Jɑ̂ŋ 7:19 - Kɑɑ Fí

¹⁹ Mɔ̌sɛ̂ɛ ŋkɑɑnɛ ɡɑ́ nɛpʉ́ʉ mbɔ̌ pʉʉ pɔ́ ɔɔ? Tɛ wɔ̌ nǔu pʉʉ wɔ ḿbɔ́ ńnɛn nǔu? Pʉʉ pɛn ńdɔɔ nɛjẅí wɑ́ɑ mɛlɑ́Ꞌ kʉ̈ɔ́?

Jɑ̂ŋ 7:19 Кръстосани препратки

Mɑtʉ̈ɔ 12:14

Ɛ́ tsɑ pɑfɑlísɑy, pɔ́p fú ndɑ́-cúꞋlɛ ńcẅɛt, ńcúꞋlɛ ńdɔɔ shʉ́ pɑ́Ꞌ pɔ́p ɡʉ ŋ́ɡɛ lɑ ńjẅí Yɛ́su.

Mɑtʉ̈ɔ 21:38

Lɑ́ pʉɔ pɑ́ jʉ́ɔ mɔ́ɔ-ndʉ́m wɑ́, ńcú tsɛtsɛt pɔ́p ŋɡɔ: «Njʉ́ndɑ́ wɛ pʉɔlɑ́ ɑ tɔ́nɛ lɑɑ. Pʉʉ tɔ́ pɛkŋɛ jẅí wɛ́ ńjʉ́ ŋkɑ́Ꞌ,»

Mɑ́lɛ́kúshi 11:18

Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńzúꞋ, ńzɛ nɛlɔɔ shʉ́ pɑꞋ pɔ́p ɡʉ ŋ́ɡɛ lɑ́ ńjẅí wɛ́. Pɔ́p kɑ pɔ́ ḿbɔ́k ŋɡɔ nu yɛ́ ɡʉ ńjʉ́ lɑ́Ꞌ, mbíꞌŋɡɔ lɑ́Ꞌ tsʉʉ kɑ pɔ́ ŋ́ɡʉ̈ɔꞋtɛ yúu mi ɑ kɑ pɔ́ ńzíꞋ pʉɔ.

Mɑ́lɛ́kúshi 3:4

Yɛ́su cú mbɔ̌ pʉɔ ɛ̂pɑ́ ŋɡɔ Pʉʉ sẅíi wɑ́ɑ: Nɛpʉ́ʉ nɛkŋɛ pɛ́Ꞌɛ ńcú ŋɡɔ pɛ́ ɡɛ kʉ̈ɔ́ lɛ́Ꞌnji? Ŋɡɔ pɛ́ ɡɛ nu sʉ́Ꞌnɛ kɛ nu kɛpɔŋ? Ŋɡɔ pɛ́ ɡɛ ŋu luk kɛ pɔ ŋɡɔ pɛ́ jẅí wɛ́?» Sɑ̌ɑ ŋu wɔp pɔɔ tsɔ́p.

Mɑ́lɛ́kúshi 3:6

Pɑfɑlísɑy ɡɔ́ɔ ɛ́fú ndɑ́-cúꞌlɛ ńcẅɛt, ŋ́ɡʉ pɔ́p pʉɔ-Ɛlɔ̂dɛ cúꞋlɛ nɛlɔɔ shʉ́ pɑꞋ pɔ́p ɡʉ ŋ́ɡɛ lɑ́ ńjẅí Yɛ́su.

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 10:39

Pɔ́p pɛn ńdɔɔ shʉ́ nɛɡẅɛɛ wɛ́, lɑ́ ɑ sẅiklɛ tsɛt mbɔ́ mɔ́p.

Jɑ̂ŋ 11:53

Ɛ́ fú lɛ́Ꞌ ɛ̂yɑ́, pɛkɛ́m-pɑyúdɑ zɑ́p ŋɡɔ pɔ́p ɡʉ ńdɔɔ shʉ́ tɛ ńjẅí Yɛ́su.

Jɑ̂ŋ 5:16

Pɔ́p zúꞋ pɔ́Ꞌɔ, ńzɛ nɛpɑɑ Yɛ́su, mbíꞋŋɡɔ ɑ lɑ́Ꞌ ŋ́ɡɛ yɔ nu, lɛ́Ꞌnji yɔ́p.

Jɑ̂ŋ 5:18

Ɛ́ fú ŋkɑ́ ɛ̂yɑ́, pɑyúdɑ mɛkŋɛ ŋ́ɡɑ́Ꞌ nɛlɔɔ yúu mi pɔ́p ɡʉ ɛ́fú nǔu ńjẅí Yɛ́su, mbíꞌŋɡɔ ɑ ŋkɑɑ fɑɑnɛ pɔ nɛpʉ́ʉ lɛ́Ꞌnji yɔ́p ndɑꞋ pɔ́, ɑ kɑ pɛn ḿbɔ́ ńcú ŋɡɔ Sɛ́ kwɑꞋ Tɑ́t wɛ, ńdɔk pɔ́Ꞌɔ, ńcú ŋɡɔ pɔ́p Sɛ́ pɔ́ pɔ ndʉ́ŋndʉŋ.

