Jɑ̂ŋ 18:18 - Kɑɑ Fí

¹⁸ Ɛ́ ɡɔ́ ḿbɔ́, mbɔ ɡɑŋfɑꞋ pɔ́p pɑpyɛ́p ndɑ́-nɔŋpɔꞋ lɑ́Ꞌ ńniitɛ múk. Fɑ́k pɔ́ ŋ́kɔ́, pɔ́p pɔ́ ńzɔ́k múk. Pyɛ̂ tʉ́ʉ yɛ́ pɔ́p pɛ́ pɔ́p pɔ́ ńzɔ́k múk.

Jɑ̂ŋ 18:18 Кръстосани препратки

Mɑ́lɛ́kúshi 14:54

Pyɛ̂ cʉ́ɔ nzʉʉ Yɛ́su, lɑ́ ŋ́kɛ́ ḿbɔ́ pɔ ŋɡɑ sɛsɑ, ŋ́ɡʉ yɛ́ tɛ ńdɛɛ ŋ́kúu tɛtɑ́ɑ-nɔŋpɔꞋ wɛ ɡwɛ́, ńnɑ́ŋ yɛ́ sɛ́ mbʉʉ múk ẅi pɑpyɛ́p zʉꞋ-nɔŋpɔꞋ lɑ́Ꞌnɛ ńniitɛ pɔ́p pɛpɔ́p pɔ́ ńzɔ́k.

Mɑ́lɛ́kúshi 14:67

Pyɛ̂ pɔ́ ńzɔ́k múk, ɑ tsuŋ ńdíŋɛ wɛ́ tɛ ńcú mbɔ̌ wɛ́ ŋɡɔ: «Mbɑ ɡu ɡúu, pʉʉ Yɛ́su-Nɑ̌zɑlɛt wɑ́ kɑ pɔ́nɛ ńnɛn.»

Lúkɑ́shi 22:44

Nɛvú pɔ́ ŋ́kwɛ́t wɛ́, ɑ ŋ́kẅiꞋ ńcɛꞋlɛ Sɛ́ ńníꞋ tú, tɛ ziꞋnɛ tsʉ́Ꞌnɛ ńcẅɛt nǔu wɛ, ńcʉ́ɔtɛ sɛ́, ɛ́fí pɔ mɛtyɑk-mɛci lɑ́.

Jɑ̂ŋ 18:25

Pyɛ̂ kɛ́ ḿbɛ́t ḿbɔ́ ńzɔ́k pɔ múk, pɛ́ cú nɛ́ jʉ́ ŋɡɔ: «Gu yú, ɔ kɑ́ pɔ́ wɛcɔ́ tɑ́Ꞌ ŋɡɑŋku ŋu wɑ́ pɔ́ ɔɔ?» Pyɛ̂ muŋɛ, ńcú ŋɡɔ ŋ kɑ́ pɔ́ ŋɡɑŋku wɛ pɔ́.

Jɑ̂ŋ 18:3

Jẅidɑ nɑ́ŋ tɛ ńtɔ́, ḿbɔ́ mbi tsɛtsɛt pɑlʉ̈ɔ́Ꞌntsɔ-Lɔ́mɑ pɔ́p pɑpyɛ́p ndɑ́-nɔŋpɔꞋ, pí pɛtɑ́tndɑ́-pɑnɔŋ pɔꞋ pɔ́p pɑfɑlísɑy lɑ́Ꞌnɛ ńtúu. Pɔ́p ɡẅɛ mɛkyɛꞋ múk, nɛ́ túlúkɑ́ŋ, mbɑ yúu-ntsɔ.

Jɑ̂ŋ 21:9

Pɔ́p tɔ́ ɛ́fú tsɛt kɑnúꞋ ńcẅɛt tɛ ńtʉ́ʉ sɛ́, ńjʉ́ɔ mɛɡʉ̈ɔꞋlɛ-múk, mbɔ pɛ́ zɑ́p mɛshú ŋ́ɡɛ mbɛlɛ̂ɛt ndǔ.

ŊwɑꞋnɛ-Gɑŋntúu Yɛ́su Kɛlístɔ 4:23

Pɛ́ kɑ pɔ́ tɛ ńnɑ́ wɔ́p, Pyɛ̂ pɔ́p Jɑ̂ŋ ɡʉ ŋ́kẅɛ́ɛtɛ pʉɔ pɔ́p. Ḿbɛ́ɛtɛ mɛnu mí pɛtɑ́tndɑ́-pɑnɔŋpɔꞋ pɔ́p pɑsɑ́Ꞌlɑ́Ꞌ lɑ́Ꞌnɛ ńcú mbɔ̌ pɔ́p, ɛ́sẅíi wɔ́p.

1 Kɔlɛ̂ŋtɛ 15:33

Kɔɔ pʉʉ pɛ́m pɛ́ fu wʉ́ʉ, pʉʉ mɑ́ɑ ńdikŋɛ ŋɡɔ tɑ́ɑ-kuꞋú kɛpɔŋ lɔ mbʉ́ʉpɛ cúꞋ?