Jɑ̂ŋ 13:8 - Kɑɑ Fí

⁸ Pyɛ̂ cú mbɔ̌ wɛ́ ŋɡɔ: «Zɑŋ yɑ́ɑ, ɛ́ lɑɑ ḿbɔ́ ɔ pɔɔ mɛku mɑ́ɑ ɛ́suk.» Yɛ́su tsɔ́Ꞌ mbɔ̌ wɛ́ ŋɡɔ: «N dɑɑ mbɔɔ ɛ́suk, mbɔ pûu kɛ́ pɛn ḿbɔ́ nǔu yɛcɔ́ nu pɔ́.»

Jɑ̂ŋ 13:8 Кръстосани препратки

Mɑtʉ̈ɔ 16:22

Pyɛ̂ ɡɔ́ɔ ŋ́kɛ́ ɛ́fúŋ wɛ́ ntsɛm, ńzɛ nɛkɑkŋɛ wɛ́, ńcú mbɔ̌ wɛ́ ŋɡɔ: «Tsɑpʉɔ, kɔɔ Sɛ́ pɛ́m yîyɑ́ ntɛ́ nu ɡɛ wú! Mbɔ ɛ́ pɔɔ pɔ́ pɔ́Ꞌɔ pɔ́.»

Mɑtʉ̈ɔ 21:29

A pʉ̈ɔt ŋɡɔ: «N dʉꞋ.» Ḿbɛn ńnɑ́ŋ, ŋ́kíi yúu mi ɑ lɑ́Ꞌnɛ ŋ́ɡɛ ɑ cú pɔ́Ꞌɔ, ŋ́ɡʉ nɛ́ ŋkɑ́Ꞌ.

Mɑtʉ̈ɔ 26:33

Pyɛ̂ cú mbɔ̌ wɛ́ ŋɡɔ: «Pɛcɔ́ pʉɔ lɑɑ ḿmɛꞋ wú ŋ́kʉɔ pɛtsʉʉ, mbɔ ɛ́ lɑɑ ḿbɔ́ m bɔɔ wú mɛꞋ.»

Mɑtʉ̈ɔ 26:35

Pyɛ̂ cú mbɔ̌ wɛ́ ŋɡɔ: «Pɛ́ lɑɑ ńzɛɛ ńtɛmtɛ wûu ḿbɔ́ ńdɔk ŋ́ɡʉ pɔ nɛjẅí, mbɔ ɛ́ lɑɑ ḿbɔ́ m bɔɔ wú muŋɛ!» PfuꞋ ɡɑŋku pɛ́ pɛtsʉʉ pɛn ńcú yɔ́p pɔ pɔ́Ꞌɔ.

Jɑ̂ŋ 13:6

Ŋ́ɡʉ tɛ ŋ́kúu nǔu Símɔ̂ŋ Pyɛ̂, ɑ cú mbɔ̌ wɛ́ ŋɡɔ: «Ndɛ ɡʉnɛ ɛ́suk mɛku mɑ́ɑ!»

Jɑ̂ŋ 13:9

Símɔ̂ŋ Pyɛ̂ cú mbɔ̌ wɛ́ ŋɡɔ: «Ɛ́ lɑɑ ḿbɔ́ pɔ́Ꞌɔ, mbɑ̌ɑ Ndɛ, kɔɔ suk pɔ ndɑꞋ mɛku mɑ́ɑ, ɔ tɛmtɛ ɛ́suk mbɔ́ mɑ́ɑ pɔ́p tú yɑ́ɑ.»

Jɑ̂ŋ 3:5

Yɛ́su pʉ̈ɔt ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ kúu tsɛt nu-nɛfɔɔ-Sɛ́ kɛ́ pɔ́ yi ɑ lɛɛ nǔu ŋki, mbɑ Zẅikŋɛ Lɛ́ɛnɛ́nɛ lɑ pɛ́ pí wɛ́ fí fí pɔ́.

ŊwɑꞋnɛ-Gɑŋntúu Yɛ́su Kɛlístɔ 22:16

Ɔ ŋkɔ̂ɔnɛ ḿbɛ́t ńzẅíꞋlɛ kʉ̈ɔ́. Lɔ sɛ́ ńtɔ́ pɛ́ lɔk lík yɛ́ ńnuꞋ wú ŋki, ńdɔk ɛ́suk mɛnu kɛpɔŋ mú.»

