Jɑ̂ŋ 17:23 - Kɑɑ Fí

²³ M bɔ́ nɛ́ pɔ́p, ɔ pɔ́ nɛ́ mɔ. Pɔ́p ɡẅɛɛ tɑ́Ꞌ ntsu. Pʉɔ ndǔmbí ɡɔ́ɔ ŋ́kɛ́ ńjí ŋɡɔ ɔ kɑ túu wɑ́ɑ, ḿbɛn ńjí ŋɡɔ ɔ kɔŋ pʉɔ pɔ pɑ́Ꞌ ɔ kɔŋnɛ wɑ́ɑ.

Jɑ̂ŋ 17:23 Кръстосани препратки

Jɑ̂ŋ 10:38

Lɑ́ ḿbɔ́ yi n dɑɑ fɑꞋ, ɛ́ zɛɛ ḿbɔ́ ŋɡɔ pʉʉ kɛ́ zɑ́p tʉ́m nǔu mɔ pɔ́, pʉʉ pɛ́m mɛfɑꞋ ɛ̂mɑ́. Ɛ́ lɛɛ pɔ́Ꞌɔ, pʉʉ jí sʉ́Ꞌnɛ ŋɡɔ Tɑ̌ɑ mɔ nɛ́ mɔ, m bɔ́ nɛ́ jʉ́.

Jɑ̂ŋ 13:35

Pʉʉ lɑɑ ŋ́kɔŋɛ pʉʉ nɛ́ pʉʉ, mbɔ pʉɔ tsʉʉ ɡʉ ńjí ŋɡɔ pʉʉ ɡɑŋku pɑ́ɑ.»

Jɑ̂ŋ 14:10

Ɔ kɑ́ pɔ́ ḿbɛ́m ŋɡɔ mɔ nɛ́ Tɑ̌ɑ mɔ, pɛkŋɛ tɛmtɛ ḿbɔ́ pɔ tɑ́Ꞌ yúu pɔ́ Kɛ? Nu yí ɛ sẅíinɛ wʉ́ʉ kɑ́ pɔ́ ɛ́fú mbɔ̌ mɔ pɔ́. Tɑ̌ɑ mɔ ẅí ɑ nɛ́ mɔ jʉ́ lɔknɛ wɑ́ɑ ɛ́fɑꞋ mɛfɑꞋ mɛ́.

Jɑ̂ŋ 14:23

Yɛ́su tsɔ́Ꞌ mbɔ̌ wɛ́ ŋɡɔ: «Ŋu lɑɑ ŋ́kɔŋ wɑ́ɑ, mbɔ ɑ ɡʉ ŋ́ɡẅɛɛ sẅiŋɛ yɑ́ɑ. Tɑ̌ɑ mɔ pɛn ŋ́kɔŋ wɛ́, pɛk Tɑ̌ɑ mɔ tɔ́ ńtsɛ́t wɛ́, ńtsʉ́Ꞌ ńnɑ́ŋ pɔ tsɛt tʉ́m yɛ́.

Jɑ̂ŋ 15:9

«Pɑ́Ꞌ Tɑ̌ɑ mɔ kɔŋnɛ wɑ́ɑ lɑ́, mbɑ mɔ yɑ́ɑ, ŋ kɔŋ wʉ́ʉ. Pʉʉ lɑt mbʉʉ yʉʉ nǔu mɔ nǔu ntɛ́ yi ŋ ɡʉ ŋ́kɛ́ ḿbɔ́ ŋ́kɔŋ wʉ́ʉ kɔŋnɛ.»

Jɑ̂ŋ 16:27

Ɛ́ mbíꞋŋɡɔ kwɑꞋ jʉ́ Tɑ̌ɑ mɔ kɔŋ wʉ́ʉ. A kɔŋ wʉ́ʉ, mbíꞋŋɡɔ pʉʉ kɑ kɔŋ wɑ́ɑ, ḿbɛn ḿbɔ́ ḿbɛ́m ŋɡɔ ɛ fú mbɔ̌ Sɛ́.

Jɑ̂ŋ 17:11

Ɛ́ nǔu ŋkɔ̂ɔnɛ, ɛ́ tsʉ́Ꞌ mɔ́zʉꞋ, m bɔɔ pɛn ḿbɔ́ ndǔmbí pɔ́, mbíꞋŋɡɔ ŋ ɡʉ ḿbɛn nɛ́ nɛjɔ́ŋ ɡu. Lɑ́ ŋ́ɡʉ nǔu pɔ́p, mbɔ pɔ́p kɛ́ ḿbɛ́t ḿbɔ́ pɔ ndǔmbí. Tɑ̌ɑ mɔ ɑ ndɑꞋ ɡu ḿbɔ́ Sɛ́-mɛkuꞋ, lɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p, ńjí ŋɡɔ pɔ́p ɡʉ ḿbɔ́ tɑ́Ꞌ ŋu, ndʉ́ŋndʉŋ pɑ́Ꞌ pûu tɑ́Ꞌ ŋu lɑ́.

