Jɑ̂ŋ 17:11 - Kɑɑ Fí

¹¹ Ɛ́ nǔu ŋkɔ̂ɔnɛ, ɛ́ tsʉ́Ꞌ mɔ́zʉꞋ, m bɔɔ pɛn ḿbɔ́ ndǔmbí pɔ́, mbíꞋŋɡɔ ŋ ɡʉ ḿbɛn nɛ́ nɛjɔ́ŋ ɡu. Lɑ́ ŋ́ɡʉ nǔu pɔ́p, mbɔ pɔ́p kɛ́ ḿbɛ́t ḿbɔ́ pɔ ndǔmbí. Tɑ̌ɑ mɔ ɑ ndɑꞋ ɡu ḿbɔ́ Sɛ́-mɛkuꞋ, lɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p, ńjí ŋɡɔ pɔ́p ɡʉ ḿbɔ́ tɑ́Ꞌ ŋu, ndʉ́ŋndʉŋ pɑ́Ꞌ pûu tɑ́Ꞌ ŋu lɑ́.

Jɑ̂ŋ 17:11 Кръстосани препратки

Mɑtʉ̈ɔ 10:16

Tsuŋnɛ ńzúꞋ n túu wʉ́ʉ pɔ pɑ́Ꞌ ɛ́ lɑɑ ḿbɔ́ pɛ́ túu mbí tsɛtsɛt mɛnɑɑŋɡwɛ. Pʉʉ kɛ́ ŋ́ɡɔ́ ńnɛn ńdʉ́ɔꞋ pɑ́Ꞌ nɔ́, ḿbɛn ḿbɔ́ pɛmbúꞋ pɑ́Ꞌ puutɛ lɑ́.

Mɑtʉ̈ɔ 5:48

Pɔ́Ꞌɔ lɑ́, pʉʉ pɔ́ pɑ kɛ́ lɔ́Ꞌ, pɑ́Ꞌ Tɑ̌ɑ wʉʉ ẅí ɑ tʉ́nɛ́pú kɛ́ lɔ́Ꞌ.»

Mɑtʉ̈ɔ 6:9

Pʉʉ lɑɑ ḿbɔ́ ńcɛꞋlɛ Sɛ́ pʉʉ cú ŋɡɔ: «Tɑ́t wɛk, ɡu ẅí ɔ pɔ́nɛ tʉ́nɛ́pú. Gɛ pʉɔmɛsɔŋ jí ŋɡɔ ɑ ndɑꞋ ɡu ḿbɔ́ Sɛ́.

Jɑ̂ŋ 13:1

Ɛ́ kɑ tsʉꞋ pɔ pɑ́Ꞌ njí ɡʉ kiɛ pɛ́ jʉ́ ndínɑ-Pɑ́skɑ, Yɛ́su pɔ́ ńjí ŋɡɔ yîyɑ́ ŋkɑ́ kuꞋ pɑ́Ꞌ ɑ ɡʉ ɛ́fú ndǔ yɔ mbí ŋ́ɡʉ ŋ́kẅɛ́ɛtɛ Tɑ́t wɛ. Pɑ́Ꞌ jʉ́ Yɛ́su kɑ pɔ́ ŋ́kɔŋ pʉɔ pí pɔ́p ndǔmbí ḿbɔ́ pɛ́ lɑ́, ɑ kẅiꞋ ŋ́kɔŋ wɔ́p tɛ ḿmɛkŋɛ.

Jɑ̂ŋ 13:3

Yɛ́su pɔ́ ńjí ŋɡɔ Tɑ́t wɛ kɑ níꞋ mɛtʉʉ nɛlɔk ŋ́ɡɛ yúu tsʉʉ mbɔ̌ wɛ́, ḿbɛn ḿbɔ́ ńjí ŋɡɔ ɑ kɑ fú mbɔ̌ Sɛ́, ɑ pɛn ḿbɔ́ ŋ́ɡʉ nɛ́ nɛjɔ́ŋ Sɛ́.

Jɑ̂ŋ 14:20

Ɛ́ pɔ́ lɛ́Ꞌ ɛ̂yɑ́, pʉʉ jí ŋɡɔ pɛk Tɑ̌ɑ mɔ tɛmtɛ ḿbɔ́ pɔ tɑ́Ꞌ yúu, ḿbɛn ńjí ŋɡɔ pʉʉ nɛ́ mɔ, m bɔ́ tʉ́m pʉʉ.

