Jɑ̂ŋ 19:6 - Kɑɑ Fí

⁶ Lɑ́ pɛtɑ́tndɑ́-pɑnɔŋ pɔꞋ pɔ́p pɑpyɛ́p zʉꞋ-nɔŋpɔꞋ jʉ́ɔ Yɛ́su, ńzɛ nɛɡɑ́ ɡwɑ́t ŋɡɔ: «Kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.» Pilɑ́tɔ cú mbɔ̌ pɔ́p ŋɡɔ pʉʉ kɔ wɛ́, kwɑꞋ pʉʉ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. Ŋ kɑ́ pɔ́ ńjʉ́ɔ yúu mi pɛ́ ɡʉ ńdɛɛ nǔu, lɑ ńjẅí wɛ́ pɔ́.

Jɑ̂ŋ 19:6 Кръстосани препратки

Mɑtʉ̈ɔ 26:58

Ŋ́ɡʉ nǔu Pyɛ̂, ɑ cʉ́ɔ nzʉʉ Yɛ́su lɑ́ ŋ́kɛ́ ḿbɔ́ pɔ ŋɡɑ sɛsɑ, ŋ́ɡʉ tɛ ńtɔ́k ŋ́kúu tɛtɑ́ɑ-nɔŋpɔꞋ wɛ ɡwɛ́, ŋ́ɡʉ ńnɑ́ŋ sɛ́ tsɛtsɛt ɡɑŋfɑꞋ, ḿbɔ́ ńdɔɔ nɛjʉ́ɔ pɑ́Ꞌ yɔ nu ɡʉ ńdẅiklɛ pɔ́Ꞌɔ.

Mɑtʉ̈ɔ 27:22

Pilɑtɔ pɛn ḿbíkŋɛ ŋɡɔ: «Tɛ mɔ pɑ́Ꞌɑ ŋ́ɡɛ pɔ ŋɡɔ́ku nǔu Yɛ́su ẅí pɛ́ fúŋnɛ ŋɡɔ Kɛlístɔ?» Pʉɔtsʉʉ pʉ̈ɔt ŋɡɔ: «Pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ!»

Mɑtʉ̈ɔ 27:24

Pilɑtɔ jʉ́ɔ ŋɡɔ yɛcɔ́ nɛɡɛ kɑ́ pɔ́ ɡú pɔ́, ḿbɔ́ ńjʉ́ɔ ŋɡɔ mbɔ ɛ́ shɔtnɛ pʉɔ tɑ́k zʉꞋ, ŋ́ɡɔ́ɔ ŋ́kɛ́ ńtíi ŋki, ɛ́suk mbɔ́ mɛ́ mbi-lɑ́Ꞌ, ńcú ŋɡɔ: «Ŋ kɑ́ ɡẅɛɛ nu nǔu nu-ŋu wɑ́ pɔ́, ɛ́ sɛ́ ńdíŋɛ pɔ wʉ́ʉ.»

Lúkɑ́shi 23:4

Pilɑ́tu cú mbɔ̌ Pɛtɑ́tndɑ́-pɑnɔ́ŋpɔꞋ mbɑ mbɔ̌ lɑ́Ꞌ ŋɡɔ: «Mɔ sɛ́ ḿbɔɔ ńjʉ́ɔ yúu mi ŋu wɔ fɑɑnɛ́nɛ tɛ ḿbɔ́ pɛ́ cú ŋɡɔ ɑ vu ntsɑŋ pɔ́.»

Jɑ̂ŋ 18:3

Jẅidɑ nɑ́ŋ tɛ ńtɔ́, ḿbɔ́ mbi tsɛtsɛt pɑlʉ̈ɔ́Ꞌntsɔ-Lɔ́mɑ pɔ́p pɑpyɛ́p ndɑ́-nɔŋpɔꞋ, pí pɛtɑ́tndɑ́-pɑnɔŋ pɔꞋ pɔ́p pɑfɑlísɑy lɑ́Ꞌnɛ ńtúu. Pɔ́p ɡẅɛ mɛkyɛꞋ múk, nɛ́ túlúkɑ́ŋ, mbɑ yúu-ntsɔ.

Jɑ̂ŋ 18:31

Pilɑ́tɔ ɡɔ́ɔ ńcú mbɔ̌ pɔ́p ŋɡɔ: «Pʉʉ lɔk wɛ́ ŋ́ɡʉ ŋ́ŋɑk wɛ́ zɛ́nɛ pʉʉ, pɑ́Ꞌ nɛpʉ́ʉ nʉ́ʉ ŋ́kɔŋnɛ pɔ́Ꞌɔ.» Pɛkɛ́m tsɔ́Ꞌ ŋɡɔ: «Nɛpʉ́ʉ nʉkŋɛ kɑ́ pɛ́m ŋɡɔ pɛk jẅí ŋu pɔ́.»

Jɑ̂ŋ 18:38

Pilɑ́tɔ cú nɛ́ jʉ́ ŋɡɔ: «Nu nɛ́nẅín ɛ́ yɛ́t?» Ńcú pɔ́Ꞌɔ, ḿbɛn ɛ́fú ndɑ́ ńcẅɛt, ŋ́ɡʉ ńjʉ́ɔ pɛkɛ́m-Pɑyúdɑ píi. Ńcú nɛ́ pɔ́p ŋɡɔ: «N zɛɛ ḿbɔɔ ńjʉ́ɔ yúu mi pɛ́ ɡʉ ńdɛɛ nǔu lɑ ńcú ŋɡɔ ŋu wɔ vu ntsɑŋ pɔ́.

Jɑ̂ŋ 19:15

Pɑyúdɑ ɡɑ́ ɡwɑ́t ŋɡɔ: «Pɛ́ ńjẅí wɛ́, pɛ́ ńjẅí wɛ́. Ŋ́ɡɛ pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.» Pilɑ́tɔ cú mbɔ̌ pɔ́p ŋɡɔ: «Mɔ ɡʉnɛ ŋ́kẅii fɔɔ wʉʉ nǔu tʉ́ mbɑ́ŋtɛ pɑ́ŋtɛ́nɛ?» Pɛtɑ́tndɑ́-pɑnɔŋ pɔꞋ tsɔ́Ꞌ ŋɡɔ: «A ndɑꞋ Kɑ́sɑ pɔ́, mbɔ pɛk kɑ́ ɡẅɛɛ wɛcɔ́ fɔɔ pɔ́.»

Jɑ̂ŋ 19:4

Pilɑ́tɔ pɛn ńcẅɛt píi ńcú mbɔ̌ pɛkɛ́m-Pɑyúdɑ ŋɡɔ: «Ŋ ɡʉ ńdɔk ŋu ɛ̂wɑ́ ńtɔ́ ŋ́ɡɑ́ mbɔ̌ pʉʉ. Pʉʉ kɛ́ ńjí ŋɡɔ ŋ kɑ́ jʉ́ɔ yɛcɔ́ yúu mi ɑ fɑɑnɛ́nɛ pɔ́.»

ŊwɑꞋnɛ-Gɑŋntúu Yɛ́su Kɛlístɔ 2:23

Yɔ ŋu ẅí pɛ́ kɑ níꞋnɛ mbɔ̌ pʉʉ, ɛ́ pɔ́ pɔ pɑ́Ꞌ Sɛ́ kɑ lɑ́Ꞌnɛ ŋ́kwɑŋɛ ńzɑ́p. Pʉʉ kɑ kɛ́ ŋ́ɡɛ pɑkɛ́ji Sɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ńjẅí wɛ́.

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.