Jɑ̂ŋ 15:1 - Kɑɑ Fí

¹ Yɛ́su pɛn ḿbɛ́ɛ yɔ fʉꞋ ńcú ŋɡɔ: «Mɔ kwɑꞋ nɛtsɛ́n-tʉ́ ni pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ. Tɑ̌ɑ mɔ pɔ́ ŋu ẅí ɑ fɑꞋnɛ nǔu.»

Jɑ̂ŋ 15:1 Кръстосани препратки

Mɑtʉ̈ɔ 15:13

Yɛ́su pʉ̈ɔt mbɔ̌ pɔ́p ŋɡɔ: «Pɛ́ ɡʉ ŋ́ɡɛ ńtsɔ́Ꞌ mbɑ kʉ̈ɔ́ lɑ́ yi Tɑ̌ɑ mɔ ẅí ɑ tʉ́nɛ́pú ŋkɑɑnɛ pi.»

Mɑtʉ̈ɔ 20:1

Yɛ́su pɛn ŋɡɔ: «nu-nɛfɔɔ-Sɛ́ ɡɔ́ɔ ḿbɔ́ pɔ pɑ́Ꞌ nu-wɛcɔ́ ŋu ẅí ɑ kɑ mʉ́ʉnɛ mbɑ́ꞋmbɑꞋɑ́, ŋ́ɡʉ lɔɔ ɡɑŋfɑꞋ pínɛ ɑ ɡʉ ńníꞋ ŋkɑ́Ꞌ yɛ́.»

Mɑtʉ̈ɔ 21:33

Yɛ́su cú ŋɡɔ: «Pʉʉ pɛn ńzúꞋ yɛcɔ́ sɑknɛkɛt. Wɛcɔ́ ndʉ́m kɑ lɑ́Ꞌ ŋ́ɡẅɛɛ zʉꞋ-ŋkɑ́Ꞌ yɛ́, ŋ́ɡʉ tsɛtú ḿbi mɛtʉ́ mi pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ, ḿbɔ́ɔ tɑ́ɑŋkɑ́Ꞌ ńdɔk ŋ́kíitɛ, ŋ́ɡʉ tsɛt ŋkɑ́Ꞌ ḿbuꞋ ɡʉ̈ɔ́ nǔu ŋɡɔꞋ zʉꞋ yí pɛ́ ɡʉ kíɛ mɛntɑ́ɑ zúꞋu, ḿbɔ́ɔ zʉꞋ yi pɛ́ ɡʉ ŋ́kɔ́Ꞌ ńtʉ́ʉ tsɛtú lɑ́ ḿbyɛ́p ŋkɑ́Ꞌ, ŋ́ɡɛ pɔ́Ꞌɔ, fɛ́ɛ ŋkɑ́Ꞌ mbɔ̌ pɑniitɛ mɛluꞋ, ŋ́ɡɔ́ɔ ŋ́kɛ́ ŋ́ɡʉ nɛ́ túu.»

Mɑ́lɛ́kúshi 12:1

Yɛ́su tsɔ́Ꞌ pɔ́Ꞌɔ, ńzɛ nɛlɔk sɑknɛkɛt ńcú mbɔ̌ pɔ́p ŋɡɔ: «Wɛcɔ́ ndʉ́m kɑ ɡẅɛɛ ŋkɑꞋ wɛ́, ŋ́ɡʉ tsɛtú, ḿbi mɛtʉ́ mi pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ, ḿbɔ́ɔ tɑ́ɑŋkɑ́Ꞌ ńdɔk ŋ́kíitɛ, ŋ́ɡʉ tsɛt ŋkɑꞋ, ḿbuꞋ ɡʉ́ɔ nǔu ŋɡɔꞋ zʉꞋ yí pɛ́ ɡʉ kíɛ mɛntɑ́ɑ zúꞋu, ḿbɛn ḿbɔ́ɔ tɑꞋ sɛsɑ ndɑ́ ẅi pɛ́ ɡʉ ŋ́kɔ́Ꞌ ńtʉ́ʉ tsɛtú lɑ́ ḿbyɛ́p ŋkɑ́Ꞌ, ŋ́ɡɛ pɔ́Ꞌɔ, ńníꞋ ŋkɑ́Ꞌ mbɔ̌ pɑniitɛ mɛluꞋ ŋ́ɡɔ́ɔ ŋ́ɡʉ nɛ́ nɛnɛn.