Jɑ̂ŋ 16:28

Ŋ kɑ fú mbɔ̌ Tɑ̌ɑ mɔ, ńtɔ́ ndǔmbí, m bɛn ḿbɔ́ ŋkɔ̂ɔnɛ ḿbɔ́ ɛ́fú ndǔmbí ŋ́ɡʉ nɛtsɛ́t wɛ́.

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

Jɑ̂ŋ 17:23

M bɔ́ nɛ́ pɔ́p, ɔ pɔ́ nɛ́ mɔ. Pɔ́p ɡẅɛɛ tɑ́Ꞌ ntsu. Pʉɔ ndǔmbí ɡɔ́ɔ ŋ́kɛ́ ńjí ŋɡɔ ɔ kɑ túu wɑ́ɑ, ḿbɛn ńjí ŋɡɔ ɔ kɔŋ pʉɔ pɔ pɑ́Ꞌ ɔ kɔŋnɛ wɑ́ɑ.

Jɑ̂ŋ 17:25

Tɑ̌ɑ mɔ, ɔ ŋu ndʉ́ŋndʉŋ, pʉɔ ndǔmbí ŋkɑɑ wú jí, lɑ́ ŋ kɛ́ ḿbɔ́ ńjí wú, pɔ pʉɔ kɛ́ ńjí ŋɡɔ ɡu kɑ túunɛ wɑ́ɑ.

Jɑ̂ŋ 17:6

Ɔ kɑ fú ndǔmbí, ɛ́fyɑk pʉɔmɛsɔŋ, ŋ́ɡɑ́ mbɔ̌ mɔ, ŋ kɑ zíꞋ wɔ́p nɛjí ŋu ẅí ɔ jʉ́. Pɔ́p kɑ pɔ́ pʉɔ pú, ɔ pɛn ŋ́ɡɑ́ wɔ́p mbɔ̌ mɔ. Pɔ́p kɑ kɛ́ ńzúꞋ sẅiŋɛ yú, ŋ́ɡẅɛɛ.

Jɑ̂ŋ 7:33

Ɛ́ ɡɔ́ ḿbɔ́ Yɛ́su pɔ́ ńcú mbɔ̌ lɑ́Ꞌ ŋɡɔ ŋ ɡʉ ḿbɛn ńnɑ́Ꞌ ńnɑ́ŋ, lɑ ŋ ɡʉ ńtsɛ́t Tɑ̌ɑ ẅí ɑ kɑ túunɛ wɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 3:21

Ɛ́ nǔu ŋkɔ̂ɔnɛ Yɛ́su kɛ́ ŋ́ɡẅɛɛ pɔ nɛnɑ́ŋ tʉ́nɛ́pú. Tɛ ńdɑ́Ꞌ ŋ́kúu lɛ́Ꞌ yi Sɛ́ ɡʉ ńdɑ́Ꞌ ŋ́ɡɛ kʉ̈ɔ́ lɑ́ shɔtnɛ ńtsʉ́Ꞌ ḿbɔ́ pɔ yi fí. Pɑ́Ꞌ ɑ kɑ lɑ́Ꞌnɛ ńdɔk ntsu kwɑꞋ pɑcẅiŋkʉʉ pɛ́ pi ɑ kɑ tsɔ́Ꞌnɛ ńcú tɛ ntí sɑk.

Pʉɔ-Lɔ́mɑ 12:5

Ɛ́ pɛn ḿbɔ́ pɔ ndʉ́ŋndʉŋ nǔu pɑ́Ꞌ pɛkŋɛ pɔ́ tɛ ńzɑ́ɑ zɑ́ɑnɛ lɑ́, ńdɔk pɑ́Ꞌ pɛkŋɛ lɑtnɛ mbʉʉ nǔu Kɛlístɔ, ńtɛmtɛ ńcúꞋlɛ nǔu tɑ́Ꞌ ŋu, pɑ́Ꞌ mɛkɛm mbʉʉ tɛmtɛ́nɛ, mbɑ yɛ́tɛ́ lɑ́ pɔ́ ńtɔ́ɔtɛ yɛcɔ́ lɑ́.

