Jɑ̂ŋ 4:34 - Kɑɑ Fí

³⁴ Yɛ́su cú mbɔ̌ pɔ́p ŋɡɔ: «Yɑ́ɑ yúujʉ́ pɔ́ pɔ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, mbɑ nɛmɛkŋɛ fɑꞋ yí ɑ kɑ ɡɑ́nɛ mbɔ̌ mɔ.»

Jɑ̂ŋ 4:34 Кръстосани препратки

Mɑtʉ̈ɔ 26:39

ńcú pɔ́Ꞌɔ, ńnɑ́Ꞌ ŋ́ɡʉ mbi, ŋ́kɔkŋɛ ńnɔɔ sɛ́, ɛ́sɔp shʉ́ wɛ́ sɛ́, ḿbɔ́ ńcɛꞋlɛ Sɛ́ ńcú ŋɡɔ: «Tɑ̌ɑ mɔ, ɛ́ lɑɑ ḿbɔ́ yi ḿbɔ́ ɛ́ pɔ́ pɔ́Ꞌɔ, ɔ ɡɛ yɔ ntúꞋ-ŋɡʉ̈ɔ́Ꞌ fú nɛjɔ́ŋ mɔ ńtsʉ́ʉtɛ! Lɑ́, kɔɔ ɡɛ wɑɑ nɛkɔŋtɛ, ɡɛ pɔ wu nɛkɔŋtɛ.»

Mɑtʉ̈ɔ 3:15

Lɑ́ Yɛ́su pʉ̈ɔt mbɔ̌ wɛ́ ŋɡɔ: «Pɛ́m ŋɡɔ ɛ́ pɔ́ pɔ́Ꞌɔ, ŋkɔ̂ɔnɛ, pûu ɡɛ pɔ́Ꞌɔ, mbíꞋŋɡɔ ɛ́ píkŋɛ ŋɡɔ pûu ɡɛ yúu tsʉʉ yí Sɛ́ píkŋɛnɛ ɛ́ lɔk ḿbɔ́ ndʉ́ŋndʉŋ.» Jɑ̂ŋ ɡɔ́ɔ ŋ́kɛ́ ḿbɛ́m,

Mɑtʉ̈ɔ 9:19

Yɛ́su lɔ sɛ́, pɔ́p ɡɑŋku pɛ́ cʉ́ɔ nzʉʉ yɛ́.

Lúkɑ́shi 15:10

Tsʉ́Ꞌnɛ, ɛ sẅíi wʉʉ: Ɛ́ pɛn ḿbɔ́ pɔ pɔ́Ꞌɔ, pɛcʉ̈ɔ́Ꞌ-Sɛ́ tsɑ́ɑtɛ ntɛ́ tɑ́Ꞌ ŋu kɛpɔŋ wɛmɔ́Ꞌ ẅi ɑ kúpnɛ mɑt wɛ.»

Lúkɑ́shi 19:10

Mɔ́ɔ-ŋu kɑ zɛɛ ńtɔ́ pɔ nɛlɔ́ɔ pʉɔ pinɛ pɔ́p kɑ kúunɛ pɛ́, ŋ́ɡɛ pɔ́p luk.»

Lúkɑ́shi 2:49

A pʉ̈ɔt mbɔ̌ pɔ́p ŋɡɔ: «Pʉʉ pɛn ńdɔ́ɔ wɑ́ɑ pɔ́Ꞌɔ, mɛlɑ́Ꞌ ku? Pʉʉ kɑ́ pɔ́ ńjí ŋɡɔ ɛ́ pɔ́ŋ ɛ shɛp mɛnu-Tɑ̌ɑ mɔ pɔ́ ɔɔ?»

Jɑ̂ŋ 17:4

Ŋ kɑ ɡɛ pɛ́ jʉ́ɔ nɛɡúꞋ wu ndǔ tsɛ́tsɑ́Ꞌ. M mɛk fɑꞋ yí ɔ kɑ ɡɑ́nɛ mbɔ̌ mɔ.

Jɑ̂ŋ 19:28

Mɔnɛ mɛnu kɑ lɛɛ, Yɛ́su jí ŋkɔ̂ɔnɛ ŋɡɔ mbɑ kʉ̈ɔ́ lɑ́ kuꞋ, ńcú ŋɡɔ: «Gɑ́k yɑ́ɑ shí, ńcú pɑ́Ꞌnɛ nɛpɔ́ yi yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ ɡʉ ḿbuutɛ.»

Jɑ̂ŋ 19:30

A fíitɛ ńcú ŋɡɔ: «Nu tsʉʉ mɛ», ŋ́ɡɔ́ɔ ŋ́kɛ́ ńcɔ́ŋɛ tú yɛ́, ḿpfú.