Jɑ̂ŋ 17:21

M búꞋ mbɔ́ mbɔ̌ ɡu ŋɡɔ ɔ ɡɛ pɔ́p tsʉʉ pɔ́ tɑ́Ꞌ ŋu, pɑ́Ꞌ ɡu Tɑ̌ɑ mɔ ɔ tɛmtɛ nǔu mɔ, n tɛmtɛ nǔu ɡu. Sɛ́sẅíi, ɡɛ pɛk pɛ́ pɔ́p pɔ́ tɑ́Ꞌ. Ɛ́ lɛɛ pɔ́Ꞌɔ, pʉɔ-ndǔmbí pɛ́m ŋɡɔ ɔ kɑ túunɛ wɑ́ɑ.

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

Jɑ̂ŋ 17:26

Ŋ kɑ zíꞋ wɔ́p nɛjí ŋu ẅí ɔ jʉ́, mɔ ŋ́kɛ́ ḿbɔ́ ŋ́ɡɛ pɔ́p pɔ́ ńjí wú jínɛ, ŋ́kɔŋɛ pɔ́p nɛ́ pɔ́p pɑ́Ꞌ ɔ kɔŋnɛ wɑ́ɑ, m bɛn ḿbɔ́ tʉ́m pɔ́p.

Jɑ̂ŋ 17:3

Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.

Jɑ̂ŋ 17:8

Ŋ kɑ kɛ́ ńcú mɛnu tsʉʉ mí ɔ kɑ níꞋnɛ mbɔ̌ mɔ mbɔ̌ pɔ́p, pɔ́p pɛ́m, ńtsuŋ ńjí ŋɡɔ ɛ fú nɛjɔ́ŋ ɡu, ḿbɛn ńjí ŋɡɔ ɡu kɑ túunɛ wɑ́ɑ.

Jɑ̂ŋ 3:17

Mbɑ pɔ́Ꞌɔ, Sɛ́ ŋkɑɑ zɛɛ ńtúu Mɔ́ɔ nɛ ndǔmbí ŋɡɔ ɑ ɡʉ ŋ́ŋɑk pʉɔmɛsɔŋ pɔ́. A kɑ túu wɛ́ nɛpɔ́ yi ɑ ɡʉ ŋ́ɡʉ ŋ́ɡɛ pʉɔmɛsɔŋ luk.

Jɑ̂ŋ 6:56

Ŋu lɑɑ kwɛ́t mbɑp-mbʉʉ yɑɑ, ńnɔ́ mɛci mɑ́ɑ, mbɔ ɑ tɛmtɛ nǔu mɔ, n tɛmtɛ yɑ́ɑ ɡúu nǔu wɛ́.

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Ŋɡɑlɑ̂t 3:28

Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.

Filipɛ 3:15

Pɛkŋɛ pi pɛkŋɛ tsʉ́Ꞌnɛ pɔ pɛlʉ́m nǔu nɛzúꞋ nu-Sɛ́ lɑɑ, ɛ́ pɔŋ ŋɡɔ yɛkŋɛ kwɑŋɛ pɔ́ pɔ pɑ́Ꞌɑ, ŋ́kɛ́ ḿbɔ́ yi pɛcɔ́ pʉɔ pʉ́ʉ ɡẅɛɛ yɛcɔ́ kwɑŋɛ tɛ ɛ́ pɔɔ yɑ́ɑ pɔ́, mbɔ Sɛ́ ɡʉ ɛ́sɑ́ɑnɛ sɑ́ɑnɛ́nɛ, ɛ́sẅíi wʉ́ʉ nɛ́ nu ɛ̂yɑ́.

Kɔlɔsíyɛ̂ŋ 1:28

Ɛ́ yɛ́tɛ́ lɑ́ pɛk kɛ́ ḿbɔ́ ɛ́sẅíi nu-Kɛlístɔ mbɔ̌ pʉɔtsʉʉ sẅíinɛ, ńdɔk pɔ jínu yi Sɛ́ ɡɑ́nɛ mbɔ̌ pɛk, ńzíꞋ pʉɔ nɛ́ yúu, ɛ́shuŋ nɛtúutɛ mbɑ wɔ̌ lɑ́, nɛpɔ́ yi ɑ ɡʉ ŋ́kɛ́ ńdɑt mbʉʉ yɛ pɔ nǔu Kɛlístɔ ńdɔk ŋ́ɡʉ nɛ́ mbi, tɛ ńtsʉklɛ pɑ́Ꞌ pʉɔ-Sɛ́ ɡẅɛɛnɛ nɛpɔ́ pɔ́Ꞌɔ lɑ́.

