Jɑ̂ŋ 4:1 - Kɑɑ Fí

^1-3 Pɑfɑlísɑy zúꞋ pɛ́ pɔ́ ńcú ŋɡɔ ndɛn pʉɔ pínɛ pɔ́p sɛ́ ńcʉ́ɔ nzʉʉ Yɛ́su lɛɛ pɛ́ Jɑ̂ŋ, ɑ pɛn ḿbɔ́ ńnuꞋ pʉɔ ŋki ɛ́ zɑ́ɑ ńtsɑ pɛ́ Jɑ̂ŋ. Ńzɛɛ ŋ́kɛ́ ŋ́ɡɔ ńcú pɔ́Ꞌɔ, kwɑꞋ Yɛ́su zɛɛ ḿbɔɔ ńnuꞋ pʉɔ ŋki pɔ́, ɡɑŋku pɛ́ pɔ́nɛ ńnuꞋ wɔ́p. Yɛ́su jí ŋɡɔ pɑfɑlísɑy zúꞋ, ɛ́fú tsɛt pɑk-ŋɡɔŋ-Judɛ̂ ńcʉ́ɔ sɛ̂ndúŋ nɛpɛn tsɛt pɑk-ŋɡɔŋ-Ŋɡɑlilɛɛ.

Jɑ̂ŋ 4:1 Кръстосани препратки

Lúkɑ́shi 1:76

Sɑkɑlíyɑ pɛn ńcú ŋɡɔ: «Ɛ́ ɡʉ nǔu ɡu mɔ́ɔ wɑɑ, mbɔ pɛ́ ŋ́ɡɛ ńdɑ́Ꞌ ɛ́fúŋ wú ŋɡɔ ŋɡɛ́mndʉ̈ɔ́Ꞌ-Sɛ́, Sɛ́ ẅi ɑ piꞋnɛ mbɑ kʉ̈ɔ́ lɑ́. Tsɑpʉɔ ɡɔ ḿbɛn ńtɔ́, mbɔ ɔ piitɛ ḿbɔ́ mbi ńniitɛ sɛ̂ndúŋ yɛ́.

Lúkɑ́shi 19:31

Pʉʉ lɑɑ ḿbɔ́ ŋ́kyɛ́Ꞌ, ŋu píkŋɛ wʉ́ʉ ŋɡɔ pʉʉ kyɛꞌ njɑkɑ́ɑshi wɔ mɛlɑ́Ꞌkʉ̈ɔ́ ɔ́ɔ? Pʉʉ tsɔ́Ꞌ ŋɡɔ Tsɑpʉɔ lɑ́Ꞌnɛ ḿbɔ́ ńtsɑ́ɑ.»

Lúkɑ́shi 19:34

Pɔ́p tsɔ́Ꞌ ŋɡɔ: «Tsɑpʉɔ lɑ́Ꞌnɛ mbɔ́ ńtsɑ́ɑ.»

Lúkɑ́shi 2:11

Pɛ́ lɛ́ tʉ́sɔŋ-fɔɔ Ndɑvît lɔ́Ꞌnɛ, ḿbí ŋu ẅi ɑ ɡɛ ŋ́ɡɛ pʉʉ luk. A Kɛlístɔ, ḿbɔ́ Tsɑpʉɔ ẅi Sɛ́ kɑ kɑꞋnɛ.

Lúkɑ́shi 7:13

Tsɑpʉɔ Yɛ́su jʉ́ɔ mpfúk ɛ̂wɑ́, mɛjʉ́ŋ mɛ́ kɔ́ wɛ́, ɑ cú mbɔ̌ wɛ́ ŋɡɔ: «Kɔɔ pɛn ŋ́kíi!»

Lúkɑ́shi 7:19

ńtúu wɔ́p ŋɡɔ pɔ́p ɡʉ ḿbíkŋɛ Yɛ́su ŋɡɔ ɑ Nzɑ́Ꞌŋkʉ ẅí pɛ́ kɑ pɔ́ ńzẅíꞋlɛ lɑ́, kɛ pɛ́ ḿbɛn ńzẅíꞋlɛ pɔ wɛcɔ́ ŋu ndɛꞋ ɔ́ɔ?

Jɑ̂ŋ 3:22

Yɔ nu lɛɛ, Yɛ́su pɔ́p ɡɑŋku pɛ́ ɡʉ nɛ́ tsɛt pɑk-ŋɡɔŋ-Judɛ̂, pɔ́p pɛpɔ́p nɑꞋ ńzɛ ńnɑ́ŋ, Yɛ́su pɔ́ ńnuꞋ pʉɔ ŋki.

