Jɑ̂ŋ 14:2 - Kɑɑ Fí

² MɛzʉꞋ nɛnɑ́ŋ ndɑ́-Tɑ̌ɑ mɔ tɛ ńzɑ́ɑ. Mɔ ŋ́ɡʉ ńniitɛ zʉꞋ yʉ́ʉ. Ɛ́ lɑ́Ꞌ mbɔɔ pɔ́Ꞌɔ pɔ́, mbɔ ŋ kɑ́ sẅíi wʉ́ʉ ŋɡɔ mɔ ŋ́ɡʉ ńniitɛ zʉꞋ yʉ́ʉ pɔ́.

Jɑ̂ŋ 14:2 Кръстосани препратки

Lúkɑ́shi 14:22

A ɡʉ tɛ ḿbɛn, ńcú mbɔ̌ tɑ́t wɛ ŋɡɔ: «Tɑ̌ɑ mɔ, ŋ ɡɛ yúu mi ɔ lɑ́Ꞌnɛ ńcú, n níꞋ mɔ́ pʉɔ ndɑ́, lɑ́ zʉꞋ pɛ́t pɔ ɡú.»

Jɑ̂ŋ 13:33

Mbɔ́ŋkʉ̈ɔ́ pɑ́ɑ, pɛkŋɛ kɛ́ pɛn ńnɑ́ŋ tɛ ntí sɑk pɔ́. Pʉʉ ɡʉ ŋ́ɡɛ ḿbɔ́ kɑ́t ńdɔɔ wɑ́ɑ pɑ́Ꞌ ŋ kɑ cúnɛ mbɔ̌ Pɑyúdɑ ŋɡɔ: «ZʉꞋ yí ŋ ɡʉnɛ nɛ́ zúꞋu, pʉʉ kɛ́ kuꞋ nɛtɔ́ zúꞋu pɔ́. Mɔ ḿbɛn ńcú yîyɑ́ nu mbɔ̌ pʉʉ ŋkɔ̂ɔnɛ.»

Jɑ̂ŋ 13:36

Símɔ̂ŋ Pyɛ̂ píkŋɛ wɛ́ ŋɡɔ: «Tsɑpʉɔ, ɔ ɡʉ pɔ nɛ́ ɡɔ́.» Yɛ́su tsɔ́Ꞌ mbɔ̌ wɛ́ ŋɡɔ: «ZʉꞋ yí ŋ ɡʉnɛ nɛ́ zúꞋu, ɔ kɑ́ kuꞋ nɛcʉ́ɔ nzʉʉ mɔ ŋkɔ̂ɔnɛ pɔ́. Ɔ ɡʉ ńtɑ́ɑ lɑ ńcʉ́ɔ nzʉʉ mɔ.»

Jɑ̂ŋ 14:28

Pʉʉ zúꞋ pɑ́Ꞌ n cúnɛ ŋɡɔ: «Mɔ ŋ́ɡʉ lɑ ḿbɛn ḿbɛn nzʉʉ ńjʉ́ɔ wʉ́ʉ. Pʉʉ kɛ́ ḿbɔ́ pɛ́Ꞌnɛ ḿbɔ́ ŋ́kɔŋ wɑ́ɑ, mbɔ pʉʉ ńtsɑ́ɑtɛ tsɑ́ɑtɛ́nɛ pɑ́Ꞌ ŋ ɡʉnɛ nɛ́ nɛjɔ́ŋ Tɑ̌ɑ, mbíꞋŋɡɔ Tɑ̌ɑ ɡúꞋ ńtsɑ wɑ́ɑ.»

Jɑ̂ŋ 16:4

Lɑ́, ŋ kɛ́ ḿbiitɛ ɛ́sẅíi wʉ́ʉ, lɑ́ ŋkɑ́ ɛ̂yɑ́ ɡɛ ḿbɔ́, pʉʉ kẅíitɛ ŋɡɔ ŋ kɑ zɛɛ ɛ́sẅíi wʉ́ʉ. Ŋ kɑ ɡɔ́ ńzɛ, mbɔɔ sẅíi wʉ́ʉ nɛ́ yɔ nu pɔ́, mbíꞋŋɡɔ ŋ kɑ pɛ́t tsɛtsɛt pʉʉ.