Kɔlɔsíyɛ̂ŋ 2:2

Mɔ ŋ́ɡɛ pɔ́Ꞌɔ, nɛlɔk ńníꞋ tʉ́m yɔ́p, ŋkɔŋɛ tɛmtɛ wɔ́p, mbɑ pɑ́Ꞌ pɔ́p ɡʉ niitɛ ńjí nu yi ɛ́ nǔu Kɛlístɔ, ɛ́fú nǔu ńjí ntsɛm-Sɛ́, yîyɑ́ ntsɛm pɔ́ pɔ kwɑꞋ jʉ́ Kɛlístɔ.

Kɔlɔsíyɛ̂ŋ 3:14

Nu yi ɛ́ lɛɛnɛ mɔnɛ mɛnu tsʉʉ, ɛ́ pʉʉ nɛɡẅɛɛ ŋkɔŋɛ tsɛtsɛt pʉʉ. Ŋkɔŋɛ ŋkʉ ẅí ɛ́ ɡʉ ŋ́kút wʉ́ʉ ńdɔk ŋ́ɡɛ tɑ́Ꞌ nɛkɑ́Ꞌ pɑ́Ꞌ ɛ́ sɛ́ ḿbíkŋɛ ŋɡɔ pʉʉ tɛmtɛ pɔ́Ꞌɔ lɑ́.

1 Pyɛ̂ 5:10

Ŋɡʉ̈ɔ́Ꞌ yʉʉ ɡʉ nɑꞋ ńnɑ́ŋ pɔ mɔ́zʉꞋ, Sɛ́ ẅi mbɑ yɛ́tɛ́ nu sʉ́Ꞌnɛ lɑ́ fú pɔ mbɔ̌ wɛ́, jʉ́ ẅí ɑ kɑ lɛɛnɛ nǔu Yɛ́su Kɛlístɔ ɛ́fúŋ wʉ́ʉ pɑ́Ꞌ pʉʉ ɡʉ ḿbɔ́ yʉ́ʉ tsɛt nɛɡúꞋ wɛ ẅí ndẅiklɛ kɑ́ pɔ́ ɡú pɔ́, ɡʉ ɛ́fú pɔ́Ꞌɔ, ŋ́ɡɛ yɛcɔ́ yúu pɔɔ pɛn ńjɑ́k nǔu pʉʉ pɔ́, ńtẅí fufuꞋ wʉʉ, pʉʉ tɛntɛ, pɛ́ pɔɔ pɛn ŋ́kuꞋ nɛtsʉ́ʉ wʉ́ʉ tɛ ḿmɑꞋ sɛ́ pɔ́.

1 Jɑ̂ŋ 1:3

Yúu mi pɛk kɑ jʉ́ɔnɛ ḿbɛn ńzúꞋ, ɛ́ yîyɑ́ yi pɛk sẅíinɛ wʉ́ʉ ɡúu, ńjí ŋɡɔ pʉʉ ɡʉ tɛmtɛ nǔu pɛk, pɛkŋɛ pɛtsʉʉ tɛmtɛ nǔu Tɑ̌ɑ mbɑ nǔu Mɔ́ɔ nɛ Yɛ́su Kɛlístɔ.

1 Jɑ̂ŋ 3:1

Pʉʉ jʉ́ɔ pɑ́Ꞌ Tɑ́t wɛkŋɛ kɔŋnɛ wɛkŋɛ kɔŋnɛ tɛ ɛ́fúŋ wɛkŋɛ ŋɡɔ pɔ́ɔ pɛ́, ɛ́ sẅíi nu pɛkŋɛ pɛ́tɛ́. Lɑ́ pʉɔ-ndǔmbí pɔɔ wɛkŋɛ jí, mbíꞋŋɡɔ pɔ́p ŋ́kɑɑ kɛ́ ńjí ŋu ẅi Sɛ́ jʉ́ pɔ́.

1 Jɑ̂ŋ 4:19

Ɛ́ ɡʉ nǔu pɛk, pɛk kɔŋ ŋumɛsɔŋ, mbíꞋŋɡɔ Sɛ́ kɑ piitɛ ŋ́kɔŋ wɛ́k.

Mɛnu ɛ́ ńdɑ́Ꞌ ńcẅɛt 3:9

Ŋ ɡʉ ŋ́ɡɛ ɛ́fɛn pʉɔ-cúꞋlɛ-Sɑ́ttɑ mbɔ̌ pʉʉ, ḿbɔ́ ɡɑŋcɔtnu pi pɔ́p cúnɛ ŋɡɔ pɔ́p pɑyúdɑ, lɑ́ ŋ́kɛ́ ńdɔk pɔ ntsu ńcú. Mɔ, ŋ ɡʉ tsʉ́ʉnɛ wɔ́p, pɔ́p tɔ́ ŋ́kẅíꞋlɛ mbi pʉʉ, ḿbɛ́m ŋɡɔ ŋ kɔŋ wʉ́ʉ.