Jɑ̂ŋ 5:45

Kɔɔ pʉʉ kwɑŋɛ ŋɡɔ ŋ ɡʉnɛ ńdɑ́Ꞌ ńtʉ́ʉ mbi Tɑ̌ɑ, ńzɑ́p nu tú pʉʉ. Nzɑ́pnu tú pʉʉ ɡʉ ńdɑ́Ꞌ ḿbɔ́ pɔ Mɔ̌sɛ̂ɛ ẅí pʉʉ kwɑŋɛ yʉ́ʉ kʉ̈ɔ́ lɑ́ ńtík pɔ nǔu wɛ́.

Jɑ̂ŋ 7:1

Yɔ nu lɛɛ, Yɛ́su pɔ́ pɔ tsɛt pɑk-ŋɡɔŋ-Ŋɡɑlilɛɛ, ḿbɔ́ ŋ́kɑ́t ńnɛn, ɑ pɔɔ ḿbɔ́ ŋ́kɔŋ nɛɡʉ tsɛt pɑk-ŋɡɔŋ-Judɛ̂ pɔ́, mbíꞋŋɡɔ pɑsɑ́Ꞌlɑ́Ꞌ-pɑyúdɑ kɑ pɔ́ ńdɔɔ nɛjẅí wɛ́.

Jɑ̂ŋ 7:25

Pɛcɔ́ ntɑ́Ꞌ-pʉɔ-Yɛlúsɑlɛm pɔ́ ńcú ŋɡɔ: «Yɑ́ kɑ́ pɔ́ ŋu wɑ́ ẅi pɛ́ lɔɔnɛ nɛjẅí wɛ́ lɑ́ pɔ́ ɔɔ?

ŊwɑꞋnɛ-Gɑŋntúu Yɛ́su Kɛlístɔ 7:38

Mɔ̌sɛ̂ɛ pɛnnɛ ḿbɔ́ ŋu ẅí ɑ ḿbɔ́nɛ ŋkɑ́ yi pɛmɑ́ŋɡɑpnjẅɛt pɛkŋɛ kɑ cúꞋlɛ́nɛ kɔ̂ŋtɛt m̄bɔ́ ńtʉ́ʉ tsɛtsɛt Cʉ̈ɔꞋ-Sɛ́ pɔ́p mɑ̂ɑŋɡɑpnjẅɛt wɛkŋɛ. Cʉ̈ɔꞋ-Sɛ́ sẅiŋɛ mbɔ̌ wɛ ḿbɔ́ ńníꞋ nu mbɔ̌ wɛ́ ndǔ nɛŋkɔ́Ꞌ Sinɑyi. KwɑꞋ jʉ́ Mɔ̌sɛ̂ɛ kɑ cẅɛ́ɛ sẅiŋɛ ɛ̂yɑ́ yi ɛ́ ɡɛnɛ pɛ́ pɔ́ ɡú nɛɡɑ́ mbɔ̌ pɛkŋɛ.

Ŋɡɑlɑ̂t 3:19

Mbɔ ŋu zúꞋ ḿbíkŋɛ ŋɡɔ tɛ Sɛ́ kɑ pɔ́ pɑ́Ꞌɑ ḿbɛn ńzɑ́p nɛpʉ́ʉ mbíꞋ pɔ kʉ̈ɔ́? A kɑ pɔ́ ńzɑ́p pɔ nɛlɔk ŋ́ɡɛ ŋu ɛ́fɑɑnɛ nu ńjí ŋɡɔ ɑ fɑɑnɛ. Nɛpʉ́ʉ kɑ fɑꞋ yɛ́ fɑꞋ tɛ ńdɑ́Ꞌ ŋ́kúu ŋkɑ́ yi ŋu-Ábɛlɛhɑ̂m ẅí Sɛ́ kɑ kɑꞋnɛ yúu ŋɡɔ ɛ́ yɛ́ ŋɡɑŋ kɑ lɑ́Ꞌnɛ ńtɔ́. Ɛ́ ɡʉ nǔu mîmɑ́ mbʉ́ʉ, mbɔ Sɛ́ kɑ túu pɛcʉ̈ɔ́Ꞌ pɛ́, pɔ́p ɡɑ́ mbɔ̌ nɛnkɛ́m.

Ŋɡɑlɑ̂t 6:13

Pʉɔ pi pɔ́p fyɛ́tnɛ wʉ́ʉ pɔ́Ꞌɔ, kwɑꞋ pɔ́p yɔ́p zɛɛ mbɔɔ ŋ́kúꞋlɛ nɛpʉ́ʉ-pɑyúdɑ tsʉʉ pɔ́. Lɑ́ ŋ́kɛ́ ḿbɔ́ ŋ́kɔŋ pɔ ŋɡɔ pɛ́ púꞋ wʉ́ʉ púꞋnɛ. Pɔ́Ꞌɔ pɔ́p lɔk pɑ́Ꞌ pɔ́p ɡɛ tɛ pɛ́ púꞋ wʉ́ʉ, ńdɔk ŋ́ŋɑ́Ꞌtɛ mbi pɑyúdɑ,