Jɑ̂ŋ 2:24 - Kɑɑ Fí

²⁴ Lɑ́ Yɛ́su pɔɔ mɛꞋ mbʉʉ yɛ mbɔ̌ pɔ́p pɔ́, mbíꞋŋɡɔ ɑ sɛ́ ńjí pɑ́Ꞌ pɔ́p pɔ́nɛ pɛtsʉʉ.

Jɑ̂ŋ 2:24 Кръстосани препратки

Mɑtʉ̈ɔ 9:4

Yɛ́su jí yúu mi pɔ́p sɛ́ ŋ́kwɑŋɛ, ńcú mbɔ̌ pɔ́p ŋɡɔ: «Pʉʉ ɡɛ ŋɡɔ́ku ŋ́ɡẅɛɛ yɔ ntɛ́ kwɑŋɛ kɛpɔŋ tsɛt tʉ́m yʉ́ʉ?

Mɑ́lɛ́kúshi 2:8

Yɛ́su ɡɔ́ɔ ńjí yúu mi pɔ́p sɛ́ ŋ́kwɑŋɛ, ḿbíkŋɛ wɔ́p ŋɡɔ: «Pʉʉ ɡɛ pɑꞋɑ ŋ́ɡẅɛɛ yɑ́ ntɛ́ kwɑŋɛ tú pʉʉ?

Jɑ̂ŋ 1:42

Ńdɔk Símɔ̂ŋ, ŋ́ɡʉ nɛjɔ́ŋ Yɛ́su, Yɛ́su tsuŋ ńdíŋɛ Símɔ̂ŋ tɛ ńcú mbɔ̌ wɛ́ ŋɡɔ: «Ɔ Símɔ̂ŋ mɔ́ɔ-Jɑ̂ŋ. Pɛ́ ɡʉ ŋ́ɡɛ ɛ́fúŋ wú ŋɡɔ Kɛfɑs», ɛ́ lɔk ḿbɔ́ ńcú ŋɡɔ Pyɛ̂.

Jɑ̂ŋ 16:30

Pɛk jí ŋkɔ̂ɔnɛ ŋɡɔ ɔ jí mbɑ kʉ̈ɔ́ lɑ́, tɛ ḿbiitɛ ńjí yúu mi pɛk lɔɔ nɛpíkŋɛ wú. Ɛ́ yúu mi ɛ́ ɡɛnɛ pɛk pɛ́m ŋɡɔ ɔ fú mbɔ̌ Sɛ́.»

Jɑ̂ŋ 21:17

Ḿbɛn ḿbíkŋɛ wɛ́ nǔu ḿbɑ́ɑtɛ yɛ́tɑ́t ŋɡɔ: «Símɔ̂ŋ mɔ́ɔ-Jɑ̂ŋ tɛ ɔ kɔŋ wɑ́ɑ?» Shʉ́ pyɛ̂ kɔkŋɛ, mbíꞋŋɡɔ Yɛ́su píkŋɛ wɛ́ tɛ ŋkɑ́ yɛ́tɑ́t ŋɡɔ tɛ ɑ kɔŋ wɛ́ ɔɔ. A tsɔ́Ꞌ ŋɡɔ: «Tsɑpʉɔ, ɔ jí ŋɡɔŋ nu tsʉʉ, ɔ jí ŋɡɔ ŋ kɔŋ wú.» Yɛ́su cú mbɔ̌ wɛ́ ŋɡɔ: «Tsiinɛ njinjɔ yɑ́ɑ.»

Jɑ̂ŋ 4:16

Yɛ́su pʉ̈ɔt mbɔ̌ wɛ́ ŋɡɔ: «Gʉ ɛ́fúŋ ndúu mu pʉʉnɛ tɔ́.»

Jɑ̂ŋ 5:42

Lɑ́, mɔ pɔ́nɛ ńjí wʉ́ʉ, pʉʉ tʉ́m pʉʉ mbɔɔ Sɛ́ kɔŋ.

