Jɑ̂ŋ 19:9 - Kɑɑ Fí

⁹ Ḿbɛn ŋ́kúu ntɔ́Ꞌ, ḿbíkŋɛ Yɛ́su ŋɡɔ: «Ɔ ŋu ɡɔ́? Lɑ́ Yɛ́su zɛɛ mbɔɔ tsɔ́p.»

Jɑ̂ŋ 19:9 Кръстосани препратки

Mɑtʉ̈ɔ 26:63

Lɑ́ Yɛ́su pɔɔ tsɔ́p. NɔŋpɔꞋ wɛ ɡwɛ́ cú mbɔ̌ wɛ́ ŋɡɔ: «Lɔk lík-Sɛ́ ẅi ɑ ntʉʉ, ŋ́kɑɑ ɛ́sẅíi wɛ́k ŋɡɔ ɔ Nzɑ́Ꞌŋkʉ ẅí ɑ mɔ́ɔ-Sɛ́ kɛ ɔ kɑ́ pɔ́ ńjʉ́ɔ pɔ́ ɔɔ?

Mɑtʉ̈ɔ 27:27

Pɑlʉ̈ɔ́Ꞌntsɔ-pɑlɔ́mɑ ɡɔ́ɔ ŋ́kɛ́ ńdɔk Yɛ́su ŋ́ɡʉ ntɔ́Ꞌ-ŋɡɔ́mnɑɑ, pɔ́p pɛtsʉʉ cúꞋlɛ ńzɛmɛ wɛ́ ńníꞋ sɔŋ,

Lúkɑ́shi 23:9

Ḿbíkŋɛ wɛ́ nɛ́ mɛnu tɛ ɛ́ zɑ́ɑ tɛꞋ, ɑ kɛ́ ḿbɔɔ yɛcɔ́ tsɔ́Ꞌ.

Jɑ̂ŋ 18:28

Pɛ́ fú ntɔ́Ꞌ-Kɑyífɑ, ńdɔk Yɛ́su ŋ́ɡʉ nɛ́ njɛ́Ꞌ-ŋɡɔ́mnɑɑ-Pʉɔ-Lɔ́mɑ. Ɛ́ pɔ́ mbɑꞋmbɑꞋɑ́. Pɛkɛ́m pí pɔ́p lɔknɛ Yɛ́su ńtɔ́ kɛ́ mbɔɔ yɔ́p ndɑ́ ŋɡɔ́mnɑɑ kúu, ḿbɔ́k nɛtíi lɔ́Ꞌ, ɛ́ tɔꞋ wɔ́p nɛjʉ́ ndínɑ-Pɑ́skɑ.

Jɑ̂ŋ 18:33

Pilɑ́tɔ ɡɔ́ɔ ḿbɛn ndɑ́, ŋ́ɡɛ Yɛ́su tɔ́, ɑ píkŋɛ wɛ́ ŋɡɔ: «Ɔ fɔɔ-Pɑyúdɑ ɔɔ?»

Jɑ̂ŋ 18:34

Yɛ́su tsɔ́Ꞌ ŋɡɔ: «KwɑꞋ ɡu kɛ́ nɛ́ ŋ́kwɑŋɛ ńcú, kɛ pɛcɔ́ pʉɔ sẅíi wú ŋɡɔ mɔ fɔɔ?»

Jɑ̂ŋ 18:37

Pilɑ́tɔ píkŋɛ wɛ́ ŋɡɔ: «Ɔ lɔk ḿbɔ́ fɔɔ pɔ́ ɔɔ?» Yɛ́su tsɔ́Ꞌ ŋɡɔ: «Gu cúnɛ pɔ́Ꞌɔ, mɔ fɔɔ. ZúꞋ yúu mi ɛ́ kɑ ɡɛnɛ pɛ́ pí wɑ́ɑ, ḿbɛn ńzúꞋ yúu mi ɛ́ kɑ ɡɛnɛ n tɔ́ ndǔmbí. Ŋ kɑ tɔ́ nɛcú yúu mi n jínɛ nǔu nu nɛ́nẅín. Ŋu pɔ́ nǔu nu nɛ́nẅín, ńzúꞋ ŋɡi yɑɑ.»

Jɑ̂ŋ 19:10

Pilɑ́tɔ ɡɔ́ɔ ŋ́kɛ́ ńcú mbɔ̌ wɛ́ ŋɡɔ: N cú nu ɔ pɔɔ ńtsɔ́Ꞌ pɔ́ ɔɔ? Ɔ kɑ́ pɔ́ ńjí ŋɡɔ ŋ kuꞋ nɛɡɛ pɛ́ nɑ́ wú, pɑ́Ꞌ m bɛn ŋ́kuꞋ nɛɡɛ, pɛ́ kẅii wú nǔu tʉ́ mbɑ́ŋtɛ pɑ́ŋtɛ́nɛ pɔ́ ɔɔ?

Jɑ̂ŋ 19:8

Pilɑ́tɔ pɔ́ tɛ ńzúꞋ pɔ́Ꞌɔ, ŋ́ɡɔ́ɔ ḿmɛkŋɛ ńcʉ̈ɔꞋ.

Jɑ̂ŋ 8:14

Yɛ́su tsɔ́Ꞌ mbɔ̌ pɔ́p ŋɡɔ: «N dɑɑ ńzɛɛ ḿbɔ́ ńcú nu yi n jínɛ nǔu túmbʉʉ yɑ́ɑ lɑ́, nu yi n cúnɛ kɛ́ ḿbɔ́ nɛ́nẅín, mbíꞋŋɡɔ mɔ sɛ́ ńjí zʉꞋ yí ŋ kɑ fúnɛ zúꞋu, ḿbɛn ḿbɔ́ ńjí zʉꞋ yí ŋ ɡʉnɛ nɛ́ zúꞋu. Lɑ́ ŋ́ɡʉ nǔu pʉʉ, mbɔ pʉʉ kɑ́ pɔ́ ńjí zʉꞋ yí ɛ fúnɛ nɛ́ zúꞋu pɔ́, ḿbɛn ŋ́kɛ́ ḿbɔɔ ńjí zʉꞋ yí ŋ ɡʉnɛ nɛ́ zúꞋu pɔ́.»

Filipɛ 1:28

Pɛɡɑŋmbuu lɑɑ ḿvuutɛ wʉ́ʉ kɔɔ pʉʉ cʉɔꞌ. Pʉʉ lɑɑ mbɔɔ cʉɔꞌ, mbɔ ɛ́ ɡʉ ḿbɔ́ mbɔ̌ pɔ́p, ḿbɔ́ lii ŋɡɔ pɔ́p nǔu sɛ̂ndúŋ-nɛpɛ́, lɑ́ ɛ́ pɔ́ mbɔ̌ pʉʉ ḿbɔ́ lii ŋɡɔ pʉʉ nǔu sɛ̂ndúŋ-luk. Sɛ́ ɡɛnɛ mɔnɛ mɛnu.