Jɑ̂ŋ 16:11 - Kɑɑ Fí

¹¹ Pʉɔ-ndǔmbi jʉ́ɔ ŋɡɔ pɔ́p sɛ́ ɛ́fɑɑnɛ nǔu nu nɛŋɑk, mbíꞋŋɡɔ fɔɔ ẅí ɑ sɑ́Ꞌnɛ yɔ njí kɑ vu ntsɑŋ.

Jɑ̂ŋ 16:11 Кръстосани препратки

Mɑtʉ̈ɔ 12:18

A kɑ cú ŋɡɔ: «Yɔ ŋɡɑŋfɑꞋ wɑɑ ẅí ŋ kɑ tsɔ́Ꞌnɛ. Ŋ kɔŋ wɛ́ tɛꞋ, jʉ́ ɡɛnɛ tʉ́m yɑ́ɑ tsɑ́ɑtɛ. Mɔ ŋ́ɡɛ ńníꞋ Zẅikŋɛ yɑ́ɑ nǔu wɛ́, ɑ ɡʉ ńnyɛt ntɛ́ nɛsɑ́Ꞌ lɑ́Ꞌ yi ɛ́ ndʉ́ŋndʉŋ mbɔ̌ mɛlɑ́Ꞌ mi ɛ́ kɑ́ pɔ́ pɑíslɑyɛ̂l pɔ́.

Mɑtʉ̈ɔ 12:36

Ɛ sẅíi wʉ́ʉ: «Ɛ́ ɡʉ ńdɑ́Ꞌ lɛ́Ꞌ yi Sɛ́ ńzɑ́Ꞌ mɛtsɑŋ-pʉɔmɛsɔŋ, ẅîwɑ́ ŋu ɡẅɛɛ nɛpɛ́ɛtɛ mɛɡɛɡʉʉ sẅiŋɛ mí ɛ́ kɑ cẅɛtnɛ ntsu wɛ́.

Lúkɑ́shi 10:18

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ sẅíi nu, n dɑ́Ꞌ ḿbɔ́ ńdíŋɛ, ńjʉ́ɔ pɑꞋ Sɑ́ttɑ ŋwɑŋɛ́nɛ pɑꞋ mɛnɛ́ɛ-mbʉŋ lɑ́, ɛ́fú tʉ́nɛ́pú ńtsɔ́Ꞌnɛ ḿvu sɛ́.

Jɑ̂ŋ 12:31

Ŋkɑ́ kuꞋ pɑ́Ꞌ Sɛ́ ɡʉ ŋ́ŋɑk yɔ píimbí. Ɛ́ ŋkɑ́ yi Sɛ́ ɡʉ ńcẅɛɛtɛ mɔ́ɔntɔ́Ꞌ yɔ píimbí, ŋ́ɡɑ́ wɛ́ píi.»

Jɑ̂ŋ 14:30

«Tɛ fúnɛ ŋkɔ̂ɔnɛ pɛkŋɛ kɛ́ pɛn ŋ́ɡɛ ɛ́sẅíŋɛ pɔ́. Ɛ́ mbíꞋŋɡɔ fɔɔ ẅí ɑ sɑ́Ꞌnɛ yɔ píimbí sɛ́ ńtɔ́. A kɑ́ ɡẅɛɛ shʉ́ nɛɡɛ yúu nǔu mɔ pɔ́.»

Jɑ̂ŋ 16:12

M bɛn ŋ́ɡẅɛɛ mɛnu mí ŋ ɡʉ ɛ́sẅíi wʉ́ʉ tɛꞋ, lɑ́ ḿbɔ́ pʉʉ pɔɔ zúꞋ ŋkɔ̂ɔnɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 10:42

A kɑ pɛn ńtúu wɛ́k ŋɡɔ pɛk ɡʉ ɛ́sɑ́Ꞌ Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ lɑ́Ꞌ, ŋ́ɡɛ pɔ́p jí ŋɡɔ jʉ́ Yɛ́su kwɑꞋ ŋu ẅí Sɛ́ kɑ tsɔ́Ꞌnɛ ŋɡɔ ɑ zɑ́Ꞌ ntsɑŋ-pʉɔ ntʉʉ pɔ́p pɛpfú sɛ́.