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

ŊwɑꞋnɛ-Gɑŋntúu Yɛ́su Kɛlístɔ 9:16

KwɑꞋ mɔ ŋ ɡʉ ńzɛɛ ŋ́ɡɛ ŋɡɔ, ɑ jí ndɛn ŋɡʉ̈ɔ́Ꞌ yi ɑ ɡʉ ńjʉ́ɔ ntɛ́ nu yɑ́ɑ.»

2 Kɔlɛ̂ŋtɛ 5:1

Pɛk zɛɛ ḿbɔ́ ńjí ŋɡɔ ntɑp wɔ ẅi pɛkŋɛ tsɛtú, ɛ́ pɔ́ mbʉʉ yɛkŋɛ lɑɑnɛ, ɛ́ lɑɑ ńzɛɛ ḿbɔ́ yɛcɔ́ lɛ́Ꞌ ŋ́kɛmɛ kɛmɛ́nɛ, mbɔ pɛkŋɛ ɡẅɛɛ ndɑ́ tʉ́nɛ́pú, ɛ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú. Pʉɔmɛ́sɔŋ ŋkɑɑnɛ pɔ́ɔ, Sɛ́ kɑ pɔ́ɔnɛ.

1 Tɛsɑlɔník 5:9

Sɛ́ ŋkɑɑ zɛɛ ńtsɔ́Ꞌ wɛkŋɛ pɔ nɛzɑ́ŋ lɔ́ŋ nǔu pɛkŋɛ, pɛkŋɛ jʉ́ɔ ŋɡʉ̈ɔ́Ꞌ pɔ́, ɑ kɑ tsɔ́Ꞌ wɛkŋɛ pɔ nɛɡɛ pɛkŋɛ lɛɛ nzʉʉ Tsɑpʉɔ wɛkŋɛ Yɛ́su Kɛlístɔ ŋ́ɡẅɛɛ luk.

Tîtɛ 1:2

Pɔ́Ꞌɔ, mbɔ pɔ́p ńnɑ́ŋ ḿbɔ́ ńzẅíꞋlɛ luk kɛ́mɛ yi Sɛ́ kɑ lɑ́Ꞌ ḿbɛ́t pɔ kɛ́ puꞋ ŋɡɔŋ, ŋ́kɑꞋ mbɔ̌ pʉɔ pɛ́. Pɛ́ jí ŋɡɔ ɑ lɔ̌ɔ ńcú nu pɛ́ lɔɔ kɛ́kɑ́ŋ pɔ́.

Ɛ́bɛlʉʉ 11:10

Ábɛlɛhɑ̂m kɑ ɡɛ pɔ́Ꞌɔ, mbíꞋŋɡɔ ɑ kɑ pɔ́ ńzẅíꞋlɛ tʉ́sɔŋ yi ɛ́ ɡẅɛɛ cʉ́ yi ɛ́ tɛn tɛnnɛ. Sɛ́ nɛ́ túmbʉʉ yɛ́ jínɛ pɑ́Ꞌ yîyɑ́ tʉ́sɔŋ ɡʉ ŋ́ɡɛ ḿbɔ́, jʉ́ nɛ́ túmbʉʉ yɛ́ pɛnnɛ ŋ́kút.

Ɛ́bɛlʉʉ 13:14

MbíꞋŋɡɔ tʉ́sɔŋ yɛkŋɛ yɛ́ ndǔ tsɛ́tsɑ́Ꞌ zɑꞋnɛ kɑ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú pɔ́, lɑ́ pɛkŋɛ kɛ́ ḿbɔ́ ńdɔɔ yi ɛ́ ŋ́ɡɛ lɑ ńtɔ́.