Pʉɔ-Lɔ́mɑ 9:17

Ɛ́ tsɛt ŋwɑꞋnɛ-Sɛ́, mbɔ pɛ́ kɑ zɛɛ ŋ́ŋwɑꞋnɛ ŋɡɔ: Sɛ́ cú mbɔ̌ fɔɔ Fɑlɑhɔŋ ŋɡɔ: Ŋ kɑ lɔk wú ŋ́ɡɛ fɔɔ nɛpɔ́ yi ŋ ɡʉ ńnyɛt wú nɛ́ yúu, pʉɔ fú nǔu ńjʉ́ɔ pɑ́Ꞌ n tɛnnɛ pɔ́Ꞌɔ, lɑ́ pɛ́ ɡɔ́ɔ ńjí lík yɑ́ɑ zʉꞋ tsʉʉ ndǔ tsɛ́tsɑ́Ꞌ.

1 Kɔlɛ̂ŋtɛ 1:10

Pɔ́ɔpɛ́mɑ́, n dɔk lík-Tsɑpʉɔ wɛkŋɛ Yɛ́su Kɛlístɔ ńcú mbɔ̌ pʉʉ ŋɡɔ: «Pʉʉ ɡẅɛɛ tɑ́Ꞌ ntsu, ŋɡɔ kɔɔ fɑkŋɛ pɔ́ tsɛtsɛt pʉʉ, ŋɡɔ pʉʉ ɡẅɛɛ tɑ́Ꞌ ntɛ́ nɛsɑ́ŋ nu, ŋ́ɡẅɛɛ tɑ́Ꞌ kwɑŋɛ.

Ŋɡɑlɑ̂t 3:28

Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.

Ɛ́fɛ̂zɛ 4:4

Mbɑp-mbʉʉ-Kɛlístɔ yɛmɔ́Ꞌ, Zẅikŋɛ lɛ́ɛnɛ́nɛ pɔ́ yɛ́mɔ́Ꞌ ndʉ́ŋndʉŋ pɑ́Ꞌ yúu mi Sɛ́ kɑ fúŋnɛ wʉ́ʉ, pʉʉ pɔ́ ńzẅíꞋlɛ ɛ́ pɔ́ pɔ yɛ́mɔ́Ꞌ.

Filipɛ 2:9

Ɛ́ yúu mi ɛ́ kɑ ɡɛnɛ lɑ Sɛ́ tsẅíkŋɛ wɛ́ nǔu zʉꞋ ɡwɛ́, ŋ́ɡɑ́ lík yi ɛ́ lɛɛnɛ mɛlík tsʉʉ mbɔ̌ wɛ́,

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Ɛ́bɛlʉʉ 9:24

Kɛlístɔ kɑ zɛɛ ḿbɔɔ kúu tsɛt zʉꞋ yi pɛ́ nɔŋnɛ pɔꞋ zúꞋu, ɛ́ pɔ́ yi pʉɔmɛsɔŋ kɑ lɔknɛ mbɔ́ mɔ́p ńniitɛ ńdɔk ɛ́fʉꞋ kwɑꞋ yîyɑ́ yi ɛ́ tʉ́nɛ́pú pɔ́. A kɑ kúu pɔ kwɑꞋ tʉ́nɛ́pú, lɑ́ ɑ ŋkɔ̂ɔnɛ ńdɔk yɛkŋɛ nu ḿbɔ́ nɛjɔ́ŋ Sɛ́.

Jɑ̂k 4:4

Pʉʉ pɑlɑŋ nzʉʉ-pʉɔ. Pʉʉ kɑ́ pɔ́ ńjí ŋɡɔ ŋu ẅí ɑ súu-yúu-ndǔmbí, tsʉ́Ꞌ ḿbɔ́ pɔ ŋɡɑŋmbuu-Sɛ́ pɔ́ kɛ? Ŋu ẅí ɑ kɔŋnɛ yúu-ndǔmbí tsʉ́Ꞌ ḿbɔ́ pɔ ŋɡɑŋmbuu-Sɛ́.

1 Pyɛ̂ 1:5

ɛ́ yúu yʉ́ʉ, pʉʉ pʉɔ pi Sɛ́ sɛ́ ńdɔk mɛtʉʉ mɛ́ ḿbyɛ́p wʉ́ʉ, ɛ́ pɔ́ pɑ́Ꞌ pʉʉ sɛ́ ńzɑ́p tʉ́m nǔu wɛ́. Jʉ́ pyɛ́pnɛ wʉ́ʉ pɑ́Ꞌ pʉʉ ɡʉ ŋ́ɡɛ ŋ́ɡẅɛɛ luk yi ɛ́ ɡʉ ńdɑ́Ꞌ ndẅiknzʉʉ lɛ́Ꞌ ŋ́ɡɛ pɛ́ jʉ́ɔ.

