Jɑ̂ŋ 17:10 - Kɑɑ Fí

¹⁰ Mbɑ kʉ̈ɔ́ lɑ́ yi ɛ́ mbɔ̌ mɔ ɛ́ yú. Ndʉ́ŋndʉŋ pɑ́Ꞌ Mbɑ kʉ̈ɔ́ lɑ́ yi ɛ́ mbɔ̌ ɡu ɛ́ yɑ́ɑ. Pɔ́p pɔ sɛ́ nɛ́ ŋ́ɡɛ pɛ́ jʉ́ɔ wɑɑ nɛɡúꞋ.

Jɑ̂ŋ 17:10 Кръстосани препратки

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

Jɑ̂ŋ 11:4

Yɛ́su zúꞋ pɔ́Ꞌɔ, ńcú ŋɡɔ: «Yɔ ɡɔɔ kɑ́ pɔ́ yi ɛ́ ɡʉ ńdɔk wɛ́ pɔ́. Pɛ́ ɡʉ ńdɛɛ nǔu ńjʉ́ɔ mɛtʉʉ-Sɛ́, ḿbɛn ńdɛɛ nǔu ŋ́ɡɑ́ mɛkuꞋ mbɔ̌ mɔ́ɔ-Sɛ́.»

Jɑ̂ŋ 12:23

Yɛ́su tsɔ́Ꞌ mbɔ̌ pɔ́p ŋɡɔ ŋkɑ́ yi pɛ́ ɡʉ ńjʉ́ɔ nɛɡúꞋ wɛ Mɔ́ɔ-ŋu ɛ́ kuꞋ.

Jɑ̂ŋ 5:23

Ɛ́ lɛɛ pɔ́Ꞌɔ, pʉɔtsʉʉ ɡɑ́ mɛkuꞋ-Mɔ́ɔ nɛ pɔ ndʉ́ŋndʉŋ pɑ́Ꞌ pɔ́p sɛ́ ŋ́ɡɑ́ mɛ́ Tɑ̌ɑ wɛ. Ŋu ẅí ɑ kɑ́ ɡɑ́ mɛkuꞋ-Mɔ́ɔ-Sɛ́ pɔ́, ŋɡɑŋ lɔk ḿbɔɔ ŋ́ɡɑ́ mɛkuꞋ-Tɑ́t wɛ ẅí ɑ kɑ túunɛ wɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 19:17

Pʉɔ pi pɔ́p tʉ́sɔŋ-Ɛ́fɛ̂zɛ, pɑyúdɑ pɔ́p pʉɔ pi pɔ́p kɑ́ pɔ́ pɑyúdɑ pɔ́, zúꞋ yɔ nu, ḿbɔ́k, ńcú ŋɡɔ: «Tsɑpʉɔ Yɛ́su kwɑꞋ ɡú tɛꞋ.»

Ŋɡɑlɑ̂t 1:24

Ɛ́ lɛɛ pɔ́Ꞌɔ, pɔ́p pɔ́ ŋ́ɡúꞋlɛ Sɛ́ ntɛ́ wɑ́ɑ.

Filipɛ 1:20

Yúu mi mɔ sɛ́ ńtsɑ́ɑ tɛꞋ, kwɑŋɛ yɑ́ɑ nɑ́ŋ ńtʉ́ʉ pɔ nǔu, ɛ́ pɔ́ pɔ ŋɡɔ kɔɔ mɔ ɡɛ yɛcɔ́ yúu mi sʉ́ʉ ɡʉ ɛ́fú nǔu ŋ́kɔ́ wɑ́ɑ. Tɛ ńtsʉ́Ꞌ pɔ́Ꞌɔ, mbɔ ɛ́ lɑɑ ḿbɔ́ pɔ ŋkɔ̂ɔnɛ, kɛ ŋkɑ́ kʉ̈ɔ́ ɔɔ, m bɛ́t pɔ sʉ́Ꞌnɛ kɛ ńzɛɛ ḿpfú pfúnɛ ɔɔ, mbɔ mɔ sɛ́ ńjí sʉ́Ꞌnɛ ŋɡɔ pɛ́ ɡʉ ɛ́fú nǔu wɑɑ nɛnɑ́ŋ, ŋ́ɡúꞋlɛ Kɛlístɔ.

Kɔlɔsíyɛ̂ŋ 2:9

MbíꞋŋɡɔ kʉ̈ɔ́ lɑ́ yi ɛ́ nǔu Sɛ́ ɔɔ, pɛ́ jʉ́ɔ nǔu Kɛlístɔ.

2 Tɛsɑlɔník 1:10

Ɛ́ ɡʉ ńdɑ́Ꞌ ḿbɔ́ pɔ́Ꞌɔ, nǔu lɛ́Ꞌ yi Tsɑpʉɔ ɡʉ ńdɑ́Ꞌ ńtɔ́, ɛ́ pɔ́ nǔu yîyɑ́ lɛ́Ꞌ ɡwɛ́, pʉɔ pɛ́ pɔ́ ŋ́ɡɑ́ mɛkuꞋ mɛ́, pʉɔ pi pɔ́p zɑ́pnɛ tʉ́m nǔu wɛ́ tsʉʉ pɔ́ ŋ́ɡúꞋlɛ wɛ́. Pʉʉ pɔ́ yʉ́ʉ tsɛtsɛt pɔ́p, mbíꞋŋɡɔ pʉʉ kɑ pɛ́m nu yɛ́ yi pɛk kɑ sẅíinɛ wʉ́ʉ.

2 Tɛsɑlɔník 1:12

Ɛ́ lɛɛ pɔ́Ꞌɔ, pʉɔmɛsɔŋ ɡúꞋlɛ lík-Tsɑpʉɔ wɛkŋɛ Yɛ́su, ńdɛɛ nǔu mɑt wʉ́ʉ. Pʉɔmɛ́sɔŋ ɡúꞋlɛ wʉ́ʉ ńdɛɛ nǔu wɛ́ ɡúu. Ɛ́ ɡʉ ńdɑ́Ꞌ ḿbɔ́ pɔ́Ꞌɔ, mbíꞋŋɡɔ Sɛ́ wɛkŋɛ mbɑ Yɛ́su Kɛlístɔ sɛ́ ńdɔk pɑ́Ꞌ pɔ́p kɔŋnɛ wɛkŋɛ, ŋ́ɡɑ́ fuꞋ fɛ̌ɛ.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.