Ɛ́bɛlʉʉ 6:20

MbíꞋŋɡɔ Yɛ́su kɑ piitɛ ŋ́kúu zúꞋu mbíꞋ wɛkŋɛ. A pɛn ḿbɔ́ zúꞋu ŋkɔ̂ɔnɛ, ḿbɔ́ NɔŋpɔꞋ wɛkŋɛ wɛ ɡwɛ́, nǔu mɛŋɡuꞋ mɛŋɡuꞋ, nǔu ntɛ́ yɛ́ Mɛlkisɛdɛk.

Ɛ́bɛlʉʉ 9:8

Zẅikŋɛ Lɛ́ɛnɛ́nɛ kɑ pɔ́ ńdɔk pɔ́Ꞌɔ, nyɛt ŋɡɔ wɔ nduŋmbi ntɑp lɑɑ ŋ́kɛ́ ńdɑ́Ꞌ ḿbɛ́t ḿbɔ́ pɔ ɡú, mbɔ sɛ̂ndúŋ nɛtɔ́k tɛ ŋ́kúu nǔu kwɑꞋ zʉꞋ yi Sɛ́ zúꞋu, kɛ́ tsɔ́Ꞌnɛ pɔ́.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.

Mɛnu ɛ́ ńdɑ́Ꞌ ńcẅɛt 21:2

M bɛn ńjʉ́ɔ tʉ́sɔŋ Lɛ́ɛnɛ́nɛ, Yɛlúsɑlɛm yi fí, pɔ́ ɛ́fú nɛjɔ́ŋ Sɛ́ ḿpfúu, ḿbɔ́ pɑ́Ꞌ nzwɛ́ŋɡʉʉ ẅí ɑ kẅiinɛ mbʉʉ yɛ́ ḿbɔ́ ńzẅíꞋlɛ ndúu mɛ lɑ́.

Mɛnu ɛ́ ńdɑ́Ꞌ ńcẅɛt 3:12

Ŋu ẅí ɑ ɡʉ ńdʉ̈ɔ́Ꞌ ntsɔ tɛ ńdɛɛ nu kɛpɔŋ, ŋ ɡʉ ŋ́ɡɛ ńdɔk ŋɡɑŋ tík ntɔ́ɔ nǔu zʉꞋ-nɔŋpɔꞋ-Sɛ́ wɑɑ, ŋɡɑŋ pɔɔ lɑ́Ꞌ ɛ́fú zúꞋu, ŋ́ɡʉ nǔu yɛcɔ́ zʉꞋ pɔ́. Ŋ ɡʉ ŋ́ɡɛ ŋ́ŋwɑꞋnɛ lík-Sɛ́ wɑɑ nǔu ŋɡɑŋ, ḿbɛn ŋ́ŋwɑꞋnɛ lík-tʉ́sɔŋ-Sɛ́ wɑɑ nǔu ŋɡɑŋ. Yîyɑ́ tʉ́sɔŋ pɔ́ Yɛlúsɑlɛm yɛ fí yi ɛ́ fúnɛ tʉ́nɛ́pú, nɛjɔ́ŋ Sɛ́ wɑɑ, ńcúŋ. Ŋ ɡʉ ḿbɛn ŋ́ŋwɑꞋnɛ mbɑ lík yɑ́ɑ yi fí nǔu ŋɡɑŋ.

Mɛnu ɛ́ ńdɑ́Ꞌ ńcẅɛt 3:21

Ɛ́ ɡʉ ŋ́ɡɛ ŋ́ɡʉ nǔu ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ŋ ɡɛ ɑ nɑ́ŋ nǔu kɔꞋ-nɛfɔɔ nɛjɔ́ŋ yɑ́ɑ, pɑ́Ꞌ mɔ yɑ́ɑ ŋ kɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, Tɑ̌ɑ mɔ ɡɛ n nɑ́ŋ nǔu kɔꞋ-nɛfɔɔ nɛjɔ́ŋ yɛ́ lɑ́.