Jɑ̂ŋ 14:4 - Kɑɑ Fí

⁴ Ɛ́ ɡʉ nǔu zʉꞋ yí ŋ ɡʉnɛ nɛ́ zúꞋu, mbɔ pʉʉ sɛ́ ńjí sɛ̂ndúŋ.»

Jɑ̂ŋ 14:4 Кръстосани препратки

Lúkɑ́shi 24:26

Pʉʉ kɑ́ jí ŋɡɔ, ɛ́ kɑ pɔ́ ḿbíkŋɛ ŋɡɔ Nzɑ́Ꞌŋkʉ piitɛ ńjʉ́ɔ ŋɡʉ̈ɔ́Ꞌ lɑ́ ŋ́kúu tsɛt nɛɡúꞋ wɛ pɔ́ kɛ?

Jɑ̂ŋ 10:9

Ntsuŋkɑ́Ꞌ pɔ́ pɔ mɔ, ŋu lɑɑ ńdɛɛ nǔu mɔ ŋ́kúu ŋkɑ́Ꞌ, mbɔ ŋɡɑŋ ɡʉ ŋ́ɡɛ ńduk. A ɡʉ ḿbɔ́ ŋ́kúu ŋkɑ́Ꞌ, ńcẅɛt pɑ́Ꞌ ɑ kɔŋnɛ, ḿbɔ́ ńjʉ́ɔ yúu kwɛ́tnɛ.

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

Jɑ̂ŋ 13:3

Yɛ́su pɔ́ ńjí ŋɡɔ Tɑ́t wɛ kɑ níꞋ mɛtʉʉ nɛlɔk ŋ́ɡɛ yúu tsʉʉ mbɔ̌ wɛ́, ḿbɛn ḿbɔ́ ńjí ŋɡɔ ɑ kɑ fú mbɔ̌ Sɛ́, ɑ pɛn ḿbɔ́ ŋ́ɡʉ nɛ́ nɛjɔ́ŋ Sɛ́.

Jɑ̂ŋ 14:2

MɛzʉꞋ nɛnɑ́ŋ ndɑ́-Tɑ̌ɑ mɔ tɛ ńzɑ́ɑ. Mɔ ŋ́ɡʉ ńniitɛ zʉꞋ yʉ́ʉ. Ɛ́ lɑ́Ꞌ mbɔɔ pɔ́Ꞌɔ pɔ́, mbɔ ŋ kɑ́ sẅíi wʉ́ʉ ŋɡɔ mɔ ŋ́ɡʉ ńniitɛ zʉꞋ yʉ́ʉ pɔ́.

Jɑ̂ŋ 14:28

Pʉʉ zúꞋ pɑ́Ꞌ n cúnɛ ŋɡɔ: «Mɔ ŋ́ɡʉ lɑ ḿbɛn ḿbɛn nzʉʉ ńjʉ́ɔ wʉ́ʉ. Pʉʉ kɛ́ ḿbɔ́ pɛ́Ꞌnɛ ḿbɔ́ ŋ́kɔŋ wɑ́ɑ, mbɔ pʉʉ ńtsɑ́ɑtɛ tsɑ́ɑtɛ́nɛ pɑ́Ꞌ ŋ ɡʉnɛ nɛ́ nɛjɔ́ŋ Tɑ̌ɑ, mbíꞋŋɡɔ Tɑ̌ɑ ɡúꞋ ńtsɑ wɑ́ɑ.»

Jɑ̂ŋ 14:3

N dɑɑ ŋ́ɡɛ ŋ́ɡʉ tɛ ńniitɛ zʉꞋ yʉ́ʉ, mbɔ ŋ ɡʉ ḿbɛn nzʉʉ ńdɔɔ wʉ́ʉ pɛkŋɛ ɡʉ. Ɛ́ lɛɛ pɔ́Ꞌɔ, zʉꞋ yí ŋ ɡʉnɛ nɛ́ zúꞋu, pʉʉ pɛn ḿbɔ́ yʉ́ʉ zúꞋu.

Jɑ̂ŋ 14:5

Tɔmɑ́shi cú mbɔ̌ wɛ́ ŋɡɔ: «Tsɑpʉɔ, pɛk kɑ́ pɔ́ ńjí zʉꞋ yí ɔ ɡʉnɛ nɛ́ zúꞋu pɔ́. Pɛk ɡʉ ŋ́ɡɛ pɑ́Ꞌ lɑ́ ńjí sɛ̂ndúŋ?»

Jɑ̂ŋ 16:28

Ŋ kɑ fú mbɔ̌ Tɑ̌ɑ mɔ, ńtɔ́ ndǔmbí, m bɛn ḿbɔ́ ŋkɔ̂ɔnɛ ḿbɔ́ ɛ́fú ndǔmbí ŋ́ɡʉ nɛtsɛ́t wɛ́.

Jɑ̂ŋ 3:36

Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, ŋɡɑŋ ɡẅɛɛ luk kɛ́mɛ. Ŋu ẅí ɑ kɛ́ mbɔɔ zɑ́p tʉ́m yɛ́ nǔu mɔ́ɔ-Sɛ́ pɔ́, ɑ kɛ́ lɑ́Ꞌ ŋ́ɡẅɛɛ kwɑꞋ luk pɔ́. Sɛ́ kɛ́ ḿbɛ́t ŋ́kẅiꞋ ńzɑ́ŋ lɔ́ŋ nǔu wɛ́ zɑ́ŋnɛ.

Jɑ̂ŋ 6:40

Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»