Jɑ̂ŋ 13:5 - Kɑɑ Fí

⁵ Ŋ́ɡɛ pɔ́Ꞌɔ, ńníꞋ ŋki tsɛt kɑ́ŋ, ńzɛ nɛlɔk ɛ́suk mɛku ɡɑŋku pɛ́, ńdɔk tɑ́wɛtɛ ẅí ɑ kɑ zʉ́ʉnɛ lúꞋ yɛ́ ńtuk.

Jɑ̂ŋ 13:5 Кръстосани препратки

Lúkɑ́shi 7:38

ŋ́kúu ndɑ́, ńtʉ́ʉ nzʉʉ Yɛ́su, nɛjɔ́ŋ mɛku mɛ́, ńzɛ nɛkíi, ŋ́kíi kíinɛ tɛ ŋki-mík mɛ́ cẅɛt ńcʉ̈ɔ́tɛ nǔu mɛku-Yɛ́su. Pɛ́ pɔ́ ńjʉ́ɔ mɑŋɡɛ́ ɛ̂wɑ́ pɔ́ ńdɔk, ńtɑ́ɑ ɛ́sɛntɛ, ńdɔk lɑmɛ́ndɑɑ yîyɑ́ ńzɔ́Ꞌ.

Lúkɑ́shi 7:44

Ḿbɛn ɛ́shɔtnɛ, ńdíŋɛ mɑŋɡɛ́ ɛ̂wɑ́, ḿbɛn ńcú mbɔ̌ Simɔ̂ŋ ŋɡɔ: «Ɔ sɛ́ ńjʉ́ɔ mɑŋɡɛ́ wɔ? Mɔ ńdɑ́Ꞌ mɔ́ ŋ́kúu ndɑ́ zɑ́Ꞌnɛ, ɔ pɔɔ ɡɑ́ wɑ́ɑ ŋki n dɔk suk mɛku pɔ́, lɑ́ mɑŋɡɛ́ wɔ lɔknɛ ŋki mík mɛ́ suk mɛku mɑ́ɑ, ḿbɛn ńdɔk mɛnuk-tú mɛ́ ńtuk.

Jɑ̂ŋ 13:10

Yɛ́su cú mbɔ̌ wɛ́ ŋɡɔ: «Ɛ́ kɑ́ pɔ́ ḿbíkŋɛ ŋɡɔ pɛ́ pɛn ɛ́suk mbʉʉ ŋu ẅí ɑ suk mɔ pɔ́, (ńdíꞋ ndɑꞋ mɛku mɛ́). MbíꞋŋɡɔ ŋɡɑŋ ńdɛ́ɛnɛ mɔ́. Pʉʉ pɑ́Ꞌɑ, mbɔ mbʉʉ yʉʉ lɛɛnɛ, lɑ́ ɛ́ kɑ́ pɔ́ yʉʉ pɛtsʉʉ pɔ́.»

Jɑ̂ŋ 13:6

Ŋ́ɡʉ tɛ ŋ́kúu nǔu Símɔ̂ŋ Pyɛ̂, ɑ cú mbɔ̌ wɛ́ ŋɡɔ: «Ndɛ ɡʉnɛ ɛ́suk mɛku mɑ́ɑ!»

Jɑ̂ŋ 13:8

Pyɛ̂ cú mbɔ̌ wɛ́ ŋɡɔ: «Zɑŋ yɑ́ɑ, ɛ́ lɑɑ ḿbɔ́ ɔ pɔɔ mɛku mɑ́ɑ ɛ́suk.» Yɛ́su tsɔ́Ꞌ mbɔ̌ wɛ́ ŋɡɔ: «N dɑɑ mbɔɔ ɛ́suk, mbɔ pûu kɛ́ pɛn ḿbɔ́ nǔu yɛcɔ́ nu pɔ́.»

Jɑ̂ŋ 19:34

Lɑ́ wɛcɔ́ tɑ́Ꞌ nǔu pɑlʉ̈ɔ́Ꞌntsɔ lɔk nɛkɔŋ, ɛ́sɔp ɡúŋ-ŋɡíi-Yɛ́su. Mɛci pɔ́p ŋki ɡɔ́ɔ ńcẅɛt zúꞋu.

ŊwɑꞋnɛ-Gɑŋntúu Yɛ́su Kɛlístɔ 22:16

Ɔ ŋkɔ̂ɔnɛ ḿbɛ́t ńzẅíꞋlɛ kʉ̈ɔ́. Lɔ sɛ́ ńtɔ́ pɛ́ lɔk lík yɛ́ ńnuꞋ wú ŋki, ńdɔk ɛ́suk mɛnu kɛpɔŋ mú.»