ŊwɑꞋnɛ-Gɑŋntúu Yɛ́su Kɛlístɔ 24:25

Pɔ̂l tɔ́ tɛ ńzɛ nɛkyɛ́Ꞌtɛ ntɛ́ yi ŋu lɑɑ ńdɔk ńnɑ́ŋ, mbɔ ŋɡɑŋ ɡʉ ḿbɔ́ ŋu ẅi ɑ ɡɛnɛ yúu mi ɛ́ ndʉ́ŋndʉŋ mík-Sɛ́, ḿbɔ́ ŋ́kyɛ́Ꞌtɛ mbɑ pɑ́Ꞌ ɛ́ lɑɑ ḿbɔ́ ŋu ɡẅɛɛ mbʉʉ yɛ pɔ́Ꞌɔ, ḿbɔ́ ŋ́kyɛ́Ꞌtɛ ɛ́sẅíi wɛ́ ŋɡɔ Sɛ́ ɡʉ ŋ́ɡɛ ŋ́ŋɑk pʉɔ tsʉʉ. Ŋɡɔ́mnɑɑ Fɛlɛshi zúꞋ pɔ́Ꞌɔ, ńtsʉ́Ꞌ ńcʉ̈ɔꞋ cʉɔꞋnɛ, ńcú mbɔ̌ Pɔ̂l ŋɡɔ: Ɛ́ nǔu ŋkɔ̂ɔnɛ, fú nɛjɔ́ŋ mɔ ŋ́ɡʉ. Ŋkɑ́ ɡʉ ḿbɛn ŋ́kuꞋ, lɑ́ m bɛn ńcú pɛ́ fúŋ wú ḿbɔ́ mɔ.

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

Pʉɔ-Lɔ́mɑ 16:20

Pʉʉ lɑɑ ŋ́ɡɛ pɑ́Ꞌɑ, mbɔ Sɛ́ ẅí ɑ ɡɑ́nɛ mɔ́fíitɛ, ɡʉ ḿmɑꞋ Sɑ́ttɑ sɛ́, pʉʉ lɔk mɛku ńnʉŋtɛ wɛ́. Tsɑpʉɔ wɛkŋɛ Yɛ́su Kɛlístɔ pɔ́ ḿbɔ́ nɛ́ pʉʉ.

Pʉɔ-Lɔ́mɑ 2:16

Yɔ pɑ́Ꞌ Ŋkʉʉ Sʉ́Ꞌnɛ-Sɛ́ ẅí mɔ sɛ́ ńdɛꞋlɛ ńcúnɛ pɑ́Ꞌ Sɛ́ ɡʉ ńdɑ́Ꞌ ńzɑ́Ꞌ ntsɑŋ mbɑ wɔ̌ lɑ́. Ɛ́ ɡʉ ńdɑ́Ꞌ ḿbɔ́ yîyɑ́ lɛ́Ꞌ, Sɛ́ cú mbɔ̌ Yɛ́su Kɛlístɔ, ɑ ŋɑk pʉɔ nǔu kʉ̈ɔ́ lɑ́ yi ɛ́ lʉɔmɛ́nɛ tsɛt tʉ́m pɔ́p.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

Ɛ́fɛ̂zɛ 2:2

Pʉʉ kɑ pɔ́ ŋkɑ́ ɛ̂yɑ́ ḿbɔ́ ŋ́ɡɛ pɔ yîyɑ́ ntɛ́ mɛnu. Pʉʉ kɑ pɔ́ ńnɛn pɑ́Ꞌ pʉɔ pi pɔ́p tsɛt yɔ mbí ḿbɔ́ ńnɛn pɔ́Ꞌɔ, ḿbɔ́ ńzúꞋ ntsu-fɔɔ-mɛzẅikŋɛ kɛpɔŋ wi ɑ sɑ́Ꞌnɛ mɛzẅikŋɛ kɛpɔŋ mi ɛ́ tʉ́ tsɛt fɑ́k. Jʉ́ pɔ́nɛ ŋkɔ̂ɔnɛ ḿbɔ́ ńtsʉ́ʉnɛ pʉɔ pi pɔ́p lʉꞋ nɛzúꞋ ntsu-Sɛ́, pɔ́p pɔ́ ŋ́ɡɛ mɛnu kɛpɔŋ.

