Jɑ̂ŋ 13:21 - Kɑɑ Fí

²¹ Yɛ́su cú pɔ́Ꞌɔ, lɛ́m yɛ́ sɑ́ɑnɛ tɛꞋ, ɑ sɑ́ɑnɛ sɑ́ɑnɛ́nɛ ńcú ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, wɛcɔ́ tɑ́Ꞌ ŋu nǔu pʉʉ ɡʉ ɛ́fɛn wɑ́ɑ.»

Jɑ̂ŋ 13:21 Кръстосани препратки

Mɑtʉ̈ɔ 26:21

Pɔ́p pɔ́ ŋ́kwɛ́t yúu, Yɛ́su cú ŋɡɔ: «Ɛ sẅíi wʉ́ʉ, kwɑꞋ nɛ́nẅín, wɛcɔ́ tɑ́Ꞌ ŋu tsɛtsɛt pʉʉ ɡʉ ɛ́fɛn wɑ́ɑ.»

Mɑtʉ̈ɔ 26:38

ŋ́ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Tʉ́m yɑ́ɑ pɑ́Ꞌɑ ḿbɔ́ ḿmʉk pɔ nǔu ntɛ́ yi ḿbɔ́ m pfú pfúnɛ. Pʉʉ nɑ́ŋ zɑꞋnɛ, ḿbɑ́ɑ ŋu wɛkŋɛ nɛmɛꞋ mbʉʉ yɛ ńdɛ́,»

Mɑ́lɛ́kúshi 14:18

Ńnɑ́ŋ sɛ́, ńzɛ nɛjʉ́ yúu. Yɛ́su cú ŋɡɔ: «Ɛ sẅíi wʉ́ʉ, kwɑꞋ nɛ́nẅín, wɛcɔ́ tɑꞋ ŋu tsɛtsɛt pʉʉ ɡʉ fɛn wɑ́ɑ, tɛ ḿbɔ́ pɔ ŋu ẅí pɛknɛ tɛmtɛ kɑ́ŋ.»

Mɑ́lɛ́kúshi 3:5

Yɛ́su mɑꞋ mík ńdɔk ńdíŋɛ wɔ́p wɛ́mɔ́Ꞌ wɛ́mɔ́Ꞌ, ńzɑ́ŋ lɔ́ŋ, mbʉʉ yɛ pɔ́ citɛ mbíꞋ tʉʉ tú yɔ́p, ɑ cú mbɔ̌ ŋu mbɛ́ɛnɛ ɛ̂wɑ́ ŋɡɔ: «Sɛn pɔ́ yú!» A sɛn. Pɛ́ jʉ́ɔ ɛ́ tɛntɛ.

Jɑ̂ŋ 11:33

Yɛ́su jʉ́ɔ pɑ́Ꞌ ɑ sɛ́ ńdɑɑ, pɑyúdɑ pínɛ pɔ́p pɛ́ pɔ́p tɛmtɛnɛ ńtɔ́ pɛn ḿbɔ́ ńdɑɑ yɔ́p, ńjẅi, mbʉʉ yɛ kẅiꞋ citɛ.

Jɑ̂ŋ 11:35

Yɛ́su lɑɑ.

Jɑ̂ŋ 11:38

Yɛ́su pɛn ńjẅi, ŋ́ɡʉ zʉꞋ-nɛshi, ɛ́ pɔ́ yɛcɔ́ mvuꞋ zʉꞋ, mbɔ pɛ́ kɑ lɔk ŋɡɔꞋ ńjʉ́ɔꞋ ntsu wɛ́.

Jɑ̂ŋ 12:27

Yɛ́su pɛn ŋɡɔ: «Mɔ pɑ́Ꞌnɛ, mbɔ lɛ́m yɑ́ɑ sɑ́ɑnɛ. Ŋ ɡʉ ŋ́kɛ́ ńcú ŋɡɔ ku? N cú ŋɡɔ Tɑ̌ɑ mɔ ɡɛ n duk yɔ ŋkɑ́ kíi? Mɔ ḿbɔ́ ńzɛɛ ńtɔ́ ntɛ́ pɔ yɔ ŋkɑ́.»

Jɑ̂ŋ 13:18

Ŋ kɑ́ kɛ́ ńcú yɔ nu mbɔ̌ pʉʉ pɛtsʉʉ pɔ́, mɔ sɛ́ ńjí pʉɔ pí ŋ kɑ tsɔ́Ꞌnɛ wɔ́p. Lɑ́ ɛ́ pɔŋ ŋɡɔ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ puutɛ. Pɛ́ kɑ ŋwɑꞋnɛ ŋɡɔ ŋu ẅí pɛkŋɛ sɛ́ ńtɛmtɛ yúu pɛjʉ́ ńjʉ́ kɑ tsʉ́Ꞌnɛ ŋɡɑŋmbuu wɑɑ.

Jɑ̂ŋ 13:2

Ntsuŋkẅɛ́Ꞌ ɡɛ ḿbɔ́, pɔ́p pɛ́ pɔ́p nɑ́ŋ sɛ́ nɛjʉ́ yúu. Ɛ́ ɡɔ́ ḿbɔ́, mbɔ Sɑ́ttɑ lɑ́Ꞌ mɔ ńníꞋ kwɑŋɛ nɛfɛn Yɛ́su tsɛt tʉ́m Júdɑs Iskɑlyɔt, mɔ́ɔ-Símɔ.

Jɑ̂ŋ 13:22

Gɑŋku-Yɛ́su zúꞋ, mbɑ wɔ̌ lɑ́ shɔtnɛ ńdíŋɛ mɔ́ɔmɑ́ wɛ, pɔ́p pɔɔ jí ŋu ẅí ɑ lɑ́Ꞌ jʉ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 17:16

Pɔ̂l ɡɔ́ ḿbɔ́ ńzẅíꞋlɛ wɔ́p Atɛ̂n, ḿbɔ́ ŋ́kɑ́t ńjʉ́ɔ yúu ntɛ́ ntɛ́ yi pʉɔ-tʉ́sɔŋ ɛ̂yɑ́ ɡúꞋlɛnɛ ŋɡɔ ɛ́ mɛsɛ́. Ɛ́ zɑ́ɑ pɑ́ꞋtɛꞋ, mbʉʉ yɛ citɛ.

1 Jɑ̂ŋ 2:19

Gɑŋmbuu fú pɔ tsɛt cúꞋlɛ yɛkŋɛ ńcẅɛt ŋ́ɡʉ. Pɔ́p kɑ zɛɛ mbɔɔ pʉɔ pɛkŋɛ pɔ́. Pɔ́p kɑ pɔ́ pɛ́Ꞌnɛ ḿbɔ́ pʉɔ pɛkŋɛ, mbɔ pɔ́p kɑ ɡɔ́ŋ tsɛtsɛt pɛkŋɛ. Lɑ́, ɛ́ kɑ kɛ́ ḿbɔŋ ŋɡɔ ɛ́ cẅɛt pɔ pɔ́Ꞌɔ nǔu pɔ́p, mbɑ wɔ̌ lɑ́ jʉ́ɔ ŋɡɔ pɔ́p ŋ́kɑɑ pɔ́ pʉɔ pɛkŋɛ pɔ́,