Jɑ̂ŋ 4:14 - Kɑɑ Fí

¹⁴ Lɑ́ ŋu lɑɑ nɔ́ ŋki ẅí mɔ ɡɑ́nɛ mbɔ̌ wɛ́, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́. Mbɔ ŋki ɛ̂wɑ́ ɡʉ ŋ́kúu mbʉʉ yɛ́, ńtsʉ́Ꞌ pɔ nɛsɑ́Ꞌ ŋki, zʉꞋ yí ŋki ɡʉ ḿbɔ́ ɛ́fú zúꞋu ńcúŋ, ŋ́ɡɑ́ wɛ́ nɛ́ luk kɛ́mɛ.»

Jɑ̂ŋ 4:14 Кръстосани препратки

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Mɑtʉ̈ɔ 5:6

Pɛpɔ́ttú pʉɔ pinɛ pɔ́p sɛ́ ńtsuŋ ńtsɑ́ɑ nɛɡɛ yúu mi Sɛ́ kɔŋnɛ, mbíꞋŋɡɔ Sɛ́ ɡʉ ŋ́ɡɛ pɔ́p ɡɛ yúu mi pɔ́p tsuŋnɛ ńtsɑ́ɑ.

Jɑ̂ŋ 10:10

Ntsɔ́ŋ tɔ́ yɛ́ pɔ nɛjɔ, pɔ nɛjẅí, pɔ nɛpʉ́ʉpɛ. Ŋ kɑ tɔ́ nɛpɔ́ yi pʉɔmɛsɔŋ ɡʉ ŋ́ɡẅɛɛ luk yí ɛ́ kwɑꞋ yɛ́tɛ́ tɛ ńdúkŋɛ.»

Jɑ̂ŋ 11:26

Ŋu ẅí ɑ pɛ́tnɛ ntʉʉ, ńzɑ́p tʉ́m yɛ́ nǔu mɔ, ɑ kíi ńdɑ́Ꞌ ḿpfú pɔ́. Tɛ ɔ pɛ́m yɔ nu?»

Jɑ̂ŋ 4:10

Yɛ́su pʉ̈ɔt mbɔ̌ wɛ́ ŋɡɔ, ɔ pɛ́Ꞌnɛ ńjí fuꞋ yí Sɛ́ ɡɑ́nɛ, ḿbɛn ńjí ŋu ẅí ɑ cúnɛ mbɔ̌ ɡu ŋɡɔ: «Gɑ́ ŋki n nɔ́, mbɔ ɡu tsʉ́Ꞌnɛ ńdɔ́ɔ ŋki nɔ́nɛ mbɔ̌ wɛ́, ɑ ɡɑ́ wú ŋki ẅí ɛ́ ɡɑ́nɛ luk.»

Jɑ̂ŋ 4:11

Mɑŋɡɛ́ ɛ̂wɑ́ cú mbɔ̌ Yɛ́su ŋɡɔ: «Ndɛ, ɔ zɛɛ mbɔɔ luŋɡɑ́ɑ ɡẅɛɛ, ŋki pɛn ḿbɔ́ tsɛt sɛ́ tɛꞋ pɑ́Ꞌɑ, ẅîwɑ́ ŋki ẅí ɛ́ ɡɑ́nɛ luk pɛn ɛ́fú pɔ ɡɔ́?

Jɑ̂ŋ 4:13

Yɛ́su pʉ̈ɔt mbɔ̌ wɛ́ ŋɡɔ: «Ŋu nɔ́ ẅîwɑ́, ɡɑ́k yɛ́ kɛ́ ḿbɛn ɛ́shí shínɛ.

Jɑ̂ŋ 4:36

Ŋu ẅí ɑ lɑknɛ yúu, ɑ sɛ́ ńcẅɛ́ɛ tsɔ́ꞋfɑꞋ yɛ́, ɛ́ pɔ́ pɑ́Ꞌ ɑ sɛ́ ńcúꞋlɛ yúu ńníꞋ tsɛt luk kɛ́mɛ. Nɛpɔ́ yi ŋu ɑ pinɛ pɔ́p ŋu ɑ lɑknɛ ɡʉ tɛmtɛ ńtsɑ́ɑtɛ.

Jɑ̂ŋ 6:27

Kɔɔ pʉʉ sɑ́Ꞌ tʉʉ nǔu yúupɛjʉ́ pi ɛ́ kɛ́ lɑ́ɑtɛ, pʉʉ sɑ́Ꞌ tʉʉ pɔ nǔu yúupɛjʉ́ pi ŋu jʉ́, ɛ́ ɡɑ́ luk kɛ́mɛ. Mɔ́ɔ-Ŋu ɡʉnɛ ŋ́ɡɑ́ yîyɑ́ yúupɛjʉ́ mbɔ̌ pʉʉ, mbíꞋŋɡɔ Tɑ̌ɑ Sɛ́ kɑ cʉɔꞌ lii yɛ́ nǔu wɛ́.»

Jɑ̂ŋ 6:35

Yɛ́su pʉ̈ɔt mbɔ̌ pɔ́p ŋɡɔ: «Yúujʉ́ pi ɛ́ ɡɛnɛ ŋu pɔ́ ɡú, mɔ. Ŋu lɑɑ ńtɔ́ ńtsɛ́t wɑ́ɑ, mbɔ njí kɛ́ lɑ́Ꞌ ḿbɛn ńzɑ́ŋ wɛ́ pɔ́. Ŋu lɑɑ ńzɑ́p tʉ́m yɛ́ nǔu mɔ, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́.

