Jɑ̂ŋ 5:25 - Kɑɑ Fí

²⁵ Lɑ́ ɛ sẅíi wʉ́ʉ, kwɑꞋ nɛ́nẅín, ŋkɑ́ sɛ́ ŋ́kuꞋ, ɛ́ zɛɛ mɔ́ ńdɑ́Ꞌ ŋ́kuꞋ, pɑ́Ꞌ pɛpfúsɛ́ ɡʉ ńzúꞋ ŋɡi mɔ́ɔ-Sɛ́, pʉɔ pí pɔ́p zúꞋnɛ yîyɑ́ ŋɡi luk.

Jɑ̂ŋ 5:25 Кръстосани препратки

Lúkɑ́shi 15:24

mbíꞌŋɡɔ mɔ́ɔ wɑɑ wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.» A cú pɔ́Ꞌɔ, pɔ́p ɡɔ́ɔ ńzɛ nɛtsɑ́ɑtɛ.

Lúkɑ́shi 15:32

Lɑ́, ɛ́ ḿbɔ́ ḿbɔŋ ŋɡɔ pɛkŋɛ tsɑ́ɑtɛ kwɑꞋ sʉ́Ꞌnɛ, mbíꞋŋɡɔ mɔ́ɔmɑ́ wu wɔnɛ kɑ pfú, ɑ pɛn ḿbɛnɛ, ɑ kɑ pɛ́, m bɛn ńjʉ́ɔ wɛ́.»

Lúkɑ́shi 9:60

Yɛ́su tsɔ́Ꞌ mbɔ̌ wɛ́ ŋɡɔ: «Ńnɑ́ pɛpfú pɔ́p tẅíi pɛpfú pɔ́p. Ŋ́ɡʉ nǔu ɡu, ɔ ɡẅɛɛ pɔ nɛɡʉ ɛ́sẅíi pɑꞋ nu-nɛfɔɔ-Sɛ́ pɔ́nɛ.»

Jɑ̂ŋ 13:1

Ɛ́ kɑ tsʉꞋ pɔ pɑ́Ꞌ njí ɡʉ kiɛ pɛ́ jʉ́ ndínɑ-Pɑ́skɑ, Yɛ́su pɔ́ ńjí ŋɡɔ yîyɑ́ ŋkɑ́ kuꞋ pɑ́Ꞌ ɑ ɡʉ ɛ́fú ndǔ yɔ mbí ŋ́ɡʉ ŋ́kẅɛ́ɛtɛ Tɑ́t wɛ. Pɑ́Ꞌ jʉ́ Yɛ́su kɑ pɔ́ ŋ́kɔŋ pʉɔ pí pɔ́p ndǔmbí ḿbɔ́ pɛ́ lɑ́, ɑ kẅiꞋ ŋ́kɔŋ wɔ́p tɛ ḿmɛkŋɛ.

Jɑ̂ŋ 17:1

Yɛ́su kɑ cú yɔ nu tɛ ḿbɔ́tnɛ ńnɑ́ŋ, ḿbʉꞋ tú yɛ́, ńdíŋɛ tʉ́, ńcú ŋɡɔ: «Tɑ̌ɑ mɔ, ŋkɑ́ kuꞋ, ɡɛ pɛ́ jʉ́ɔ nɛɡúꞋ Mɔ́ɔ nu, Mɔ́ɔ nu ɡʉ ŋ́ɡɛ yɛ́, pɛ́ jʉ́ɔ nɛɡúꞋ wu.

Jɑ̂ŋ 4:21

Yɛ́su cú mbɔ̌ wɛ́ ŋɡɔ: «Mɑ́ɑ, pɛ́m nu yí mɔ ńcú. Ŋkɑ́ sɛ́ ŋ́kuꞋ pɑ́Ꞌ pʉʉ kɛ́ pɛn ŋ́ɡúꞋlɛ Tɑ̌ɑ ndǔ nɔ nɛŋkɔ́Ꞌ pɔ́, mbɑ Yɛlúsɑlɛm pɔ́.

