Jɑ̂ŋ 18:4 - Kɑɑ Fí

⁴ Yɛ́su jí nu yí ɛ́ sɛ́ ńtɔ́ nǔu wɛ́, ńtɔ́ mbi pɔ́p ńcú ŋɡɔ: «Pʉʉ lɔɔ wɔ̌?»

Jɑ̂ŋ 18:4 Кръстосани препратки

Mɑtʉ̈ɔ 16:21

Ɛ́ fú ŋkɑ́ ɛ̂yɑ́, Yɛ́su Kɛlístɔ zɛ nɛsɑ́ɑnɛ sɑ́ɑnɛ́nɛ ḿbʉ́ mbɔ̌ ɡɑŋku pɛ́ ŋɡɔ: «Ɛ́ sɛ́ ḿbíkŋɛ ŋɡɔ ɑ ɡʉ Yɛlúsɑlɛm. A ɡʉ ŋ́kúu zúꞋu ńjʉ́ɔ ŋɡʉ̈ɔ́Ꞌ tɛꞋ mbɔ̌ pɛkɛ́m-lɑ́Ꞌ, pɔ́p pɛtɑ́tndɑ́-pɑnɔŋpɔꞋ, mbɑ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pɔ́p ɡɛ pɛ́ jẅí wɛ́. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 26:2

«Pʉʉ zɛɛ ḿbɔ́ ńjí ŋɡɔ, ɛ́ tsʉ́Ꞌ ńjɑ́k pɔ lɛ́Ꞌ pɛ́pɑ́ pɛ́ jʉ́ ndínɑ-Pɑ́skɑ. Ŋkɑ́ yi pɛ́ ɡʉ ɛ́fɛn Mɔ́ɔ-Ŋu, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.»

Mɑtʉ̈ɔ 26:21

Pɔ́p pɔ́ ŋ́kwɛ́t yúu, Yɛ́su cú ŋɡɔ: «Ɛ sẅíi wʉ́ʉ, kwɑꞋ nɛ́nẅín, wɛcɔ́ tɑ́Ꞌ ŋu tsɛtsɛt pʉʉ ɡʉ ɛ́fɛn wɑ́ɑ.»

Mɑtʉ̈ɔ 26:31

Pɔ́p pɔ́ ŋ́ɡʉ, Yɛ́su cú mbɔ̌ pɔ́p ŋɡɔ: «Ɛ́ ɡʉ ŋ́ɡɛ ḿbɔ́ nɛtúꞋ lɔ́Ꞌnɛ, pʉʉ pɛtsʉʉ tɛmtɛ ḿmɛꞋ wɑ́ɑ ŋ́kʉɔ, ɛ́ puutɛ pɑ́Ꞌ pɛ́ kɑ ŋwɑꞋnɛ́nɛ ŋɡɔ Sɛ́ cú ŋɡɔ: Mɔ, ŋ ɡʉ ńdɑ́Ꞌ ńjẅí mbyɛ́p mbí, mɛnjinjɔ mɛ́ sɑt tɛt.»

Lúkɑ́shi 24:44

A kɑ kwɛ́t tɛ ḿmɛk, ńcú mbɔ̌ pɔ́p ŋɡɔ: «Pʉʉ jʉ́ɔ yúu mi ŋ kɑ pɔ́ ɛ́sẅíi wʉ́ʉ, ŋkɑ́ yi pɛkŋɛ kɑ pɛ́tnɛ ńjúk. Ŋ kɑ sẅíi wʉ́ʉ ŋɡɔ ɛ́ sɛ́ ḿbíkŋɛ ŋɡɔ yɛ́t kʉ̈ɔ́ lɑ́ yi pɛ́ kɑ ŋwɑꞋnɛnɛ nǔu mɔ lɑ́ puutɛ. Mɛnu ɛ̂mɑ́ tsʉʉ tsʉʉ mi ɛ́ tsɛt ŋwɑꞋnɛ-Mɔ̌sɛ̂ɛ, mbɑ tsɛt yi pɛŋɡɛ́mndʉ̈ɔ́Ꞌ-Sɛ́ pɔ́p yi mɛzɔpŋki.»

