zẅikŋɛ Lɛ́ɛnɛ́nɛ ɡɛnɛ lɑ pɛ́ zúꞋ nu yi yîyɑ́ yúu lɔknɛ ńcú.