Jɑ̂ŋ 4:23

Lɑ́, ŋkɑ́ sɛ́ ŋ́kuꞋ, tɛ ɛ́ zɛɛ mɔ́ ŋ́kuꞋ kuꞋnɛ, pɑ́Ꞌ kwɑꞋ pɑɡúꞋlɛ Sɛ́ ɡʉ ŋ́ɡɔ ŋ́ɡúꞋlɛ Sɛ́ Tɑ́t, ńdɔk pɔ Zẅikŋɛ yɛ́, lɑ ŋ́ɡúꞋlɛ wɛ́ tsɛt nu nɛ́nẅín. MbíꞋŋɡɔ ɛ́ ntɛ́ pɑɡúꞋlɛ pi Sɛ́ sɛ́ ńdɔɔ.

Jɑ̂ŋ 5:21

Pɑ́Ꞌ Tɑ́t wɛ ɡɛnɛ pʉɔ pí pɔ́p pfúnɛ zẅíimɛ pɔ́ ɡú lɑ́, ɛ́ ndʉ́ŋndʉŋ pɑ́Ꞌ Mɔ́ɔ pɛn ŋ́kuꞋ yɛ́ nɛɡɛ ŋu ẅí jʉ́ mɔ́ɔ kɔŋnɛ pɔ́ ɡú.

Jɑ̂ŋ 5:28

Lɑ́, kɔɔ ɛ́ kʉꞋnɛ wʉ́ʉ kʉꞋnɛ́nɛ, mbíꞋŋɡɔ ŋkɑ́ sɛ́ ŋ́kuꞋ pɑ́Ꞌ pɛpfúsɛ́ pɛtsʉʉ pinɛ pɔ́p nɔɔnɛ tsɛt mɛshi ɡʉ ńzúꞋ ŋɡi yɛ́,

Jɑ̂ŋ 6:60

Gɑŋku-Yɛ́su zúꞋ sẅiŋɛ yɛ́, nɛzɑ́ɑ pʉɔ zɛ nɛcú ŋɡɔ: «Sẅiŋɛ yɑ́ tɛn tɛ ńtsɑ! Ɛ́ lɑɑ ḿbɔ́ wɔ̌ zẅíꞋlɛ?»

Jɑ̂ŋ 8:43

Pʉʉ pɛn ŋ́kɛ́ ḿbɔɔ ḿbɔ́ ńzúꞋ sẅiŋɛ yɑ́ɑ pɔ́ mɛlɑ́Ꞌ kʉ̈ɔ́? MbíꞋŋɡɔ pʉ́ʉ kɑ́ kuꞋ nɛzẅíꞋlɛ sẅiŋɛ yɑ́ɑ pɔ́.»

Jɑ̂ŋ 8:47

Ŋu ẅí ɑ ŋu-Sɛ́ ɑ zẅíꞋlɛ sẅíŋɛ-Sɛ́. Pʉʉ pɛn ḿbɔɔ ńzẅíꞋlɛ sẅiŋɛ yɑ́ɑ pɔ́, mbíꞋŋɡɔ pʉʉ kɑ́ pɔ́ pʉɔ-Sɛ́ pɔ́.

Jɑ̂ŋ 9:27

A pʉ̈ɔt ŋɡɔ: Mɔ ńdɑ́Ꞌmɔ́ ɛ́sẅíi wʉ́ʉ, pʉʉ pɔɔ zẅíꞋlɛ. Pʉʉ kɔŋ nɛpɔ́ yi mɔ ḿbɛn ńcú cúnɛ mɛlɑ́Ꞌ kʉ̈ɔ́? Ńjí ŋɡɔ pʉʉ sɛ́ ńtsɑ́ɑ yʉ́ʉ nɛtsʉ́Ꞌ ɡɑŋku pɛ́ kɛ kʉ̈ɔ́?»

