Jɑ̂ŋ 3:16 - Kɑɑ Fí

¹⁶ MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Jɑ̂ŋ 3:16 Кръстосани препратки

Mɑtʉ̈ɔ 9:13

Ɛ́ yɛ́tɛ́ lɑ́ mɔ sɛ́ ńcú mbɔ̌ pʉʉ ŋɡɔ ɡʉnɛ ńzíꞋ yúu mi ɛ́ kɑ cẅɛtnɛ tsu-Sɛ́, ɑ ńcú ŋɡɔ: Mɔ, ŋ kɔŋ ŋɡɔ pʉɔ tsɑ́ɑmɛjʉ́ŋ pɛcɔ́, ńtsɑ pɔꞋ ẅí pɛ́ lɔknɛ ŋ́ɡúꞋlɛ wɑ́ɑ. Yɛ́su ɡɔ ḿmɛkŋɛ n cú ŋɡɔ: Mɔ ŋkɑɑ tɔ́ nɛfúŋ pʉɔ pɔ́p kwɑŋɛ ŋɡɔ pɔ́p nɛ́nẅín pɔ́, mɔ m̄bɔ́ ńtɔ́ ntɛ́ pɔ ɡɑŋmɛfɑɑnɛ ŋɡɔ pɔ́p pɛn mbɔ̌ Sɛ́.»

Mɑ́lɛ́kúshi 12:6

Ŋu ẅí ɑ kɑ pɛ́tnɛ mbɔ̌ wɛ́, kɑ tsʉꞋ ḿbɔ́ pɔ ndɑꞋ mɔ́ɔ nɛ ẅí ɑ kɑ pɔ́ ŋ́kɔŋ wɛ́ tɛꞋ. A ɡɔ́ ńdẅiklɛ, ńtúu ẅîwɑ́ mɔ́ɔ mbɔ̌ pɔ́p, ḿbɔ́ ŋ́kwɑŋɛ ŋɡɔ, ɛ́ ɡʉ ŋ́ɡɛ pɑꞋɑ lɑ́, pɔ́p ɡɛ mɛkuꞋ mɔ́ɔ wɑɑ.

Lúkɑ́shi 2:14

«Gúꞌlɛ pɔ́ mbɔ̌ Sɛ́ tɛ tʉ́nɛ́pú, mbɔ́tnɛ pɔ́ mbɔ̌ pʉɔmɛsɔŋ ndǔ tsɛ́tsɑ́Ꞌ. Sɛ́ kɔŋ wɔ́p.»

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Jɑ̂ŋ 1:29

Njí ɡɛ ŋ́kiɛ, Jɑ̂ŋ jʉ́ɔ Yɛ́su pɔ́ ńtɔ́, ɑ cú ŋɡɔ: «Yɔ Mɔ́ɔ-Njinjɔ ẅí Sɛ́ lɔknɛ ɛ́fɛꞋ ndɔɔ-mɛnu mí pʉɔ kɑ ɡɛnɛ.»

Jɑ̂ŋ 10:28

Ŋ ɡɑ́ luk kɛ́mɛ mbɔ̌ pɔ́p, pɔ́p ŋ́ɡʉ ńdɑ́Ꞌ ḿbɛn ńtíi ndɔɔ kɛ́mɛ pɔ́. Sɑ̌ɑ ŋu pɛn mbɔɔ kuꞋ nɛfú mbɔ̌ mɔ ɛ́sɑꞋ wɔ́p pɔ́.

Jɑ̂ŋ 3:15

Ɛ́ lɛɛ pɔ́Ꞌɔ, ŋu ẅí ɑ zɑ́pnɛ tʉ́m yɛ́ nǔu wɛ́, ɡẅɛɛ luk kɛ́mɛ.

Jɑ̂ŋ 3:18

Ŋu lɑɑ ńzɑ́p tʉ́m yɛ́ nǔu wɛ́, mbɔ pɛ́ ŋ́ɡʉ ŋ́ɡɛ ŋ́ŋɑk wɛ́ pɔ́. Ŋu ẅí ɑ kɛ́ mbɔɔ zɑ́p tʉ́m yɛ́ nǔu wɛ́ pɔ́ jí ŋɡɔ pɛ́ ŋɑk mɔ́ wɛ́, mbíꞋŋɡɔ ɑ kɑ́ zɑ́p tʉ́m yɛ́ nǔu mɔ́ɔ-Sɛ́ wɛ́mɔ́Ꞌ pɔ́.

Jɑ̂ŋ 3:36

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.

Jɑ̂ŋ 6:40

Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»

Pʉɔ-Lɔ́mɑ 5:10

Pɛkŋɛ pɛ Sɛ́ kɑ zɛɛ ḿbɔ́ pɔ ɡɑŋmbuu, lɑ Sɛ́ lɔk pɑ́Ꞌ Mɔ́ɔ nɛ pfúnɛ, ḿmɛk mbuu yɛkŋɛ pɛpɔ́p. Ɛ́ ɡʉ ḿbɛn ḿbɔ́ nǔu ŋkɔ̂ɔnɛ, ɑ lɔk pɑ́Ꞌ Mɔ́ɔ nɛ pɔ́ pɔ ɡú, ŋ́ɡɛ pɛkŋɛ luk ŋɡʉ̈ɔ́Ꞌ luknɛ.

