Jɑ̂ŋ 17:12 - Kɑɑ Fí

¹² Ɛ́ m̄bɔ́ ŋkɑ́ yi pɛk pɛ́ pɔ́p kɑ pɔ́nɛ, m bɔ́ ńdɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p. Ŋ kɑ tʉ̈ɔ́Ꞌlɛ wɔ́p tɛ wɛcɔ́ tɑ́Ꞌ ŋu nǔu pɔ́p pɔɔ pɛ́. Ŋu ẅí ɛ́ kɑ pɔ́ ḿbíkŋɛ ŋɡɔ ɑ pɛ́ kɑ pɛ́nɛ. Ɛ́ lɔk ḿbuutɛ nǔu nu yí pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ.

Jɑ̂ŋ 17:12 Кръстосани препратки

Jɑ̂ŋ 13:18

Ŋ kɑ́ kɛ́ ńcú yɔ nu mbɔ̌ pʉʉ pɛtsʉʉ pɔ́, mɔ sɛ́ ńjí pʉɔ pí ŋ kɑ tsɔ́Ꞌnɛ wɔ́p. Lɑ́ ɛ́ pɔŋ ŋɡɔ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ puutɛ. Pɛ́ kɑ ŋwɑꞋnɛ ŋɡɔ ŋu ẅí pɛkŋɛ sɛ́ ńtɛmtɛ yúu pɛjʉ́ ńjʉ́ kɑ tsʉ́Ꞌnɛ ŋɡɑŋmbuu wɑɑ.

Jɑ̂ŋ 17:6

Ɔ kɑ fú ndǔmbí, ɛ́fyɑk pʉɔmɛsɔŋ, ŋ́ɡɑ́ mbɔ̌ mɔ, ŋ kɑ zíꞋ wɔ́p nɛjí ŋu ẅí ɔ jʉ́. Pɔ́p kɑ pɔ́ pʉɔ pú, ɔ pɛn ŋ́ɡɑ́ wɔ́p mbɔ̌ mɔ. Pɔ́p kɑ kɛ́ ńzúꞋ sẅiŋɛ yú, ŋ́ɡẅɛɛ.

Jɑ̂ŋ 18:9

Ɛ́ kɑ pɔ́ pɔ́Ꞌɔ, sẅiŋɛ yí Yɛ́su lɑ́Ꞌnɛ ńcú mbɔ̌ Sɛ́ lɔk ḿbuutɛ. Ɛ́ pɔ ńcú ŋɡɔ: «Wɛcɔ́ tɑ́Ꞌ nǔu pʉɔ pí ɔ kɑ ɡɑ́nɛ mbɔ̌ mɔ lɑ́, ŋkɑɑ pɛ́.»

Jɑ̂ŋ 6:37

Mbɑ wɔ̌ lɑ́ ẅi Tɑ̌ɑ mɔ ɡɑ́nɛ mbɔ̌ mɔ, ɑ ɡʉ ńtɔ́ ńtsɛ́t wɑ́ɑ. M bɛn ŋ́kɛ́ mbɔɔ lɑ́Ꞌ yɛcɔ́ lɛ́Ꞌ ńcẅɛɛtɛ ŋu ẅí ɑ tɔ́nɛ ńtsɛ́t wɑ́ɑ, ŋ́ɡɑ́ píi pɔ́.

ŊwɑꞋnɛ-Gɑŋntúu Yɛ́su Kɛlístɔ 1:25

Ẅîwɑ́ ŋu tsʉ́Ꞌ ŋɡɑŋtúu Yɛ́su, ńtʉ́ʉ nǔu zʉꞋ-Jẅidɑ ḿbɔ́nɛ zúꞋu lɑ ḿmɛꞋ ŋ́ɡʉ nɛ́ yɛ́ zʉꞋ lɑ́.»

Filipɛ 2:9

Ɛ́ yúu mi ɛ́ kɑ ɡɛnɛ lɑ Sɛ́ tsẅíkŋɛ wɛ́ nǔu zʉꞋ ɡwɛ́, ŋ́ɡɑ́ lík yi ɛ́ lɛɛnɛ mɛlík tsʉʉ mbɔ̌ wɛ́,

2 Tɛsɑlɔník 2:3

«Kɔɔ pʉʉ pɛ́m ŋu fúklɛ wʉ́ʉ, kɛ pɔ nɛ́ yɛ́tɛ́ ntɛ́ lɑ́. Yîyɑ́ lɛ́Ꞌlɑ́Ꞌ kɛ́ lɑ́Ꞌ ńtɔ́ kɛ́ pɔ́ yi yɛcɔ́ ntɛ́ mɛnu piitɛ ńdɛɛtɛ pɔ́. Ɛ́ lɔk ḿbɔ́ pɑ́Ꞌ pʉɔ tɛ ńzɑ́ɑ ɡʉ ńdɑ́Ꞌ ńdʉꞋ nɛzúꞋ ntsu-Sɛ́. Fɔɔ-mɛnu kɛpɔŋ cẅɛt ńtʉ́ʉ lɑ yîyɑ́ lɛ́Ꞌlɑ́Ꞌ ɡɔ́ɔ ŋ́kɛ́ ńtɔ́. Jʉ́ wɑ́ ẅí pɛ́ ɡʉ ńdɑ́Ꞌ ḿmɑꞋ wɛ́ tsɛt múk lɑ́.»

Ɛ́bɛlʉʉ 2:13

Ḿbɛn ńcú ŋɡɔ: «Mɔ ŋ́ɡɛ ńzɑ́p tʉ́m yɑ́ɑ nǔu Sɛ́.» Ḿbɛn ńcú ŋɡɔ: M bʉ́ɔ lɑɑnɛ, mbɔ pɛk mbɔ́ŋkʉ̈ɔ́ pi Sɛ́ kɑ ɡɑ́nɛ wɔ́p mbɔ̌ mɔ tɔ́.

1 Jɑ̂ŋ 2:19

Gɑŋmbuu fú pɔ tsɛt cúꞋlɛ yɛkŋɛ ńcẅɛt ŋ́ɡʉ. Pɔ́p kɑ zɛɛ mbɔɔ pʉɔ pɛkŋɛ pɔ́. Pɔ́p kɑ pɔ́ pɛ́Ꞌnɛ ḿbɔ́ pʉɔ pɛkŋɛ, mbɔ pɔ́p kɑ ɡɔ́ŋ tsɛtsɛt pɛkŋɛ. Lɑ́, ɛ́ kɑ kɛ́ ḿbɔŋ ŋɡɔ ɛ́ cẅɛt pɔ pɔ́Ꞌɔ nǔu pɔ́p, mbɑ wɔ̌ lɑ́ jʉ́ɔ ŋɡɔ pɔ́p ŋ́kɑɑ pɔ́ pʉɔ pɛkŋɛ pɔ́,

Mɛnu ɛ́ ńdɑ́Ꞌ ńcẅɛt 19:12

Mík mɛ́ kyɛꞌ zʉꞋ pɑ́Ꞌ lʉ́m-múk lɑ́, ɑ tɔꞋ mɛcɔꞋ-nɛfɔɔ tɛ ɛ́ zɑ́ɑ zɑ́ɑnɛ, mbɔ pɛ́ ŋwɑꞋnɛ mɛcɔ́ mɛlík nǔu wɛ́, mi wɛcɔ́ ŋu kɑ́ jí yúu mi ɛ́ lɔknɛ ńcú pɔ́ tɛ ndíꞋ ndɑꞋ jʉ́.