Pʉɔ-Lɔ́mɑ 6:4

Pɑ́Ꞌ ɛ́ kɑ fúnɛ nǔu cẅɛ́ɛ ŋki, pɛkŋɛ pɛpɔ́p tɛmtɛ ḿpfú, pɛ́ pɛn ńtɛmtɛ wɛkŋɛ pɛpɔ́p ńtẅíi lɑ́, nɛpɔ́ yi pɑ́Ꞌ Sɛ́ Tɑ̌ɑ kɑ lɔknɛ mɛtʉʉ mi ɛ́ ɡẅɛɛnɛ nɛɡúꞋ, ŋ́ɡɛ Kɛlístɔ zẅíimɛ nǔu nɛvú lɑ́, pɛkŋɛ ɡúu ɡʉ tsʉ́Ꞌ ḿbɔ́ pɔ tsɛt luk fí.

Ɛ́fɛ̂zɛ 2:1

Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, mbɔ pʉʉ kɑ pfú mɔ́ mbíꞋ pɑ́Ꞌ pʉʉ kɑ pɔ́ ɡɑŋmɛfɑɑnɛ ḿbɛn ḿbɔ́ pɑɡɛ mɛnu kɛpɔŋ.

Ɛ́fɛ̂zɛ 2:5

ɑ kɑ ɡɛ pɛkŋɛ pɛ Kɛlístɔ pɛn ḿbɔ́ ɡú, tɛ mbɑ pɑ́Ꞌ pɛkŋɛ kɑ pɔ́ mbɔ̌ wɛ́ yɛcɔ́ ŋkɑ́, mbɔ pɛkŋɛ kɑ pfú mbíꞋ mɛfɑɑnɛ mɛkŋɛ lɑ́. A kɑ lɔk pɔ pɔŋtʉ́m yɛ́ ŋ́ɡɛ pɛkŋɛ luk.

Ɛ́fɛ̂zɛ 5:14

Ɛ́ zɛɛ mbɔɔ pɔ́ pɔ ndɑꞋ pɔ́Ꞌɔ pɔ́, yúu piitɛ tɛ ńcẅɛt zʉꞋ fúknɛ, ŋ́kúpmɛ, ńtsʉ́Ꞌ ŋ́kyɛꞋ pɔ zʉꞋ. Ɛ́ pɔ́Ꞌɔ lɑ́ pɛ́ cú ŋɡɔ: Gu ẅí ɔ sɛ́ ńdɛ́, jʉɔmɛ, fú tsɛtsɛt pɛpfú ńdɔ sɛ́, Pɔ́Ꞌɔ, Kɛlístɔ níꞋ kyɛꞌ yɛ́ nǔu ɡu.

Kɔlɔsíyɛ̂ŋ 2:13

Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, ḿbɔ́ pɔ pɛpfú, mbíꞋ mɛnu kɛpɔŋ mʉ́ʉ, mbɑ pɑ́Ꞌ pʉʉ kɑ pɔ́ pʉɔ pi pɛ́ kɑ púꞋnɛ wɔ́p nɛlɔk wɔ́p ŋ́ɡɛ pʉɔ-Sɛ́ lɑ́. Ɛ́ kɛ́ ḿbɔ́ nǔu ŋkɔ̂ɔnɛ, mbɔ Sɛ́ tɛmtɛ njẅɛt-Kɛlístɔ ńzẅíimɛ nǔu nɛvú. A likŋɛ mɛnu kɛpɔŋ mɛkŋɛ tsʉʉ, ŋ́ɡɑ́ mbɔ̌ pɛkŋɛ.

Mɛnu ɛ́ ńdɑ́Ꞌ ńcẅɛt 3:1

Ɔ ŋ́ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Sɑldɛs. Ŋwɑꞌnɛ ŋɡɔ: Ŋu ẅí ɑ ɡẅɛɛnɛ Mɛzẅikŋɛ-Sɛ́ sɑɑmbɑ́ mbɑ pɛcʉ̈ɔ́Ꞌ-sɑŋ sɑɑmbɑ́ lɑ́, ɑ sɛ́ ńcú ŋɡɔ: Mɔ sɛ́ ńjí mɛfɑꞋ mʉ́ʉ, ḿbɔ́ ńjí ŋɡɔ pɛ́ ɡɔ ńcú ŋɡɔ pʉʉ sʉ́Ꞌnɛ, mbɔ pʉʉ kɑ pfú mɔ.