Jɑ̂ŋ 21:5 - Kɑɑ Fí

⁵ A cú mbɔ̌ pɔ́p ŋɡɔ: «Pʉɔ pɑ́ɑ, tɛ pʉʉ zɛɛ ŋ́ɡẅɛɛ mbɑ tɑ́Ꞌ mbɑŋ shú?» Pɔ́p cú ŋɡɔ ŋɡɑ́ŋ.

Jɑ̂ŋ 21:5 Кръстосани препратки

Mɑtʉ̈ɔ 14:15

Ɛ́ ɡɛ ḿbɔ́ ntsuŋkẅɛ́Ꞌ, ɡɑŋku-Yɛ́su tɔ́ nɛjɔ́ŋ yɛ́ ńcú ŋɡɔ: «Pɛkŋɛ zɑꞋnɛ kɔ̂ŋtɛt, mbɔ zɑꞋ pɛn mɔ́ ńdɛɛ. Cú mbɔ̌ pʉɔ, pɔ́p ɡʉ zʉꞋ yí mɛnjɛ́Ꞌ zúꞋu, ńdɔɔ yúupɛjʉ́ ńzúu.»

Mɑ́lɛ́kúshi 8:7

Ɛ́ ɡɔ́ ḿbɔ́ pɔ́p pɛn ŋ́ɡẅɛɛ mɛcɔ́ mbɔ pɔ́ɔ-mɛshú, lɑ́ ɛ́ pɔɔ zɑ́ɑ. Yɛ́su pɛn cẅɛ́ɛ ŋ́ɡɑ́ pɑꞋlɑ́ mbɔ̌ Sɛ́ nǔu, ŋ́ɡɑ́ ŋɡɔ pɔ́p ɡɑp mbɔ̌ lɑ́Ꞌ.

Filipɛ 4:19

Sɛ́ wɑɑ ɡʉ ńdɔk ntɛ́ yi ɑ ɡẅɛɛnɛ yúu pɔ́Ꞌɔ, ńdɛɛtɛ nǔu Yɛ́su Kɛlístɔ, ŋ́ɡɑ́ mbɑ kʉ̈ɔ́ lɑ́ yi ɛ́ sɛ́ ńjɑ́k mbɔ̌ pʉʉ kɛ́ sɑ́ŋ.

Ɛ́bɛlʉʉ 13:5

Kɔɔ pʉʉ kɔŋ ŋkɑ́p kɔŋnɛ tɛ ɛ́ tsʉ́Ꞌ ɛ́sɑ́Ꞌ wʉ́ʉ ɛ́sɑ́nɛ, pʉʉ tsɑ́ɑtɛ tsɑ́ɑtɛ́nɛ nǔu kʉ̈ɔ́ lɑ́ yi pʉʉ ɡẅɛɛnɛ, mbíꞋŋɡɔ Sɛ́ kɑ cú mbɔ̌ ŋumɛsɔŋ ŋɡɔ: «Ŋ kɛ́ lɑ́Ꞌ ḿmɛꞋ wú pɔ́, ŋ́kɛ́ ḿbɔɔ ńnɑ́ kɛ́ pɔ́ ńdíŋɛ wú pɔ́».

1 Jɑ̂ŋ 2:13

Mɔ sɛ́ ɛ́sẅíi wʉ́ʉ pɛlʉ́m ŋɡɔ: Pʉʉ pɛꞋnɛ ḿbɔ́ ńjí ŋu ẅí ɑ ɡú tɛ ɛ́fúnɛ nzɛnɛ, ḿbɔ́ ɛ́sẅíi wʉ́ʉ pɔ́ɔsuu ŋɡɔ pʉʉ kɑ kɛ́ ńtɛn ńdɛɛ ŋu kɛpɔŋ.

1 Jɑ̂ŋ 2:18

Mbɔ́ŋkʉ̈ɔ́ pɑ́ɑ, ndẅiknzʉʉ ŋkɑ́ sɛ́ ŋ́kuꞋ. Pʉʉ kɑ zúꞋ pɛ́ cú ŋɡɔ, ŋɡɑŋmbuu-Kɛlístɔ ɡʉ ńdɑ́Ꞌ ńtɔ́. Ɛ́ ŋkɔ̂ɔnɛ, mbɔ ɡɑŋmbuu-Kɛlístɔ tɔ́ tɛ ńzɑ́ɑ zɑ́ɑnɛ. Ɛ́ yúu mi ɛ́ ɡɛnɛ pɛkŋɛ jí ŋɡɔ ndẅiknzʉʉ ŋkɑ́ sɛ́ ŋ́kuꞋ.