Jɑ̂ŋ 3:26

Gɑŋku-Jɑ̂ŋ ɡʉ ńjʉ́ɔ Jɑ̂ŋ, ńcú mbɔ̌ wɛ́ ŋɡɔ Cícɑ, ɔ sɛ́ ŋ́kẅíitɛ ŋu wɑ́ ẅi pʉʉnɛ kɑ pɔ́ nǔu yɛcɔ́ njʉ́n-ŋki-Juudɛŋ lɑ́? Ŋu wɑ́ ẅi ɔ kɑ cúnɛ nu yí ɔ jínɛ nǔu wɛ́ lɑ́? A sɛ́ ńnuꞋ yɛ́ pʉɔ ŋki ŋkɔ̂ɔnɛ, tɛ lɑ́Ꞌ mɛnɔɔ mɛnɔɔ pɔ́ ŋ́ɡʉ ńjʉ́ɔ pɔ wɛ́.

ŊwɑꞋnɛ-Gɑŋntúu Yɛ́su Kɛlístɔ 10:36

Sɛ́ kɑ túu sẅiŋɛ yɛ́ mbɔ̌ pɔ́ɔ-Íslɑyɛ̂l. Ɛ́ pɔ́ Ŋkʉʉ Sʉ́Ꞌnɛ, ńcú nu nǔu mbɔ́tnɛ yí pɛ́ lɛɛnɛ nǔu Yɛ́su Kɛlístɔ ẅí ɑ Tsɑpʉɔ-pʉɔ tsʉʉ ŋ́ɡẅɛɛ.

1 Kɔlɛ̂ŋtɛ 1:17

Kɛlístɔ ŋkɑɑ zɛɛ ńtúu wɑ́ɑ ŋɡɔ ŋ ɡʉ ŋ́ɡɛ pʉɔ cẅɛ́ɛ ŋki mbɔ̌ mɔ pɔ́. A kɑ túu wɑ́ɑ pɔ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ. Lɑ́ ŋ́kɛ́ mbɔɔ lɔk pɔ́ jínu-ŋumɛsɔŋ ńcẅi pɔ́, ḿbɔ́k nɛɡɛ mɛtʉʉ mi ɛ́ fúnɛ nǔu pɑ́Ꞌ Kɛlístɔ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ ḿmɛ.»

1 Kɔlɛ̂ŋtɛ 15:47

Sɛ́ kɑ tsʉ́Ꞌ nɛpɔ́ɔ nduŋmbi ŋumɛsɔŋ, ńdɔk tsɛ́tsɑ́Ꞌ ḿbɔ́ɔ wɛ́. Ẅîwɑ́ ŋu lɔk pɔ́Ꞌɔ, ɛ́fú ndǔ tsɛ́tsɑ́Ꞌ, lɑ́ ŋu mbɑ́ɑtɛ yɛ́pɑ́ fú pɔ tʉ́nɛ́pú.

1 Kɔlɛ̂ŋtɛ 2:8

Sɑ̌ɑ tɑ́Ꞌ nǔu yúu kɛpɔŋ yi ɛ́ sɑ́Ꞌnɛ yɔ mbí ŋkɑɑ jí yîyɑ́ jínu pɔ́. Pɔ́p kɑ pɔ́ pɛ́Ꞌnɛ ńjí yîyɑ́ jínu mbɔ pɔ́p ŋkɑɑ ɡɛ pɛ́ kẅii Ndɛ nǔu tʉ́ mbɑ́ŋtɛ pɑ́ŋtɛ́nɛ pɔ́, Ndɛ ẅí ɑ ɡẅɛɛnɛ nɛɡúꞋ.

2 Kɔlɛ̂ŋtɛ 4:5

Pɛk kɑ pɔ́ ŋ́ɡɔ ńcẅi Ŋkʉʉ Sʉ́Ꞌnɛ, mbɔɔ fɑꞋ pɔ pɑ́Ꞌ pɛ́ ɡʉ ńjí wɛ́k pɔ́, pɛk fɑꞋ pɔ pɑ́Ꞌ pɛ́ ɡʉ ńjí ŋɡɔ Yɛ́su Kɛlístɔ Tsɑpʉɔ. Pɛk tʉ́ʉ ḿbɔ́ pɔ pɑfɑꞋ fɑꞋ pi pɔ́p fɑꞋnɛ mbɔ̌ pʉʉ mbíꞋ Yɛ́su,

Jɑ̂k 2:1

Pɔ́ɔpɛ́mɑ́ pɑ́ɑ kɔɔ pʉʉ pɔ́ ńzɑ́p tʉ́m nǔu Tsɑpʉɔ Yɛ́su Kɛlístɔ wɛkŋɛ ẅí ɑ ɡẅɛɛnɛ mɑ́mɑ́ nɛɡúꞋ, ḿbɛn ŋ́ɡẅɛɛ tɔŋ tsɛtsɛt pʉʉ.

Mɛnu ɛ́ ńdɑ́Ꞌ ńcẅɛt 19:16

Mbɔ pɛ́ ŋwɑꞋnɛ yɛcɔ́ lík nǔu ndẅí-fɑ́k yɛ́, mbɑ nǔu ntɑ́ɑ wɛ́, ɛ́ pɔ́ ŋɡɔ: «Fɔɔ ńtsɑ pɛfɔɔ, mbɑ ŋɡɔ Tsɑpʉɔ pɛtsɑpʉɔ.»