1 Jɑ̂ŋ 3:12

Kɔɔ pɛkŋɛ pɔ́ pɑ́Ꞌ Kɑyin ẅí ɑ kɑ pɔ́ nzʉʉ-Sɑ́ttɑ, ńjẅí mɔ́ɔmɑ́ wɛ pí tɑ́Ꞌ mɑŋɡɛ́. A kɑ jẅí wɛ́ mɛlɑ́Ꞌ kʉ̈ɔ́? Ɛ́ kɑ pɔ́ mbíꞋŋɡɔ mɛfɑꞋ mɛ́ kɑ pɔ́ mɛ́ kɛpɔŋ, mɛ́ mɔ́ɔmɑ́ wɛ pɔ́ mi ɛ́ ndʉ́ŋndʉŋ mbi Sɛ́.

1 Jɑ̂ŋ 5:19

Pɛkŋɛ sɛ́ ńjí ŋɡɔ pɛkŋɛ pɔ́ɔ-Sɛ́, lɑ́ ndǔmbí tsʉʉ zúꞋ pɔ mbɔ̌ ŋu kɛpɔŋ.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.

Jẅidɛ 1:24

Gúꞌlɛ pɔ́ mbɔ̌ ŋu ẅí ɑ kuꞋ nɛtʉ̈ɔ́Ꞌlɛ wʉ́ʉ tɛ pʉʉ pɔɔ vu, jʉ́ ẅi ɑ kuꞋ nɛɡɛ pʉʉ cẅɛt ńtʉ́ʉ nǔu zʉꞋ-nɛɡúꞋ yi kwɑꞋ jʉ́ ɑ zúꞋu tɛ lɔ́Ꞌ pɔɔ nǔu pʉʉ pɔ́, ḿbɔ́ ńtsɑ́ɑtɛ tsɑ́ɑtɛ́nɛ,

Mɛnu ɛ́ ńdɑ́Ꞌ ńcẅɛt 15:4

Tsɑpʉɔ, mbɔ wɔ̌ nɑ́ kɛ́ pɔ́k wú? Mbɔ wɔ̌ nɑ́ kɛ́ ɡúꞋlɛ lík yú. NdɑꞋ ɡu pɔ́nɛ Ndɛ́ɛnɛ Lɛ́ɛnɛ́nɛ; Mɛŋɡɔŋ tsʉʉ ɡʉ ŋ́ɡɛ ńtɔ́ ŋ́kẅíꞋlɛ mbi ɡu mbíꞋŋɡɔ mbɑ wɔ̌ lɑ́ ńjʉ́ɔ mɛfɑꞋ mú pɑ́Ꞌ ɛ́ tʉ́ʉnɛ ndʉ́ŋndʉŋ.»

Mɛnu ɛ́ ńdɑ́Ꞌ ńcẅɛt 19:12

Mík mɛ́ kyɛꞌ zʉꞋ pɑ́Ꞌ lʉ́m-múk lɑ́, ɑ tɔꞋ mɛcɔꞋ-nɛfɔɔ tɛ ɛ́ zɑ́ɑ zɑ́ɑnɛ, mbɔ pɛ́ ŋwɑꞋnɛ mɛcɔ́ mɛlík nǔu wɛ́, mi wɛcɔ́ ŋu kɑ́ jí yúu mi ɛ́ lɔknɛ ńcú pɔ́ tɛ ndíꞋ ndɑꞋ jʉ́.

Mɛnu ɛ́ ńdɑ́Ꞌ ńcẅɛt 4:8

Mbɑ wɛ́tɛ́ lɑ́ nǔu mɛyúumɛku ɛ̂mɑ́ mɛ́nɛ́kwɑ kɑ ɡẅɛɛ mɛpɑp mɛ́ mɛ́nɛ́ntúkú, mík pɔ́ nǔu zʉꞋ tsʉʉ, nzɛmpíi mbɑ nzɛm tsɛtú. Pɔ́p pɔ́ ńzɔp kɛ́ kɑ́ɑ nɛnɛm mbɑ nɛtúꞋ, ńcú ŋɡɔ: Ndɛɛnɛlɛ́nɛ́nɛ, Ndɛɛnɛlɛ́nɛ́nɛ, Ndɛɛnɛlɛ́nɛ́nɛ, ɑ Tsɑpʉɔ Sɛ́ Ŋɡɑŋmɛtʉʉ tsʉʉ, jʉ́ ẅi ɑ ḿbɔ́nɛ ɡú, ɑ ɡú, ɑ pɛn ḿbɔ́ ńtɔ́.