Pʉɔ-Lɔ́mɑ 5:8

Lɑ́ pʉʉ jʉ́ɔ ntɛ́ yi Sɛ́ kɑ lɔknɛ ńnyɛt pɑ́Ꞌ ɑ kɔŋnɛ wɛkŋɛ pɔ́Ꞌɔ, ɛ́ pɑ́Ꞌ Kɛlístɔ kɑ tɔ́nɛ ḿpfú nǔu tú yɛkŋɛ tɛ pɛkŋɛ zɛɛ ḿbɛ́t ḿbɔ́ pɔ pʉɔ kɛpɔŋ.

Pʉɔ-Lɔ́mɑ 8:32

Jʉ́ ẅi ɑ ŋkɑɑ pɑ́ɑ kwɑꞋ Mɔ́ɔ nɛ nɛjʉ́ɔ ŋɡʉ̈ɔ́Ꞌ pɔ́, jʉ́ ẅi ɑ kɑ ɡɛnɛ pɛ́ jẅí wɛ́ mbíꞋ wɛkŋɛ pɛ́tsʉʉ, ɛ́ ɡʉ ŋ́ɡɛ pɑ́Ꞌ lɑ́ ɑ pɔɔ pɛn ŋ́ɡɑ́ pɔ fuꞋ níinɛ yɛkŋɛ ńdɔk pɔ jʉ́ mɔ́ɔ nɛ ŋ́ɡɑ́ mɛcɔ́ mɛyúu tsʉʉ mbɔ̌ pɛkŋɛ pɔ́ ɔɔ?

Ɛ́fɛ̂zɛ 2:4

Lɑ́ Sɛ́ tsɑ́ɑ mɛjʉ́ŋ-pʉɔmɛsɔŋ tɛꞋ. A kɑ pɛn ńdɛɛ pɔ nǔu ntɛ́ yi ɑ kɑ lɔknɛ ŋ́kɔŋ wɛkŋɛ,

2 Tɛsɑlɔník 2:16

Tɑ̌ɑ wɛkŋɛ Sɛ́ kɑ kɔŋ wɛkŋɛ, ńdɔk ŋ́ɡɑ́ fuꞋ fɛ̌ɛ yɛkŋɛ, ńní mɛtʉʉ mʉ́kŋɛ nǔu ntɛ́ yi ɛ́ ŋ́ɡʉ ńdɑ́Ꞌ ḿmɛ pɔ́, ḿbɛn ŋ́ɡɛ pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi ɑ kɑ kɑꞋnɛ mbɔ̌ pʉɔ pɛ́. Pɔ́Ꞌɔ, pɛk sɛ́ ńdɔ́ɔ mbɔ̌ wɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ:

Tîtɛ 3:4

Lɑ́ ŋkɑ́ yi Sɛ́ ẅi ɑ ɡɛnɛ pɛkŋɛ luk nyɛtnɛ ŋɡɔ tʉ́m yɛ́ pɔŋ, ɑ pɛn ŋ́kɔŋ pʉɔmɛsɔŋ lɑ́,

Ɛ́bɛlʉʉ 2:9

Lɑ́, yúu mi pɛkŋɛ sɛ́ ńjʉ́ɔ ŋkɔ̂ɔnɛ pɔ́ pɔ ŋɡɔ Yɛ́su ẅí Sɛ́ kɑ kɔknɛ wɛ́ ŋ́ɡɑ́ sɛ́ tɛ pɛcʉ̈ɔ́Ꞌ-Sɛ́ lɛɛ wɛ́ mɔ́zʉꞋ, Sɛ́ kɑ kɛ́ tɔꞋ cɔꞋ-nɛfɔɔ tú yɛ́, yɛ́tɛ́ ɡɛnɛ ɑ ɡẅɛɛ nɛɡúꞋ, ḿbɛn ńníꞋ mɛkuꞋ mɛ́, mbíꞋŋɡɔ ɑ kɑ pɛ́m nɛjʉ́ɔ ŋɡʉ̈ɔ́Ꞌ lɑ ḿpfú. Yɛ́su lɑɑ ḿpfú nǔu tú-pʉɔmɛsɔŋ tsʉʉ, mbɔ ɛ́ fú pɔ nǔu pɑ́Ꞌ Sɛ́ tsɑ́ɑnɛ mɛjʉ́ŋ pʉɔ tɛꞋ.

1 Jɑ̂ŋ 3:1

Pʉʉ jʉ́ɔ pɑ́Ꞌ Tɑ́t wɛkŋɛ kɔŋnɛ wɛkŋɛ kɔŋnɛ tɛ ɛ́fúŋ wɛkŋɛ ŋɡɔ pɔ́ɔ pɛ́, ɛ́ sẅíi nu pɛkŋɛ pɛ́tɛ́. Lɑ́ pʉɔ-ndǔmbí pɔɔ wɛkŋɛ jí, mbíꞋŋɡɔ pɔ́p ŋ́kɑɑ kɛ́ ńjí ŋu ẅi Sɛ́ jʉ́ pɔ́.

1 Jɑ̂ŋ 4:19

Ɛ́ ɡʉ nǔu pɛk, pɛk kɔŋ ŋumɛsɔŋ, mbíꞋŋɡɔ Sɛ́ kɑ piitɛ ŋ́kɔŋ wɛ́k.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.