Lúkɑ́shi 13:6

Yɛ́su ɡɔ́ɔ ŋ́kɛ́ ńcú yɔ sɑknɛkɛt ŋɡɔ: «Wɛcɔ́ ŋu kɑ pi tʉ́ mbɛ́lɛ́ ŋkɑ́Ꞌ yɛ, ŋ́ɡɛ ńnɑ́ŋ tɛ ńtɔ́ nɛkɑ́p, ḿbɔɔ yúu jʉ́ɔ,

Jɑ̂ŋ 1:17

Sɛ́ kɑ lɛɛ nǔu Mɔ̌sɛ̂ɛ, ŋ́ɡɑ́ nɛpʉ́ʉ, nu nɛ́nẅín pɔ́p fuꞋ níinɛ yɛkŋɛ pɛn ńdɛɛ pɔ nǔu Yɛ́su Kɛlístɔ.

Jɑ̂ŋ 1:9

Sẅiŋɛ ɛ̂yɑ́ kɑ pɔ́ kwɑꞋ kyɛꞌ yí ɛ́ tɔ́nɛ ndǔmbí nɛkyɛ́Ꞌ pʉɔtsʉʉ.

Jɑ̂ŋ 15:2

«A njʉ́ɔ pɔ́tʉ́ ẅi ɛ́ lɑtnɛ́nɛ nǔu mɔ ḿbɔɔ ńzɛ́m ntɑ́ɑ pɔ́, ŋ́kʉ́ɔꞋ, ńtɔ́ nǔu yi ɛ́ sɛ́ ńzɛ́m mɛntɑ́ɑ, ńniitɛ ŋ́kwɑk yîyɑ́, ɛ́ tsuŋ ńzɛ́m mɛntɑ́ɑ sʉ́Ꞌnɛ.»

Jɑ̂ŋ 6:32

Yɛ́su pʉ̈ɔt mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, Mɔ̌sɛ̂ɛ ŋkɑɑ ɡɑ́ yúujʉ́ pi ɛ́ fúnɛ tʉ́nɛ́pú mbɔ̌ pʉʉ pɔ́. Tɑ̌ɑ mɔ sɛ́nɛ́ ŋ́ɡɑ́ kwɑꞋ yúujʉ́ pi ɛ́ fúnɛ tʉ́nɛ́pú mbɔ̌ pʉʉ.»

Jɑ̂ŋ 6:55

MbíꞋŋɡɔ mbɑp-mbʉʉ yɑɑ yúujʉ́ sʉ́Ꞌnɛ, mɛci mɑ́ɑ pɔ́ kwɑꞋ yúu nɔ́nɛ.

Pʉɔ-Lɔ́mɑ 11:17

Lɑ́ pɑíslɑyɛ̂l pɑ́Ꞌ tʉ́-mɛɡwɛ́t-ɔliivɛ-ŋu, mbɔ ŋɡɑŋ kɑ kʉ́ɔꞋ mɛcɔ́ mbɔ́ nǔu ḿmɛꞋ. Gu ẅí ɔ kɑ́ pɔ́ ŋu-Yúdɑ pɔ́, ɔ pɑ́Ꞌ pɛpɔ́tʉ́ mɛɡwɛ́t-ɔliivɛ yi ɛ́ pɔ́ pɔ mbɛ́n, mbɔ pɛ́ kɑ lɔk wú ńtɔ́ ńdɑt tsɛtsɛt mbɔ́ mi ɛ́ kɑ pɛ́tnɛ ḿbɔ́ nǔu tʉ́ ɛ̂yɑ́. Ɔ nǔu ŋkɔ̂ɔnɛ ḿbɔ́ ńdúꞋnɛ mɛci-tʉ́ mi ɛ́ fúnɛ nǔu mɛŋɑŋ ŋ́kúu nǔu pʉʉ pɛpɔ́p pɛtsʉʉ.

1 Kɔlɛ̂ŋtɛ 3:9

MbíꞋŋɡɔ pɛk tɛmtɛ ḿbɔ́ ɛ́fɑꞋ pɔ fɑꞋ-Sɛ́. Pʉʉ pɔ́ ŋkɑ́Ꞌ-Sɛ́, ḿbɛn ḿbɔ́ ndɑ́ yi Sɛ́ sɛ́ ŋ́kút.

1 Jɑ̂ŋ 2:8

Tɛ mbɑ pɔ́Ꞌɔ, nɛpʉ́ʉ ni ŋ ŋwɑꞋnɛ́nɛ ŋ́ɡɑ́ mbɔ̌ pʉʉ lɑɑ, ɛ́ pɑ́Ꞌɑ, ŋ́kɛ́ ḿbɔ́ nɛ fí, ɛ́ nɛ fí ńdɛɛ nǔu yúu mi pɛ́ sɛ́ ńjʉ́ɔ nǔu Kɛlístɔ mbɑ nǔu pʉʉ ɡúu. Pʉʉ zɛɛ ńjʉ́ɔ pɑ́Ꞌ nzɛ́nzʉ́ʉ sɛ́ ḿmɛ, lɑ́ mbɔ kwɑꞋ kyɛꞌ zɛ mɔ́ nɛkyɛ́Ꞌ zʉꞋ.