1 Kɔlɛ̂ŋtɛ 6:11

Ɛ́ pɑ́Ꞌ pɛcɔ́ pʉɔ tsɛtsɛt pʉʉ kɑ zɛɛ ḿbɔ́ pɔ́Ꞌɔ. Lɑ́ Sɛ́ kɑ suk mîmɑ́ mɛnu nǔu pʉʉ, ńdɔk wʉ́ʉ ŋ́ɡɛ pʉɔ pɛ́. Sɛ́ wɛkŋɛ kɑ lɔk Zẅikŋɛ yɛ́ ŋ́ɡɛ pʉʉ tsʉ́Ꞌ ḿbɔ́ pɔ pʉɔ pi pɔ́p ndʉ́ŋndʉŋ mbi yɛ́ ntɛ́ Tsɑpʉɔ Yɛ́su Kɛlístɔ. Pʉʉ ɡẅɛɛ mbʉʉ yʉʉ lɑ ńjí ŋɡɔ pʉʉ ńdɔk ŋ́ɡúꞋlɛ Tsɑpʉɔ.

Ɛ́fɛ̂zɛ 5:26

ŋ́ɡɛ pɔ́Ꞌɔ, ńdɔk ɛ́fɑk cúꞋlɛ yɛ́ ŋ́ɡɑ́ mbɔ̌ Sɛ́. Ɛ́ ɡɔ́ ḿbɔ́, mbɔ ɑ lɔk ŋki ɛ́suk wɔ́p, ḿbɛn ńdɔk sẅiŋɛ ńcẅɛɛtɛ lɔ́Ꞌ nǔu pɔ́p.

Kɔlɔsíyɛ̂ŋ 2:18

Pʉʉ pɑ́ɑ pɑ́Ꞌ mbɔ pɛcɔ́ pʉɔ tɔ́ ɛ́fúklɛ wʉ́ʉ pʉʉ pɛ́ tsɔ́ꞋfɑꞋ-ntsɔ yi Kɛlístɔ kɑ jʉ́nɛ ŋ́ɡɑ́ mbɔ̌ pʉʉ. N dɑꞋ pʉɔ pi pɔ́p cúnɛ ŋɡɔ pɔ́p ɡɑ́ mbʉʉ yɔp sɛ́ tɛꞋ, ḿbɔ́ pʉɔ pi pɔ́p ɡúꞋlɛ́nɛ pɛcʉ̈ɔ́Ꞌ-Sɛ́. Pɔ́p pɛn ńdɔk yúu mi pɔ́p cúnɛ ŋɡɔ Sɛ́ níɛꞋ mík mɔ́p pɔ́p jʉ́ɔ ńdɔk ŋ́ŋɑ́Ꞌtɛ níinɛ. Pîpɑ́ pʉɔ ɡẅɛɛ pɔ kwɑŋɛ-pʉɔmɛsɔŋ, ŋ́ɡɛ pɔ́p pɛ́m pɔ mɛ́m.

Kɔlɔsíyɛ̂ŋ 2:23

Ɛ́ nɛ́nẅín mɔ mɛnu fí njʉ̈ɔ̌ ɛ́ pɔŋ tɛꞋ lɑ́, mbíꞋŋɡɔ ɛ́ píkŋɛ nɛɡúꞋlɛ Sɛ́, ŋ́ɡɑ́ mbʉʉ sɛ́, ńnyɛt mbʉʉ nɛ́ ŋɡʉ̈ɔ́Ꞌ. Lɑ́ mîmɑ́ mɛyúu mbɔ ɛ́ pɔɔ cẅɛ́lɛ́ nǔu yɛcɔ́ yúu pɔ́. Ɛ́ cẅɛ́lɛ́ pɔ ndɑꞋ nɛɡɛ yúu mi ŋumɛsɔŋ kɔŋnɛ.

Tîtɛ 3:5

ɑ ɡɛ pɛkŋɛ luk. A ɡɛ pɔ́Ꞌɔ ɛ́ pɔɔ pɔ́ ŋɡɔ pɛkŋɛ ɡɛ mɛnu mi ɛ́ tʉ́ʉnɛ ndʉ́ŋndʉŋ pɔ́, lɑ́ ɛ́ mbíꞋŋɡɔ ɑ tsɑ́ɑ mɛjʉ́ŋ mɛkŋɛ. A kɑ suk mɛnu kɛpɔŋ mɛkŋɛ, ńdɛɛ nǔu Zẅikŋɛ Lɛ́ɛnɛ́nɛ ŋ́ɡɛ pɛ́ pí wɛkŋɛ nɛpí wɛ fí.

Ɛ́bɛlʉʉ 10:22

Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.

Mɛnu ɛ́ ńdɑ́Ꞌ ńcẅɛt 7:14

N tsɔ́Ꞌ ŋɡɔ, Ndɛ, ɡu jínɛ. A cú ŋɡɔ pɔ́p pʉɔ pi pɔ́p fúnɛ tsɛt mɑ́mɑ́ ŋɡʉ̈ɔ́Ꞌ yɑ́. Pɔ́p kɑ lɔk mɛci-mɔ́ɔ-Njinjɔ, ɛ́suk mɛndẅí mɔ́p tɛ ɛ́ lɛ́ɛnɛ, ńtsʉ́Ꞌ fúfú.