Jɑ̂ŋ 20:2 - Kɑɑ Fí

² A kʉ̈ɔ́, ŋ́ɡʉ ńjʉ́ɔ Símɔ̂ŋ Pyɛ̂ pɔ́p wɛcɔ́ ŋɡɑŋku-Yɛ́su wɑ́ ẅi ɑ kɑ pɔ́ ŋ́kɔŋ wɛ́ tɛꞋ lɑ́, ńcú mbɔ̌ pɔ́p ŋɡɔ: «Pɛ́ lɑ́Ꞌ ɛ́fú tsɛt nɛshi ɛ̂nɑ́, ńcẅɛɛtɛ pfú-Tsɑpʉɔ. Pɛk kɑ́ pɔ́ ńjí zʉꞋ yi pɛ́ lɑ́Ꞌnɛ ńzɑ́p zúꞋu pɔ́.»

Jɑ̂ŋ 20:2 Кръстосани препратки

Jɑ̂ŋ 13:23

Wɛcɔ́ tɑ́Ꞌ nǔu ɡɑŋku Yɛ́su ẅi ɑ kɑ pɔ́ ŋ́kɔŋ wɛ́ tɛꞋ, pɔ́ nɛjɔ́ŋ yɛ́ ḿbɔ́ ńjʉ́ yúu.

Jɑ̂ŋ 19:26

Yɛ́su jʉ́ɔ pɑ́Ꞌ mɑ́ wɛ tʉ́ʉnɛ nɛjɔ́ŋ ŋɡɑŋku wɛ ẅí ɑ kɑ pɔ́ ŋ́kɔŋ wɛ́ tɛꞋ, ńcú mbɔ̌ mɑ́ wɛ ŋɡɔ: «Mɑ́ɑmɑɑ, mɔ́ɔ nu pʉ́ɔlɑ́.»

Jɑ̂ŋ 20:13

Pɔ́p cú mbɔ̌ wɛ́ ŋɡɔ: «Mɑ́mɔ́ɔ ɔ kíi kʉ̈ɔ́?» A pʉ̈ɔt mbɔ̌ pɔ́p ŋɡɔ: «Pɛ́ tíi pfú-Tsɑpʉɔ wɑɑ, m bɛn ḿbɔɔ ḿbɔ́ ńjí zʉꞋ yi pɛ́ lɑ́Ꞌnɛ ńzɑ́p zúꞋu pɔ́.»

Jɑ̂ŋ 20:15

Yɛ́su cú nɛ́ jʉ́ ŋɡɔ: «Mɑ́mɔ́ɔ, ɔ kíi ku? Ɔ lɔɔ wɔ̌?» Lɑ́ ɑ ŋ́kwɑŋɛ ŋɡɔ kɛ ɑ pɔ́ pɔ ŋu ẅí ɑ pyɛ́pnɛ ŋkɑ́Ꞌŋɡɑ́ɑtɛ ɔɔ, ńcú nɛ́ jʉ́ ŋɡɔ: «Ndɛ, ɛ́ lɑɑ ḿbɔ́ yi ɡu lɑ́Ꞌnɛ tíi pfú-Yɛ́su, ɔ lɛꞋlɛ wɑ́ɑ nɛ zʉꞋ yí ɔ nɔŋnɛ zúꞋu, ŋ ɡʉ, tíi.»

Jɑ̂ŋ 20:9

Ɛ́ kɑ pɔ́ mbɑ ŋkɑ́ ɛ̂yɑ́, Pɔ́p pɛ́t kɛ́ zúꞋ yúu mi ŋwɑꞋnɛ-ndɛn kɑɑ kɑ lɔknɛ ńdɛꞌlɛ ŋɡɔ Yɛ́su ɡʉ ńdɑ́Ꞌ zẅíimɛ nǔu nɛvú.

Jɑ̂ŋ 21:20

Pyɛ̂ shɔtnɛ, ńjʉ́ɔ ŋɡɑŋku ẅí Yɛ́su kɔŋnɛ wɛ́ tɛꞋ lɑ́, ẅi pɛ́ kɑ pɔ́ ńjʉ́ yúu, ɑ ŋɔ́nɛ nɛtúutɛ-Yɛ́su ḿbíkŋɛ wɛ́ ŋɡɔ Tsɑpʉɔ wɔ̌ ɡʉnɛ ɛ́fɛn wú?

Jɑ̂ŋ 21:24

Ẅîwɑ́ ŋɡɑŋku-Yɛ́su ẅi pɛ́ cúnɛ, kɑ jʉ́ɔ mɔnɛ mɛnu, jʉ́ kɑ ŋwɑꞋnɛ́nɛ. Pɛk pɛn ḿbɔ́ ńjí ŋɡɔ nu yí ɑ cúnɛ ɛ́ nɛ́nẅín.

Jɑ̂ŋ 21:7

Ŋɡɑŋku ẅí Yɛ́su kɑ pɔ́ ŋ́kɔŋ wɛ́ tɛꞋ cú mbɔ̌ pyɛ̂ ŋɡɔ: «A pɑ́Ꞌɑ ḿbɔ́ Tsɑpʉɔ!» Pyɛ̂ zúꞋ ŋɡɔ ɑ Tsɑpʉɔ, ḿbɛ́ɛ ndẅí yɛ́ yi ɑ lɑ́Ꞌnɛ ɛ́sɔt, ḿmɑꞋ, ŋ́ɡɔ́ɔ ŋ́kɛ́ ńjɛ́Ꞌ ŋ́kúu ŋki.