Jɑ̂ŋ 5:20 - Kɑɑ Fí

²⁰ MbíꞋŋɡɔ Tɑ̌ɑ kɔŋ Mɔ́ɔ tɛꞋ, ńnyɛt wɛ́ nɛ́ mbɑ kʉ̈ɔ́ lɑ́ yi ɑ ɡɛnɛ. A pɛn ḿbɔ́ ŋ́ɡʉ ńnyɛt wɛ́ nɛ́ yúu mi ɛ́ ɡúꞋnɛ tɛ pʉʉ jʉ́ɔ ɛ́ tsuŋ ŋ́kʉꞋnɛ wʉ́ʉ.

Jɑ̂ŋ 5:20 Кръстосани препратки

Mɑtʉ̈ɔ 11:27

Yɛ́su pɛn ńcú ŋɡɔ: «Tɑ̌ɑ mɔ kɑ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ, mbɔ sɑ̌ɑ ŋu pɔɔ jí mɔ́ɔ pɔ́, ndɑꞋ Tɑ̌ɑ jínɛ wɛ́. Ŋu kɛ́ mbɔɔ jí Tɑ̌ɑ pɔ́, ndɑꞋ mɔ́ɔ nɛ jínɛ wɛ́, ḿbɛn ŋ́ɡɛ ŋu ẅí mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Mɑtʉ̈ɔ 3:17

Ŋɡi-ŋu fú tʉ́nɛ́pú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.»

Mɑtʉ̈ɔ 4:8

Sɑ́ttɑ pɛn ńdɔk wɛ́ ŋ́ɡʉ, ńtík wɛ́ ndǔ nɛcɔ́ nɛŋkɔ́Ꞌ ni ɛ́ ɡʉ tɛ tʉ́, ńtʉ́ʉ zúꞋu, ńnyɛt wɛ́ nɛ́ ŋɡɔŋ nɛ́ ŋɡɔŋ yi ɛ́ ndǔ mbí mbɑ yúu mi pɔ́p lɔknɛ ŋ́ɡúꞋ,

Lúkɑ́shi 10:22

Yɛ́su pɛn ńcú ŋɡɔ: «Tɑ̌ɑ mɔ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ. Mbɔ wɛcɔ́ ŋu pɔɔ jí mɔ́ɔ pɔ́, ńdíꞋ ńdɑ́Ꞌ tɑ́t jínɛ wɛ́. Ŋu kɛ́ ḿbɔɔ Tɑ́t jí, ńdíꞋ ńdɑ́Ꞌ mɔ́ɔ nɛjí wɛ́, ḿbɛn ŋ́ɡɛ ŋu ẅi mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.»

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Jɑ̂ŋ 10:32

Lɑ́ Yɛ́su pɛn ńcú mbɔ̌ pɔ́p ŋɡɔ: «Ŋ kɑ ɡɛ pʉʉ jʉ́ɔ mɛfɑꞋ sʉ́Ꞌnɛ tɛ ɛ́ zɑ́ɑ zɑ́ɑnɛ mi ɛ́ fúnɛ mbɔ̌ Tɑ̌ɑ mɔ, pʉʉ lɑk mɛŋɡɔꞋ nɛlɔk ńtɛ́mtɛ wɑ́ɑ ńjẅí pɑ́Ꞌɑ mbíꞋ yɛ́tɛ́ nǔu?»

Jɑ̂ŋ 14:12

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzɑ́p tʉ́m yɛ́ nǔu mɔ, mbɔ ɑ ɡʉ ɛ́fɑꞋ yɛ́ mɛfɑꞋ mí mɔ sɛ́ ɛ́fɑꞋ, tɛ mɛ́ ɡúꞋ ńtsɑ mɑ́ɑ, mbíꞋŋɡɔ ŋ ɡʉ nɛ́ nɛjɔ́ŋ Tɑ̌ɑ mɔ.

Jɑ̂ŋ 15:15

«M bɔɔ pɛn ɛ́fúŋ wʉ́ʉ ŋɡɔ mbɔ́ŋkʉ̈ɔ́ pɔ́, mbíꞋŋɡɔ mɔ́ɔ-fɑꞋ kɑ́ jí yúu mi tɑ́fɑꞋ wɛ sɛ́ ŋ́ɡɛ pɔ́. Ɛ fúŋ wʉ́ʉ ŋɡɔ pɛsúu pɑ́ɑ, mbíꞋŋɡɔ ŋɡɔŋ nu tsʉʉ yí ŋ kɑ zúꞋnɛ mbɔ̌ Tɑ̌ɑ mɔ, ŋ ɡɛ pʉʉ jí.»

Jɑ̂ŋ 17:26

Ŋ kɑ zíꞋ wɔ́p nɛjí ŋu ẅí ɔ jʉ́, mɔ ŋ́kɛ́ ḿbɔ́ ŋ́ɡɛ pɔ́p pɔ́ ńjí wú jínɛ, ŋ́kɔŋɛ pɔ́p nɛ́ pɔ́p pɑ́Ꞌ ɔ kɔŋnɛ wɑ́ɑ, m bɛn ḿbɔ́ tʉ́m pɔ́p.

Jɑ̂ŋ 3:35

Tɑ̌ɑ Sɛ́ kɔŋ Mɔ́ɔ nɛ, mbɔ ɑ kɑ níꞋ yúu tsʉʉ nǔu lɑ́ɑpɔ́-Mɔ́ɔ nɛ.

Jɑ̂ŋ 5:21

Pɑ́Ꞌ Tɑ́t wɛ ɡɛnɛ pʉɔ pí pɔ́p pfúnɛ zẅíimɛ pɔ́ ɡú lɑ́, ɛ́ ndʉ́ŋndʉŋ pɑ́Ꞌ Mɔ́ɔ pɛn ŋ́kuꞋ yɛ́ nɛɡɛ ŋu ẅí jʉ́ mɔ́ɔ kɔŋnɛ pɔ́ ɡú.

Jɑ̂ŋ 5:25

Lɑ́ ɛ sẅíi wʉ́ʉ, kwɑꞋ nɛ́nẅín, ŋkɑ́ sɛ́ ŋ́kuꞋ, ɛ́ zɛɛ mɔ́ ńdɑ́Ꞌ ŋ́kuꞋ, pɑ́Ꞌ pɛpfúsɛ́ ɡʉ ńzúꞋ ŋɡi mɔ́ɔ-Sɛ́, pʉɔ pí pɔ́p zúꞋnɛ yîyɑ́ ŋɡi luk.

Jɑ̂ŋ 5:29

ŋ́ɡɔ́ɔ ŋ́kɛ́ ɛ́fú tsɛt mɛshi ńcẅɛt. Pʉɔ pínɛ pɔ́p kɑ pɔ́ ŋ́ɡɛ nu sʉ́Ꞌnɛ zẅíimɛ nǔu nɛvú ńcẅɛ́ɛ kwɑꞋ luk, lɑ́ pʉɔ pínɛ pɔ́p kɑ pɔ́ ŋ́ɡɛ nu kɛpɔŋ zẅíimɛ ḿvu ntsɑŋ.»

2 Pyɛ̂ 1:17

Ŋkɑ́ yi Sɛ́ Tɑ́t kɑ ɡɑ́nɛ nɛɡúꞋ mbɑ mɛkuꞋ mbɔ̌ wɛ́, pɛ́ zúꞋ ŋɡi-Sɛ́ ẅi ɑ ɡẅɛɛnɛ mɛtʉʉ, ɛ́ cú ŋɡɔ: Yɔ Mɔ́ɔ wɑ́ɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.