Jɑ̂ŋ 4:53 - Kɑɑ Fí

⁵³ Tɑ́-mɔ́ɔ zúꞋ, ɛ́ lɔk ḿbɔ́ kwɑꞋ ŋkɑ́ yɑ́ yi Yɛ́su kɑ cúnɛ mbɔ̌ wɛ́ ŋɡɔ: «Mɔ́ɔ nɛ fíitɛ lɑ́.» A ɡɔ́ɔ ŋ́kɛ́ ńzɑ́p tʉ́m yɛ́ nǔu Yɛ́su, pɔ́p pʉɔ pɛ́ tsʉʉ tsʉʉ ndɑ́ yɛ́.

Jɑ̂ŋ 4:53 Кръстосани препратки

Mɑtʉ̈ɔ 8:13

Yɛ́su pɛn ńcú mbɔ̌ tɑ́tndɑ́-ntsɔ ŋɡɔ: «Pɛn nɛ́ njɛ́Ꞌ wu! Pɑ́Ꞌ ɔ zɑ́pnɛ tʉ́m nǔu mɔ lɑ́, yúu mi ɔ tsɑ́ɑnɛ ɡʉ ḿbɔ́ pɔ́Ꞌɔ.» Ńcú pɔ́Ꞌɔ, mɔ́ŋkʉ̈ɔ́-fɑꞋ-tɑ́tndɑ́-ntsɔ ɡɔ́ɔ ɛ́fíitɛ pɔ ŋkɑ́ ɛ̂yɑ́, ŋkɑ́ ɛ̂yɑ́.

Lúkɑ́shi 19:9

Yɛ́su zúꞋ, ńcú ŋɡɔ: «Sɛ́ ɡɛ yɔ ndɑ́ luk lɔ́Ꞌnɛ, mbíꞋŋɡɔ Sɑkíyɔ pɛn ḿbɔ́ yɛ́ wɛcɔ́ mɔ́ɔ-Ábɛlɛhɑ̂m!

Jɑ̂ŋ 4:51

A pɛ́t pɔ sɛ̂ndúŋ ńcúŋ ŋ́ɡʉ, ŋɡɑŋfɑꞋ wɛ tɔ́ ńzɑ́Ꞌ wɛ́, ɛ́sẅíi wɛ́ ŋɡɔ mɔ́ɔ nu fíitɛ.

Jɑ̂ŋ 4:52

A píkŋɛ wɔ́p nɛ́ ŋkɑ́ yi ɑ fíitɛ́nɛ, pɔ́p cú mbɔ̌ wɛ́ ŋɡɔ: «Ɛ́ ḿbɔ́ mbɔ́tnjí zɔ́n nǔu tɑ́Ꞌ nɛm, mbʉʉnút zɑ́Ꞌnɛ nǔu wɛ́.»

ŊwɑꞋnɛ-Gɑŋntúu Yɛ́su Kɛlístɔ 11:14

A ɡʉ ńtɔ́ ɛ́sẅíi wú nɛ́ mɛnu mi Sɛ́ ɡʉ ńdɛɛ nǔu ŋ́ɡɛ pʉʉ njẅɛtndɑ́ yu luk.

ŊwɑꞋnɛ-Gɑŋntúu Yɛ́su Kɛlístɔ 16:15

Pɛ́ pɑ́ɑtɛ ńtɛmtɛ ńnuꞋ wɔ́p njẅɛtndɑ́ yɛ́ ŋki. A pɑ́ɑtɛ ŋ́ɡɔ ɛ́fúŋ wɛ́k njɛ́Ꞌ yɛ́ ńcú ŋɡɔ: «Pɛk lɑɑ ńjʉ́ɔ yɛ́k ŋɡɔ ɑ pɛ́m nu-Tsɑpʉɔ tɛ ɛ́sẅíi nu, pɛk tɔ́ ńtswɛ́ njɛ́Ꞌ yɛ́.» Ńcú pɔ́Ꞌɔ, ńtsʉ́ʉnɛ wɛ́k tsʉ́ʉnɛ́nɛ nɛpɛ́m.

ŊwɑꞋnɛ-Gɑŋntúu Yɛ́su Kɛlístɔ 16:34

A pɛn ńdɔk wɔ́p pɛ́pɑ́ ḿbʉ́ʉ ŋ́ɡʉ ndɑ́ yɛ, ŋ́ɡɑ́ yúu pɔ́p jʉ́. Pɔ́p pɛ́ njẅɛtndɑ́ yɛ tsɑ́ɑtɛ, mbíꞋŋɡɔ pɔ́p zɑ́b tʉ́m yɔ́p nǔu Sɛ́.

ŊwɑꞋnɛ-Gɑŋntúu Yɛ́su Kɛlístɔ 18:8

Kɛlíspus ẅi ɑ ndʉ́m tsɛt ndɑ́-cúꞋlɛ-pɑyúdɑ pɔ́p njẅɛtndɑ́ yɛ tsʉʉ ɡɛ ńzɑ́p tʉ́m yɔ́p nǔu Tsɑpʉɔ. Pɛ́ nuꞋ wɔ́p ŋki. Pʉɔ-Kɔlɛŋntɛ tɛ ńzɑ́ɑ zúꞋ sẅíŋɛ-Pɔ̂l ḿbɛ́m yɔ́p nɛpɔ́ pʉɔ-Kɛlístɔ. Pɛ́ nuꞋ wɔ́p ɡúu ŋki.

ŊwɑꞋnɛ-Gɑŋntúu Yɛ́su Kɛlístɔ 2:39

MbíꞋŋɡɔ yúu mi Sɛ́ kɑ kɑꞋnɛ, ɑ kɑ pɔ́ ŋ́kɑꞋ mbɔ̌ pʉʉ, mbɑ mbɔ̌ mbɔ́ŋkʉ̈ɔ́ pʉ́ʉ. A kɑ pɔ́ ŋ́kɑꞋ mbɑ mbɔ̌ pʉɔ pinɛ pɔ́p nɑ́ŋnɛ ŋɡɑ sɛsɑ, ŋɡɔŋ pʉɔ tsʉʉ pi Tsɑpʉɔ Sɛ́ wɛkŋɛ ɡʉ ŋ́ɡɛ ɛ́fúŋ wɔ́p nɛtsʉ́Ꞌ pʉɔ pɛ́.»