Jɑ̂ŋ 4:15 - Kɑɑ Fí

¹⁵ Mɑŋɡɛ́ ɛ̂wɑ́ pʉ̈ɔt mbɔ̌ wɛ́ ŋɡɔ: «Ndɛ, ɡɑ́ ẅîwɑ́ ŋki mbɔ̌ mɔ, ɡɑ́k yɑ́ɑ pɔɔ lɑ́Ꞌ ḿbɛn ɛ́shí pɔ́. M bɔɔ pɛn ńtɔ́ zɑꞋnɛ ńtúꞋ ŋki pɔ́.»

Jɑ̂ŋ 4:15 Кръстосани препратки

Jɑ̂ŋ 4:16

Yɛ́su pʉ̈ɔt mbɔ̌ wɛ́ ŋɡɔ: «Gʉ ɛ́fúŋ ndúu mu pʉʉnɛ tɔ́.»

Jɑ̂ŋ 6:26

Yɛ́su pʉ̈ɔt mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ kɑ pɔ́ sii ńdɔɔ wɑ́ɑ pɔ mbíꞋŋɡɔ pʉʉ kɑ jʉ́ɔ mɛnu mɑ̌ɑmɑɑnɛ mi ŋ kɑ ɡɛnɛ, ɛ́ nyɛt mɛtʉʉ-Sɛ́ pɔ́, pʉʉ lɔɔ wɑ́ɑ ntɛ́ pɔ pɑ́Ꞌ pʉʉ kɑ kwɛ́tnɛ mbɛlɛ̂ɛt tɛ ńzwɛ́t lɑ́.

Jɑ̂ŋ 6:34

Lɑ́Ꞌ ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Ndɛ, nɑ́ŋ ŋ́ɡɑ́ yîyɑ́ yúujʉ́ mbɔ̌ pɛk ŋkɑ́ tsʉʉ.»

Jɑ̂ŋ 6:35

Yɛ́su pʉ̈ɔt mbɔ̌ pɔ́p ŋɡɔ: «Yúujʉ́ pi ɛ́ ɡɛnɛ ŋu pɔ́ ɡú, mɔ. Ŋu lɑɑ ńtɔ́ ńtsɛ́t wɑ́ɑ, mbɔ njí kɛ́ lɑ́Ꞌ ḿbɛn ńzɑ́ŋ wɛ́ pɔ́. Ŋu lɑɑ ńzɑ́p tʉ́m yɛ́ nǔu mɔ, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

Pʉɔ-Lɔ́mɑ 8:5

Pʉɔ pi pɔ́p zɛɛ ńnɑ́ŋ pɔ nǔu ntɛ́ yi mbʉʉ yɔp sɛ́ ɛ́sẅíi wɔ́p, ńtík tʉ́m yɔ́p pɔ nǔu yúu mi mbʉʉ yɔp sɛ́ ŋ́kɔŋ, lɑ́ pʉɔ pi pɔ́p nɑ́ŋnɛ nǔu ntɛ́ yi Zẅikŋɛ Lɛ́ɛnɛ́nɛ sɛ́ ɛ́sẅíi wɔ́p, tík tʉ́m yɔ́p pɔ nǔu yúu mi Zẅikŋɛ Lɛ́ɛnɛ́nɛ sɛ́ ŋ́kɔŋ.

1 Kɔlɛ̂ŋtɛ 2:14

Ŋumɛsɔŋ lɑɑ ḿbɛ́t ḿbɔ́ pɔ nǔu ntɛ́ yi pɛ́ kɑ pínɛ wɛ́ ɑ pɔ́, mbɔ ɛ́ lɑɑ ḿbɔ́ ɑ pɔɔ zúꞋ yúu mi ɛ́ fúnɛ mbɔ̌ zẅikŋɛ-Sɛ́ pɔ́. Ɛ́ mbɔ̌ yɛ́ ḿbɔ́ pɔ mɛnu-pɑ́lɛ. A kɛ́ kuꞋ nɛzúꞋ nu yi ɑ cúnɛ pɔ́. MbíꞋŋɡɔ Zẅikŋɛ Lɛ́ɛnɛ́nɛ ɡɛnɛ lɑ pɛ́ zúꞋ nu yi yîyɑ́ yúu lɔknɛ ńcú.

Jɑ̂k 4:3

Pʉʉ zɛɛ ńdɔ́ɔ, Sɛ́ pɔɔ ɡɑ́, mbɔ ɛ́ mbíꞋŋɡɔ pʉʉ kɑ́ jí nɛlɔ́ɔ pɔ́. Pʉʉ zɛɛ ńdɔ́ɔ pɔ nɛlɔk ŋ́ɡʉ ŋ́ɡɛ yúu mi ɛ́ sɛ́ ḿbɔŋ pɔ wʉ́ʉ.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.