Jɑ̂ŋ 14:3 - Kɑɑ Fí

³ N dɑɑ ŋ́ɡɛ ŋ́ɡʉ tɛ ńniitɛ zʉꞋ yʉ́ʉ, mbɔ ŋ ɡʉ ḿbɛn nzʉʉ ńdɔɔ wʉ́ʉ pɛkŋɛ ɡʉ. Ɛ́ lɛɛ pɔ́Ꞌɔ, zʉꞋ yí ŋ ɡʉnɛ nɛ́ zúꞋu, pʉʉ pɛn ḿbɔ́ yʉ́ʉ zúꞋu.

Jɑ̂ŋ 14:3 Кръстосани препратки

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

Jɑ̂ŋ 14:28

Pʉʉ zúꞋ pɑ́Ꞌ n cúnɛ ŋɡɔ: «Mɔ ŋ́ɡʉ lɑ ḿbɛn ḿbɛn nzʉʉ ńjʉ́ɔ wʉ́ʉ. Pʉʉ kɛ́ ḿbɔ́ pɛ́Ꞌnɛ ḿbɔ́ ŋ́kɔŋ wɑ́ɑ, mbɔ pʉʉ ńtsɑ́ɑtɛ tsɑ́ɑtɛ́nɛ pɑ́Ꞌ ŋ ɡʉnɛ nɛ́ nɛjɔ́ŋ Tɑ̌ɑ, mbíꞋŋɡɔ Tɑ̌ɑ ɡúꞋ ńtsɑ wɑ́ɑ.»

Jɑ̂ŋ 14:4

Ɛ́ ɡʉ nǔu zʉꞋ yí ŋ ɡʉnɛ nɛ́ zúꞋu, mbɔ pʉʉ sɛ́ ńjí sɛ̂ndúŋ.»

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

ŊwɑꞋnɛ-Gɑŋntúu Yɛ́su Kɛlístɔ 1:11

ńcú mbɔ̌ pɔ́p ŋɡɔ: «Pɑŋɡɑlíliyɑ, pʉʉ tʉ́ʉ ńdíŋɛ tʉ́nɛ́pú mɛlɑ́Ꞌ kʉ̈ɔ́? Yɛ́su pʉ́ɔlɑ́, mbɔ Sɛ́ fú mbɔ̌ pʉʉ ɛ́sɑ́Ꞌ wɛ́ ńdɔk ŋ́ɡʉ nɛ́ tʉ́nɛ́pú, ɑ ɡʉ ŋ́ɡɛ ḿbɛn ḿbɛn nzʉʉ pɔ nǔu ntɛ́ yi pʉʉ jʉ́ɔnɛ ɑ lɔk ŋ́ɡʉ lɑ́.»

Pʉɔ-Lɔ́mɑ 8:17

Pɑ́Ꞌ pɛkŋɛ pɔ́ɔ-Sɛ́ lɑ́, pɛkŋɛ ɡʉ ńdɑ́Ꞌ ŋ́ɡẅɛɛ yɛkŋɛ yúu nǔu fuꞋ yi Sɛ́ kɑ kɑꞋnɛ mbɔ̌ pʉɔ pɛ́, ńdɔk ŋ́ɡẅɛɛ yɛkŋɛ yúu nǔu yúu-Sɛ́, pɛkŋɛ pɛ Kɛlístɔ lɔk ńtɛmtɛ ŋ́ɡẅɛɛ. Pɑ́Ꞌ pɛkŋɛ sɛ́ ḿbɛ́m nɛjʉ́ɔ ŋɡʉ̈ɔ́Ꞌ pɑ́Ꞌ ɑ kɑ pɛ́mnɛ yɛ́ lɑ́, pɛkŋɛ pɛpɔ́p ɡʉ ŋ́ɡɛ ḿbɛn tɛmtɛ ḿbɔ́ tsɛt nɛɡúꞋ wɛ.

Filipɛ 1:23

Mɛnu mɛmbɑ́ mɔnɛ mbi mɔ. Mɔ sɛ́ ńtsɑ́ɑ nɛfú ndǔ tsɛ́tsɑ́Ꞌ ŋ́ɡʉ pɛk Kɛlístɔ tsʉ́Ꞌnɛ ńnɑ́ŋ. Ɛ́ yɑ́ɑ tú yi sʉ́Ꞌnɛ nǔu.

2 Tɛsɑlɔník 1:12

Ɛ́ lɛɛ pɔ́Ꞌɔ, pʉɔmɛsɔŋ ɡúꞋlɛ lík-Tsɑpʉɔ wɛkŋɛ Yɛ́su, ńdɛɛ nǔu mɑt wʉ́ʉ. Pʉɔmɛ́sɔŋ ɡúꞋlɛ wʉ́ʉ ńdɛɛ nǔu wɛ́ ɡúu. Ɛ́ ɡʉ ńdɑ́Ꞌ ḿbɔ́ pɔ́Ꞌɔ, mbíꞋŋɡɔ Sɛ́ wɛkŋɛ mbɑ Yɛ́su Kɛlístɔ sɛ́ ńdɔk pɑ́Ꞌ pɔ́p kɔŋnɛ wɛkŋɛ, ŋ́ɡɑ́ fuꞋ fɛ̌ɛ.

2 Timɔtɛ́ɛ 2:12

Pɛkŋɛ lɑɑ ŋ́kɛ́ ḿbɔ́ ɛ́sʉk tsɛt ŋɡʉ̈ɔ́Ꞌ sʉknɛ pɑ́Ꞌ jʉ́, mbɔ pɛkŋɛ pɛpɔ́p ɡʉ ŋ́ɡɛ ńtɛmtɛ ɛ́sɑ́Ꞌ ŋɡɔŋ. Pɛkŋɛ lɑɑ kɛ́ ḿmuŋɛ wɛ́, mbɔ ɑ ŋ́ɡɛ ḿmuŋɛ wɛkŋɛ ɡúu.

Ɛ́bɛlʉʉ 9:28

ɛ́ ndʉ́ŋndʉŋ pɑ́Ꞌ ɑ kɑ ɡɛ Kɛlístɔ lɔk túmbʉʉ yɛ́, ńnɔŋ pɔꞋ pɔ tɑ́Ꞌ ŋkɑ́, nɛlɔk ńjɛ́p mɛnu kɛpɔŋ pʉɔ tɛ ńzɑ́ɑ. A ɡʉ ŋ́ɡɛ ḿbɛn ńcẅɛt nǔu mbɑ́ɑtɛ yɛ́pɑ́. A pɔɔ pɛn ńtɔ́ ŋkɑ́ yîyɑ́ nɛjɛ́p mɛnu kɛpɔŋ-pʉɔmɛsɔŋ pɔ́. A tɔ́ pɔ́Ꞌɔ, nɛɡɛ pʉɔ pi pɔ́p sɛ́ ńzẅíꞋlɛ wɛ́ luk.

Mɛnu ɛ́ ńdɑ́Ꞌ ńcẅɛt 3:21

Ɛ́ ɡʉ ŋ́ɡɛ ŋ́ɡʉ nǔu ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ŋ ɡɛ ɑ nɑ́ŋ nǔu kɔꞋ-nɛfɔɔ nɛjɔ́ŋ yɑ́ɑ, pɑ́Ꞌ mɔ yɑ́ɑ ŋ kɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, Tɑ̌ɑ mɔ ɡɛ n nɑ́ŋ nǔu kɔꞋ-nɛfɔɔ nɛjɔ́ŋ yɛ́ lɑ́.