Jɑ̂ŋ 5:34 - Kɑɑ Fí

³⁴ Ɛ́ ɡʉ nǔu mɔ, mbɔ ŋ kɑ́ pɔ́ ńtsɑ́ɑ ŋɡɔ ŋumɛsɔŋ cúnɛ nu yí ɑ jínɛ nǔu mɔ pɔ́. Lɑ́, n cú yɔ nu nɛpɔ́ yi pʉʉ ɡʉ ńdɛɛ nǔu ńduk.

Jɑ̂ŋ 5:34 Кръстосани препратки

Lúkɑ́shi 13:34

Ŋkɑ́ kuꞋ, ɑ mɑɑ ŋɡɔ: «Pɑyɛlúsɑlɛm, Pɑyɛlúsɑlɛm, pʉʉ pʉɔ pínɛ pʉʉ ńjẅínɛ pɛŋɡɛ́mndʉ̈ɔ́Ꞌ-Sɛ́ jẅínɛ, ńdɔk mɛŋɡɔꞋ ńtɛ́mtɛ pʉɔ pinɛ Sɛ́ túunɛ mbɔ̌ pʉʉ jẅítɛ, ɛ́ ŋkɑ́ yɛ́sʉ́Ꞌ pɑ́Ꞌ n dɔɔnɛ nɛcúꞋlɛ pɔ́ɔ pʉ́ʉ, pɑ́Ꞌ mɔ̂ŋɡɛ́p cúꞋlɛ pɔ́ɔ pɛ́ tsɛt mɛpɑ́p mɛ́, pʉʉ kɛ́ ńdʉꞋ lʉꞋnɛ?

Lúkɑ́shi 19:10

Mɔ́ɔ-ŋu kɑ zɛɛ ńtɔ́ pɔ nɛlɔ́ɔ pʉɔ pinɛ pɔ́p kɑ kúunɛ pɛ́, ŋ́ɡɛ pɔ́p luk.»

Lúkɑ́shi 24:47

Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

Jɑ̂ŋ 5:32

Ŋu ndɛꞋ cúnɛ nu yí ɑ jínɛ nǔu mɔ, m bɛn ḿbɔ́ ńjí ŋɡɔ nu yí ɑ cúnɛ nǔu mɔ ɛ́ nɛ́nẅín.

Jɑ̂ŋ 5:41

Ŋ kɑ́ pɔ́ ńtsɑ́ɑ yɛcɔ́ nɛŋwɑ́ŋɛ ẅí ɛ́ fúnɛ mbɔ̌ pʉɔmɛsɔŋ pɔ́.

Jɑ̂ŋ 8:54

Yɛ́su tsɔ́Ꞌ mbɔ̌ pɔ́p ŋɡɔ: Ŋ kɑ́ pɔ́ ńdɔɔ wɑɑ nɛɡúꞋ pɔ́, n dɑɑ ŋ́ɡɛ pɔ́Ꞌɔ, wɑɑ nɛɡúꞋ pɔɔ yɛcɔ́ nu pɔ́. Ŋu ẅí ɑ ɡɑ́nɛ nɛɡúꞋ wɑɑ ɑ tɑ̌ɑ mɔ. Pʉʉ pɔ́ ńcú yʉ́ʉ ŋɡɔ ɑ Sɛ́ wʉʉ.

Pʉɔ-Lɔ́mɑ 10:1

Pɔ́ɔpɛ́mɑ́ pɑ́ɑ, yúu mi mɔ sɛ́ ńtsɑ́ɑ nɛ́ ŋɡɔŋ tʉ́m yɑ́ɑ tsʉʉ, ḿbɛn ḿbɔ́ ńdɔ́ɔ mbɔ̌ Sɛ́ mbíꞋ pɑyúdɑ, ɛ́ pɔ́ ŋɡɔ ɑ ɡɛ pɔ́p luk.

Pʉɔ-Lɔ́mɑ 10:21

Lɑ́ ŋ́ɡʉ nǔu pɑíslɑyɛ̂l, Sɛ́ cú ŋɡɔ: «N júk lɛ́Ꞌ tsʉʉ pɔ nɛcɑklɛ pɔ́ ńdɔk ɛ́fúŋ wɔ́p, pɔ́p tʉʉ tú tʉʉnɛ, ɛ́shɔt shʉ́-nu yi n cúnɛ shɔtnɛ.»

Pʉɔ-Lɔ́mɑ 12:21

Kɔɔ ŋu pɛ́m tɛ nu yi ŋu ɡɛnɛ nǔu wɛ́ tsʉ́ʉnɛ wɛ́, ɑ ɡɛ nu kɛpɔŋ, tɛ ńtsʉ́Ꞌ pɔ́Ꞌɔ, ɑ lɔk nɛɡɛ nu sʉ́Ꞌnɛ, ḿbík nu kɛpɔŋ.

Pʉɔ-Lɔ́mɑ 3:3

Ɛ́ pɛn ŋ́ɡʉ nǔu pɑ́Ꞌ pɛcɔ́ pɑyúdɑ kɑ nyɛtnɛ yîyɑ́ sẅiŋɛ pɛ́Ꞌɛ, ɛ́ ɡɛ ńdɛɛ pɔ́Ꞌɔ, Sɛ́ nyɛt mɛnu mi ɑ kɑ kɑꞋnɛ mbɔ̌ pɔ́p kɛkʉ̈ɔ́?

1 Kɔlɛ̂ŋtɛ 9:22

Mɔ ŋkɑ́ yi mɔ sɛ́ ɛ́fɑꞋ tsɛtsɛt pʉɔ pi pɔ́p pɛ́t ḿbɔ́t pɔ́tnɛ nǔu nɛzɑ́p tʉ́m nǔu Kɛlístɔ, ńnɑ́ŋ pɑ́Ꞌ ŋu ẅí ɑ pɛ́t ḿbɔ́t yɛ́ pɔ́tnɛ lɑ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pɔ́p tsʉ́Ꞌ kwɑꞋ pʉɔ-Kɛlístɔ. Ŋu lɑɑ ḿbɔ́ pɔ ŋɡɔ́ku ɔɔ, ḿbɔ́ pɔ ŋɡɔ́ku ɔɔ, n tsʉ́Ꞌ pɑ́Ꞌ jʉ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ nǔu ntɛ́ yi ḿbɔ́ ɑ luk.

1 Timɔtɛ́ɛ 4:16

Lɑk tú yú nǔu wu nɛnɑ́ŋ mbɑ nǔu yúu mi ɔ zíꞋnɛ pʉɔ. Kɔɔ lɔk yɛcɔ́ tú ḿmɑꞋ kwɑŋɛ. Ɔ ɡʉ ŋ́ɡɛ pɔ́Ꞌɔ, Sɛ́ fú nǔu ŋ́ɡɛ ɔ lúꞋnɛ wɛ́, ŋ́ɡɔ ńduk, pʉɔ pi pɔ́p zẅíꞋlɛ́nɛ nu yi ɔ cúnɛ pɛn ńduk yɔ́p.

1 Jɑ̂ŋ 5:9

Pʉɔmɛ́sɔŋ cú yúu mi pɔ́p jínɛ nǔu nu, pɛkŋɛ zúꞋ ḿbɛ́m ŋɡɔ ɛ́ nu nɛ́nẅín. Yúu mi Sɛ́ cúnɛ nǔu nu ɛ́ pɛn ńdɛɛ yi pʉɔmɛsɔŋ cúnɛ. A lɔk mɛnu mɛ́ntɑ́t mîmɑ́, ńcú nu nǔu nu-Mɔ́ɔ nɛ.