Jɑ̂ŋ 15:9 - Kɑɑ Fí

⁹ «Pɑ́Ꞌ Tɑ̌ɑ mɔ kɔŋnɛ wɑ́ɑ lɑ́, mbɑ mɔ yɑ́ɑ, ŋ kɔŋ wʉ́ʉ. Pʉʉ lɑt mbʉʉ yʉʉ nǔu mɔ nǔu ntɛ́ yi ŋ ɡʉ ŋ́kɛ́ ḿbɔ́ ŋ́kɔŋ wʉ́ʉ kɔŋnɛ.»

Jɑ̂ŋ 15:9 Кръстосани препратки

Jɑ̂ŋ 15:11

«N cú yɔ nu mbɔ̌ pʉʉ nɛpɔ́ yi tsɑ́ɑtɛ yí ɛ́ tsɛt tʉ́m mɔ ɡʉ ḿbɛn ḿbɔ́ tsɛt tʉ́m yʉ́ʉ, pʉʉ ɡẅɛɛ kwɑꞋ tsɑ́ɑtɛ.»

Jɑ̂ŋ 15:13

«Wɛcɔ́ ŋu kɛ́ pɛn ŋ́ɡẅɛɛ ŋkɔŋɛ tɛ ɛ́ lɛɛ yi ŋu ẅí ɑ ɡɑ́nɛ yɛ luk nǔu tú-pʉɔ pí ɑ kɔŋnɛ wɔ́p pɔ́.»

Jɑ̂ŋ 17:26

Ŋ kɑ zíꞋ wɔ́p nɛjí ŋu ẅí ɔ jʉ́, mɔ ŋ́kɛ́ ḿbɔ́ ŋ́ɡɛ pɔ́p pɔ́ ńjí wú jínɛ, ŋ́kɔŋɛ pɔ́p nɛ́ pɔ́p pɑ́Ꞌ ɔ kɔŋnɛ wɑ́ɑ, m bɛn ḿbɔ́ tʉ́m pɔ́p.

Jɑ̂ŋ 3:35

Tɑ̌ɑ Sɛ́ kɔŋ Mɔ́ɔ nɛ, mbɔ ɑ kɑ níꞋ yúu tsʉʉ nǔu lɑ́ɑpɔ́-Mɔ́ɔ nɛ.

Ɛ́fɛ̂zɛ 3:18

Ɛ́ lɛɛ pɔ́Ꞌɔ, pʉʉ kuꞋ nɛpɔ́ yi mbɔ pʉʉ pɛ́ pʉɔ-Sɛ́ pɛtsʉʉ zúꞋ ntɛ́ yi ŋkɔŋɛ Kɛlístɔ ɡúꞋnɛ pɔ́Ꞌɔ, ɛ́sɑk pɔ́Ꞌɔ, ŋ́ɡʉ tʉ́ pɔ́Ꞌɔ, ŋ́kúu sɛ́ pɔ́Ꞌɔ.

1 Jɑ̂ŋ 2:28

Pɑ́Ꞌ ɛ́ pɔ́Ꞌɔ lɑ́, mbɑ̌ɑ mbɔ́ŋkʉ̈ɔ́ pɑ́ɑ, pʉʉ kɛ́ ńdɑt mbʉʉ yʉʉ pɔ nǔu Kɛlístɔ, ńjí ŋɡɔ ɛ́ ɡʉ ńdɑ́Ꞌ lɛ́Ꞌ yi ɑ cẅɛtnɛ, pɛkŋɛ pɔɔ yɛcɔ́ yúu pɔ́k, tʉ́m yɛkŋɛ pɔɔ sii ńcʉ̈ɔꞋ nǔu yɛcɔ́ yúu pɔ́. Ɛ́ pɔ́ lɛ́Ꞌ ɛ̂yɑ́, pɛkŋɛ pɔɔ tʉ́ʉ mbi yɛ́ sʉ́ʉ kɔ́ wɛkŋɛ pɔ́.

Jẅidɛ 1:20

Lɑ́ ŋ́ɡʉ nǔu pʉʉ mbɑ̌ɑ pɛsúu pɑ́ɑ pɛ́ tʉʉndɛn, pʉʉ kẅiꞋ ńnɛn pɔ nǔu sẅiŋɛ yi pɛ́ kɑ zíꞋnɛ wʉ́ʉ ɛ́ fú mbɔ̌ Sɛ́ pʉʉ pɛ́m lɑ́. Pʉʉ lɔk mɛtʉʉ-Zẅikŋɛ Lɛ́ɛnɛ́nɛ ńcɛꞋlɛ Sɛ́.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.