Kɔlɔsíyɛ̂ŋ 2:15

Sɛ́ kɑ pɔ́ ńdɔk pɔ́Ꞌɔ, ŋ́ɡẅɛɛ mɛzẅikŋɛ kɛpɔŋ, mi ɛ́ ɡẅɛɛnɛ tʉʉ, ḿbɔ́ ɛ́sɑ́Ꞌ ndǔmbí yɔ, ńcẅɛɛtɛ mɛtʉʉ mɔ́p ḿmɛꞋ, ńtɛ́m sʉ́ʉ tú pɔ́p mbi lɑ́Ꞌ. Ɛ́ pɔ́ pɑ́Ꞌ ɑ kɑ lɔknɛ wɔ́p ŋ́ɡɛ puꞋ-ntsɔ, Kɛlístɔ lɔk wɔ́p ŋ́kɑ́t ńnɛn ńdɔk ńdɛꞋlɛ ŋɡɔ ɑ jʉ́ ntsɔ.

Ɛ́bɛlʉʉ 2:14

Ńcú pɔ́Ꞌɔ, mbɔ́ŋkʉ̈ɔ́ ɛ̂pɑ́ pɔ́ pʉɔmɛsɔŋ. Pɔ́p pɛ́ pʉɔmɛsɔŋ pɔ́ pɔ tɑ́Ꞌ yúu, ŋ́ɡẅɛɛ mbɑp-mbʉʉ, ŋ́ɡẅɛɛ mɛci, jʉ́ nɛ́ túmbʉʉ yɛ́ kɑ pɛn ńtsʉ́Ꞌ yɛ́ ŋumɛsɔŋ pɑ́Ꞌ pɔ́p, nɛpɔ́ yi ɑ ɡʉ ńtɑ́ɑ ɛ́fú nǔu nɛvú nɛ́, ŋ́ɡẅɛɛ ŋu ẅí ɑ ɡɛnɛ pʉɔ pfútɛ, ńcẅɛ́ɛ mɛtʉʉ mɛ́. Pɛ́ fúŋ ŋɡɑŋ ŋɡɔ Sɑ́ttɑ.

Ɛ́bɛlʉʉ 6:2

pɑ́Ꞌ nɛzíꞋ nu nǔu nɛcẅɛ́ɛ ŋki, pɑ́Ꞌ nɛzíꞋ nu nǔu nɛzɑ́p mbɔ́ tú-pʉɔ, pɑ́Ꞌ nɛzíꞋ nu nǔu nɛzẅíimɛ nǔu nɛvú mbɑ nǔu pɑ́Ꞌ Sɛ́ ɡʉ ńdɑ́Ꞌ ŋ́ŋɑk mɛtsɑŋ ńdɔk ńdẅiklɛ.

Ɛ́bɛlʉʉ 9:27

Pɑ́Ꞌ Sɛ́ kɑ zɑ́pnɛ ŋɡɔ wɛ́tɛ́ ŋumɛsɔŋ lɑ́ ɡʉ ŋ́kɛ́ ḿpfú pɔ pɑ́Ꞌ jʉ́ Sɛ́ ɡʉ ńtsɔ́Ꞌtɛ ntsɑŋ-ŋɡɑŋ lɑ́,

2 Pyɛ̂ 3:7

ŋ́ɡʉ nǔu nɛfɑŋ ŋkɔ̂ɔnɛ, mbɑ tsɛ́tsɑ́Ꞌ ŋkɔ̂ɔnɛ, mbɔ yîyɑ́ Sẅiŋɛ lẅɛꞋ wɔ́p lẅɛꞋnɛ ńdɔk ńzẅíꞋlɛ lɛ́Ꞌ yi Sɛ́ ɡʉ ŋ́ɡɛ ŋ́ŋɑk pɛɡɑŋmbuu pɛ́. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́, múk ɡɛ tʉ́nɛ́pú pɔ́p tsɛ́tsɑ́Ꞌ tɛmtɛ ńdɑ́kŋɛ.

1 Jɑ̂ŋ 3:8

Ŋu lɑɑ ŋ́kɛ́ ńnɑ́ŋ ŋ́ɡɛ yɛ́ pɔ nu kɛpɔŋ, mbɔ ɑ ŋu-Sɑ́ttɑ, mbíꞋŋɡɔ Sɑ́ttɑ ŋɡɑŋ mɛfɑɑnɛ tɛ ɛ́fú pɔ nzɛnɛ ŋɡɔŋ. Mɔ́ɔ-Sɛ́ kɑ zɛɛ ńtɔ́ pɔ nɛɡɛ kʉ̈ɔ́? A kɑ tɔ́ nɛpík mɛfɑꞋ-Sɑ́ttɑ.

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.