Jɑ̂ŋ 13:20 - Kɑɑ Fí

²⁰ Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ŋ́kúkŋɛ ŋu ẅí n túunɛ wɛ́, mbɔ ɑ kúkŋɛ pɔ wɑ́ɑ. Ŋu ẅí ɑ pɛnnɛ ŋ́kúkŋɛ wɑ́ɑ, ɑ kúkŋɛ pɔ ŋu ẅí ɑ túunɛ wɑ́ɑ.

Jɑ̂ŋ 13:20 Кръстосани препратки

Mɑtʉ̈ɔ 25:40

Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»

Mɑ́lɛ́kúshi 9:37

«Ŋu lɔk lík yɑ́ɑ, ŋ́kúkŋɛ mɔ́yúu mɔ́ɔ pɑꞋ wɔ lɑɑ, mbɔ ŋɡɑŋ kúkŋɛ pɔ wɑ́ɑ. Ŋu pɛn ŋ́kúkŋɛ wɑ́ɑ, mbɔ ŋɡɑŋ kɑ́ kúkŋɛ pɔ ndɑꞋ wɑ́ɑ pɔ́, ɑ kúkŋɛ pɔ ŋu ẅí ɑ kɑ túunɛ wɑ́ɑ.»

Lúkɑ́shi 10:16

Yɛ́su pɛn ńcú mbɔ̌ ɡɑŋku pɛ́ ŋɡɔ: «Ŋu lɑɑ ḿbɛ́m sẅiŋɛ yʉ́ʉ, mbɔ ɑ pɛ́m pɔ sẅiŋɛ yɑ́ɑ. Ŋu lɑɑ ńdʉꞋ wʉ́ʉ, mbɔ ɑ lʉꞋ pɔ wɑ́ɑ, ńdɔk pɔ́Ꞌɔ, ńdʉꞋ ŋu ẅí ɑ kɑ ńtúunɛ wɑ́ɑ.»

Lúkɑ́shi 9:48

ńcú mbɔ̌ ɡɑŋku pɛ́ ŋɡɔ: «Ŋu lɑɑ ńdɔk lík yɑ́ɑ, ńdɔk ńcẅɛ́ɛ mɔ́yúu mɔ́ɔ wɔ, mbɔ ŋɡɑŋ cẅɛ́ɛ pɔ wɑ́ɑ. Ŋu pɛn ńcẅɛ́ɛ wɑ́ɑ, mbɔ ɑ kɑ́ cẅɛ́ɛ pɔ wɑ́ɑ ndɑꞋ pɔ́, ɑ cẅɛ́ɛ pɔ ŋu ẅi ɑ kɑ túunɛ wɑ́ɑ.» Pʉʉ jí sʉ́Ꞌnɛ ŋɡɔ ŋu ẅi ɑ tsɛtsɛt pʉʉ ḿbɔɔ nyɛt mbʉʉ yɛ pɔ́ pɔ́nɛ kwɑꞋ mɑ́ŋu.

Ŋɡɑlɑ̂t 4:14

Ɛ́ kɑ pɔ́ ŋkɑ́ ɛ̂yɑ́, mbɔ ɡɔɔ tswɑ́ɑ wɑ́ɑ tɛꞋ tɛ m bʉ́k. Lɑ́ pʉʉ kɛ́ mbɔɔ wɑ́ɑ níŋɛ, ŋ́kɛ́ mbɔɔ wɑ́ɑ mɛꞋ. Tɛ ńtsʉ́Ꞌ pɔ́Ꞌɔ, mbɔ pʉʉ kɑ kúkŋɛ wɑ́ɑ pɔ pɑ́Ꞌ Cʉ̈ɔꞋ-Sɛ́, kɛ pɔ pɑ́Ꞌ Yɛ́su Kɛlístɔ lɑ́.

Kɔlɔsíyɛ̂ŋ 2:6

Pɑ́Ꞌ pʉʉ kɑ pɛ́m mɔ́ ŋɡɔ Yɛ́su Kɛlístɔ Tsɑpʉɔ wʉ́ʉ lɑ́, ɛ́ sɛ́ ḿbíkŋɛ ŋɡɔ wʉ́ʉ nɛnɑ́ŋ pɔ́ pɑ́Ꞌ ɑ sɛ́ ŋ́kɔŋ.

1 Tɛsɑlɔník 4:8

Pɔ́Ꞌɔ lɑ́, ŋu ẅí ɑ zúꞋnɛ yɔ nu ńdʉꞋ, ɑ kɑ́ pɔ́ ńdʉꞋ pɔ ŋumɛsɔŋ pɔ́, ɑ lʉꞋ pɔ́p Sɛ́ ẅi ɑ kɑ ɡɑ́nɛ zẅikŋɛ lɛ́ɛnɛ́nɛ yɛ́ mbɔ̌ pʉʉ.