Jɑ̂ŋ 4:32

Lɑ́ ɑ pʉ̈ɔt mbɔ̌ pɔ́p ŋɡɔ: «Ŋ ɡẅɛɛ yɛcɔ́ yúujʉ́ yi ŋ ɡʉ ńjʉ́, ɛ́ pɔ́ yi pʉʉ kɑ́ pɔ́ ńjí pɔ́.»

Jɑ̂ŋ 5:30

Ŋ kɛ́ zɑ́Ꞌ ntsɑŋ-ŋu kɛ́ píkŋɛ Sɛ́ pɔ́. Ɛ́ yɑɑ ntɛ́ nɛŋɑk, ɛ́ pɔ́ nɛ́nẅín, mbíꞋŋɡɔ ŋ kɑ́ pɔ́ ńdɔɔ pɔ nɛɡɛ yúu mi ŋ kɔŋnɛ pɔ́, ŋ ɡɛ yɑ́ɑ pɔ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ.

Jɑ̂ŋ 5:36

Lɑ́ mɔ, ŋ kɛ́ ḿbɔ́ pɑ́Ꞌɑ ŋ́ɡẅɛɛ yɛcɔ́ nu yí ɛ́ tsɑnɛ yɛ́ Jɑ̂ŋ: MɛfɑꞋ mí Tɑ̌ɑ mɔ kɑ ɡɑ́nɛ ŋɡɔ ɛ fɑꞋ, kwɑꞋ mɛfɑꞋ ɛ̂mɑ́ nyɛtnɛ ŋɡɔ Tɑ̌ɑ mɔ kɑ túunɛ wɑ́ɑ.

Jɑ̂ŋ 6:33

«MbíꞋŋɡɔ yúujʉ́ pi ɛ́ fúnɛ mbɔ̌ Sɛ́, ɑ ŋu ẅí ɑ fúnɛ tʉ́nɛ́pú ńcúŋ, ŋ́ɡɛ pʉɔmɛsɔŋ ndǔmbí ɡẅɛɛ kwɑꞋ luk.»

Jɑ̂ŋ 6:38

MbíꞋŋɡɔ mɔ ŋkɑɑ fú tʉ́nɛ́pú ńtɔ́ pɔ nɛɡɛ yɑ́ɑ yúu mi ŋ kɔŋnɛ pɔ́, ŋ kɑ tɔ́ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ.

Jɑ̂ŋ 8:29

Ŋu ẅí ɑ kɑ túunɛ wɑ́ɑ, pɛkŋɛ pɔ́nɛ, ɑ kɑ́ nɑ́ wɑ́ɑ zɛ́nɛ mɔ pɔ́, mbíꞋŋɡɔ mɔ ŋkɑ́ kʉ̈ɔ́ lɑ́, ŋ́ɡɛ pɔ yúu mi ɛ́ pɔŋnɛ wɛ́.

ŊwɑꞋnɛ-Gɑŋntúu Yɛ́su Kɛlístɔ 20:35

Ŋ kɑ pɔ́ ńnyɛt wʉ́ʉ ŋkɑ́ tsʉʉ ntɛ́ yi ɛ́ sɛ́ ḿbíkŋɛ ŋɡɔ pɛ́ fɑꞋ pɔ́Ꞌɔ, ńjí ŋɡɔ pɛ́ ɡʉ cẅɛ́lɛ́ pɑ kɛ́ yúu. Ɛ́ pɔŋ nɛkẅíitɛ nu yi kwɑꞋ Tsɑpʉɔ Yɛ́su kɑ cúnɛ ŋɡɔ: “Ŋu ɑ ɡɑ́nɛ yúu ɡẅɛɛ pɔ́ttú ńtsɑ ŋu ɑ cẅɛ́ɛnɛ.”»

Ɛ́bɛlʉʉ 12:2

Pɛkŋɛ pɔ́ ńtík mík pɔ nǔu Yɛ́su ẅi ɑ kɑ zíꞋnɛ wɛkŋɛ nɛzɑ́p tʉ́m nǔu Sɛ́, jʉ́ pɔ́nɛ ŋu ẅi ɑ ɡʉ ńdɑ́Ꞌ ńníꞋ wɛkŋɛ nǔu mbɔ́ Sɛ́ pɔ tɑ́Ꞌ ŋkɑ́. A kɑ nɑ́ tsɑ́ɑtɛ yi ɛ́ kɑ pɔ́nɛ yɛ́, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ ɑ sʉk sʉknɛ, ɑ pɔɔ lɔk sʉ́ʉ ẅi ɛ́ nǔu nɛpfú pɔ́Ꞌɔ ɛ́fúŋ yɛcɔ́ nu pɔ́. A ŋkɔ̂ɔnɛ ńnɑ́ŋ mbʉʉ kɔꞋ-nɛfɔɔ-Sɛ́, nǔu ɡúŋ pɔ́ yɛ́ yi tʉʉ.