Jɑ̂ŋ 6:11 - Kɑɑ Fí

¹¹ Yɛ́su pɛ́ɛ mbɛlɛ̂ɛt, ŋ́ɡɑ́ pɑꞋlɑ́ mbɔ̌ Sɛ́, ŋ́ɡɑp mbɔ̌ lɑ́Ꞌ, ḿbɛn ŋ́ɡɛ pɔ pɔ́Ꞌɔ nǔu mɛshú, mbɑ wɔ̌ lɑ́ kwɛ́t yúu pɑ́Ꞌ ɑ kɔŋnɛ.

Jɑ̂ŋ 6:11 Кръстосани препратки

Mɑtʉ̈ɔ 15:36

ŋ́ɡɔ́ɔ ŋ́kɛ́ ńcẅɛ́ɛ mbɛlɛ̂ɛt ɛ̂yɑ́ ntɑ́Ꞌ sɑɑmbɑ́ nɛ́ mɛshú mɑ́, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ ɡɑŋku pɛ́, pɔ́p ɡɑp mbɔ̌ lɑ́Ꞌ.

Lúkɑ́shi 24:30

Ŋkɑ́ nɛjʉ́ yúu ɡɛ ŋ́kuꞋ, pɔ́p nɑ́ŋ sɛ́, ɑ pɛ́ɛ mbɛlɛ̂ɛt, ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ pɔ́p.

Jɑ̂ŋ 21:10

Yɛ́su cú mbɔ̌ pɔ́p ŋɡɔ: «Pʉʉ lɔk mɛcɔ́ mɛshú mi pʉʉ ɡẅɛɛnɛ lɑ́ ńtɔ́.»

Jɑ̂ŋ 21:13

Yɛ́su kẅɛ́Ꞌlɛ ńtɔ́, ḿbɛ́ɛ mbɛlɛ̂ɛt ŋ́ɡɑ́ nɛ́ pɔ́p, ḿbɛn ŋ́ɡɑ́ mɛshú mbɔ̌ pɔ́p.

Jɑ̂ŋ 21:9

Pɔ́p tɔ́ ɛ́fú tsɛt kɑnúꞋ ńcẅɛt tɛ ńtʉ́ʉ sɛ́, ńjʉ́ɔ mɛɡʉ̈ɔꞋlɛ-múk, mbɔ pɛ́ zɑ́p mɛshú ŋ́ɡɛ mbɛlɛ̂ɛt ndǔ.

Jɑ̂ŋ 6:23

Mɛcɔ́ mɛkɑnúꞋ pɛn ɛ́fú Tibɛ́liyɑ́dɛ, ńtɔ́ zʉꞋ yí Yɛ́su kɑ tʉ́ʉnɛ zúꞋu, ŋ́ɡɑ́ pɑꞋlɑ́ mbɔ̌ Sɛ́ nǔu mbɛlɛ̂ɛt, ŋ́ɡɑptɛ pɔ́p kwɛ́t lɑ́.

Jɑ̂ŋ 6:9

«Wɛcɔ́ mɔ́ɔ mbɛ́ɛnɛ zɑꞋnɛ, ŋ́ɡẅɛɛ mbɛlɛ̂ɛt ntɑ́Ꞌ yɛtɑɑ, ŋ́ɡɛ mɛshú mbɑŋ yɛ́pɑ́, yîyɑ́ yúu kɛ́ ŋ́kuꞋ kʉ̈ɔ́ nǔu ndɛn lɑ́Ꞌ yɔ?»

ŊwɑꞋnɛ-Gɑŋntúu Yɛ́su Kɛlístɔ 27:35

Pɔ̂l cú pɔ́Ꞌɔ, ḿbɛ́ɛ mbɛlɛ̂ɛt, ńtʉ́ʉ mbi pʉɔ tsʉʉ, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌ, ńzɛ nɛkwɛ́t.

Pʉɔ-Lɔ́mɑ 14:6

Ŋu ẅí ɑ ɡẅɛɛnɛ tɔŋ nǔu mɛlɛ́Ꞌlɑ́Ꞌ, ɑ ɡɛ tɔŋ pɔ́Ꞌɔ, pɔ nɛlɔk ŋ́ɡúꞋlɛ Tsɑpʉɔ. Ŋu ẅí ɑ jʉ́ɔnɛ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ, pɔ́Ꞌɔ, pɔ nɛlɔk ŋ́ɡúꞋlɛ Tsɑpʉɔ, mbíꞋŋɡɔ ɑ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu. Ŋu ẅí ɑ pɛn ŋ́kɛ́ mbɔɔ jʉ́ɔ mbɑ kʉ̈ɔ́ lɑ́ ŋ́kwɛ́t kwɛ́tnɛ pɔ́, ɑ kɑ́ kwɛ́t pɔ́Ꞌɔ pɔ́, ɛ́ pɔ́ pɔ nɛlɔk ŋ́ɡúꞋlɛ Tsɑpʉɔ. A pɛn ḿbɔ́ ŋ́ɡɑ́ yɛ́ pɑ́Ꞌlɑ́ mbɔ̌ Sɛ́.

1 Kɔlɛ̂ŋtɛ 10:31

Ŋ ɡʉ ńcú yɑ́ɑ ŋɡɔ, pʉʉ lɑɑ ḿbɔ́ ńjʉ́ pɔ yúu, kɛ ḿbɔ́ ńnɔ́ pɔ mɛluꞋ ɔɔ, kɛ ḿbɔ́ ŋ́ɡɛ pɔ kʉ̈ɔ́ ɔɔ, pʉʉ ɡɛ mîmɑ́ mɛyúu tsʉʉ pɔ nǔu ntɛ́ yi pɛ́ ɡʉ ŋ́ɡúꞋlɛ Sɛ́.

1 Tɛsɑlɔník 5:18

ḿbɔ́ ŋ́ɡɑ́ pɑ́Ꞌlɑ́ mbɔ̌ wɛ́ nǔu kʉ̈ɔ́ lɑ́. Ɛ́ yúu mi Sɛ́ kɔŋnɛ ŋɡɔ pʉʉ pi pʉʉ pɛ́ Yɛ́su Kɛlístɔ kɑ tsʉ́Ꞌ mɔ́ tɑ́Ꞌ ŋu lɑ́, pɔ́ ŋ́ɡɛ.