Jɑ̂ŋ 13:1

Ɛ́ kɑ tsʉꞋ pɔ pɑ́Ꞌ njí ɡʉ kiɛ pɛ́ jʉ́ ndínɑ-Pɑ́skɑ, Yɛ́su pɔ́ ńjí ŋɡɔ yîyɑ́ ŋkɑ́ kuꞋ pɑ́Ꞌ ɑ ɡʉ ɛ́fú ndǔ yɔ mbí ŋ́ɡʉ ŋ́kẅɛ́ɛtɛ Tɑ́t wɛ. Pɑ́Ꞌ jʉ́ Yɛ́su kɑ pɔ́ ŋ́kɔŋ pʉɔ pí pɔ́p ndǔmbí ḿbɔ́ pɛ́ lɑ́, ɑ kẅiꞋ ŋ́kɔŋ wɔ́p tɛ ḿmɛkŋɛ.

Jɑ̂ŋ 13:11

Ńcú pɔ́Ꞌɔ, mbíꞋŋɡɔ ɑ kɑ pɔ́ ńjí ŋu ẅí ɑ ɡʉ ŋ́ɡɛ ɛ́fɛn wɛ́ lɑ́ ńcú ŋɡɔ mbʉʉ yʉʉ pɛtsʉʉ kɑ́ lɛɛnɛ.

Jɑ̂ŋ 18:5

Pɔ́p tsɔ́Ꞌ mbɔ̌ wɛ́ ŋɡɔ: «Yɛ́su wɛ Nɑ̌ɑzɑlɛt.» A tsɔ́Ꞌ mbɔ̌ pɔ́p ŋɡɔ: «A mɔ.» Ŋ́ɡɔ ńcú pɑ́Ꞌnɛ, Jẅidɑ ẅí ɑ lɑ́Ꞌnɛ ɛ́fɛn wɛ́ pɔ́ tsɛtsɛt pɔ́p.

Jɑ̂ŋ 18:7

Yɛ́su pɛn ḿbíkŋɛ wɔ́p ŋɡɔ: «Pʉʉ lɔɔ wɔ̌?» Pɔ́p cú ŋɡɔ: «Yɛ́su wɛ Nɑ̌ɑzɑlɛt.»

Jɑ̂ŋ 19:28

Mɔnɛ mɛnu kɑ lɛɛ, Yɛ́su jí ŋkɔ̂ɔnɛ ŋɡɔ mbɑ kʉ̈ɔ́ lɑ́ kuꞋ, ńcú ŋɡɔ: «Gɑ́k yɑ́ɑ shí, ńcú pɑ́Ꞌnɛ nɛpɔ́ yi yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ ɡʉ ḿbuutɛ.»

Jɑ̂ŋ 6:64

Tɛ mbɑ pɔ́Ꞌɔ, pɛcɔ́ pʉɔ tsɛtsɛt pʉʉ kɑ́ pɔ́ ḿbɛ́m pɔ́. Ɛ́ ɡɔ́ ḿbɔ́, mbɔ Yɛ́su kɑ lɑ́Ꞌ mɔ́ ńjí pʉɔ pinɛ pɔ́p kɑ́ pɔ́ ńzɑ́p tʉ́m nǔu wɛ́ pɔ́, ḿbɛn ńjí ŋu ẅí ɑ ɡʉ ŋ́ɡɛ ɛ́fɛn wɛ́.

ŊwɑꞋnɛ-Gɑŋntúu Yɛ́su Kɛlístɔ 2:28

Ɔ kɑ nyɛt wɑ́ɑ nɛ́ mɛsɛ̂ndúŋ mi mɔ ńdɛɛ nǔu lɑ ńduk. Mɔ ŋ́ɡɛ ńtɔ́ ḿbɔ́ zʉꞋ yí ɔ zúꞋu, nu pɔŋ wɑ́ɑ. N tsɑ́ɑtɛ tɛꞋ.»

1 Pyɛ̂ 4:1

Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ nǔu mbɑp-mbʉʉ lɑ́, pʉʉ yʉ́ʉ pʉʉ pɔ́ tú pʉʉ, ńtʉ́ʉ nɛjʉ́ɔ ŋɡʉ̈ɔ́Ꞌ pɑ́Ꞌ jʉ́, ḿbɔ́ ńjí ŋɡɔ jʉ́ Kɛlístɔ ẅí ɑ kɑ jʉ́ɔnɛ ŋɡʉ̈ɔ́Ꞌ nǔu mbɑp-mbʉʉ yɛ, ɑ kɑ ḿmɛk nu kɛpɔŋ.