Jɑ̂ŋ 6:58

Yɔ pɑꞋ yúujʉ́ pi ɛ́ fúnɛ tʉ́nɛ́pú pɔ́nɛ, ɛ́ kɑ́ pɔ́ pɑ́Ꞌ yi pɛtɑ́t pʉ́ʉ kɑ kwɛ́tnɛ ŋ́kɛ́ ḿbɛn ḿpfú pfúnɛ pɔ́. Ŋu lɑɑ ńjʉ́ pɔ yúujʉ́ yi ɛ́ fúnɛ tʉ́nɛ́pú, mbɔ ŋɡɑŋ ɡʉ ńdɑ́Ꞌ ḿbɔ́ pɔ ɡú.

Jɑ̂ŋ 7:37

Ɛ́ pɔ́ ndẅiknzʉʉ lɛ́Ꞌ-ndínɑ, yi ɛ́ mɑ́mɑ́ lɛ́Ꞌlɑ́Ꞌ, Yɛ́su lɔ sɛ́ ńtʉ́ʉ tsɛtsɛt pʉɔ, ńcú nɛ́ ŋɡi tɛnnɛ ŋɡɔ: «Gɑ́k-ŋu lɑɑ ḿbɔ́ shí, ɑ tɔ́ ńtsɛ́t wɑ́ɑ, ńnɔ́ ŋki.

Pʉɔ-Lɔ́mɑ 5:21

Ɛ́ lɛɛ pɔ́Ꞌɔ, Sɛ́ lɔk pɑ́Ꞌ ɑ tsɑ́ɑnɛ mɛjʉ́ŋ mɔ́p, jʉ́ tsʉ́Ꞌnɛ ŋ́ɡẅɛɛ wɔ́p, ŋ́ɡɛ pɔ́p tsʉ́Ꞌ pʉɔ pi pɔ́p ndʉ́ŋndʉŋ mbi yɛ́, ɛ́ lɔk ɛ́fí pɑ́Ꞌ nu kɛpɔŋ kɑ ɡɛnɛ nɛvú ɡẅɛɛ pʉɔmɛsɔŋ, ńjẅítɛ wɔ́p. Sɛ́ tsɑ́ɑ mɛjʉ́ŋ mɛkŋɛ ŋ́ɡɑ́ fuꞋ níinɛ yɛkŋɛ pɔ́Ꞌɔ, pɛkŋɛ lúꞋnɛ Tsɑpʉɔ Yɛ́su Kɛlístɔ lɑ ŋ́ɡẅɛɛ luk kɛ́mɛ.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

2 Kɔlɛ̂ŋtɛ 1:22

ńcʉ̈ɔꞋ lii yɛ́ nǔu pɛkŋɛ, ńníꞋ Zẅikŋɛ Lɛ́ɛnɛ́nɛ tʉ́m pɛkŋɛ. Ɛ́ lɔk ḿbɔ́ nduŋmbi yúu nǔu yúu mi ɑ ɡʉ ŋ́ɡɑ́ mbɔ̌ pɛkŋɛ.

Ɛ́fɛ̂zɛ 4:30

Kɔɔ pʉʉ ɡɛ Zẅikŋɛ Lɛ́ɛnɛ́nɛ yi Sɛ́ kɑ lɔknɛ ńcʉ̈ɔꞋ lii nǔu pʉʉ jʉ́ɔ ŋɡʉ̈ɔ́Ꞌ. A kɑ pɔ́ ńdɔk ńnyɛt ŋɡɔ pʉʉ pʉɔ pɛ́, ḿbɛn ńdɔk ńnyɛt ŋɡɔ lɛ́Ꞌ ɡʉ ńdɑ́Ꞌ ḿbɔ́, ɑ tɛmtɛ ńtsúꞋ wɛkŋɛ, pɛkŋɛ tɛmtɛ ńduk.

1 Pyɛ̂ 1:22

Pʉʉ kɑ lɔk nɛpɛ́m nu yi ɛ́ nɛ́nẅín, ɛ́suk tʉ́m yʉ́ʉ. Nɛpɔ́ yi pʉʉ ɡʉ ŋ́kɔŋ pɔ́ɔpɛ́mɑ́ pʉ́ʉ pi pʉʉ pɛpɔ́p zɑ́pnɛ tʉ́m nǔu Sɛ́, ŋ́kɔŋ wɔ́p tɛ ɛ́sẅíi nu. Pɔ́Ꞌɔ lɑ́, pʉʉ ɡẅɛɛ kwɑꞋ ŋkɔŋɛ tsɛtsɛt pʉʉ, ŋu kɔŋ mɔ́ɔmɑ́ wɛ nɛ́ tʉ́m yɛ́ tsʉʉ.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

Mɛnu ɛ́ ńdɑ́Ꞌ ńcẅɛt 7:16

Nji pɔɔ pɛn ńzɑ́ŋ wɔ́p pɔ́, ɡɑ́k yɔ́p pɔɔ pɛn ɛ́shí pɔ́. Nɛm pɔɔ pɛn ńtɔɔ ndǔ yɔp pɔ́. Yɛcɔ́ yúu pɔɔ pɛn ŋ́ɡɛ mbʉʉ yɔp tɔɔnɛ pɔ́.

Mɛnu ɛ́ ńdɑ́Ꞌ ńcẅɛt 7:17

MbíꞋŋɡɔ mɔ́ɔ-Njinjɔ ẅí ɑ tʉ́ʉnɛ tsɛtsɛt kɔꞋ-nɛfɔɔ ɡʉ ḿbɔ́ ŋɡɑŋpyɛ́p wɔ́p, ńdɔk wɔ́p ŋ́ɡʉ nǔu mɛtẅɛ́Ꞌ-ŋki, zʉꞋ yi ŋki ɡʉ ŋ́ɡɛ pɛ́ pɔ́ ɡú. Sɛ́ ɡʉ ńtuk ŋki-mík mɔ́p tsʉʉ.