Jɑ̂ŋ 6:15

Yɛ́su jʉ́ɔ shʉ́ yi pɔ́p sɛ́ ńdɔɔ nɛɡẅɛɛ wɛ́ ńdɔk wɛ́ ŋ́ɡɛ fɔɔ, ḿbɛn ńnɑ́ wɔ́p ŋ́ɡʉ nɛ́ ndǔ nɛŋkɔ́Ꞌ zɛ́nɛjʉ́.

Jɑ̂ŋ 6:64

Tɛ mbɑ pɔ́Ꞌɔ, pɛcɔ́ pʉɔ tsɛtsɛt pʉʉ kɑ́ pɔ́ ḿbɛ́m pɔ́. Ɛ́ ɡɔ́ ḿbɔ́, mbɔ Yɛ́su kɑ lɑ́Ꞌ mɔ́ ńjí pʉɔ pinɛ pɔ́p kɑ́ pɔ́ ńzɑ́p tʉ́m nǔu wɛ́ pɔ́, ḿbɛn ńjí ŋu ẅí ɑ ɡʉ ŋ́ɡɛ ɛ́fɛn wɛ́.

ŊwɑꞋnɛ-Gɑŋntúu Yɛ́su Kɛlístɔ 1:24

Pɛ́ ɡɔ́ɔ ŋ́kɛ́ ńcɛꞋlɛ Sɛ́ ńcú ŋɡɔ: «Tsɑpʉɔ, ɡu ẅí ɔ jínɛ tʉ́m pʉɔtsʉʉ lɑ́, ɡʉ nǔu pʉɔ pɔnɛ pɛ́pɑ́, ńnyɛt wɛk nɛ́ ŋu ẅí ɔ tsɔ́Ꞌnɛ wɛ́.

ŊwɑꞋnɛ-Gɑŋntúu Yɛ́su Kɛlístɔ 15:8

Sɛ́ ẅi ɑ jínɛ tʉ́m pʉɔtsʉʉ, lɑ nyɛt ŋɡɔ ɑ pɛ́m ŋɡɔ pɔ́p pʉɔ pɛ́, ńtúu Zẅikŋɛ yɛ́ nǔu pɔ́p ɛ́ jʉ́ wɔ́p ɡúu. Pɔ ndʉ́ŋndʉŋ pɑ́Ꞌ ɑ kɑ túunɛ nǔu pɛkŋɛ ɛ́ jʉ́ wɛkŋɛ.

Ɛ́bɛlʉʉ 4:13

Ɛ́ mbi Sɛ́ yɛcɔ́ yúu pɔɔ yi lʉɔmɛ́nɛ pɔ́, tsɛt yɔ ndǔmbí yi ɑ kɑ niitɛ́nɛ. A jʉ́ɔ yúu tsʉʉ, ɑ mɑꞋ mík ńjʉ́ɔ mbɑ kʉ̈ɔ́lɑ́ pɑ́Ꞌ ɛ́ pɔ́nɛ. Pɛkŋɛ ɡʉ ŋ́ɡɛ ńtɛmtɛ tʉ́ʉ mbi yɛ́ ḿbɛ́ɛtɛ ntsu wɛkŋɛ.

Mɛnu ɛ́ ńdɑ́Ꞌ ńcẅɛt 2:23

Ŋ ɡʉ ńjẅítɛ mbɔ́ŋkʉ̈ɔ́ pɛ́. Ɛ́ lɛɛ pɔ́Ꞌɔ, mɛcúꞋlɛ-pʉɔ-Kɛlístɔ tsʉʉ jí ŋɡɔ mɔ ŋu ẅí ɑ jínɛ kwɑŋɛ-pʉɔmɛsɔŋ, ḿbɛn ńjí mbɑ yúu mi pɔ́p sɛ́ ńtsɑ́ɑ. Ŋ ɡʉ ŋ́ɡɛ ɛ́fú pɔ nǔu yúu mi mbɑ wɔ̌ lɑ́ ɡɛnɛ, lɑ ńjí pɑ́Ꞌ ŋ ɡʉ ŋ́ɡɛ nǔu ŋɡɑŋ.