1 Kɔlɛ̂ŋtɛ 6:11

Ɛ́ pɑ́Ꞌ pɛcɔ́ pʉɔ tsɛtsɛt pʉʉ kɑ zɛɛ ḿbɔ́ pɔ́Ꞌɔ. Lɑ́ Sɛ́ kɑ suk mîmɑ́ mɛnu nǔu pʉʉ, ńdɔk wʉ́ʉ ŋ́ɡɛ pʉɔ pɛ́. Sɛ́ wɛkŋɛ kɑ lɔk Zẅikŋɛ yɛ́ ŋ́ɡɛ pʉʉ tsʉ́Ꞌ ḿbɔ́ pɔ pʉɔ pi pɔ́p ndʉ́ŋndʉŋ mbi yɛ́ ntɛ́ Tsɑpʉɔ Yɛ́su Kɛlístɔ. Pʉʉ ɡẅɛɛ mbʉʉ yʉʉ lɑ ńjí ŋɡɔ pʉʉ ńdɔk ŋ́ɡúꞋlɛ Tsɑpʉɔ.

Ɛ́fɛ̂zɛ 5:26

ŋ́ɡɛ pɔ́Ꞌɔ, ńdɔk ɛ́fɑk cúꞋlɛ yɛ́ ŋ́ɡɑ́ mbɔ̌ Sɛ́. Ɛ́ ɡɔ́ ḿbɔ́, mbɔ ɑ lɔk ŋki ɛ́suk wɔ́p, ḿbɛn ńdɔk sẅiŋɛ ńcẅɛɛtɛ lɔ́Ꞌ nǔu pɔ́p.

1 Timɔtɛ́ɛ 5:10

Ɛ́ píkŋɛ ŋɡɔ ɑ pɔ́ ẅí pʉɔ sɛ́ ḿbɛ́m wɛ́ mbíꞋ mɛfɑꞋ sʉ́Ꞌnɛ mɛ́, ɑ pɔ́ ẅi ɑ cúꞋlɛ́nɛ mbɔ́ŋkʉ̈ɔ́ pɛ́ sʉ́Ꞌnɛ, ḿbɔ́ ẅi ɑ ŋ́kúkŋɛ́nɛ pɛɡʉʉ njɛ́Ꞌ yɛ́, ẅí ɑ ɛ́suknɛ mɛku-pʉɔ-Kɛlístɔ, ḿbɔ́ ẅi ɑ ńcẅɛ́lɛ́nɛ pɛɡɑŋŋɡʉ̈ɔ́Ꞌ, ḿbɛn ḿbɔ́ ẅi ɑ ɡɛnɛ pɔ nu sʉ́Ꞌnɛ.

Ɛ́bɛlʉʉ 10:22

Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.

1 Jɑ̂ŋ 1:7

Lɑ́ ŋ́kɛ́ ḿbɔ́ yi pɛkŋɛ lɑɑ ḿbɔ́ ńnɛn nǔu zʉꞋ fúknɛ pɑ́Ꞌ jʉ́ nɛ́ tú yɛ́ nǔu zʉꞋ-fúknɛ lɑ́, mbɔ pɛkŋɛ ɡʉ ńtɛmtɛ ŋ́ɡẅɛɛ tɑ́Ꞌ ntsu tsɛtsɛt pɛkŋɛ, mɛci-Mɔ́ɔ nɛ Yɛ́su suk wɛkŋɛ nǔu nu kɛpɔŋ tsʉʉ.

1 Jɑ̂ŋ 5:6

Pɛ́ lɑ́Ꞌ Yɛ́su Kɛlístɔ ẅí ɑ kɑ tɔ́nɛ, pɛ́ nuꞋ wɛ́ tsɛt ŋki, ɑ ɡɛ ńtsẅɛt mɛci mɛ́, pɛ́ ŋkɑɑ nuꞋ wɛ́ pɔ ndɑꞋ tsɛt ŋki pɔ́, pɛ́ kɑ nuꞋ wɛ́ tsɛt ŋki, mbɑ tsɛt mɛci. Zẅikŋɛ-Sɛ́ nǔu ḿbɔ́ jʉ́njʉ́ɔ ŋɡɔ ɛ́ nu nɛ́nẅín. Zẅikŋɛ-Sɛ́ zɛɛ ḿbɔ́ pɔ nɛ́nẅín,

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.

Mɛnu ɛ́ ńdɑ́Ꞌ ńcẅɛt 7:14

N tsɔ́Ꞌ ŋɡɔ, Ndɛ, ɡu jínɛ. A cú ŋɡɔ pɔ́p pʉɔ pi pɔ́p fúnɛ tsɛt mɑ́mɑ́ ŋɡʉ̈ɔ́Ꞌ yɑ́. Pɔ́p kɑ lɔk mɛci-mɔ́ɔ-Njinjɔ, ɛ́suk mɛndẅí mɔ́p tɛ ɛ́ lɛ́ɛnɛ, ńtsʉ́Ꞌ fúfú.